Morgunblaðið - 30.11.2002, Side 37

LISTIR
MORGUNBLAÐIÐ LAUGARDAGUR 30. NÓVEMBER 2002 37
SÝNINGIN Hraun-ís-skógur er
afrakstur samvinnuverkefnis Ís-
lands, Lapplands og Grænlands á
sviði myndlistarmenntunar. Mark-
mið verkefnisins var að tvinna sam-
an menningu norðlægra landsvæða,
veita dæmigerðri listrænni tjáningu
nútímans inn í daglegt líf barna og
unglinga og virkja samtímalistina til
stuðnings við aðferðir þeirra við að
tjá sig.
Hlutverk og ábyrgð foreldra og
skólakerfis er stöðugt til umræðu í
samfélaginu. Lengd viðvera í skól-
um, heitur matur í hádeginu, aukin
kennsla í lífsleikni – allt þetta stuðlar
að því að hlutverk foreldra í uppeldi
barna fer minnkandi, margir for-
eldrar vilja varpa æ meiri ábyrgð á
skólakerfið svo tími þeirra nýtist
betur til annarra starfa en uppeldis-
starfa. Einnig býður samfélagið for-
eldrum sem reyna að ná endum sam-
an oft ekki upp á annað en stopular
stundir með börnum sínum, eftir
langan vinnudag, langan skóla- og
leikskóladag. Um helgar bíða svo
þrif, þvottar, innkaup og útréttingar.
Allt þetta skilur ekki mikinn tíma
eftir til listsköpunar eða fjölskyldu-
ferða á listasöfn og sýningar, því
miður. Þó langar án efa marga for-
eldra að vekja áhuga barna sinna á
öðru en efnislegum hlutum og skóla-
kerfið og myndmenntakennarar
gera sitt besta innan þeirra tak-
marka sem þeim eru sett.
Margir listamenn hafa lagt
áherslu á gildi listkennslu, Magnús
Pálsson segir t.d. að listkennsla sé
listgrein út af fyrir sig. Hugmyndir
þýska listamannsins Joseph Beuys
um listkennslu voru framúrstefnu-
legar á sjöunda áratug síðustu aldar,
hann kenndi við
Listaakademíuna í Düsseldorf en
var á endanum rekinn fyrir að vilja
veita ótakmarkaðan aðgang að skól-
anum. Hann vildi líka leggja niður
listkennslu í því formi sem við þekkj-
um hana og finna henni þess í stað
farveg innan annarra námsgreina,
innan stærðfræðinnar, mannkyns-
sögunnar, móðurmálskennslunnar
osfrv. Vildi leggja áherslu á hinn
skapandi þátt á hverju sviði. Það er
vissulega langt í að slíkar hug-
myndir komist í framkvæmd, þó
hafði hann eitthvað til síns máls.
En þangað til við erum hvert
og eitt orðin skapandi þátt-
takendur í samfélaginu eins
og Beuys dreymdi um er það
ánægjulegt þegar einhver
reynir að stíga út fyrir þann
viðtekna ramma skólakerfis
og hversdags sem við þekkj-
um öll og gera meira, eins og
hér er gert.
Framgangsmáti verkefn-
isins var þannig að
undirbúningsfundir
voru haldnir á stöð-
unum þremur, Akur-
eyri, Rovaniemi og Nar-
saq. Verkefnið hófst
2001 með vinnu-
hópi
barna,
ung-
linga,
myndlistar-
kennara- og nem-
enda sem og starfandi
listamanna þar sem fjallað var um
viðfangsefnið hraun-ís-skógur. Af-
raksturinn var sýndur jafnóðum á
vefsíðum. Einn fjarfundur var hald-
inn með öllum þátttakendum. Sýn-
ingin sjálf var fyrst haldin í Lista-
safninu í Rovaniemi, nú á
Akureyri og opnar í Nor-
ræna húsinu í Reykjavík
15. mars 2003.
Á sýningunni eru
verk listnemenda og
listamanna hlið við
hlið. Henni er skipt
niður í þrjá hluta eft-
ir viðfangsefninu,
íslensku hrauni,
lappneskum
skógi og græn-
lenskum ís.
Verkin eru mörg
og ólík. Tré-
skúlptúrar Aðalheiðar S. Eysteins-
dóttur eru ákaflega lifandi og
skemmtilegir. Verk Ilonu Kivijarvi
eru sláandi sterk og lifa í minninu,
tengsl hennar við náttúruna byggj-
ast greinilega á tilfinningu fyrir hefð,
kunnáttu á handverki og sterkri sýn
sem einnig er komið til skila gegnum
nútímaleg efni. Leirker Sigríðar
Ágústsdóttur eru hefðbundnari en
falleg og vandlega unnin. Glerverk
Buuti Pedersen, Selir anda í gegnum
vök, eru mjög grípandi, verk sem
mann langar óskaplega að fara með
heim og eiga. Gústav Geir Bollason
sýnir samhverfur ljósmynda og
teikninga þar sem þetta tvennt spil-
ar saman á áhugaverðan hátt og mér
virðist vera mögulegur sterkur
grundvöllur stærri verka. Fullkomn-
ari framsetning væri verkum hans
án efa til góða. Loks ber að geta
frumlegra verka Stefáns Jónssonar
þar sem hann vitnar til eldri meist-
ara, verk hans eru húmorísk og búa
yfir einlægum og bernskum leik en
minna um leið m.a. á það hvernig
neyslumenning samtímans getur
endurunnið þekkt listaverk og gert
þau að klisjum.
Það kemur vel út að sýna verk
listamanna og nemenda samhliða. Á
sýningunni í Rovaniemi voru verkin
aðskilin en mér finnst það í anda
verkefnis sem þessa að gera hér ekki
upp á milli reynsluminni- og meiri.
Það var líka gaman að sjá myndband
um verkefnið og ég hefði alveg viljað
fá að sjá meira frá framkvæmd þess
eins og virðist hafa verið gert á fyrri
sýningunni með dagbókum og ljós-
myndum.
Ég vona að sem flestir kíki inn í
Listasafn Akureyrar áður en sýning-
unni lýkur. Allt sem verður á ein-
hvern hátt til þess að opna augu
nýrra kynslóða fyrir því hvað mynd-
listin getur verið skemmtileg og
hvað hún hefur margt að bjóða er af
hinu góða.
Að brjóta
ísinn
Ragna Sigurðardóttir
Verk Ilonu
Kivijärvi,
Neve, Nýfall-
inn snjór, 2000.
MYNDLIST
Listasafn Akureyrar
Til. 15. desember. Sýningin er opin alla
daga nema mánudaga frá kl. 12–17.
BLÖNDUÐ TÆKNI, LISTAMENN OG
LISTNEMENDUR FRÁ ÍSLANDI,
LAPPLANDI OG GRÆNLANDI
MORGUNBLAÐINU hefur
borist eftirfarandi athugasemd
frá Skúla Helgasyni útgáfu-
stjóra tónlist-
ardeildar
Eddu – útgáfu
hf.
„Í tilefni af
vandaðri gagn-
rýni Valde-
mars Pálsson-
ar um geisla-
diskinn Uppá-
haldslög í
flutningi Krist-
ins Sigmundssonar og Jónasar
Ingimundarsonar langar mig
fyrir hönd Eddu útgáfu hf. að
koma því á framfæri að þegar
hafa verið leiðrétt þau leiðu
mistök sem Valdemar vekur
máls á í sinni grein. Þar var um
að ræða að í bæklingi með
geisladiskinum láðist að geta
tónskálda þeirra sem eiga verk
á Uppáhaldslögum en einungis
var getið höfunda texta. Slík
handvömm er að sönnu óafsak-
anleg en tafarlaust var brugðist
við henni hjá útgáfunni þegar
mistökin urðu ljós. Prentaður
hefur verið nýr bæklingur og
skipt um í þeim geisladiskum
sem sendir eru í verslanir.
Þar með vonum við að þess-
um frábæru listamönnum sem
standa að útgáfunni hafi verið
sýndur sá sómi sem þeim að
sönnu ber. Allir hlutaðeigandi
eru beðnir afsökunar á þessum
leiðu mistökum.“
Aths. vegna
gagnrýni
um Uppá-
haldslög
Kristinn
Sigmundsson
NÝR sýningarsalur verður opn-
aður á Hverfisgötu 39 í dag, laug-
ardag, kl. 16. Salurinn er um 50
fm og nefnist Salur #39 við Hverf-
isgötu.
Sigríður Gísladóttir er fyrst til
að sýna verk sín í hinum nýja sal.
Yfirskrift sýningarinnar er Vörð-
ur og þemað er konur en Sigríður
hefur að undanförnu verið að
vinna „portret“ af konum.
„Fyrir nokkrum árum var ég
með sýningu sem hét Aflabrögð á
djúpmiðum, þar voru verk af kon-
um með feng sinn, fiska. Nú sýni
ég Vörður, „portret“ af konum
sem varða leiðina. Verkin eru um
30 og heita t.d. Landvörður,
Veiðivörður og Stigavörður,
myndir af konum í þessum stöð-
um, sema varða leiðina, í fortíð og
framtíð og eru Vörður,“ segir
Sigríður og bætir við að hún hafi
á sl. tveimur árum unnið þessi
verk.
Sigríður útskrifaðist úr málara-
deild 1993 frá MHÍ og hefur unnið
að myndlist meira og minna síðan.
Hún hefur haldið nokkrar einka-
sýningar svo og tekið þátt í sam-
sýningum.
Sýningin verður opin til 12.
desember frá kl. 13–18 alla daga.
Kristinn Jónsson opnar svo sýn-
ingu Sal #39 14. desemer.
Ein „Varðanna“ á sýningu Sigríðar
Gísladóttur.
Vörður í
nýju sýn-
ingarrými
Einföld
og áhrifarík
leið til
grenningar
Tilboð í
MOGGABÚÐIN
mbl.is