Morgunblaðið - 30.11.2002, Blaðsíða 33

SUÐURNES
MORGUNBLAÐIÐ LAUGARDAGUR 30. NÓVEMBER 2002 33
FORYSTUMENN Gerðahrepps
eru um þessar mundir að kynna
viðskiptahugmynd sem gengur út á
að byggja upp safnahús og veit-
ingaaðstöðu við Garðskagavita og
sumarhús til útleigu í Leiru. Er
þessi uppbygging talin skapa nýja
vídd í ferðaþjónustu í sveitarfé-
laginu og á Suðurnesjum í heild.
Garðskagi er einstök náttúru-
perla, sagði Sigurður Jónsson
sveitarstjóri í Garði þegar við-
skiptahugmyndin var kynnt á fundi
í golfskálanum í Leiru í fyrrakvöld.
Töluverður straumur ferðafólks er
þangað, meðal annars til fuglaskoð-
unar og annarrar náttúruupplifun-
ar. Sigurður sagði að einnig væri
fallegra í Leirunni en hægt væri að
ímynda sér við akstur eftir vegin-
um. Sveitarstjórinn sagði að
hreppsnefndin hefði haft áhuga á
að nýta sér þessar aðstæður til at-
vinnuuppbyggingar á sviði ferða-
þjónustu. Við þetta bætist að
byggðasafn Gerðahrepps á töluvert
safn muna sem ekki kemst fyrir í
núverandi húsnæði. Ákveðið var að
kanna möguleikana á að slá tvær
flugur í einu höggi, með því að
tengja saman uppbyggingu safna-
húss og ferðaþjónustu.
Sigríður Sigþórsdóttir hjá VA-
arkitektum var fengin til að koma
fram með hugmyndir að uppbygg-
ingu og nú hefur Ríkharður Ibsen
hjá RI-ráðgjöf skilað skýrslu um
viðskiptahugmyndina og var hún
kynnt í fyrrakvöld.
Einstakt safn véla
Hugmynd Sigíðar og samstarfs-
fólks hennar er að húsið verði lagt
inn í sjóvarnargarðinn á milli vit-
anna. Þar verði sýningarsalur fyrir
byggðasafnið, forsalur með veit-
ingaþjónustu og stoðrými í
tengslum við vitana á Garðskagatá.
Einnig er lagt til að byggð verði
tólf til tuttugu sumarhús til útleigu
í Leiru.
Byggðasafnið er hefðbundið sjó-
minjasafn en á auk þess einstakt
safn véla. Þá eru uppi hugmyndir
um að hafa muni sem tengjast
hafnarvitum. „Safnið hefur þá sér-
stöðu að þar er mögulegt að kynna
sér sögu svæðisins og um leið skoða
þessa einstöku safngripi á staðnum
þar sem örlög margra voru ráðin.
Auk þess er fyrirhugað að kynna
hið fjölskrúðuga fuglalíf staðarins,“
segir í skýrslu Ríkharðs.
Hann telur að skortur sé á áning-
arstöðum sem þessum sem hluta af
skipulögðum dagsferðum á Reykja-
nesi og gististökðum í sérbýli fyrir
fjölskyldur.
Áætlað er að uppbygging safna-
hús samkvæmt þeim drögum sem
nú liggja fyrir muni kosta um 177
milljónir kr. og að 100 milljónir til
viðbótar kosti að byggja sumarhús-
in. Gert er ráð fyrir að uppbygging
byggðasafnshlutans greiðist að
hluta úr safnasjóði og öðrum op-
inberum sjóðum. Ríkharður telur
mögulegt að starfsemin geti staðið
undir sér að nokkrum árum liðnum.
Þannig bendir hann á að 300 þús-
und manns fari um Reykjanesið á
ári hverju og áætlað sé að sá fjöldi
vaxi mjög á næstu árum. Ef 30%
þeirra séu taldir hugsanlegir við-
skiptavinir ferðaþjónustu á Garð-
skaga séu það 90 þúsund ferða-
menn. Rekstraráætlun hans gerir
ráð fyrir að á fyrsta ári komi þarna
við 11 þúsund manns en að eftir sjö
ár verði viðskiptavinirnir orðnir 18-
19 þúsund og að reksturinn muni
þá skila hagnaði.
Leita samstarfsaðila
Viðskiptahugmyndin verður
kynnt betur á næstunni. Ingimund-
ur Þ. Guðnason, oddviti Gerða-
hrepps, segir ljóst að sveitarfélagið
muni ekki gera þetta upp á eigin
spýtur og þurfi að leita samstarfs-
aðila. Skýrslan sé fyrsti liðurinn í
þeirri vinnu. Sigurður sveitarstjóri
segir að fjárlaganefnd Alþingis hafi
þegar veitt styrk til undirbúnings
safnahúss og vonast hann til að
framhald verði á því.
Kynnt hefur verið viðskiptahugmynd um byggingu
safnahúss á Garðskaga og sumarhúsa í Leiru
Skapar nýja vídd í ferða-
þjónustu á staðnum
Garður
Safnahúsið mun liggja lágt í landinu og verður lagt inn í sjóvarnargarðinn á milli vitanna á Garðskaga.
JOHAN D. Jónsson ferðamála-
fulltrúi er listamaður desem-
bermánaðar í Reykjanesbæ. Mynd
eftir hann, Karlinn, hangir uppi í
Kjarna, Hafnargötu 57, í Keflavík
út mánuðinn.
Mynd mánaðarins er kynning á
vegum menningarsviðs bæjarins á
myndlistarmönnum í Reykjanesbæ.
„Ég teiknaði mikið í gamla daga
og byrjaði á því aftur fyrir þremur
árum,“ segir Jóhan D. Hann segist
ekki hafa sinnt þessu áhugamáli
mikið, málað þó myndir eftir pönt-
unum og til tækifærisgjafa. „En nú
ætla ég að sækja í mig veðrið á
þessum vettvangi,“ segir hann.
Johan D. Jónsson er fæddur
1945 í Reykjavík en hefur búið í
Reykjanesbæ frá 1992. Hann starf-
ar sem ferðamálafulltrúi Suð-
urnesja. Hann hefur ferðast mikið
um svæðið og tekið fjölda ljós-
mynda sem notaðar hafa verið í
margs konar útgáfur í bækur og
rit. Nú hefur hann hafið vinnu við
verkefnið Reykjanes í litum. Mynd
desembermánaðar, pastelmyndin
Karlinn, er hluti af því verkefni, að
því er fram kemur í fréttatilkynn-
ingu frá menningarfulltrúa.
Johan D. sótti námskeið í Mynd-
lista- og handíðaskólanum í
Reykjavík á yngri árum og hefur
nú tekið upp aftur kynni sín af
myndlistinni. Hann hefur sótt nám-
skeið hjá Baðstofunni þar sem
kennt hafa t.d. Eiríkur Smith,
Reynir Katrínarson og Sossa.
Johan myndlistarmaður mánaðarins
Endurnýj-
ar kynnin
við mynd-
listina
Reykjanesbær
Félagar á Suðurnesjum í Ætt-
fræðifélaginu hittast á Bókasafni
Reykjanesbæjar næstkomandi
mánudagskvöld, 2. desember, klukk-
an. 20. Allir áhugamenn um ættfræ-
ðigrúsk eru velkomnir. Nánari upp-
lýsingar veitir Einar
Ingimundarson.
Á NÆSTUNNI
LJÓSIN á jólatré Sandgerð-
inga við Grunnskólann verða
tendruð þriðjudaginn 3. desem-
ber kl. 18.
Flutt verður hátíðarávarp,
kirkjukór Hvalsneskirkju syng-
ur nokkur jólalög og heyrst hef-
ur að jólasveinarnir muni taka
forskot á sæluna og líta við í
bænum.
Að tendrun lokinni verður op-
ið hús í Grunnskólanum þar
sem bæjarbúum er boðið að
kynna sér breytingar á húsnæði
skólans. Í sal skólans mun For-
eldrafélag Grunnskólans bjóða
upp á kakó og piparkökur.
Jólaljósin
tendruð
Sandgerði
LANDIÐ
VEGURINN upp Efra-Jökuldal er
nær ófær þessa dagana vegna þess
að hann hljóp uppí forarsvað undan
þungaflutningum vegna brúargerð-
ar og virkjunarframkvæmda við
Kárahnjúka.
Verst er ástandið á veginum inn-
antil frá Hólaseli í Brú og verstu
pittirnir við Hólasel, í Eiríksstaða-
mjósundum, í Brúarhvammi og við
Þverá.
Miklar rigningar hafa verið á
þessum slóðum og gerir það
ástandið en verra en annars væri.
Að sögn vegagerðarmanna er
þetta meiri þungaflutningur en
reiknað var með um þennan veg
vegna virkjanaframkvæmdanna á
þessum tíma.
Sveitarstjórn Norður-Héraðs
hefur ítrekað bent á að vegurinn
um Efra Jökuldal sé það lélegur að
hann þoli ekki svona flutning, nú
síðast þegar fjallað var um leyfi
fyrir framkvæmdum við nýbygg-
ingu Kárahnjúkavegar. Þá benti
sveitarstjórnin á að til lítils væri að
byggja nýja veginn án þes að
styrkja vegin um Efra Jökuldal og í
framhaldi af því var ákveðið að
leggja 100 miljónir í að laga veginn
á Efra Jökuldal.
Sigvaldi H. Ragnarsson varaodd-
viti á Norður-Héraði telur þetta
forkastanleg vinnubrögð, sveitar-
stjórnin hafi varað við að vegurinn
væri ekki undir svona þungaflutn-
inga búinn en Vegagerðin hafi dauf-
heyrst við því og nú sé svo komið
að vegurinn sé nánast ófær og lítið
gert til að bæta úr. Vegagerðin hafi
aðeins sent eina traktorsgröfu og
vörubíl til að moka yfir skítinn úr
sér og það segi lítið til að gera veg-
inn færan.
Einar Þorvarðarson umdæmis-
verkfræðingur segir alveg ljóst að
vegurinn um Efra Jökuldal yrði
ekki lagaður fyrir haustið. Lands-
virkjun hefur boðið lán uppá 40
miljónir til lagfæringa á veginum
og allt að 100 miljónum ef af fram-
kvæmdum verði. Vegurinn verði
lagaður frá Gilsá og innað Ei-
ríksstaðamjósundum með styrkingu
og mölburði fyrir þá peninga.Síðan
komi nýbygging í Eiríksstaðamjó-
sund og við Þverá ef fjármagnið
dugar.
"Það er fyrst og fremst þetta
óvenjulega veðurfar sem gerir
þetta svona slæmt núna"segir Ein-
ar.
Hann segir að ef veður lagaist-
verði farið í að yfirkeya veginn frá
Eiríksstaðamjósundum inní Brú nú
í vetur og sé landsvirkjun tilbúin að
koma að því.
Vegurinn upp
Efra Jökuldal
nær ófær
Norður-Hérað
Morgunblaðið/Sigurður Aðalsteins
Vegurinn á Efra-Jökuldal er víða íllfær fólksbílum vegna drullu..
Í VIKUNNI tók foreldrafélag
Grunnskólans í Búðardal sig til og
efndi til fjáröflunar. Fjáröflunin fór
þannig fram að haldin var bíósýn-
ing í Dalabúð og komu um 140 gest-
ir til að skemmta sér.
Andvirði aðgöngumiðanna og
veitinganna er seldar voru í hléinu
rann til foreldrafélagsins. Myndin
sem sýnd var heitir Villti folinn og
er hún með íslensku tali. Þetta er
mjög sniðurgt og skemmtilegt
framtak hjá foreldrafélaginu. Gest-
ir komu ekki bara héðan úr Búð-
ardal því einnig kom hópur frá
Grunnskólanum Tjarnarlundi og
Reykhólaskóla. Eftirvæntingin var
mikil hjá krökkunum því ekki er
farið í bíó á hverjum degi hér. Það
voru glaðir og ánægðir gestir sem
gengu út úr Dalabúð að bíósýning-
unni lokinni og varð fólki að orði að
þetta væri skemmtileg tilbreyting
svona í svartasta skammdeginu.
Villti folinn í Dalabúð
Búðardalur
Morgunblaðið/Guðrún Kristinsdótt
Það voru spenntir krakkar sem biðu eftir að sýningin hæfist aftur eftir hlé.