Morgunblaðið - 08.12.2002, Blaðsíða 29
LISTIR
MORGUNBLAÐIÐ SUNNUDAGUR 8. DESEMBER 2002 29
Hnattreisan hófst á svonefndri „Blómaleið“ Suður-Afríku í ógleymanlegri lita-
dýrð. Nú í lok ferðar kringum hnöttinn segir fólk úr hópnum: „Þetta er búin
að vera samfelld veisla skilningarvitanna á fegursta tíma árs, og í raun höfum
við verið á samfelldri „blómaleið“ allan hringinn. Okkur hafði ekki einu sinni
dreymt um að upplifa slíka fegurð og fjölbreytni.“
Að lokinni glæsiveislu með exótískum dönsum innfæddra á Beachcomber hót-
eli á Tahiti, stigum við upp í flugvél á leið til Chile um miðnætti, en í morguns-
árið millilentum við á Páskaey, sem fræg er fyrir styttur í risastærð úr óræðri
fortíð. Síðdegis lentum við í SANTIAGO, höfuðborg Chile.
Dvölin þar var einkar ánægjuleg, þar sem Ingólfur, forstjóri Heimsklúbbsins,
hélt okkur veglega veislu á glæsilegu Crown Plaza hótelinu með fordrykk,
ljúffengum kvöldverði og eðalvínum landsins.
Daginn eftir var fróðleg kynnisferð um þessa fögru heimsborg, þar sem saga
hennar var rakin og fræg kennileiti sýnd. Atvinnurekstur Íslendinga í Chile
heldur áfram að vinda upp á sig í fiskveiðum og vinnslu sjávarafurða, enda
rákumst við þarna á íslenska sjávarútvegsráðherrann, sem bjó á sama hóteli
og við ásamt sendinefnd sinni. Það kom okkur flestum á óvart, hve langt Chile
er komið á mörgum sviðum og að vissu marki lengst Suður-Ameríkuþjóð-
anna. Auk þess er landið víða ægifagurt með Andesfjöllin á aðra hönd en
Kyrrahafsströndina á hina. Margir höfðu á orði, að til Chile vildu þeir koma
öðru sinni og ferðast um landið, en nú var ekki til setunnar boðið, heldur stig-
ið upp í flugvél til hálfrar annarrar stundar flugs til næstu heimsborgar,
BUENOS AIRES.
Ingólfur hafði sagt okkur, að kalla
mætti Buenos Aires menningarhöfuð-
borg Suður-Ameríku. Um það sann-
færðumst við í skemmtilegri kynnis-
ferð um borgina næsta dag, Reyndar
gátu fæstir beðið boðanna að kynnast
TANGÓ og drifu sig strax fyrsta
kvöldið á frábæra sýningu í San
Telmo hverfinu. Við bjuggum á nýj-
asta fimm stjörnu hótelinu, Emperad-
or og nutum þess út í æsar. Það fóru að renna tvær grímur á marga, sem
höfðu haldið að allt það merkilegasta og besta væri að finna í Evrópu. Við sá-
um glæsibyggingar borgarinnar í glampandi sólskini, Maítorgið, Congreso,
hina íburðarmiklu þinghöll, Colon óperuhúsið, garðana, gröf Evitu Peron,
einnig höfnina og hið einstaka Camenito stræti í Boca. Kvöldið færði okkur
svo veislu og einhverja frábærustu skemmtun, sem um getur, á Sr. TANGO
skemmtistaðnum. Næsta dag héldum við út á slétturnar miklu, Pampas, að
kynnast rótum þjóðlífsins á stórbúgarði í enn einni veislu, Fiesta Gaucha, þar
sem kúrekarnir léku listir sýnar á hestbaki. Þessi reynsla af Buenos Aires og
nágrenni stakk mjög í stúf við þá fjölmiðlaumræðu, sem hefur tröllriðið ís-
lenskum fjölmiðlum um langa hríð.
Eftir þriggja daga dvöl í yndislegri Buenos Aires, flugum við stutt flug yfir til
IGUAZU fossanna að sjá eitt mesta sjónarspil náttúrunnar, þar sem 275 foss-
ar steypast fram af 80 m þverhníptu bjargi, sannarlega eitt af undrum verald-
ar. Við gistum eina nótt við fossana, áður en við héldum á lokapunktinn í Suð-
ur-Ameríku, sjálfa RIO de JANEIRO, þar sem við dvöldumst 4 daga í ferða-
lok á sjálfu MERIDIEN hótelinu, fimm stjörnu við Copacabana, frægustu
strönd veraldar.
Dvölin í Ríó var vel nýtt til skoðunar og skemmtunar. Veðrið lék við okkur
dag hvern, sólin skein á fjöll, strendur og voga og við nutum fegursta útsýnis
sem hugsast getur, bæði af Sætabrauðstindi og annan dag af Corcovado með
Kristsstyttunni. Sumum fannst nóg um hitann, þegar hann var kominn í 34
gráður C, en nutu hlýjunnar í skugga undir trjánum eða við sundlaug hins
frábæra hótels, en gengu síðan á ströndinni undir sólarlag, þegar birtan er
hvað fegurst og farið að draga úr hitanum. Eitt kvöldið tókum við þátt í mik-
illi „kjötkveðjuhátíð“, þ.e. „Churrasceria“, þar sem hver gómsæt steikin af
annarri var sneidd niður á diskana, áður en haldið var til leikhússins PLAT-
AFORMA 1, að sjá fimustu sömbudansara heimsins og íburðarmestu bún-
inga, sem nokkur hafði séð í eins konar sögusýningu Brasilíu í 500 ár.
Þegar litið er til baka yfir hið viðburðarríka ferðalag, getum við aðeins undr-
ast að hafa verið þátttakendur í slíku ævintýri sem ferðin var. Menn úr hópn-
um með peningavit sögðu: „Þetta allt fyrir ekki meira fé, það líkist gjöf
fremur en gjaldi.“
Lokaáfangann frá Ríó til London flugum við með frábærum farkosti British
Airways, nýrri Boeing 777, en Flugleiðir skiluðu okkur heilum til baka til
Keflavíkur eftir happaferð á „BLÓMALEIÐ Í KRINGUM HNÖTTINN MEÐ
HEIMSKLÚBBI INGÓLFS Á 30 DÖGUM.“ Minningarnar gleymast aldrei.
„Mesta ævintýri lífs míns“
30 daga hnattreisu Heimsklúbbsins 2002
lauk í Suður-Ameríku um síðustu helgi
Austurstræti 17, 3. hæð, 101 Reykjavík, sími 562 0400, fax 562 6564,
netfang: prima@heimsklubbur.is, heimasíða: http://www.heimsklubbur.is
Erum flutt í nýtt
húsnæði á 3. hæð,
Austurstræti 17.
Pöntunarsími
56 20 400
HEIMSKLÚBBURINN LÆTUR ÞESS GETIÐ, AÐ NÆSTA
HNATTREISA Á SUÐURHVELI ER ÞEGAR Í UNDIRBÚNINGI
MEÐ BROTTFÖR 2. NÓV. 2003.
OD
DI
H
F
J
12
41
Umboðsmenn um land allt!
Lítil raftæki
frá Siemens
og Bomann.
Eldunartæki,
uppþvottavélar,
kæliskápar og
margt fleira
frá Siemens.
GSM-farsímar,
þráðlausir símar,
þráðlaus símkerfi
og venjulegir
símar frá Siemens. Loftlampar,
vegglampar, borðlampar,
gólflampar, skrifborðslampar
og útilampar í nýrri glæsilegri
ljósadeild.
Sjón er sögu ríkari!
Listasafn Íslands Gunnar J.
Árnason listheimspekingur verður
með leiðsögn um sýninguna Mynd-
list 1980-2000 kl. 15-16.
Listasafn Kópavogs, Gerðarsafn
Guðbjörg Kristjánsdóttir verður
með leiðsögn um sýninguna Kyrr
birta kl. 15.
Hafnarborg Leiðsögn um sýn-
inguna Samspil verður kl. 15.
Kristín Geirsdóttir, Þorgerður Sig-
urðardóttir, Magdalena Margrét
Kjartansdóttir, Bryndís Jónsdóttir
og Ása Ólafsdóttir leiða gesti um
sýninguna.
Kóramót barna og unglinga hefst
í Perlunni kl. 13 og stendur til kl.
16. Þar verða um 400 ungar söng-
raddir.
Kór Hjallakirkju
heldur aðventu-
tónleika í kirkj-
unni kl. 20. Ein-
söngvari eru
Sigrún Hjálm-
týsdóttir og org-
elleikari Lenka
Mátéová. Efnis-
skráin sam-
anstendur af úr-
vali aðventu- og jólalaga frá
ýmsum tímum og ýmsum löndum.
Sigfús Kristjánsson les jólakvæði
og einnig verður almennur
söngur. Söngstjóri kórsins er Jón
Ólafur Sigurðsson. Aðgangur er
ókeypis.
Karlakórinn Þrestir í Hafnarfirði
heldur jólatónleika í Víðistaða-
kirkju kl. 20. Auk karlakórsins
koma fram Lúðrasveit Hafn-
arfjarðar, Sigurður Skagfjörð barí-
ton og Kór eldri Þrasta.
Kvennakórinn Kyrjurnar heldur
jólatónleika í Seltjarnarneskirkju
kl. 17. Kórinn sem nú er skipaður
42 konum, var stofnaður árið 1997
og hefur Sigurbjörg Hvanndal
Magnúsdóttir söngkona verið
stjórnandi hans frá upphafi. Und-
irleikari er Halldóra Aradóttir og í
nokkrum lögum leikur Ásdís Arn-
arsdóttir á selló.
Kór Átthagafélags Stranda-
manna heldur tónleika kl. 16.30.
Stjórnandi er Þóra V. Guðmunds-
dóttir. Einsöngvari er Þuríður Sig-
urðardóttir. Píanó- og orgelleik
annast Úlrik Ólason og Rúnar
Óskarsson leikur á klarínett. Einn-
ig kemur fram barnakór undir
stjórn Þrastar Þorbjörnssonar.
Grensáskirkja Aðventutónleikar
verða kl. 20. Flytjendur eru Árni
Arinbjarnarson, Oddur Björnsson,
Ingibjörg Ólafsdóttir, Hellen
Helgadóttir og Matthildur Matt-
híasdóttir. Þá flytur kór kirkj-
unnar jólalög og leikur Stefán
Helgi Kristinsson undir á orgel í
nokkrum laganna.
Reykjalundarkórinn heldur jóla-
tónleika í kirkju Óháða safnaðarins
kl 17. Stjórnandi er Íris Erlings-
dóttir og undirleikari er Anna Rún
Atladóttir.
Næsti bar, Ing-
ólfsstræti
Skáldakvöld hið
fyrra verður kl.
21. Höfundar
lesa úr nýjum
verkum sínum:
Vigdís Gríms-
dóttir, Steinunn
Sigurðardóttir,
Guðrún Eva
Mínervudóttir og
María Rún Karlsdóttir (Marjatta
Ísberg). Kynnir er Hjalti Rögn-
valdsson leikari.
Hrásalur, Listaháskóli Íslands,
Sölvhólsgötu 13 Jólatónleikar
tónlistardeildar verða kl. 20.
Bíósalur MÍR, Vatnsstíg 10 26
dagar í lífi Dostojevskíjs nefnist
kvikmyndin sem sýnd verður kl.
15. Þar er lýst tæplega fjögurra
vikna tímabili í lífi hins fræga rúss-
neska rithöfundar, en 4 vikur var
sá frestur sem útgefandinn gaf
skáldinu til að ljúka við nýja skáld-
sögu, ella fengi útgefandinn allan
rétt að verkum skáldsins og það
missti öll sín höfundarlaun. Dostoj-
evskíj skrifaði þá skáldsöguna
Fjárhættuspilarinn og naut í tíma-
þrönginni aðstoðar einkaritara
síns, Önnu Snitkínu, sem síðar
varð eiginkona hans. Leikstjóri er
Alexander Zarkhí, en með aðal-
hlutverkin fara Anatólíj Solonitsyn
og Jevgenía Símonova. Íslenskur
texti. Aðgangur er ókeypis.
Í DAG
Sigrún
Hjálmtýsdóttir
Guðrún Eva
Mínervudóttir
Tónlistarskóli Hafnarfjarðar Jóla-
tónleikar skólans hefjast kl. 18 á
morgun og verða tónleikar alla
daga fram á fimmtudag. Á öllum
tónleikunum verður fjölbreytt efnis-
skrá með einleik, samspili og söng.
Hrásalur, Listaháskóli Íslands,
Sölvhólsgötu 13 Jólatónleikar
tónlistardeildar verða kl. 20 á
morgun.
Tónskóli Þjóðkirkjunnar Nem-
endatónleikar verða í Langholts-
kirkju kl. 12 á morgun.
Listaháskóli Íslands, Skipholti
Guðbjörg Gissurardóttir heldur fyr-
irlestur kl.12.30 á þriðjudag. Hún
hefur starfað sem hönnuður í New
York þar til hún flutti til Íslands
síðastliðið haust. Auk þess kenndi
hún auglýsingagerð, sjónræna
skynjun og skapandi hugsun í Pratt
og kennir m.a. hugmyndavinnu og
hönnun í LHÍ.
Á NÆSTUNNI