Morgunblaðið - 14.12.2002, Page 12

FRÉTTIR
12 LAUGARDAGUR 14. DESEMBER 2002 MORGUNBLAÐIÐ
ALÞINGISMENN, forseti Íslands og borg-
arráðsmenn fengu í gær 1.700 póstkort frá al-
menningi vegna mótmæla við fyrirhugaðar
virkjanaframkvæmdir á hálendi Íslands.
Skilaboð til ráðamanna voru: „Ég kýs þjóð-
garð – ekki Kárahnjúkavirkjun.“ Póstkortin
voru handlönguð með viðhöfn frá Austurvelli
að Alþingishúsinu, en í gær var 80. dagur
virkjanamótmæla á Austurvelli.
Þar hefur fólk safnast saman í hádeginu
alla virka daga síðan 26. ágúst í mótmæla-
skyni. Mótmælendur mynduðu röð frá Aust-
urvelli að Alþingishúsinu þar sem María Ell-
ingsen leikkona var næst húsinu og afhenti
Halldóri Blöndal 1.000 póstkort. Í lok athafn-
arinnar gáfu fjallabílstjórar þingmönnum SOS
morse-merki með bílflautunum. Frá Alþingi
var haldið fylktu liði upp á Sóleyjargötu að
skrifstofu forseta Íslands, þar sem Ólafi
Ragnari Grímssyni, forseta Íslands, voru af-
hent 100 póstkort. Þaðan lá leiðin að Ráðhúsi
Reykjavíkur þar sem Ingibjörg Sólrún Gísla-
dóttir fékk 600 kort.
Að sögn Maríu Ellingsen sögðu mótmæl-
endur borgarstjóranum að það væri hluti lýð-
ræðisins að fólk fengi að segja hug sinn í svo
stóru máli og póstkortin sýndu svo ekki yrði
um villst, að fólki stæði ekki á sama um að
hér stefndi í mestu náttúruspjöll Íslands-
ögunnar til að byggja virkjun sem landsmenn
bæru að auki fjárhagslegan skaða af.
Á póstkortunum var lagt til að verndað yrði
og byggt í kringum það sem væri þjóðinni
dýrmætast í stað þess að eyðileggja það og
setja á útsölu. Með því að gera þjóðgarð á
heimsmælikvarða norðan Vatnajökuls, og
byggja í kringum hann ferðamennsku og vís-
inda- og fræðasetur, væri unnt að nýta landið
og mannauðinn og horfa stolt fram veginn.
Morgunblaðið/Halldór Kolbeins
María Ellingsen afhenti Halldóri Blöndal, forseta Alþingis, póstkortin sem handlönguð voru frá Austurvelli.
Kjósa þjóðgarð – ekki virkjun
TIL STENDUR að stækka fjórar
íbúðir í Sjálfsbjargarhúsinu á næst-
unni, bæta öðrum við og verið er að
kanna möguleika á því að bæta
einni hæð ofan á húsið.
Framkvæmdir við stækkun einn-
ar íbúðar eru hafnar og er ráðgert
að taka fyrst tvær íbúðir fyrir og
svo aðrar tvær. Arnór Pétursson,
formaður Sjálfsbjargar, segir að
hugmyndin sé að nota rými sem
hafi verið vannýtt eða illa nýtt og
stækka þannig íbúðir en auk þess sé
hægt að breyta öðru rými í íbúðir.
Sjálfsbjargarhúsið við Hátún er
fimm hæðir. Annars vegar er Sjálfs-
bjargarheimilið, sem er sjúkra- og
endurhæfingarstofnun með 36
litlum herbergjum, og hins vegar 38
litlar íbúðir, sem eru leigðar út til
einstaklinga. Þær eru um 25 fer-
metrar og fara upp í um 60 fer-
metra eftir stækkunina. Arnór segir
að vonir séu bundnar við að á næsta
ári verði lokið við að stækka þessar
fjórar íbúðir og bæta við tveimur til
þremur íbúðum, en um mitt ár liggi
fyrir kostnaðaráætlun vegna nýrrar
hæðar. Hann segir að þar sem öll
þjónusta sé á staðnum megi gera
ráð fyrir að ódýrara sé að byggja
nýja hæð en að byggja nýtt hús-
næði á öðrum stað, en þörf sé fyrir
hjúkrunar- og endurhæfingarheim-
ili að hluta til, sambýli eða búsetu
með stuðningi og venjulegar leigu-
íbúðir.
Ný hæð leysir mikinn vanda
Verið sé að kanna þörfina með
þessa skiptingu í huga en gera megi
því skóna að ný hæð leysi vanda
a.m.k. um 20 til 30 manns auk þess
sem tækifæri gefist þá til að stækka
litlu um 12 fermetra íbúðirnar eða
herbergin í Sjálfsbjargarheimilinu.
Þessi aðstaða hafi verið bylting á
sínum tíma en mikið fatlaður ein-
staklingur með mikinn búnað eins
og hjólastól og fleira komist ekki
fyrir, hvað þá starfsfólk.
Arnór segir að framkvæmdir við
fyrstu íbúðina hafi hafist eftir að
styrkur hafi fengist frá Reykjavík-
urborg en meira þurfi til og sé fjár-
öflun í gangi eins og t.d. árlegt jóla-
happdrætti og sala á geisladisknum
Ástin og lífið. „Með stækkuninni er-
um við fyrst og fremst að auka lífs-
gæði fólksins en um leið að leysa
vandamál fólks sem er í húsnæð-
isvandamálum,“ segir Arnór.
Íbúðir stækkaðar í
Sjálfsbjargarhúsinu
Morgunblaðið/GolliUnnið við stækkun íbúðar í Sjálfsbjargarhúsinu.
HÆTT verður prentaðri útgáfu
Lögbirtingablaðsins frá og með
næstu áramótum og blaðið ein-
göngu birt á Netinu samkvæmt
lögum sem samþykkt voru á Al-
þingi í gær.
Þeir sem þess óska munu þó
áfram geta keypt Lögbirtinga-
blað í prentuðu formi í áskrift
eða fengið einstök tölublöð send
gegn greiðslu kostnaðar af
prentun þeirra og sendingu. Er
þá gert ráð fyrir að starfsmenn
Lögbirtingablaðsins prenti það
af Netinu og sendi eftir pöntun.
Lögbirtingarblaðið hefur
verið birt á netinu frá ársbyrjun
2001 ásamt Stjórnartíðindum
og kemur fram í greinargerð
lagafrumvarpsins að reynslan
af því hafi gefið góða raun.
Áskrifendum að prentaðri út-
gáfu Lögbirtingarblaðsins hef-
ur fækkað umtalsvert á sein-
ustu árum, eða úr 3.157 árið
1998 í 2.460 árið 2001 og 1.891
þann 1. ágúst sl.
Lagafrumvarpið var samið af
nefnd sem dómsmálaráðherra
skipaði árið 2000. Í álitsgerð
hennar kemur fram að tæplega
81% landsmanna hefur aðgang
að tölvu og tæplega 77% hafa
aðgang að tölvu með netteng-
ingu.
Að mati nefndarinnar var
ekki talin ástæða að svo stöddu
að leggja til að Stjórnartíðindi
yrðu einnig eingöngu birt á
Netinu. Verða þau því áfram
prentuð með hefðbundnum
hætti.
Lögbirtingablaðið
eingöngu birt
á Netinu
Áskrif-
endum
hefur
fækkað
Gegnumlýsingarbúnaður sem
tekinn verður í notkun í Flug-
stöð Leifs Eiríkssonar um ára-
mótin vegna sprengjuleitar
veldur engum skemmdum á
farangri, skv. upplýsingum
Björns Inga Knútssonar, flug-
vallarstjóra á Keflavíkurflug-
velli.
Eftir sem áður verður því t.d.
óhætt að geyma filmur í ferða-
töskum sem fara í gegnum leit-
arkerfið þar sem farangurinn
verður gegnumlýstur frá
tveimur sjónarhornum.
Búnaðurinn, sem kostaði um
210 milljónir, verður tekinn í
notkun um áramót. Með honum
er hægt að lýsa í gegnum 1.200-
1.500 töskur á klukkustund.
Gegnum-
lýsing veld-
ur ekki
skemmdum
HAGKAUP lækka verð á íslenskum
hljómdiskum í dag, laugardaginn 14.
desember, og sunnudaginn 15. des-
ember og bjóða alla íslenska tónlist
með 14% virðisaukaskatti en ekki
25,5% virðisaukaskatti.
Með þessu vilja Hagkaup sýna ís-
lenskum tónlistarmönnum samstöðu
og stuðning, segir í fréttatilkynningu.
Lækka virðis-
aukaskatt á
hljómdiskum
VÍSINDAMÖNNUM Íslenskrar
erfðagreiningar hefur tekist að kort-
leggja erfðavísi á litningi 16 sem
tengist psóríasisliðagigt.
Þessi erfðavísir er á sama stað og
erfðavísir sem vísindamenn Ís-
lenskrar erfðagreiningar hafa kort-
lagt í rannsóknum á slitgigt, sam-
kvæmt upplýsingum fyrirtækisins.
„Líklegt er að um sé að ræða sama
erfðavísinn sem gegni mikilvægu
hlutverki í starfsemi liðamóta en aðr-
ir erfðavísar og/eða umhverfisþættir
ráði því hvers konar gigt komi fram.
Það gæti þýtt að mögulegt væri að
finna eitt lyfjamark sem væri tengt
mörgum sjúkdómum í liðamótum og
þróa ný lyf sem beint væri að al-
mennum veikleika í liðamótum,“ seg-
ir í fréttatilkynningu sem Íslensk
erfðagreining sendi frá sér í gær.
Þetta er í fyrsta sinn sem tölfræði-
lega marktæk tengsl finnast á milli
psóríasis, eða einhverrar undirgerð-
ar þess, og svæðis á litningi utan
vefjaflokkasvæðisins á litningi 6, skv.
upplýsingum ÍE.
Niðurstöður rannsóknarinnar
verða birtar í janúarhefti vísinda-
tímaritsins American Journal of
Human Genetics og hafa þegar birst
í netútgáfu þess.
„Niðurstöður rannsókna okkar á
erfðafræði psóríasis sýna enn á ný að
við getum kortlagt erfðavísa í nær
hvaða algenga sjúkdómi sem er. Nú
liggur fyrir að fínkemba þetta
svæði, finna meingenið og ný lyfja-
mörk,“ er haft eftir Kára Stefáns-
syni, forstjóra Íslenskrar erfða-
greiningar.
Psóríasisliðagigt hrjáir um 10%
psóríasissjúklinga. Líkt og önnur
gigt lýsir hún sér í bólgum og
skemmdum á brjóski í liðamótum
sem veldur stífni, sársauka og getur
leitt til varanlegrar fötlunar. Þau lyf
sem nú eru notuð beinast fyrst og
fremst að því að létta einkenni sjúk-
dómsins þar sem lítið er vitað um or-
sakir hans. Vonast vísindamenn fyr-
irtækisins til að aukin þekking á
þeim líffræðilegu ferlum sem liggja
að baki myndun sjúkdómsins muni
leiða til þróunar nýrra og betri grein-
ingar- og meðferðarúrræða.
Samstarf við lækna á LSH
Við kortlagningu erfðavísisins
greindu samstarfslæknar ÍE við
Landspítala – háskólasjúkrahús 178
sjúklinga með psóríasisliðagigt úr
hópi um 1.000 psóríasissjúklinga sem
hafa tekið þátt í rannsóknum fyrir-
tækisins á erfðafræði psóríasis. Með
Íslendingabók, ættfræðigrunni ÍE,
reyndust 100 þessara sjúklinga
tengjast saman í 39 fjölskyldum.
Gen sem tengist
psóríasisliða-
gigt kortlagt
Áfangi hjá vísindamönnum Íslenskrar erfðagreiningar