Morgunblaðið - 08.01.2003, Blaðsíða 4
FRÉTTIR
4 MIÐVIKUDAGUR 8. JANÚAR 2003 MORGUNBLAÐIÐ
VALGERÐUR Sverrisdóttir iðnaðarráðherra
segir við Morgunblaðið að skýrsla eigenda-
nefndar Landsvirkjunar sé mjög mikilvæg fyrir
þá sök að hún staðfesti for-
sendur Landsvirkjunar og
að útreikningar hafi verið
faglega unnir og vel rök-
studdir. Niðurstaðan sé sú
að yfirgnæfandi líkur séu á
því að Kárahnjúkavirkjun
skili hagnaði, bæði til
Landsvirkjunar og þjóð-
arinnar. Valgerður segist
líta svo á að arðsemi virkj-
unarinnar sé fullnægjandi. Hún hafi sannfærst
um það við lestur skýrslunnar.
„Auðvitað er ekkert algjörlega öruggt í þess-
um heimi. Þannig er nú bara lífið og stjórn-
málamenn eru ekki óvanir því að þurfa að taka
ákvarðanir á grundvelli upplýsinga, sem ekki
eru eitt hundrað prósent, enda væri þá ráðist í
litlar framkvæmdir. Landsvirkjun gefur sér
ákveðnar forsendur sem almennt eru notaðar á
þessu sviði og byggja á spám viðurkenndra fyr-
irtækja sem starfa í kringum áliðnaðinn. Það er
hæpið að hægt sé að benda á aðrar skyn-
samlegar leiðir til að vinna svona arðsemismat.
Niðurstaða nefndarinnar er fengin og það
skiptir miklu máli að hún kemur frá fagaðilum,
sem komust að sameiginlegri niðurstöðu. Þetta
er ekki síst mikilvægt vegna þess að umræðan
að undanförnu hefur mikið snúist um arðsem-
ina. Þær fullyrðingar sem hafa verið uppi um að
verkefnið sé óarðbært eru að mínu mati hraktar
með skýrslu eigendanefndar,“ segir Valgerður.
BORGARRÁÐ Reykjavíkur hefur ekki tekið
beina afstöðu til skýrslu eigendanefndar um
arðsemi og áhættu Kárahnjúkavirkjunar.
Málið verður tekið aftur
fyrir í borgarráði á þriðju-
daginn í næstu viku.
„Skýrslan var lögð fram
í borgarráði í hádeginu [í
gær] þannig að það hefur
ekki gefist mikill tími til
þess að fara yfir hana,“
segir Ingibjörg Sólrún
Gísladóttir, borgarstjóri.
„Það komu fram fjölmarg-
ar spurningar í borgarráði sem verður leit-
ast við að fá svör við í framhaldinu.
Það er til lítils að láta vinna svona skýrslu
ef menn ætla sér ekki að fara vel yfir hana.
Þarna er heldur ekki sjálfstætt arðsemismat
á ferðinni, nefndin byggir á mati Lands-
virkjunar. Hún fer yfir það og reynir að
meta forsendurnar og aðferðafræðina.“
Stærð ábyrgðar og
arðsemi skipta mestu máli
Ingibjörg segist vilja gefa sér tíma til að
fara yfir málið áður en hún taki afstöðu.
„Það er tvennt sem ég hef alltaf lagt
áherslu á. Annað er stærð ábyrgðarinnar,
það er auðvitað töluvert mál fyrir sveit-
arfélög eins og Akureyri og Reykjavík að
gangast í svona stórar ábyrgðir sem þau
eiga strangt til tekið ekki fyrir. Hitt er svo
arðsemin, því betri sem hún er því minni
líkur eru á að það reyni á ábyrgðina. Þetta
eru þeir þættir sem ég hef viljað skoða sér-
staklega sem fulltrúi eins af eigendum
Landsvirkjunar.“
Ingibjörg segir ljóst að nefndin geri ekki
athugasemdir við aðferð og vinnubrögð í
arðsemismatinu. „Nefndin telur að aðferða-
fræðin sé í samræmi við það sem þykir fag-
legt og eðlilegt að beita í verkefni af þess-
um toga. En hún bendir jafnframt á það að
þarna séu ákveðnir þættir sem séu háðir
meiri óvissu en aðrir og þá sérstaklega ál-
verð og stofnkostnaðurinn sem geti haft
einna mest áhrif á arðsemismatið. Þetta
þurfa menn auðvitað að skoða. Nefndin tel-
ur þó í sjálfu sér að það séu ekki miklar lík-
ur á því að ábyrgðir lendi á eigendunum.
Hún bendir jafnframt á að það sé svo auð-
vitað eigendanna að ákveða hvort metin arð-
semi virkjunarinnar sé fullnægjandi að
teknu tilliti til þeirrar áhættu sem í þessu
felst.“
Ingibjörg Sólrún Gísladóttir
Fjölmargar
spurningar
komu fram
Skýrsla eigendanefndar vegna Kárahnjúkavirkjunar kynnt eigendum Landsvirkjunar
Ráðherra sáttur en borgin vill svör
KRISTJÁN Þór Júlíusson, bæjarstjóri á Ak-
ureyri segist vera mjög sáttur við skýrslu eig-
endanefndar um arðsemi og áhættu vegna
Kárahnjúkavirkjunar og
telja hana vel unna en nú
liggi fyrir að ræða hana í
bæjarstjórn; það verði gert
strax í fyrramálið.
Kristján segist þó telja
skýrsluna og niðurstöður
hennar styrkja og undir-
byggja jákvæða niðurstöðu
af hálfu Akureyrarbæjar til
verkefnisins. Kristján vísar
í því efni til samþykktar bæjarráðs frá 19. des-
ember en í henni kom fram að bæjarráðið væri
samþykkt því að Landsvirkjun hrinti áformum
um Kárahnjúkavirkjun í framkvæmd að upp-
fylltum þeim markmiðum sem fram hefðu ver-
ið sett af eigendum um arðsemi af starfsemi
Landsvirkjunar. Hann telji að skýrslan sé til
þess fallin að auka tiltrú á að þessi markmið
geti náðst.
Kristján Þór Júlíusson
Undirbyggir já-
kvæða niðurstöðu
FRIÐRIK Sophusson, forstjóri Landsvirkj-
unar, segist vera sáttur við skýrslu eigenda-
nefndarinnar, ekki síst þar sem nefndin telji
niðurstöður Landsvirkj-
unar vel rökstuddar og að
vinnubrögðin séu vönduð
og fagleg.
Friðrik segir að sam-
kvæmt áliti Landsvirkj-
unar verði raunarðsemi
eiginfjár 11%, miðað við að
eiginfjárhlutfall sé 25%.
Það sé eðlileg arðsem-
iskrafa í raforkurekstri,
bæði með tilliti til arðsemiskrafna í hlið-
stæðum rekstri á Norðurlöndunum og í
Bandaríkjunum.
Friðrik bendir á að eigendur Landsvirkj-
unar hafi á árinu 1996 komið sér saman um
að stefna að 5–6% raunávöxtun eiginfjár
Landsvirkjunar, sem sé verulega lægri en
áætluð raunávöxtun vegna Kárahnjúkavirkj-
unar.
„Samkvæmt skýrslu eigendanefndarinnar
eru líkur á að arðsemi Kárahnjúkavirkjunar
verði lægri en lánsvextir nánast engar og lík-
ur á að ábyrgðir falli á eigendur eru hverf-
andi,“ segir Friðrik.
Friðrik Sophusson
Arðsemiskrafan
eðlileg í raf-
orkurekstri
Valgerður Sverrisdóttir
Arðsemin full-
nægjandi þó að
ekkert sé öruggt
ELFAR Guðni Þórðarson, listmálari á Stokkseyri, hefur í nær tvö ár
haft vinnuaðstöðu í frystihúsinu á Stokkseyri, sem gengur núna undir
nafninu menningarhúsið, þótt þar sé enn þá fiskvinnsla.
Í stórum sölum hússins hafa verið haldnar menningarsamkomur og
þar er nú kominn vísir að Tónminjasafni Íslands þar sem komið hefur
verið fyrir persónulegum munum og handritum Páls Ísólfssonar tón-
skálds.
Í húsinu er meðal annars 30 fermetra Íslandskort með merkingum á
106 vitum í kringum landið en merkingarnar eru rafvæddar og kvikn-
ar á þeim undir tónverki Páls Ísólfssonar, Brennið þið vitar.
Vinnuaðstaða Elfars er í gamla þvottasal hússins en þar hefur hann
að undanförnu verið að mála brimmyndir og Stokkseyrarstemningar,
auk þess að mála myndir á útsíður bókhaldsskjalamappna sem voru í
eigu frystihússins.
Morgunblaðið/RAX
Málar í þvottasal
frystihússins á
Stokkseyri
INGI Sigurðsson, bæjarstjóri í Vest-
mannaeyjum, segir blendnar tilfinn-
ingar fara um Eyjamenn þegar þeir
minnast upphafs gossins í Vest-
mannaeyjum sem hófst 23. janúar
1973. Í ár eru því 30 ár liðin frá byrjun
gossins sem hafði staðið í fimm mán-
uði og tíu daga þegar því lauk 3. júlí.
„Við köllum þetta ekki hátíðarhöld
í upphafi goss. Hátíðarhöldin eru í
sumar við lokin,“ segir Ingi. Gosloka-
nefnd er að ljúka við dagskrá til að
minnast þessara atburða. Fimmtu-
daginn 23. janúar mun fólk safnast
saman á nokkrum stöðum í bænum
og mætast á miðri leið áður en stefn-
an er tekin á höfnina þar sem minn-
ingarathöfn fer fram.
„Það verður sérstök messa í
Landakirkju sunnudaginn 26. janúar.
Stefnt er að því að allir prestar, sem
hafa þjónað í Vestmannaeyjum frá
goslokum, taki þátt í henni. Þar á
meðal er Karl Sigurbjörnsson, biskup
Íslands,“ segir bæjarstjórinn.
Eyjaprestar
minnast upp-
hafs goss
LÍFEYRISSJÓÐUR starfsmanna
ríkisins hefur ákveðið að taka yfir
rekstur séreignadeildar sjóðsins en
Kaupþing hefur hingað til séð um
rekstur séreignadeildarinnar. Yfir-
færsla deildarinnar frá Kaupþingi til
LSR stendur yfir, en séreignadeildin
hefur verið rekin af Kaupþingi frá
stofnun hennar árið 1999.
Haukur Hafsteinsson, fram-
kvæmdastjóri LSR, segir að sér-
eignadeildin hafi verið rekin að öllu
leyti af Kaupþingi frá stofnun hennar
árið 1999. Það hafi bæði tekið til ið-
gjaldabókhalds og fjárfestinga, en nú
hafi verið tekin ákvörðun um að
rekstur deildarinnar verði sameinað-
ur rekstri sjóðsins. Þessi ákvörðun sé
tekin í tengslum við endurskipulagn-
ingu rekstrarins sem feli meðal ann-
ars í sér að eignastýring hafi verið
styrkt með fjölgun starfa á því sviði,
auk þess sem nýtt tölvukerfi hafi ver-
ið tekið í notkun hjá sjóðnum. Hér
eftir muni sjóðurinn sjálfur og starfs-
menn hans sjá um öll innlend verð-
bréfaviðskipti og stór erlend fjár-
málafyrirtæki muni veita ráðgjöf
varðandi erlend verðbréfaviðskipti.
Haukur sagði að á sínum tíma þeg-
ar séreignadeildin tók til starfa hefði
þótt eðlilegt að leita til aðila utan
sjóðsins með rekstur hennar meðal
annars vegna þess að þar var reynsla
fyrir hendi af slíkum rekstri, auk þess
sem tölvukerfi sjóðsins þá hefði ekki
boðið upp á möguleika á að halda utan
um rekstur séreignadeildarinnar til
viðbótar rekstri samtryggingadeildar
sjóðsins. Reksturinn hefði því verið
boðin út og tilboð Kaupþings reynst
hagstæðast.
Um 3.500 sjóðfélagar eru í sér-
eignadeild LSR og nema eignir deild-
arinnar 1.200–1.300 milljónum króna.
LSR tekur til sín rekst-
ur séreignadeildar