Morgunblaðið - 08.01.2003, Blaðsíða 22

SUÐURNES
22 MIÐVIKUDAGUR 8. JANÚAR 2003 MORGUNBLAÐIÐ
LANDIÐ
VIÐ aftansöng á aðfangadag jóla
þakkaði sóknarpresturinn séra Lilja
Kr. Þorsteinsdóttir fyrir gjafir sem
kirkjunni á Ingjaldshóli höfðu borist
frá velunnurum sínum. Sérstaklega
þakkaði hún fyrir stórpeningagjöf
frá Gísla Ketilssyni á Hellissandi en
Gísli færði kirkjunni eina milljón og
þrjú hundruð þúsund krónur.
Gjöfin er minningargjöf um
systkini og fósturbróður Gísla og
foreldra hans, hjónin á Stakkabergi,
Kristínu Þorvarðardóttur og Ketil
Björnsson.
Gísli hafði eitt hundrað ára af-
mæli sóknarkirkju sinnar í huga
með þessari veglegu peningagjöf.
Hann lagði til að peningunum yrði
fyrst og fremst varið til að kosta lýs-
ingu á kirkjunni að utan og á um-
hverfi hennar og stuðla þannig að
hátíðarsvip kirkjunnar á aldar-
afmælinu.
Sóknarnefndinni tókst að standa
þannig að verki að búið var að koma
búnaði fyrir sem til þurfti við lýs-
inguna á aðfangadagskvöldið.
Kirkjan á hólnum var ljósum prýdd
og stjörnur himinsins lýstu upp
Snæfellsjökul. Sannkallað hátíð-
arumhverfi.
Kirkjan á Ingjaldshóli stendur
hátt og nú í skammdeginu blasir
hún við upplýst frá byggðunum á
Hellissandi og Rifi og frá þjóðveg-
inum frá Enni að Gufuskálum.
Sóknarnefndin og sóknarprest-
urinn buðu Gísla að heimsæka sig í
kirkjuna eftir áramótin. Þar var
sest að veisluborði og Gísla þökkuð
vegleg gjöf. Í sóknarnefnd Ingjalds-
hólskirkju eru: Þorbjörg Alexand-
ersdóttir formaður, Árni Jón Þor-
geirsson, Jensína Guðmundsdóttir,
Hulda Skúladóttir og Hjörtur Ár-
sælsson.
Ingjaldshólskirkja er elsta stein-
steypta kirkja í heiminum, sam-
kvæmt könnun Harðar Ágústs-
sonar. Kirkjan verður eitthundrað
ára haustið 2003.
Stórgjöf til Ingjaldshólskirkju
Morgunblaðið/Hrefna Magnúsdóttir
Á Ingjaldshóli. F.v. Árni Jón, Þorbjörg, Gísli, séra Lilja, Hulda og Jensína.
Hellissandur
SÁ siður hefur tíðkast í Ólafsvík á
þrettándanum að börn hafa farið úr
húsi til húss og fengið sér nammi í
gogginn.
Á mánudagskvöld mátti sjá börn
á hlaupum á milli húsa og létu þau
ekki leiðindaveður á sig fá. Alstað-
ar var mjög vel tekið á móti börn-
unum og voru ýmsir klyfjaðir sæl-
gæti og öðru góðgæti. Vonandi að
þetta nammi endist í nokkrar vikur
því ef það er borðað jafnóðum, er
víst að Karíus og Baktus kætast
mjög.
Fyrirhugaðri álfabrennu og flug-
eldasýningu var frestað vegna veð-
urs. Morgunblaðið/Alfons
Ólafsvík
MIKILL mannfjöldi tók þátt í að
kveðja jólin í Árborg og fagna nýju ári
með blysför frá Tryggvaskála á Sel-
fossi og álfabrennu á íþróttavellinum
þar sem fólkið fylgdist með glæsilegri
flugeldasýningu. Mál manna er að
aldrei hafi jafnmargir fylgst með
þessum árlega viðburði sem Ung-
mennafélag Selfoss stendur að í sam-
starfi við sveitarfélagið. Fólk kom að
vanda víða að úr nágrannabyggðum
Selfoss og fyllti knattspyrnuvöllinn
og áhorfendastæðin. Jólasveinarnir
kvöddu börnin og héldu til sinna
heimkynna í Ingólfsfjalli.
Morgunblaðið/Sigurður Jónsson
Jólasveinarnir stilltu sér upp er þeir höfðu tendrað í bálkestinum.
Jólin kvödd
í Árborg
Selfoss
ALLT árið 2002 var mikil aukning á
farþegum Flugfélags Vestmanna-
eyja. Mest hefur aukningin verið um
Bakkaflugvöll.
Sunnudaginn 22. desember sl. fór
tuttuguogfimmþúsundasti flugfar-
þeginn um Bakkaflugvöll á árinu og
er það met hjá Flugfélagi Vest-
mannaeyja. Af þessu tilefni afhenti
Arnór Páll Valdimarsson, eigandi
FV, Huldu Ragnarsdóttur 25.000.
farþeganum blómvönd að viðstödd-
um Magnúsi Sigurjónssyni flug-
manni hjá FV.
Morgunblaðið/Sigurgeir
25.000
farþegar
frá Bakka
Vestmannaeyjar
Snapað í
gogginn
HAFDÍS Hill hefur opnað listhús í
húnæði sínu, Stapakoti í Innri-Njarð-
vík. Í fyrsta áfanga var opnað gallerí
með munum 15 listamanna en í
næsta mánuði næskomandi mun hún
opna listasmiðju þar sem listamönn-
um gefst kostur á að vinna að list
sinni.
„Þar sem ég veit að svo margir eru
að starfa í bílskúrum sínum og eiga
erfitt með að koma verkum sínum á
framfæri er hugmynd mín með þessu
listhúsi að ná fólki út úr bílskúrum
sínum og verða meira áberandi,“
sagði Hafdís í samtali við Morgun-
blaðið.
Hafdís og samstarfskonur hennar
tvær, þær Viktoría Marinusdóttir og
Sigrún Hill, hafa unnið í leir frá 1996
og sótt fjölmörg námskeið. Vorið
2000 opnuðu þær lítið gallerí á heim-
ili Hafdísar við Tunguveg í Njarðvík
og urðu þá varar við þörfina fyrir list-
hús. „Við fengum fjölmargar fyrir-
spurnir um hvort við byðum ekki upp
á námskeið og gætum brennt leir-
muni fyrir fólk,“ sagði Sigrún. Hafdís
bætti við að þegar hún hafi eignast
draumahúsið sitt, Stapakot, hafi hún
ákveðið að nú væri tækifærið komið
til að opna slíkt listhús.
Að sögn Hafdísar hefur listhúsið
fengið frábærar viðtökur. „Fólk hef-
ur haft á orði að hingað sé gott að
koma úr amstrinu niðri í bæ og ekki
spillir að hér er frábært útsýni. Hug-
myndin er líka að reyna að stíla nokk-
uð inn á ferðamenn og þá geta þeir í
leiðinni notið þessa frábæra útsýnis.
Útlendingar hafa verið mjög hrifnir
af íslensku handverki og hafa haft á
orði að það þyrfti að gera meira af því
að selja það erlendis. Við höfum verið
að selja verk okkar í Íslandia,
Rammagerðinni, Eden og Geysi, en
önnum því miður ekki meiru.“
Hafdís vill hvetja fólk sem er að
starfa við listsköpun af einhverju tagi
að hafa samband hafi það áhuga á að
sýna í galleríinu.
Morgunblaðið/Svanhildur Eiríksdóttir
Hafdís og Sigrún Hill og Viktoría Marinusdóttir í listhúsinu Stapakoti.
Leirmunir þeirra og tólf annarra listamanna eru til sölu í listgalleríinu.
„Vil ná fólki út úr
bílskúrunum“
Innri-Njarðvík
Hafdís Hill hefur opnað listhús
í íbúðarhúsi sínu
BÚMENN á Suðurnesjum hafa
fengið lánsloforð frá Íbúðarlána-
sjóði vegna byggingar tíu íbúða í
Garði og sex íbúða í Grindavík.
Lánin verða afgreidd á næsta ári
en Búmenn stefna að afhendingu
íbúðanna á þessu ári.
Að sögn Ásgeirs Hjálmarsson-
ar, formanns Suðurnesjadeildar
húsnæðissamvinnufélagsins Bú-
seta, hefur Bragi Guðmundsson
verktaki þegar hafið á eigin
ábyrgð byggingu nokkurra íbúða
í parhúsum í nágrenni við þær
íbúðir sem hann byggði fyrir Bú-
menn og afhentar voru á síðasta
ári. Búmenn fengu lánsloforð
fyrir tíu íbúðum fyrir jólin en
lánin verða greidd út á árinu
2004. Vonast Ásgeir til að hægt
verði að semja við Braga um að
ljúka byggingu húsanna á þessu
ári þannig að á næstunni verði
hægt að auglýsa eftir kaupend-
um og afhenda þeim hús sín á
árinu.
Búmenn fengu einnig lánslof-
orð vegna byggingar sex íbúða til
viðbótar í Grindavík, við sömu
götu og íbúðir sem Búmenn af-
hentu þar í sumar. Vonast Ásgeir
til að hægt verði að auglýsa íbúð-
irnar og afhenda þær á þessu ári.
Áhugi í Reykjanesbæ
Verið að er byggja hús fyrir
Búmenn í Vogum og félagið er
að undirbúa byggingu íbúða í
Sandgerði. Ásgeir segir að mesti
þrýstingurinn sé þó á byggingu
Búmannaíbúða í Reykjanesbæ.
Íbúar þar séu alltaf að ganga í
félagið og hafi mikinn áhuga á að
nýta sér þetta búsetuúrræði.
Segir Ásgeir að framvinda máls-
ins þar strandi á skipulagi en
vonast til að lóðir fáist. Búmenn
hafa sótt um lán til byggingar
átta íbúða í Reykjanesbæ á árinu
2005.
Lánsloforð til
byggingar 16
Búmannaíbúða
Garður/Grindavík
STARFSMENN Þjónustumiðstöðv-
ar Reykjanesbæjar taka þessa dag-
ana á móti jólatrjám til förgunar.
Eftir að jólin eru kvödd á þrett-
ándanum fellur til mikið af jólatrjám
og byrjuðu starfsmenn Þjónustu-
miðstöðvarinnar að taka við þeim í
gær. Því verður haldið áfram næstu
daga. Þeir beina þeim tilmælum til
fólks að setja trén á lóðarmörk og
binda þau við ljósastaur eða grind-
verk ef hvasst er.
Hirða jólatrén til förgunar
Reykjanesbær