Morgunblaðið - 08.01.2003, Blaðsíða 21
AKUREYRI
MORGUNBLAÐIÐ MIÐVIKUDAGUR 8. JANÚAR 2003 21
SUÐURNES
NÝJA sorpeyðingarstöðin í Helgu-
vík mun heita Kalka. Stjórn Sorp-
eyðingarstöðvar Suðurnesja sf. hef-
ur ákveðið nafnið.
Sorpeyðingarstöðin efndi til sam-
keppni um nafn á nýja móttöku- og
sorpeyðingarstöð sem er í byggingu
í Helguvík. Stjórn fyrirtækisins gat
ekki samþykkt neitt þeirra nafna
sem stungið var upp á. Eftir að farið
var í örnefnaskrá nágrennis stöðv-
arinnar lagði Sigríður Jóna Jóhann-
esdóttir formaður til að nafnið
Kalka yrði valið og var það sam-
þykkt.
Kalka er heiti á vörðu, hvítri að
lit, sem var efst á Háaleitinu en þar
lágu saman landamörk flestra bæjar
og hreppa á svæðinu. Þetta forna og
þýðingarmikla kennileiti mun hafa
horfið af sjónarsviðinu um 1941.
Fyrir utan það að hvítta með kalki
getur orðið kalka þýtt að baksa, fást
við eitthvað eða merja eitthvað í
sundur, samkvæmt orðabók Menn-
ingarsjóðs, og eru það síðarnefndu
atriðin sem stjórn Sorpeyðingar-
stöðvarinnar vísar til við nafngiftina.
Sorpeyðingarstöðin
fær nafnið Kalka
Helguvík
Tölvuteikning af húsi Kölku í Helguvík.
FÉLAGSMÁLARÁÐUNEYTIÐ
hefur beint því til hreppsnefndar
Vatnsleysustrandarhrepps að
taka að nýju til afgreiðslu umsókn
um leyfi til að setja upp mynd-
bandaleigu í bílageymslu við Ara-
gerði. Ráðuneytið telur að fyrri
afgreiðsla hreppsnefndar sé í and-
stöðu við samþykktir hreppsins
og sveitarstjórnarlög.
Skipulags- og byggingarnefnd
Vatnsleysustrandarhrepps hafn-
aði ósk eigenda myndbandaleig-
unnar um að reka hana í bíla-
geymslu í íbúðargötu og staðfesti
meirihluti hreppsnefndar þá nið-
urstöðu en einn fulltrúi minnihlut-
ans greiddi atkvæði á móti. Hall-
dóra Magný Baldursdóttir,
fulltrúi minnihlutans, kærði málið
til félagsmálaráðuneytisins fyrir
sína hönd og eigenda myndbanda-
leigunnar, taldi að ekki hafi verið
rétt staðið að ákvörðuninni.
Í úrskurði sínum tekur ráðu-
neytið fram að það geti ekki
fjallað um athugasemdir sem
varða efnislega afgreiðslu skipu-
lags- og byggingarnefndar þar
sem það sé á valdi úrskurðar-
nefndar skipulags- og byggingar-
mála. Hins vegar tekur ráðuneyt-
ið undir þá athugasemd hrepps-
nefndarmannsins að staðfesting
hreppsnefndar á ákvörðuninni
hafi ekki gildi þar sem fundargerð
skipulags- og byggingarnefndar
hafi ekki fylgt fundarboði enda
fundurinn verið haldinn sólar-
hring fyrir hreppsnefndarfund-
inn. Við þessar aðstæður hafi ver-
ið nauðsynlegt að fyrir lægi
samþykki tveggja þriðju hluta
hreppsnefndar til að taka slíkt
mál á dagskrá en eftir því hafi
ekki verið leitað.
Verði afgreitt að nýju
Telur ráðuneytið að afgreiðsla
hreppsnefndar sé í andstöðu við
samþykktir um stjórn og fundar-
sköp Vatnsleysustrandarhrepps
og sveitarstjórnarlög og að hún
geti ekki falið í sér endanlega nið-
urstöðu málsins. Er því beint til
hreppsnefndarinnar að hún taki
til sjálfstæðrar afgreiðslu um-
rædda umsókn, komi fram ósk um
endurupptöku þess.
Tilkynning um úrskurð félags-
málaráðuneytisins var á dagskrá
hreppsnefndarfundar í gærkvöld.
Félagsmálaráðuneytið úrskurðar
um myndbandaleiguna í Aragerði
Ákvörðun hrepps-
nefndar ógilt
Vogar
STJÓRNSTÖÐ Öryggismiðstöðvar
Íslands barst um síðustu helgi boð
um innbrot í fyrirtæki á Suður-
nesjum. Innbrotið reyndist á mis-
skilningi byggt.
Öryggisvörður var kominn á
staðinn örskotsstundu eftir að ör-
yggiskerfi sendi boð um innbrotið
og hitti þar fyrir dauðadrukkinn
mann sem enga skýringu gat gefið
á ferðum sínum aðra en þá að hann
hafi rekist á hurðina og hún hafi
hrokkið upp og hann dottið inn. Á
heimasíðu Öryggismiðstöðvarinnar
segir að við nánari eftirgrennslan
hafi komið í ljós að forráðamenn
fyrirtækisins höfðu gleymt að læsa
útihurðinni þegar þeir yfirgáfu
vinnustaðinn en mundu eftir því að
setja þjófavarnarkerfið á.
Datt inn í fyrirtæki
Suðurnes
ATVINNULAUSUM á Akureyri
hefur fjölgað nokkuð að undanförnu
en um áramót voru um 290 manns á
atvinnuleysisskrá í bænum, sem er
svipaður fjöldi og fyrir ári, að sögn
Björns Snæbjörnssonar formanns
Einingar-Iðju. Björn sagði að fólk
hefði komið seinna inn á atvinnuleys-
isskrá nú en t.d. í fyrra, m.a. vegna
þess hversu veðrið hefur verið gott.
Útlitið framundan væri hins vegar
alls ekkert of gott og að fjöldi fólks
hefði bæst á atvinnuleysisskrá nú á
fyrstu dögum ársins.
„Fólk er svartsýnna nú um áramót
en á sama tíma síðustu 3-4 ár. Það
fólk sem hefur verið að leita að vinnu
fær ekki jákvæð viðbrögð og það er
því daufara yfir fólki þessa dagana.
Það hafa ekki orðið nein stóráföll í
atvinnulífinu, heldur hafa fyrirtæki
verið að draga saman seglin hægt og
rólega og fækka fólki. Það sem kem-
ur einna verst við okkur er að Ak-
ureyrarbær samþykkti í tengslum
við afgreiðslu fjárhagsáætlunar að
draga úr mannaráðningum.“
Björn sagði það mjög neikvætt
þegar sveitarfélagið væri að fækka
starfsfólki og eða að leggja meiri
byrðar á þá sem fyrir eru. Slíkt hafi
ekki jákvæð áhrif á aðra atvinnurek-
endur. „Manni finnst að sveitarfélög-
in eigi frekar að bæta í á samdrátt-
artímum en að draga saman seglin.
Það er alveg sama við hvern maður
talar, það bíða allir eftir einhverju
kraftaverki. Hér hefur verið byggð-
ur upp háskóli, sem er mjög gott,
auk þess sem verið er að vinna í ýms-
um málum en við þurfum eitthvað
stórt.“
Akureyrarbær gengur á undan
með skelfilegu fordæmi
Björn sagði að akureyrsk fyrir-
tæki myndu örugglega reyna að nýta
sér þá möguleika sem skapast í
tengslum við stóriðju fyrir austan.
„Þar eru sóknarfæri fyrir okkur en
svo þurfum við einnig stóriðju hing-
að.“
Björn sagði að mjög neikvæð um-
ræða væri í gangi og auknar álögur
væru til þess fallnar að fólk færi að
horfa eitthvert annað. „Sveitarfélag
eins og Akureyri gengur þar á undan
með skelfilegu fordæmi, sem og
stjórnvöld og ekki er þetta til að auð-
velda fólki lífið á landsbyggðinni.“
Um 290 manns á atvinnuleysisskrá á Akureyri um áramótin
Atvinnulausum fjölg-
ar og útlitið framund-
an alls ekki gott
VEÐRIÐ hefur leikið við lands-
menn síðustu vikur og virðist fram-
hald þar á. Garðyrkjufræðingar
Framkvæmdamiðstöðvar Akureyr-
ar, þau Gunnar Th. Gunnarsson og
Sigríður Droplaug Jónsdóttir, voru
að klippa runna við Glerárgötu á
Akureyri í blíðunni í gærdag og
voru hin ánægðustu með tíðarfarið.
„Það er gaman að klippa í þessu
frábæra veðri, það er ekki of hlýtt
og ekki heldur of kalt. Þetta góða
veður kemur sér vel og léttir jafn-
framt á vorverkunum. Það er ekki
algengt að hægt sé að klippa tré á
þessum árstíma, en við förum í úti-
vinnu um leið og hægt er,“ sagði
Gunnar. Hann gat þess jafnframt
að síðar í þessum mánuði yrði farið
í að rækta sumarblóm fyrir Ak-
ureyrarbæ og að sú vinna stæði
fram á vorið.
Félagar í Veðurklúbbnum á dval-
arheimilinu Dalbæ í Dalvíkurbyggð
eru flestir sammála um að janúar-
mánuður verði með sama máta og
verið hefur að undanförnu og
byggja það m.a. á því að tunglið
sem kviknaði 2. janúar, þriðja vetr-
artunglið, verði að mörgu leyti
keimlíkt tveimur þeim fyrri. Líkur
séu hins vegar á breytingum á veðri
þegar nýtt tungl kvikni 1. febrúar,
„og við fáum að finna fyrir því sem
við Íslendingar þekkjum“, segir í
veðurspá félaganna fyrir janúar.
Búast þeir því við að veturinn gangi
í garð um það leyti, en þó ekki af
fullum þunga strax.
Morgunblaðið/Kristján
Gunnar Th. Gunnarsson garðyrkjufræðingur með klippurnar á lofti.
Létta á vorverkunum
MENNTASMIÐJA unga fólksins er námstilboð sem Menntasmiðjan á Akureyri
býður nú á vorönn 2003. Þetta er smiðja fyrir fólk á aldrinum 17–26 ára af báð-
um kynjum. Markmiðið er að auka sjálfsstyrk og lífshæfni nemenda og miðast
námið sérstaklega við óskir og þarfir ungs fólks, sem af einhverjum ástæðum
hefur ekki fundið sig í námi eða atvinnu, að fá það til að rífa sig upp úr fari at-
vinnuleysis og almenns stefnuleysis í lífinu og gera það hæfara til að takast á
við þau verkefni sem standa þeim til boða og eða að búa þau undir að skapa sér
verkefni sjálf.
Námið er þríþætt; hagnýtt, skapandi og sjálfsstyrkjandi, en hið síðasttalda er
rauði þráðurinn í öllu náminu. Fjölskyldudeild Akureyrarbæjar og Svæðisvinnu-
miðlun Norðurlands eystra eiga ákveðinn fjölda sæta í náminu en að öðru leyti
er það öllum á áðurnefndum aldri opið. Að þessu sinni verður tekinn inn hópur
um tíu nemenda. Menntasmiðjan hefst 15. janúar en umsóknarfrestur rennur út
í dag, 8. janúar. Umsóknareyðublöð eru í Menntasmiðjunni, Glerárgötu 28, 3.
hæð.
Menntasmiðja fyrir ungt fólk
Ráðstefna sem ber yf-
irskriftina „Frá stjórnun til
stefnumótunar – að fylgja
eftir stefnumótun, mark-
miðssetning og notkun
hugbúnaðar,“ verður hald-
in í Háskólanum á Ak-
ureyri á morgun, fimmtu-
daginn 9. janúar, og hefst
hún kl. 14.15. Fjallað verð-
ur m.a. um það hvernig
fylgja megi eftir stefnumót-
un og hvaða leiðir eru fær-
ar til að ná árangri. Fluttir
verða fjórir fyrirlestrar um
þetta efni.
Á MORGUN