Morgunblaðið - 08.01.2003, Blaðsíða 33
MINNINGAR
MORGUNBLAÐIÐ MIÐVIKUDAGUR 8. JANÚAR 2003 33
✝ Magnús Ingjalds-son fæddist í
Reykjavík 13. októ-
ber 1915. Hann lést á
hjúkrunarheimilinu
Sóltúni 29. desember
síðastliðinn. Hann
var sonur hjónanna
Ingjaldar J. Ingjalds-
sonar og Sigríðar
Eyjólfsdóttur. Magn-
ús var elstur 13
systkina og eru 7
þeirra á lífi, þau eru
Ólöf, Guðmundur,
Sigríður Ingiríður,
Garðar, Hilmar og
Svandís.
Magnús kvæntist 14.8. 1950 eft-
irlifandi eiginkonu sinn Júlíönu
Árnadóttir frá Bjarneyjum á
Breiðafirði, f. 27.8. 1924, og eign-
uðust þau sjö börn. Þau eru: 1)
Guðrún Eygló, f. 1.11. 1945, maki
Hafliði Jónsson, f. 26.3. 1946. Þau
eiga þrjá syni, Magnús, f. 20.8.
1969, maki Þórdís Sverrisdóttir,
þau eiga einn son, Hafþór, f. 16.11.
1973, maki Guðrún Steinunn Svav-
arsdóttir, þau eiga einn son og
Heimir, f. 25.1. 1978. 2) Ragnheið-
ur Árný, f. 23.1. 1947, d. 3.11. 1993,
Bergþór Ingi á þrjú börn. Börn
Ingu og Jóels eru Lára, f. 10.7.
1974, Jón Geir, f. 8.12. 1975 maki
Lilja Harðardóttir, Eva María, f.
4.9. 1978, hún á þrjú börn, Björk
Júlíana, f. 25.2. 1982, sambýlis-
maður Ólafur B. Hilmarsson, þau
eiga eitt barn, og Reynir Magnús,
f. 25.2. 1982. 5) Sigríður, f. 29.6.
1953, d. 5.3. 2002, maki Auðunn
Sigurjónsson, f. 24.8. 1948, börn
þeirra eru Júlíana, f. 13.7. 1972,
maki Stefán G Einarsson, þau eiga
fjögur börn, Svanlaug, f. 26.9.
1974, maki Haraldur Björnsson,
þau eiga þrjú börn og Magnús
Már, f. 7.5. 1980. 6) Ingveldur
Jóna, f. 26.12. 1957, sambýlismað-
ur Matthías Hannesson, f. 11.12.
1961, d. 23.2. 2002. Börn Ingveldar
eru Kolbrún Svala Júlíusdóttir, f.
18.5. 1977, sambýlismaður Friðrik
Þór Konráðsson, þau eiga tvo syni,
Björn Ingvar Björnsson, f. 11.9.
1978, maki Guðrún Ósk Ársæls-
dóttir, þau eiga tvö börn. Dætur
Ingveldar og Matthíasar eru Berg-
lind, f. 8.6. 1983, sambýlismaður
Arnar Baldvinsson, þau eiga einn
son, og Hrafnhildur, f. 7.3. 1986. 7)
María, f. 6.7. 1960, d. 9.1.
2001. Magnús og Júlíana bjuggu
allan sinn búskap í Reykjavík, síð-
ast í Furugerði 1 en lengst af á
Kleppsvegi 76.
Útför Magnúsar verður gerð frá
Fossvogskapellu í dag og hefst at-
höfnin klukkan 13.30.
var gift Sigurði Ólafi
Sigurðssyni, þau
skildu. Barn Ragn-
heiðar, Linda Björk
Bjarnadóttir, f. 21.10.
1965, d. 20.4. 1988.
Börn Ragnheiðar og
Sigurðar Ólafs eru
Júlíus M. Sigurðsson,
f. 15.4. 1971, hann á
tvö börn, Gerða Krist-
ín Hammer, f. 15.4.
1973, maki Sigurður
Valdimar Birgisson,
þau eiga tvær dætur,
og Svanhvít Helga
Hammer, f. 20.10.
1976, maki Gústaf P. Jónsson, þau
eiga tvo syni. 3) Bergþór, f. 27.1.
1950, maki Helga Hákonardóttir,
f. 21.10. 1951, börn þeirra eru
Magnús Guðleifsson, f. 18.4. 1970,
maki Guðbjörg Guðmundsdóttir,
þau eiga tvö börn og Bergþór
Helgi Bergþórsson, f. 28.5. 1973,
maki Gyða S. Steinarsdóttir, þau
eiga þrjú börn. 4) Inga, f. 18.4.
1952, d. 27.6. 1988, var gift Jóel
Jónassyni, f. 26.10. 1944, þau
skildu. Barn Ingu, Bergþór Ingi
Þráinsson, f. 23.12. 1971, maki
Ingibjörg Ósk Guðmundsdóttir.
Elsku pabbi.
Ég held að þú hafir verið hvíldinni
feginn, þú varst búinn að vera svo
lasinn síðustu mánuði, en alltaf
þekktir þú mig nema síðasta daginn.
Nú ert þú kominn til stelpnanna
þinna fjögurra sem þið mamma
þurftuð að horfa á eftir. Það getur
enginn ímyndað sér hvað á ykkur var
lagt, á efri árum, þið eignuðust sex
dætur og einn son og nú eru bara eft-
ir tvær dætur og eini sonurinn ykk-
ar. Og við spyrjum hvers vegna öll
þessi ósköp í sömu fjölskyldunni? En
það er fátt um svör. Fyrst dó Inga
1988, aðeins 34ra ára í umferðarslysi,
og næst var það Rannsý 1993 þá 46
ára, þá litla stelpan þín María fyrir
réttu ári, 40 ára og síðast Sigga í
mars síðastliðnum 48 ára. Allar þrjár
úr sama hryllilega sjúkdómnum.
Samtals áttu þær systur mínar 12
eftirlifandi börn, sem eiga um sárt að
binda. En ekki var allt svona svart
því oft var glatt á hjalla og aldrei
gleymi ég því hve montinn þú varst
þegar þú eignaðist fyrstu barnabörn-
in, þau Lindu Björk og nafna þinn og
þegar þú eignaðist fyrsta bílinn,
Volkswagen bjöllu og svo öll
skemmtilegu jólin á Kleppsveginum
þegar öll fjölskyldan kom saman, þá
leið þér vel í öllum látunum með
barnabörnunum þannig að mömmu
þótti stundum nóg um. Strákarnir
mínir minnast þess oft þegar afi bauð
þeim í nefið og þá var mikið hnerrað
og hlegið.
Ég og fjölskyldan mín viljum
þakka þér, pabbi minn, með þessum
fátæklegu orðum, fyrir allt sem þú
varst okkur. Við systkinin munum
passa mömmu fyrir þig, hún á mjög
bágt núna enda voruð þið saman í
tæp 60 ár. Að síðustu viljum við
þakka öllu því góða fólki, bæði í
Furugerði 1 og hjúkrunarheimilinu
Sóltúni, fyrir frábæra umönnun og
hlýleika í þinn garð.
Ég bið guð að geyma þig pabbi
minn.
Guðrún Eygló.
Hann afi var stórbrotinn maður,
hann var alltaf svo kátur og
skemmtilegur, átti það til að vera
svolítið stríðinn og var oft á tíðum
hinn mesti hrakfallabálkur.
Mínar fyrstu minningar um afa
voru þegar ég var 3–4 ára gömul, þá
komum við oft í heimsókn til ömmu
og afa á Kleppsveginum. Alltaf tók
afi mig í fangið, lét mig hossa á hnénu
á sér og söng Bí bí og blaka og fleiri
lög, þetta þótti mér hin mesta
skemmtun.
Við fjölskyldan ferðuðumst oft
með afa og ömmu hér á árum áður og
voru þær ferðir oft alveg frábærar og
var afi þar oftast í aðalhlutverki, við
fórum víða um landið og gistum ým-
ist í tjaldi eða sumarhúsi eða fórum í
veiði, en hápunktur okkar ferða var
þegar við fórum með afa, ömmu og
Mæju í sumarhús í Hollandi sumarið
1988. Sú ferð er okkur enn í fersku
minni og hafa sögurnar úr þeirri ferð
oft verið tilefni mikilla hláturskasta.
Heilsu afa hrakaði smásaman hin
síðari ár, það var þeim hjónum mikil
raun að þurfa að horfa á eftir fjórum
dætrum sínum einni af annarri
kveðja þennan heim, fyrst lést Inga í
bílslysi 1986, svo dó Rannsý úr
krabbameini 1993, snemma ársins
2001 lést Mæja og rétt rúmu ár síðar
í mars á nýliðnu ári dó mamma, báð-
ar síðarnefndu úr sama krabbameini
og Rannsý. Það hefur því oft verið
þung þrautin hjá þeim hjónum.
Árið 2000 fluttu þau afi og amma í
Furugerði, þar leið afa vel enda mik-
ill og góður félagsskapur að hafa svo
marga á líkum aldri í kringum sig,
svo var starfsfólkið þar einkar lið-
legt. Snemma á síðasta ári fluttu þau
svo í Sóltún, þar sem aðbúnaður er
með besta móti og vel hefur verið
hugsað um þau.
Ég bið góðan Guð að vaka yfir
ömmu og gefa henni styrk á þessum
erfiða tíma.
Elsku afi minn ég trúi því að nú
sértu kominn til dætra þinna og að
þið verðið saman um alla eilífð, minn-
inguna um þig geymi ég í hjarta
mínu. Hafðu þökk fyrir allt,
Svanlaug Auðunsdóttir.
Elsku afi, það er með söknuði og
þakklæti sem ég kveð þig.
Nú þegar þú hefur fengið hvíldina
sitjum við ástvinir þínir og rifjum
upp allar skopsögurnar af þér, því þú
varst óttalegur hrakfallabálkur, ef
eitthvað gat farið úrskeiðis fór það
svo hjá þér.
Minningarnar eru ótal margar þar
sem eitthvað misfórst hjá þér, elsku
afi minn en þú gast nú líka brosað að
því sjálfur og það var einn kosturinn
við þig, þú tókst því yfirleitt vel þó
einhver færi að hlæja að óförum þín-
um.
Þér þótti hér á árum áður mjög
gaman að ferðast og veiða og urðum
við fjölskyldan þeirrar ánægju að-
njótandi að fá að upplifa margar svo-
leiðis ferðir með ykkur ömmu og
Mæju heitinni. Það gerðist nokkrum
sinnum í veiðiferðum okkar að þú afi
minn varst orðinn svo æstur að ná
fiski (varðst alltaf að verða fyrstur til
að næla í fisk og varst þrælfúll ef eitt-
hvað af okkur krökkunum var á und-
an til eða veiddi stærri fisk en þú) að
þú varst kominn of langt út í vatnið
þ.e vatnið flæddi ofan í stígvélin þín
og svo þrættirðu fyrir það, oft lenti
líka öngullinn þinn annars staðar en
hann átti að lenda t.d. aftan í þig
sjálfan eða eyrað á Magga bróður.
Stundum varð þér fótaskortur án
þess að við sæjum til, þá sagðistu
hafa verið að ná þeim stóra en hann
náði að slíta alveg við landsteinana.
Já svona eru minningarnar um þig
skoplegar og alveg ótalmargar. Við
fjölskyldan vorum líka svo heppin að
fá að fara með ykkur ömmu í einu ut-
anlandsferðina ykkar saman þegar
við fórum til Hollands. Þar eins og
annars staðar varst þú æði fyndinn,
þegar við vorum búin að koma okkur
þar fyrir ákváðum við að leigja okkur
hjól, mamma og amma vildu frekar
vera gangandi en þú vildir vera eins
og við krakkarnir og pabbi. Pabba
fannst nú, þar sem þú varst stirður
og þungur á þér, að þú ættir kannski
bara að fá þér kvenreiðhjól, þú hélst
nú ekki og fékkst þér karlmannshjól
með stöng, jafnvel þó þú þyrftir að
teyma það að steini eða einhverju að
stíga á til að komast upp á hjólið og
þyrftir að láta þig detta af því eða
keyra inn í runna svo þú fengir
„mjúka lendingu,“ en svona þrjóskur
varstu afi minn. Öll barnabörnin þín
muna eflaust eftir þér með barn á
hnjánum, hossandi því og syngjandi
Bí bí og blaka, sum börnin voru
hrædd við þig en þú hafðir nú bara
gaman af því og gerðir hálf í því að
hræða þau, því þér fannst ofsalega
gaman að stríða, þá glottir þú út í
annað ef amma skammaði þig og
þóttist blásaklaus.
Elsku afi, minningar mínar um þig
eru ómetanlegar, ég á margar sögur
til að segja mínum börnum, margt
broslegt sem yljar mér á erfiðum
stundum sem hafa verið æði margar
nú undanfarið. Elsku afi minn, þakka
þér allt sem þú varst mér, ég trúi því
að nú líði þér vel, að dætur þínar hafi
tekið vel á móti þér og þið séuð að
rifja upp gamla daga og fyrr en varir
verður þú farinn að stríða þeim og
glottið þitt fræga komið á sinn stað,
svoleiðis vil ég sjá þig fyrir mér.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynnast
þér.
(Ingibjörg Sigurðardóttir.)
Elsku amma ég bið fyrir þér.
Þín
Júlíana.
Okkur langar með þessum orðum
að minnast langafa okkar, Magnúsar
Ingjaldssonar. Við biðjum guð að
styrkja langömmu.
Leiddu mína litlu hendi,
ljúfi Jesús, þér ég sendi
bæn frá mínu brjósti sjáðu,
blíði Jesús, að mér gáðu.
(Ásmundur Eiríksson.)
Kær kveðja,
Inga Bryndís og Brynjar Atli.
MAGNÚS
INGJALDSSON
Dómkirkjan. Hádegisbænir kl. 12.10. Létt-
ur málsverður á eftir. Prestarnir taka við fyr-
irbænum í síma 520 9700.
Grensáskirkja. Samverustund aldraðra kl.
14. Biblíulestur, bænagjörð, kaffi og spjall.
Háteigskirkja. Bænaguðsþjónusta kl. 11.
Kvöldbænir kl. 18.
Seltjarnarneskirkja. Kyrrðarstund kl. 12.
Léttur hádegisverður eftir stundina.
Breiðholtskirkja. Kyrrðarstund í dag kl.
12.10. Tónlist, altarisganga, fyrirbænir.
Léttur málsverður í safnaðarheimilinu eftir
stundina. Kirkjuprakkarar. Starf fyrir 7–9
ára börn kl. 16.30. TTT-starf fyrir 10–12 ára
kl. 17.30. Æskulýðsstarf á vegum
KFUM&K og kirkjunnar kl. 20.
Seljakirkja. Kyrrðar- og bænastund í dag kl.
18. Beðið fyrir sjúkum. Allir hjartanlega vel-
komnir. Tekið á móti fyrirbænaefnum í kirkj-
unni í síma 567 0110.
Bessastaðasókn. Dagur kirkjunnar í
Haukshúsum í boði Bessastaðasóknar.
Foreldramorgnar, starf fyrir foreldra ungra
barna kl. 10–12. Heitt á könnunni. Fjöl-
mennum. Opið hús fyrir eldri borgara kl.
13–16 í samstarfi við Félag eldri borgara á
Álftanesi. Notalegar samverustundir með
fræðslu, leik, söng og kaffi. Auður eða Er-
lendur sjá um akstur á undan og eftir.
Vídalínskirkja. Foreldramorgnar í safnaðar-
heimilinu Kirkjuhvoli kl. 10–12. Hittumst og
spjöllum. Heitt á könnunni og djús fyrir börn-
in. Allir foreldrar velkomnir með eða án barna.
Hafnarfjarðarkirkja. Kyrrðarstund í kirkj-
unni kl. 12, íhugun, altarisganga, fyrirbæn-
ir. Léttur hádegisverður kl. 13 í Ljósbroti
Strandbergs.
Víðistaðakirkja. Kyrrðar- og fyrirbænastund
í dag kl. 12. Boðið er upp á súpu og brauð í
safnaðarheimilinu á eftir. Hægt er að koma
fyrirbænaefnum til sóknarprests eða kirkju-
varðar.
Þorlákskirkja. Barna- og foreldramorgnar í
dag kl. 10–12.
Kletturinn, kristið samfélag. Kl. 20.30.
Bænahópar í heimahúsum. Upplýsingar í
síma 565 3987.
Kefas. Samverustund unga fólksins kl.
20.30. Lofgjörð, hugleiðingar, fróðleiksmol-
ar og vitnisburðir. Allt ungt fólk velkomið.
Sauðárkrókskirkja. Kyrrðarstund kl. 21.
Akureyrarkirkja. Mömmumorgunn kl. 10.
Opið hús, kaffi og spjall. Safi fyrir börnin.
ÆFAK, yngri deild, kl. 20.
SÍK. Samkoma í Kristniboðssalnum í kvöld
kl. 20. Kveðjusamkoma fyrir Kristbjörgu
Gísladóttur og Ragnar Schram. Valdís
Magnúsdóttir talar. Það verður heitt á könn-
unni eftir samkomuna. Allir velkomnir. Ath.
breyttan samkomutíma.
Safnaðarstarf
BIBLÍUSKÓLINN við Holtaveg
heldur fræðslukvöld um þrjú af spá-
mannaritum Gamla testamentisins,
það er ritin sem kennd eru við
Óbadía, Jónas og Míka, fimmtudag-
inn 9. janúar í húsi KFUM og KFUK
á horni Holtavegar og Sunnuvegar.
Gerð verður grein fyrir bak-
grunni og innihaldi ritanna og hvaða
gagn má hafa af lestri þeirra.
Fræðslukvöldið er liður í þriggja ára
áætlun skólans er kallast „Þekktu
Biblíuna betur“. Á þriggja ára tíma-
bili er ætlunin að kynna fyrir al-
menningi öll rit Biblíunnar og hvetja
þannig til lesturs hennar. Næstu
fjóra mánuði verða fræðslukvöld
fyrsta fimmtudag mánaðarins. Fyr-
irlesari á fræðslukvöldinu nú verður
Ragnar Gunnarsson kristniboði. Að-
gangur er ókeypis og allir velkomn-
ir hvort sem fólk hefur mætt á önnur
fræðslukvöld skólans eða ekki og
þátttaka felur ekki í sér neina skuld-
bindingu til frekari þátttöku.
Fræðslukvöld um
þrjú rit Gamla
testamentisins
KIRKJUSTARF
Lokað
verður í dag frá kl. 12.00 vegna jarðarfarar ÁRNA GESTSSONAR.
Globus hf., Skútuvogi 1f.
Við viljum senda hjartans þakkir til allra er
sýndu okkur samúð, hlýhug og sanna vináttu,
við andlát og útför okkar ástkæra
DANÍELS ÞÓRS HILMARSSONAR,
Guð blessi ykkur öll.
Helga Bryndís Magnúsdóttir,
Guðlaug Björnsdóttir, Hilmar Daníelsson,
Íris Daníelsdóttir,
Hilmar Daníelsson,
Svala Sveinbergsdóttir,
Heiða Hilmarsdóttir, Hilmar Þór Valgarðsson,
Björn Ingi Hilmarsson, Hlín Helga Guðlaugsdóttir,
Hólmfríður Hilmarsdóttir, Kristmann Kristmannsson,
frændsystkini og aðrir aðstandendur.
Innilegar þakkir sendum við öllum þeim sem
sýndu okkur samúð og hlýhug við andlát og
útför ástkærs eiginmanns míns, föður okkar,
tengdaföður, afa og langafa,
ÞÓRÐAR GESTSSONAR,
Kálfhóli,
Skeiðum.
Guð blessi ykkur öll.
Eyrún Guðmundsdóttir,
Guðrún Elsa Aðalsteinsdóttir, Ingvar Árnason,
Guðmundur Þórðarson, Guðlaug Gísladóttir,
Gestur Þórðarson, Margrét J. Ólafsdóttir,
Valgeir Þórðarson, Kristín Hjálmarsdóttir,
Hrafnkell Baldur Þórðarson, Siril Iren Sagstad,
Elín Þórðardóttir, Sigurður Guðmundsson,
Gunnar Már Þórðarson, Kolbrún Björnsdóttir,
barnabörn og barnabarnabörn.
Afmælis- og minningargreinum má skila í tölvupósti, netfangið er minning@mbl.is, svar er
sent sjálfkrafa um leið og grein hefur borist. Ef greinin er á disklingi þarf útprentun að
fylgja. Nauðsynlegt er að símanúmer höfundar og/eða sendanda (vinnusími og heimasími)
fylgi með. Þar sem pláss er takmarkað getur þurft að fresta birtingu greina, enda þótt þær
berist innan hins tiltekna frests. Nánari upplýsingar eru á mbl.is. Um hvern látinn ein-
stakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi. Einnig er
hægt að senda örstutta kveðju, HINSTU KVEÐJU, 5–15 línur, og votta virðingu án þess að
það sé gert með langri grein. Greinarhöfundar eru beðnir að hafa skírnarnöfn sín en ekki
stuttnefni undir greinunum.