Morgunblaðið - 08.01.2003, Blaðsíða 37

FRÉTTIR
MORGUNBLAÐIÐ MIÐVIKUDAGUR 8. JANÚAR 2003 37
HINN 30. desember sl. fór fram at-
höfn í Höfða þar sem úthlutað var
úr minningarsjóði Gunnars Thor-
oddsen, fyrrverandi borgarstjóra.
Að þessu sinni er það Anh Dao
Tran sem hlýtur 250 þúsund króna
styrk úr minningarsjóðnum og er
m.a. veittur fyrir að þróa hug-
myndir að skipulögðu verkefni á
vegum Reykjavíkurborgar sem
hefur að markmiði að kortleggja
þarfir og þróa úrræði til að mæta
menntunarþörfum barna og ung-
menna í hópi innflytjenda.
Anh-Dao Tran er íslenskur rík-
isborgari af víetnömskum uppruna,
sem búsett hefur verið hér á landi
um 16 ára skeið. Hún kom sem
flóttamaður til Bandaríkjanna á
árinu 1975, þá unglingur, og bjó
þar næsta áratuginn eða svo, eða
þangað til hún fluttist til Íslands.
Árið 1984 hlaut hún MA-gráðu í
kennslufræði heyrnleysingja frá
Columbia-háskólanum í New York
og starfaði þar í landi bæði að
kennslu heyrnleysingja og að mál-
efnum innflytjenda. Anh-Dao hefur
því mikla reynslu af því að mæta
menntunarþörfum hópa sem búa
við einangrun, tungumálaerf-
iðleika, fötlun eða annars konar
sérstöðu.
Hér á landi hefur hún sinnt
kennslu og ráðgjöf í menntamálum,
unnið að útgáfu fyrstu íslensk-
víetnömsku orðabókarinnar og
gert námsefni í íslensku fyrir út-
lendinga, svo fátt eitt sé nefnt.
Þessa menntun og reynslu hefur
Anh-Dao leitast við að nýta í starfi
að málefnum innflytjenda í Reykja-
vík, aðallega Víetnama og annarra
af asískum uppruna. Meðal annars
er hún um þessar mundir að vinna
að rannsókn á þáttum sem hafa
áhrif á námsárangur asískra nem-
enda sem menntamálaráðuneytið,
Kennarasamband Íslands og
Barnavinafélagið Sumargjöf
styrkja. Þá á hún m.a. samvinnu við
Fræðslumiðstöð Reykjavíkur um
aðstoð við nemendur og fjölskyldur
þeirra af víetnömskum uppruna.
Þetta er að mestu leyti sjálfboðið
starf. Anh-Dao hefur bæði aðstoðað
innflytjendur og borgarstofnanir
sem að málum hafa þurft að koma.
Fyrst var úthlutað úr sjóðnum á
árinu 1987 og er þetta því í 16. sinn
sem styrk úr minningarsjóðnum er
úthlutað. Sjóðurinn var stofnaður
af hjónunum Bentu og Valgarð
Briem 29. desember 1985, þegar
liðin voru 75 ár frá fæðingu Gunn-
ars. Sjóðurinn er í vörslu borg-
arstjórans í Reykjavík, sem
ákveður úthlutun úr honum að
höfðu samráði við frú Völu Thor-
oddsen.
Tilgangur sjóðsins er að veita
styrki til einstaklinga eða hópa,
sem starfa á sviði mannúðarmála,
heilbrigðismála eða menningar-
mála, sem Gunnar Thoroddsen lét
sérstaklega til sín taka sem borg-
arstjóri, segir í fréttatilkynningu
um úthlutunina.
Frá afhendingu styrks úr minningarsjóði Gunnars Thoroddsen í Höfða. Frá vinstri: Valgarð Briem, Benta Briem,
Ingibjörg Sólrún Gísladóttir borgarstjóri, Ahn Dao Tran ásamt dóttur sinni og lengst til hægri er
Vala Ásgeirsdóttir Thoroddsen, eiginkona Gunnars heitins.
Hlaut styrk úr minningar-
sjóði Gunnars Thoroddsen
ALHEIMSMÓTI skáta er nýlokið
í Taílandi og sóttu það 24.000 skát-
ar hvaðanæva að úr heiminum.
Alls fóru 50 íslenskir skátar á
mótið, bæði sem þátttakendur og
starfsfólk. Alheimsmót eru haldin
á fjögurra ára fresti. Næsta al-
heimsmót verður haldið árið 2007 í
Englandi, á 100 ára afmæli skáta-
starfs í heiminum.
„Mótið stóð frá 28. desember til
7. janúar þannig að við fögnuðum
áramótunum á aldeilis ógleyman-
legan hátt. Hver þjóð byrjaði að
fagna nýju ári þegar klukkan sló
miðnætti í heimalandi hennar svo
að fagnaðarlætin stóðu í sólar-
hring. Hápunkturinn var þó þegar
áramótin gengu í garð að stað-
artíma,“ segir í frétt frá íslenska
hópnum.
Þar kemur líka fram að sólin
hafi skinið allan tímann og hitinn
verið 30–40 gráður. Hópurinn
kemur heim til Íslands um helgina.
Íslenskir skátar kynntust dýralífinu í Taílandi.
Alheimsmóti skáta lokið í Taílandi
Stuðningshópur um krabbamein í
blöðruhálskirtli verður með rabb-
fund í húsi Krabbameinsfélagsins að
Skógarhlíð 8 í Reykjavík, í dag, mið-
vikudaginn 8. janúar kl. 17. Þórarinn
Sveinsson, yfirlæknir geisla-
meðferðar krabbameina á Landspít-
ala – háskólasjúkrahúsi, kemur á
fundinn og ræðir um geislameðferð.
Í DAG
Ekki á leið til landsins
Í frétt um fíkniefnainnflutning til
landsins féll niður eitt orð í setningu
sem var höfð eftir Guðmundi Guð-
jónssyni, yfirlögregluþjóni hjá ríkis-
lögreglustjóra. Rétt setning er: Þá
verði að hafa í huga að undangengin
tvö ár hafi verið lagt hald á mikið af
e-töflum sem voru ekki ætlaðar á
markað á Íslandi. Beðist er velvirð-
ingar á þessum mistökum.
LEIÐRÉTT
Brunamálastofnun flutti skrif-
stofur sínar um áramótin á aðra
hæð byggingarinnar við Skúla-
götu 21. Stofnunin er sem fyrr
opin virka daga kl. 8–16.
Hið nýja húsnæði Bruna-
málastofnunar við Skúlagötu er
nokkru stærra en húsnæðið við
Laugaveg 59 þar sem stofnunin
var áður til húsa í 17 ár. Að-
staða er jafnframt mun betri á
nýja staðnum. Starfsmenn hafa
þar aðgang að rúmgóðum fund-
arsal og góðri aðstöðu til
kennslu. Flutningurinn gerir
stofnuninni ennfremur kleift að
setja bókasafn sitt upp þannig
að það nýtist gestum og starfs-
mönnum mun betur en fyrr.
Loks má nefna að húsbúnaður
og húsgögn voru öll endurnýjuð
en gömlu húsgögnin höfðu
þjónað stofnuninni í 17 ár.
Bruna-
málastofn-
un flytur
Frönskunámskeið
Hringbraut 121, JL húsið, 107 Reykjavík
Sími 552 3870 - 562 3820 fax 562 3820
http://af.ismennt.is
af@ismennt.is
hefjast 13. janúar
Námskeið fyrir byrjendur og lengra komna
Taltímar
Einkatímar
Námskeið fyrir börn.
Viðskiptafranska
Innritun í síma
552 3870 og 562 3820
Skógarhlíð 18, sími 595 1000.
www.heimsferdir.is
Önnur stærsta eyja
Karíbahafsins býður upp
á stórkostlegar aðstæður fyrir ferða-
manninn, fagrar strendur, einstaka tónlistar-
menningu og glæsileg hótel, þar sem þú
getur valið um hvaða afþreyingu, íþróttir
eða skemmtun sem hægt er að hugsa sér.
Heimsferðir bjóða nú í fyrsta sinn ferð til
hinnar fögru Juan Dolio strandar, sem er í
aðeins 35 kílómetra frá höfuðborginni
Santo Domingo, sem er ein fegursta borg
Karíbahafsins og hér er einstakt tækifæri til
að upplifa stórkostlegar strendur og mann-
lífið í höfuðborginni.
Sérflug Heimsferða
Verð kr. 94.850
M.v. MasterCardávísun að upphæð
kr. 5.000. Almennt verð án ávísunar
kr. 99.850.
Hotel Barcelo Colonia ****
Fallegt lítið 4 stjörnu hótel við
ströndina með frábærum aðbúnaði.
Verð kr. 113.050
M.v. MasterCardávísun að upphæð
kr. 5.000. Almennt verð án ávísunar
kr. 118.050.
Hótel Barcelo Capella *****
- Allt innifalið. Stórglæsilegt hótel á
Juan Dolio ströndinni, næst Colonia
hótelinu, glæsilegur aðbúnaður og
hér er allt innifalið á meðan á
dvölinni stendur.
Dóminíska
lýðveldið
16. febrúar
frá kr. 94.850
7 nætur
Flogið er með Travelservis flugfélaginu, nýjum
Boeing 737-800 flugvélum. Millilent á leiðinni til að
taka eldsneyti. Heildarflugtími um 10 klukkustundir.