Morgunblaðið - 08.01.2003, Blaðsíða 41
Breiðskífa Noruh Jones,
Come Away With Me, er
tilnefnd sem plata ársins.
FÓLK Í FRÉTTUM
MORGUNBLAÐIÐ MIÐVIKUDAGUR 8. JANÚAR 2003 41
BÓKBAND
Getum bætt við nemendum
í bókband á vorönn 2003.
Undanfari er grunnnám
upplýsinga- og fjölmiðlabrautar
eða sambærilegt nám.
Upplýsingar í síma 522 6500
og á heimasíðu skólans www.ir.is
DAGANA 6.–18. desember stóð yfir
netleikur á mbl.is fyrir áskrifendur
Morgunblaðsins í tengslum við
frumsýningu ævintýramyndarinnar
Tveggja turna tal, sem er annar
hluti Hringadróttinssögu. Eftir-
væntingin eftir myndinni hefur verið
mikil meðal landsmanna og því kom
ekki á óvart að áskrifendur Morg-
unblaðsins og fjölskyldur þeirra
tóku vel við sér þegar leikurinn fór
af stað. Þegar yfir lauk höfðu nálega
16 þúsund manns tekið þátt, enda
vegleg verðlaun í boði. Þátttaka í
leiknum fólst í að svara nokkrum
spurningum rétt og dregið var úr
réttum svarsendingum þegar leikn-
um lauk. Heiðrún Ósk Ólafsdóttir,
sem sent hafði inn rétt svör, var svo
heppin að vera dregin út og hljóta
þar með 1. verðlaun í leiknum, sem
voru Sony DVD-heimabíókerfi frá
Sony-setrinu, árskort í Laugarásbíó,
glæsilegur bókapakki frá Fjölva sem
inniheldur meðal annars Hringa-
dróttinssögu í heild sinni og Hobbit-
ann, 4 diska sérútgáfa af Föruneyti
hringsins á mynddiski frá Mynd-
formi, The Two Towers-leikur fyrir
Playstation 2, Hringadróttinsspilið
auk margs konar varnings sem teng-
ist myndinni. Heiðrún Ósk átti ekki
heimangengt til að veita verðlaun-
unum viðtöku, en Karl Smári Guð-
mundsson hljóp í skarðið. Með hon-
um á myndinni eru Aron
Víglundsson hjá Myndformi, Jón
Gunnar Geirdal hjá Skífunni, sem
jafnframt er markaðs- og kynn-
ingarstjóri Hringadróttinssögu á Ís-
landi, og Jón Agnar Ólason á mark-
aðsdeild Morgunblaðsins.
16 þúsund tóku þátt
Morgunblaðið/Golli
Í KVÖLD kl. 21.45 hefst ný þátta-
röð í Ríkissjónvarpinu, sem kallast
Vísindi fyrir alla. Um er að ræða
stutta þætti, þar sem hin marg-
víslegustu rannsóknar- og vísinda-
verkefni eru skoðuð, hvort sem er á
sviði raun- eða hugvísinda. Rætt er
við einn vísindamann í hverjum
þætti, auk þess sem einni spurn-
ingu, sem finna má á vísindavef HÍ
og birt er í Lesbók Morgunblaðsins,
er svarað í endann
Þættirnir eru vikulegir og verða
á dagskrá út árið. Í þætti kvöldsins
verður rætt við dr. Guðrúnu Svein-
bjarnardóttur, fornleifafræðing, en
hún hefur unnið að fornleifarann-
sóknum í hinu fornfræga menning-
arsetri Reykholti í Borgarfjarð-
arsveit undanfarin ár.
Umsjónarmenn eru þau Ari
Trausti Guðmundsson og Ragna
Sara Jónsdóttir og munu þau
skiptast á um umsjónina. Dag-
skrárgerð er í höndum Valdimars
Leifssonar. Hann og Ari Trausti
hafa áður unnið að viðlíka verk-
efnum en 2001 gerðu þeir níu þætti
sem kallast Vísindi í verki. Auk
þess koma Háskóli Íslands, RANN-
ÍS, Íslandsbanki og mennta-
málaráðuneytið að verkefninu.
Ari Trausti segir hlutverk um-
sjónarmanna að vera tengiliður vís-
indamannsins og almennings og
koma hlutunum skýrt og skipulega
á framfæri.
„Vísindamennirnir eru mjög vilj-
ugir að taka þátt í þessu. Sú fíla-
beinsturnahugsun, sem var svolítið
viðloðandi fyrir u.þ.b. 20 árum, er
mikið til að hverfa.“
Valdimar bætir því við að þær
fáu mínútur sem þau hafa til um-
ráða stýri þáttunum í þann farveg
að það þýði ekkert annað en að
koma beint að aðalatriðunum.
„Ég er dáldið montinn af því að
þetta skuli loks orðið að veruleika,“
segir Valdimar. „Þetta er mikið til
tilgangur sjónvarps. Að færa fólki
fræðslu á skemmtilegan hátt.“
Vísindi fyrir alla eru endursýnd
á sunnudögum kl. 11.05.
Vísindi fyrir alla – ný þáttaröð á RÚV
Morgunblaðið/Þorkell
Ragna Sara Jónsdóttir, Ari Trausti Guðmundsson og Valdimar Leifsson
munu gera grein fyrir vísindastörfum landans í Sjónvarpinu.
Allar dáðir efldar
NÝLIÐINN Norah Jones keppir við
kappana Bruce Springsteen og Em-
inem á Grammy-tónlistarhátíðinni en
tilnefningarnar voru kynntar á
þriðjudag.
Jones, sem er 23 ára gömul og dótt-
ir indverska tónlistarmannsins Ravi
Shankar, er einn átta tónlistar-
manna, sem tilnefndir eru til fimm
verðlauna. Eminem, Springsteen,
Nelly, Avril Lavigne, Sheryl Crow
og Raphael Saadiq hlutu einnig
fimm tilnefningar.
Jones naut óvæntra vin-
sælda á síðasta ári með djass-
og blústónlist sína. Frum-
raun hennar, Come Away
With Me, hefur selst í 2,7
milljónum eintaka í Banda-
ríkjunum. Breiðskífan er til-
nefnd sem besta plata ársins,
þar sem hún keppir við
plötur frá Eminem,
Springsteen, Nelly og
Dixie Chicks.
Grammy-tilnefningar kynntar í New York
Ashanti og Avril Lavigne voru í
hópi þeirra, sem kynntu tilnefn-
ingar til Grammy-verðlaunanna.
Eminem átti sölu-
hæstu plötu síð-
asta árs og er til-
nefndur til fimm
verðlauna í þetta
sinnið.
AP
Nýliðinn Norah í sviðsljósinu
Eminem er einnig ráðandi í tilnefn-
ingunum en plata hans The Eminem
Show var söluhæsta plata ársins í
Bandaríkjunum, og tónlistin úr mynd
hans 8 Mile hefur einnig selst vel.
Hann er m.a. tilnefndur fyrir rapp-
plötu og myndband ársins.
Gamli rokkarinn Springsteen gaf
út plötuna The Rising í fyrra og er
hún hans vinsælasta frá árinu 1984.
Springsteen fékk innblástur frá
hryðjuverkaárásunum 11. september
við gerð plötunnar og voru bæði
gagnrýnendur og hinn almenni aðdá-
andi ánægðir með útkomuna.
Stjörnur á borð við P Diddy, Avril
Lavigne, Ashanti, Justin Timberlake
og Nelly kynntu tilnefningarnar í
Madison Square Garden í New York.
Grammy-verðlaunin verða afhent við
hátíðlega athöfn hinn 23. febrúar.
Reuters
Hringadróttinsnetleikur á mbl.is vinsæll