Morgunblaðið - 24.02.2003, Blaðsíða 4

FRÉTTIR
4 MÁNUDAGUR 24. FEBRÚAR 2003 MORGUNBLAÐIÐ
Prag er nú orðinn einn vinsælasti áfangastaður Íslendinga til að sækja heim enda
ein fegursta borg heimsins sem geymir mörg hundruð ára sögu á hverju horni og
mannlíf og andrúmsloft sem á ekki sinn líka í Evrópu. Gullna borgin, borg hinna
þúsund turna, gimsteinn Evrópu, borg töfranna, það er ekki að undra að þessari
stórkostlegu borg hafi verið gefin öll þessi nöfn. Heimsferðir bjóða nú einstakt
tækifæri til að kynnast þessari ótrúlegu
borg með beinu flugi í vor. Í boði eru
góð 3 og 4 stjörnu hótel og spennandi
kynnisferðir um kastalahverfið og
gamla bæinn, eða til hins einstaklega
fagra heilsubæjar Karlovy Vary, með
íslenskum fararstjórum Heimsferða.
Helgarferð til
Prag
6. mars
frá kr. 39.950
Skógarhlíð 18, sími 595 1000.
www.heimsferdir.is
Verð kr. 25.450
Flugsæti til Prag, 10. mars, með 8.000 kr.
afslætti ef bókað fyrir 15. febrúar. Flug
og skattar. Gildir frá mánudegi til
fimmtudags. Fyrstu 300 sætin.
Verð kr. 39.950
Flug og hótel í 4 nætur. M.v. 2 í herbergi
á Pyramida Hotel, 6. mars. Skattar
innifaldir.
Flug fimmtudaga og mánudaga í mars og apríl
ÞAÐ var vel við hæfi, á Skákdegi
fjölskyldunnar sem skákfélagið
Hrókurinn stóð fyrir á Kjarvals-
stöðum í gær, að bræðurnir Ingvar
og Sverrir Ásbjörnssynir fóru með
sigur af hólmi í Meistaramóti
Hróksins sem um 40 börn tóku þátt
í. Systir þeirra, Ingibjörg, keppti
einnig á mótinu, en það var Júlía
Rós Hafþórsdóttir 10 ára, sem varð
hlutskörpust í hópi stúlkna. Hún
keppti einnig við Guðmund Daða-
son 102 ára á Kjarvalsstöðum í gær,
en þurfti að lúta í lægra haldi fyrir
þeim eldri, eftir að hafa varist
snörpum sóknarleik Guðmundar
fimlega.
Ingvar sem er 12 ára náði fyrsta
sæti mótsins og yngri bróðir hans
Sverrir náði öðru sæti. Segjast þeir
bræður oft tefla hvor við annan,
misjafnt sé hvor hafi betur, en þeir
byrjuðu báðir að tefla þegar þeir
voru um sex ára gamlir. Segja þeir
mikinn skákáhuga í fjölskyldunni.
„Það er erfiðast að keppa við
stórmeistarana,“ segir Ingvar, en
hann keppti við Margeir Pétursson
og Stefán Kristjánsson og tapaði
báðum skákum. „Ég átti séns á móti
Stefáni,“ heldur Ingvar áfram og
segir tæpt hvernig skákin fór.
Bræðurnir fengu þó báðir verð-
launapeninga, bikara og að auki
fékk Ingvar forláta skáktölvu og
Sverrir skákklukku.
Á kaffistofunni sitja mæðginin
Haraldur Hallgrímsson 12 ára og
Anna Haraldsdóttir ásamt fjöl-
skylduföðurnum, Hallgrími Tómasi
Ragnarssyni, og tefla. „Ég er að
tapa,“ segir Anna hlæjandi. „Ég
tefldi þegar ég var lítil og þótti
mjög gaman. Þetta er í fyrsta skipti
sem ég hef teflt í mörg ár, ég er
svona að rifja upp mannganginn,“
bætir hún við.
Haraldur, er nýlega byrjaður að
tefla með Haukum í Hafnarfirði og
tók m.a. annars þátt í fjöltefli á
Kjarvalsstöðum í gær. Haraldur
segir að sér hafi gengið ágætlega í
fjölteflinu þó hann hafi ekki unnið,
enda hafi verið við erfiða andstæð-
inga að etja.
Umkringdir listaverkum eftir
meistara Kjarval sitja þrettán skák-
menn í eldri kantinum og etja kappi
við meistara af öðru tagi, Friðrik
Ólafsson stórmeistara. Þarna voru
á ferðinni félagar í skákdeild Fé-
lags eldri borgara, sem var boðið
að keppa við stórmeistarann.
„Friðrik hefur unnið á móti ein-
um, ein skákin endaði með jafntefli,
en hitt er allt í járnum enn þá. Mér
sýnast þó vera vinningsstöður hjá
Friðriki á að minnsta kosti fimm
borðum,“ segir Birgir Sigurðsson,
formaður skákdeildar FEB í
Reykjavík.
Hann segir ágæta grósku vera í
skáklífinu hjá eldri borgurum. „Við
æfum í hverri viku í Glæsibæ, að
jafnaði koma aldrei færri en 20
manns að tefla,“ segir Birgir.
Fjöldi skákáhugamanna á öllum
aldri fylgdist með viðureign liðs
Einars Kárasonar rithöfundar og
bosníska stórmeistarans Ivans
Sokolov við félagana Kristján
Kristjánsson, sem er betur þekktur
undir nafninu KK, og enska stór-
meistarann, Luke McShane, sem er
einungis nítján ára gamall. Fóru
leikar þannig að Einar og Sokolov
höfðu betur eftir mjög dramatíska
og snarpa viðureign.
Morgunblaðið/Ómar
Bræðurnir Ingvar og Sverrir Ásbjörnssynir taka við verðlaunum úr hendi
Hrafns Jökulssonar, formanns Hróksins.
„Erfiðast að keppa við
stórmeistarana“
Anna Haraldsdóttir játar sig sigraða fyrir syninum, Haraldi Hallgrímssyni.
SPURNINGIN hvort Íslendingar
muni áfram geta tekið ákvörðun um
heildarafla úr íslenskri fiskveiðilög-
sögu gerist Ísland aðili að Evrópu-
sambandinu var efst á baugi á fundi
Samfylkingarinnar á Hótel KEA á
laugardag, þar sem sjávarútvegur
og Evrópusambandið, einkum sú
hlið er snýr að útgerðinni, var til um-
ræðu. Fundurinn var hluti af funda-
röð flokksins sem gengur undir heit-
inu „Mál á dagskrá“.
Úlfar Hauksson stjórnmálafræð-
ingur og Þorsteinn Már Baldvins-
son, framkvæmdastjóri Samherja
hf., héldu framsögu á fundinum.
Ákvörðun um heildaraflann
„Það sem fyrst og fremst skildi á
milli Úlfars og Þorsteins var spurn-
ingin um það hvort Íslendingum
tækist að fá inn í landið ákvörðun um
heildarafla, ef Ísland yrði aðili að
Evrópusambandinu. Úlfar telur að
það séu öll efni til þess að Íslend-
ingum takist að ná þessari ákvörðun
hingað heim en Þorsteinn Már telur
það hins vegar ólíklegt og það ræður
afstöðu hans til Evrópusambands-
ins,“ segir Svanfríður Jónasdóttir
þingmaður Samfylkingarinnar.
Hún segir Úlfar hafa nefnt að svar
við þessari spurningu fengist ekki
nema Ísland gengi til samningavið-
ræðna og sæi hvað sambandið byði
Íslendingum. „Þá fyrst liggur það
fyrir hvort að þessi möguleiki er fyr-
ir hendi og það er þá í stíl við það
sem við í Samfylkingunni settum
fram í bók okkar Ísland í Evrópu,“
segir Svanfríður.
Þannig telji margir mögulegt að
fiskimiðin yrðu lýst sérstakt stjórn-
sýslusvæði, fiskistofnarnir viður-
kenndir sem staðbundnir stofnar og
þar með væru afnot fiskimiðanna
ákvörðun sem einungis kæmi Íslend-
ingum við. „Úlfar segir að það megi
finna því stoð í regluverkssafni ESB
að hægt sé að fara þessa leið. Við
höfum talið að þetta væri leið sem
yrði að láta reyna á í aðildarviðræð-
um. Það kom okkur ekki á óvart að
þessar tvær andstæðu skoðanir
skyldu standa upp úr fundinum,“
segir Svanfríður. Aðspurð hvort
fundaröðin mundi nýtast flokknum
til stefnumótunar fyrir komandi
kosningar segir Svanfríður fundina
fyrst og fremst vera framlag flokks-
ins til umræðunnar um Evrópumál-
in. Nú þegar Ísland stæði í viðræð-
um við Evrópusambandið, vegna
stækkunar þess til austurs, væri
brýnna en áður að Evrópuumræðan
ætti sér stað og ýmislegt sem henni
tengdist, eins og sjávarútvegsmálin
og þá sérstaklega það sem varðar
fjárfestingar í sjávarútvegi.
„Þetta eru opnir fundir þar sem
við reynum að leggja okkar fram í
þessa umræðu um samskipti Íslands
og Evrópu til að reyna að þróa það
sem við köllum upplýsta og opna um-
ræðu. Þá ekki bara að kalla fram
sjónarmið þeirra sem eru með eða á
móti aðild, heldur kalla fram sjón-
armið beggja til þess að hægt sé að
rökræða þau til einhverrar niður-
stöðu eða rökræða hvaða möguleikar
eru í stöðunni,“ segir Svanfríður.
Hún segir að í næsta mánuði verði
haldinn fundur í Reykjavík þar sem
kastljósinu verði beint að fiskvinnsl-
unni og ESB.
ESB og útgerðin á fundi Samfylkingarinnar á Akureyri
Svörin fást ekki nema
í aðildarviðræðum
Svanfríður Jónasdóttir telur að um 40 manns hafi setið fund Samfylkingar-
innar um sjávarútveg og ESB sem fram fór á Hótel KEA á laugardag.
„ÉG ER mjög glöð með að hafa átt
þess kost að láta drauma mína rætast
og fara í lögfræðinám,“ segir Hall-
gerður Gunnarsdóttir, sem útskrifað-
ist á laugardag sem lögfræðingur frá
Háskóla Íslands en hún var orðin 47
ára er hún hóf námið.
„Ég hafði allan tímann mikinn
stuðning og hvatningu frá manninum
mínum og börnunum. Það kom fyrir
meðan á náminu stóð að ég var að því
komin að gefast upp vegna mikilla
anna á stóru heimili. Mér hefur þótt
það vera viss forréttindi að eiga þess
kost að stunda háskólanám. Háskóla-
nám var oftast fjarlægur draumur
sveitabarna af minni kynslóð. Þess
vegna fannst mér ég ekki geta brugð-
ist sveitakrökkunum af minni kyn-
slóð; sem áttu þess ekki kost að fara í
nám. Ég varð að standa mig þegar
tækifærið gafst.“
Áhuginn á lögfræði kviknaði þegar
Hallgerður tók áfanga í lögfræði við
öldungadeild Menntaskólans í
Hamrahlíð um 1977. Meirihluta
námsefnisins las hún utanskóla þar
sem hún bjó í Stykkishólmi ásamt eig-
inmanni og þremur börnum. Tvö börn
áttu eftir að bætast í hópinn en
draumurinn um lögfræðinámið var
alltaf skammt undan.
Unga fólkið fordómalaust
„Ég var ekki elst á fyrsta ári í laga-
deildinni en á öðru ári var ég orðin
elst,“ segir Hallgerður um samnem-
endur sína. „Það var mjög skemmti-
legt hvað unga fólkið tók mér vel, var
jákvætt og fordómalaust.“
Hallgerður skrifaði lokaritgerð á
sviði eignarréttar en hún segir flest
svið lögfræðinnar heilla sig. Áhugi
hennar á þjóðlendulögunum hafi gert
útslagið um val á viðfangsefni í loka-
ritgerðinni.
En skólaganga Hallgerðar var ekki
eins og börn í dag eiga að venjast.
Hún ólst upp á bænum Hjarðarfelli á
Snæfellsnesi og gekk nokkrar vikur á
ári í farskóla. Hún fór seinna í
Reykjaskóla í Hrútafirði og tók þaðan
landspróf. Síðar lá leiðin til Reykja-
víkur og öldungadeildin tók við. Þá
hafði Hallgerður gifst Sturlu Böðv-
arssyni, núverandi samgönguráð-
herra. „Þegar maðurinn minn settist
á þing hugsaði ég mér gott til glóð-
arinnar og ákvað að fara í háskólann,“
segir Hallgerður.
Hallgerður segir óvíst hvað taki nú
við. „Mér finnst lögfræðin heillandi
fræðigrein og langar að starfa við
hana. En þegar ég skilaði inn lokarit-
gerðinni var ég strax farin að fletta
blaði Endurmenntunardeildar Há-
skólans,“ segir Hallgerður hlæjandi.
Hallgerður Gunnarsdóttir, fimm
barna móðir, útskrifaðist úr lögfræði
Greip tækifærið
þegar það gafst
Morgunblaðið/Árni Sæberg
Hallgerður Gunnarsdóttir var 47
ára þegar hún hóf háskólanám.