Morgunblaðið - 24.02.2003, Blaðsíða 10
FRÉTTIR
10 MÁNUDAGUR 24. FEBRÚAR 2003 MORGUNBLAÐIÐ
VUR
V I
ÐS
K IP
TAÞJÓNUSTA
U
TA
N
R Í K I S R Á Ð U N
E Y
T I
S
I N
S
í verki með íslenskri útrás
www.vur.is
Alpan í nýrri
markaðssókn
erlendis
„Útflutningur á pottum og pönnum til
um 30 landa hefur staðið fyrir 99% af
tekjum Alpans hf. í nær 30 ár. Í mark-
vissri sókn okkar inn á nýja markaði
og við endurskoðun á nokkrum stórum
markaðssvæðum leituðum við í smiðju
hjá VUR og Útflutningsráði. Í fyrstu
virtust báðir aðilar bjóða sömu
þjónustu, en reynslan leiddi í ljós að
hvor um sig var að skila okkur því sem
hann kunni best.
Með aðstoð Útflutningsráðs hefur
Alpan tekið þátt í viðskiptasendi-
nefndum inn á ný markaðssvæði
erlendis sem gefist hafa vel.
Viðskiptafulltrúar VUR í sendiráðum
erlendis hafa hins vegar skilað okkur
dýpri þekkingu á því hvernig einstakir
markaðir virka og skapað aðgengi að
aðilum sem okkur hefði annars reynst
örðugt að ná til. Í sameiningu vinna
VUR og ÚÍ þýðingarmikið starf
fyrir okkur.“
Guðmundur Ö. Óskarsson,
framkv.stjóri Alpan
E
F
L
IR
/
H
N
O
T
S
K
Ó
G
U
R
V
U
R
6
0
4
-0
3
FRAMSÓKNARFLOKKURINN
leggur áherslu á að tekjuskattur
launafólks lækki niður í 35,2% úr
38,55%. Svigrúm til skattalækkana
hafi skapast með aðgerðum ríkis-
stjórnarinnar í atvinnumálum og
eðlilegt að almenningur njóti þess.
Þetta var samþykkt á fjölmennu
flokksþingi framsóknarmanna á
Hótel Loftleiðum í gær. Rúmlega
700 manns höfðu seturétt á þinginu
um helgina þar sem stefna flokksins
fyrir kosningar í vor var mótuð.
Yfirskrift þingsins var vinna, vel-
ferð, vöxtur og sagði Halldór Ás-
grímsson, formaður Framsóknar-
flokksins, að það lýsti stefnunni vel.
Eðlilegt væri að halda þessum kjör-
orðum út kosningabaráttuna. Hann
sagði það forgangsmál að lækka
tekjuskattsprósentuna og var ánægð-
ur með viðbrögð og samstöðu um það
á þinginu. „Það er alltaf umdeilanlegt
hvernig skuli staðið að breytingum á
skattalöggjöfinni en mínar hugmynd-
ir hafa fengið hér mikinn stuðning.“
Auk skattalækkana vilja fram-
sóknarmenn að dregið verði veru-
lega úr tekjutengingu barnabóta og
ótekjutengdar barnabætur verði
greiddar með öllum börnum óháð
aldri. Lögð er áhersla á að hækka
frítekjumark barnabóta og sett verði
á fót nefnd til að gera úttekt á fram-
færslugrunni fjölskyldunnar.
Samþykkt var að halda áfram að
einkavæða fyrirtæki í ríkiseign á
samkeppnismarkaði, í þeim tilfellum
sem hún vinnur ekki gegn hagsmun-
um almennings. Gæta á aðhalds í
rekstri ríkisins án þess þó að draga
úr þjónustu við almenning. Auka á
ráðdeild í opinberum rekstri m.a.
með því að ábyrgð forstöðumanna
opinberra stofnana og fyrirtækja á
rekstri verði meiri. Standa á vörð um
trausta afkomu ríkissjóðs og áfram-
haldandi niðurgreiðslu skulda.
Ráðherrar afsali
sér þingmennsku
Í ályktun um stjórnsýslu á Íslandi
segir að auka þyrfti þrískiptingu rík-
isvaldsins. Vilja framsóknarmenn í
því skyni stefna að því að ráðherrar
ríkisstjórnar afsali sér þing-
mennsku. Halldór segir það mikla
breytingu fyrir flokk eins og Fram-
sókn ef ráðherrar sætu ekki á þingi.
Þá gætu allir þingmenn einbeitt sér
að þingstörfunum. „Það myndi
styrkja okkar aðstöðu mjög mikið.
Það er ekki síst í því ljósi sem áhugi
er mikill fyrir þessu innan Fram-
sóknarflokksins eftir að við höfum
setið í ríkisstjórn samfleytt í átta
ár.“
Þá var samþykkt að vinna að end-
urskipulagningu stjórnarráðsins
með það að markmiði að fækka ráðu-
neytum og móta markvissari verka-
skiptingu. Leggja á áherslu á þróun
rafrænnar stjórnsýslu og notkun
rafrænna persónuskilríkja.
Þinggestir ræddu Evrópumál sín
á milli, en skiptar skoðanir eru um
þau mál innan Framsóknarflokks-
ins. Í drögum að ályktun um utanrík-
ismál var texti sem sagði að kynna
bæri Evrópumálin vel fyrir öllum al-
menningi og vanda mjög þær stefnu-
ákvarðanir sem íslenska þjóðin þarf
á næstu árum að taka. Í nefndar-
vinnu var bætt við setningu sem átti
að tryggja að forysta flokksins tæki
ekki ákvarðanir sem færi gegn
stefnu flokksþingsins. Hún felur það
í sér að ef til ákvörðunar um aðild-
arviðræður að Evrópusambandinu
kemur skal flokksþing kallað saman
til að fjalla um það sérstaklega.
Halldór sagði að þessi samþykkt
bindi ekki hendur forystunnar í
stjórnarmyndunarviðræðum. „Áður
en til þess kemur að aðildarumsókn
yrði send inn, sem Framsóknar-
flokkurinn bæri ábyrgð á, þá yrðum
við að kalla saman flokksþingið.“
Hann segir þetta það stórt hags-
munamál fyrir þjóðina að allir þættir
þess verði að vera ljósir ef út í aðild-
arviðræður er farið. Ekki eigi að
stefna að aðild og spyrja þjóðina um
álit á eftir. „Það má aldrei gerast að
við leggjum inn aðildarumsókn sem
síðan er felld af þjóðinni. Norðmenn
hafa bitra reynslu af því.“
Í sjávarútvegsmálum leggur
Framsóknarflokkurinn áherslu á að
ákvæði verði sett í stjórnarskrá Ís-
lands um að fiskistofnarnir séu sam-
eiginleg auðlind allrar þjóðarinnar
og sameign hennar. Einnig er vilji
flokksins að innheimta magntengt
veiðigjald af þeim sem hafa fengið
úthlutað eða greitt fyrir aflaheimild-
ir. Með ráðstöfun fjármuna sem inn-
heimtir verði á grunni veiðigjalds
verði nýsköpun og atvinnuþróun í
sjávarbyggðum efld.
Flokksþingið samþykkti að gerð
verði úttekt á sóknardagakerfi Fær-
eyinga; hvernig staðan er þar og
hvernig það yrði í framkvæmd á Ís-
landi m.t.t. dagafjölda og úthlutun
daga. Framsóknarmenn vilja vinna
að því með fullum þunga að vísinda-
veiðar á hrefnu hefjist þegar á þessu
ári og í framhaldi af því verði hafnar
veiðar á öðrum hvalategundum.
Í ályktun um menningarmál segir
að breyta eigi rekstrarformi Ríkisút-
varpsins í sjálfseignarstofnun sem
verði laus við viðskiptaleg, stjórn-
málaleg og önnur hagsmunatengsl.
Sjálfseignarstofnunin RÚV yrði
þannig sjálfstæður miðill, sem rek-
inn yrði á jafnréttisgrundvelli við
önnur fjölmiðlafyrirtæki. Þá segir að
tryggja skuli rekstur RÚV með
þjónustusamningi við ríkið.
Gera á RÚV það fjárhagslega
kleift að vera frumkvöðull og farveg-
ur hins opinbera við innleiðingu staf-
rænnar útsendingartækni hér á
landi.
Gistináttagjald úti
Framsóknarmenn vilja stofna nýj-
an þjóðgarð norðan Vatnajökuls sem
m.a. verndar vatnasvið Jökulsár á
Fjöllum, Snæfell og Eyjabakka. Þá
er lögð áhersla á að verja auknu fjár-
magni til uppbyggingar í þjóðgörð-
um landsins sem og friðlýstum svæð-
um og fjölsóttum ferðamannastöð-
um.
Í upphaflegu drögunum átti aukið
fjármagn að fást með hærra fram-
lagi úr ríkissjóði, aðgangseyri eða
gistináttagjaldi. Það var hins vegar
fellt við afgreiðslu ályktunarinnar og
sagt að skoðaðir verði kostir og gall-
ar allra mögulegra fjármögnunar-
leiða.
Siv Friðleifsdóttir, umhverfisráð-
herra, sem hefur talað fyrir upptöku
gistináttagjalds, segir að í þessu fel-
ist ekki andstaða framsóknarmanna
við gjaldið. Ekki hafi þótt ástæða til
að telja upp kosti til fjármögnunar
og því hafi þetta verið niðurstaðan,
að halda öllum kostum opnum.
Atvinnuleysisbætur
hlutfall af launum
Framsóknarflokkurinn lagði um
helgina áherslu á að stefnumótun í
öllum málaflokkum tæki mið af þörf-
um margbreytilegra fjölskyldu-
gerða.
Kom fram að skattalækkanir,
minni tekjutengingar og ótekju-
tengdar barnabætur greiddar með
öllum börnum óháð aldri væri við-
leitni í þá átt. Þá skal stefnt að því að
hækka persónuafslátt einstaklinga
og kanna kosti þess að fella niður
virðisaukaskatt af barnafötum.
Framsóknarflokkurinn ætlar að
huga að því að leikskólagjöld verði
gerð frádráttarbær frá skattstofni
foreldra og foreldrar geti nýtt ónýtt-
an persónuafslátt barna 16–18 ára.
Þá á að stefna að því að biðtími
eftir meðferð á heilbrigðisstofnunum
verði ekki lengri en 6 mánuðir. Efla
á heilsugæsluna sem grundvöll heil-
brigðisþjónustu í landinu og ljúka
uppbyggingu hennar á höfuðborgar-
svæðinu. Fjölga á rekstrarformum í
heilsugæslunni til að styrkja þjón-
ustuna og stuðla að hagkvæmni í
rekstri.
Samstaða um skatta-
lækkanir á flokksþingi
Framsóknarflokksins
Morgunblaðið/Árni Sæberg
Jón Kristjánsson, heilbrigðis- og tryggingamálaráðherra, fær afhentan at-
kvæðaseðil í stjórnarkjöri Framsóknarflokksins á flokksþinginu í gær.
Framsóknarmenn unnu að stefnumótun
flokks síns fyrir næstu kosningar á
Hótel Loftleiðum um helgina.
Björgvin Guðmundsson sat þingið í gær
og fylgdist með afgreiðslu ályktana.
bjorgvin@mbl.is
HALLDÓR Ásgrímsson formaður
Framsóknarflokksins sagðist á
flokksþingi á laugardag myndu
segja sig úr flokknum dytti ein-
hverjum í hug að skipa talsmann til
að tala fyrir sína hönd. Var hann
með þessu að vísa til Samfylking-
arinnar og hlutverks Ingibjargar
Sólrúnar Gísladóttur en hörð gagn-
rýni kom fram á Samfylkinguna á
þinginu.
Þá sagði Halldór ljóst að ef flokk-
urinn fengi ekki nægilegt afl í kosn-
ingum til að koma fram sínum mál-
um og stöðugleikanum væri hætt, þá
færi flokkurinn ekki í ríkisstjórn.
Í lok fyrirspurnartíma á flokks-
þinginu voru ráðherrar flokksins
spurðir með hverjum þeir vildu helst
starfa í ríkisstjórn eftir kosningar.
Ráðherrarnir lögðu áherslu á að ef
flokkurinn fengi aðeins 8–9 þing-
menn eins og kannanir bentu til,
yrði flokkurinn ekki í næstu ríkis-
stjórn. Guðni Ágústsson landbúnað-
arráðherra sagðist þó hafa fulla trú
á því að flokkurinn ynni sigur í kosn-
ingunum. Sagði hann það gróft af
hálfu Samfylkingarinnar að halda
því fram, að ekki væri hægt að kjósa
Halldór eða Davíð Oddsson vegna
þess hve þeir væru búnir að vera
formenn flokka sinna lengi.
Halldór sagðist telja það fráleitt
skipulag í stjórnmálaflokki að for-
maður flokksins sæti á Alþingi og
síðan sé talsmaður flokksins utan
þings.
Halldór sagði að Framsóknar-
flokkurinn myndi ekki taka þátt í
neinni ævintýramennsku. Hann tók
sem dæmi stóriðjumálin þar sem
Framsóknarflokkurinn hefði lent í
miklum mótbyr. Stjórnarandstaðan
hefði fyrst verið á móti Kárahnjúka-
virkjun en Samfylkingin hefði nú
lýst stuðningi við hana, að minnsta
kosti formaður flokksins. Þessi
flokkur ætti fulltrúa í stjórn Lands-
virkjunar sem greiddi síðan atkvæði
gegn málinu þar.
„Þetta gæti aldrei gerst í Fram-
sóknarflokknum; við myndum skipta
fulltrúanum út. Slíkur flokkur getur
aldrei orðið trúverðugur. Ef Sam-
fylkingin ætlar að fá trúnað okkar
þá verða þeir að taka til hjá sér og
verða það trúverðugir, þegar um er
að ræða stærstu mál þjóðarinnar, að
þeir tali einni röddu,“ sagði Halldór.
Dregið úr veitingu
atvinnuleyfa
Páll Pétursson félagsmálaráð-
herra sagði á þinginu í gær að mjög
hafi verið dregið úr veitingu nýrra
atvinnuleyfa til fólks utan Evrópska
efnahagssvæðisins að undanförnu
eftir að samdráttur varð í atvinnu
hér á landi. Þá sagði Páll að verið
væri að ræða við Útlendingastofnun
um samræmingu eftirlits með
starfsmönnum ítalska fyrirtækisins
Impregilo, vegna Kárahnjúkafram-
kvæmda, með það fyrir augum að
tryggja að þeir fái greitt samkvæmt
íslenskum kjarasamningum.
Páll sagði að ný atvinnuleyfi væru
ekki veitt nema í undantekningartil-
fellum og þá þannig að það skorti
örugglega vinnuafl hér í þeirri grein.
Páll sagði að verið væri að móta
reglur um hvernig hægt væri að
fylgjast með því að fólk af Evrópska
efnahagssvæðinu, sem hingað kem-
ur til vinnu, fái greitt samkvæmt ís-
lenskum kjarasamningum. „Við höf-
um eitt dæmi um fyrirtæki sem
flutti inn verkamenn frá Eistlandi
og notaði þá í hálfgerri þrælkun hér.
Það var tekið fyrir það og Eistlend-
ingarnir sendir úr landi,“ sagði Páll.
Hörð gagnrýni á
Samfylkinguna
Ráðherrar Framsóknarflokksins sátu fyrir svörum á flokksþinginu. Frá
vinstri: Guðni Ágústsson, Siv Friðleifsdóttir, Halldór Ásgrímsson, Jón
Kristjánsson, Valgerður Sverrisdóttir og Páll Pétursson.
VEFSÍÐAN timinn.is var
opnuð með formlegum hætti
á flokksþingi framsókn-
armanna á laugardag. Síðan
verður málgagn þingflokks
Framsóknar. Þar verða rædd
málefni líðandi stundar og
hægt að nálgast pistla eftir
þingmenn. Nafnið Tíminn
hefur verið viðloðandi sögu
flokksins í hartnær níutíu ár.
Flokkurinn heldur einnig
út síðunni framsokn.is sem
er upplýsingasíða um sögu
flokksins og fleira.
Vefsíðan
timinn.is
tekin í gagnið