Morgunblaðið - 24.02.2003, Blaðsíða 31
MORGUNBLAÐIÐ MÁNUDAGUR 24. FEBRÚAR 2003 31
Nýr og betriHverfisgötu 551 9000
SV. MBL
HK DV
ÓHT Rás 2
Kvikmyndir.com
Tilnefningar
til Óskars-
verðlauna
þ. á. m. besta
mynd
13 Frábær svört
kómedía með stór
leikurunum Jack
Nicholson og
Kathy Bates sem
bæði fengu tilnefn-
ingar til Óskar-
sverðlauanna í ár
fyrir leik sinn í
myndinni.
Sýnd kl. 5.30, 8 og 10.30.Sýnd kl. 5.30, 8 og 10.30. B.i 12.
Tilnefningar til Óskarsverðlauna:
Aðalhlutverk karla: Jack Nicholson.
Aukahlutverk kvenna: Kathy Bates.2
RADIO X
SV MBL
Kvikmyndir.com
SG DV
Búðu þig undir D-daginn 28. febrúar
kvikmyndir.com
Sýnd kl. 5.40, 8 og 10.30. B.i. 12.
Tilnefningar til Óskarsverðlauna þ. á. m.
Salma Hyaek sem besta leikona í aðalhlutverki
Sýnd kl. 5.30, 8 og 10.30 b.i. 12. Síðustu sýningar 400 kr.
6
Frábær mynd frá leikstjóranum Martin Scorsese með stórleik-
urunum Leonardo DiCaprio, Daniel Day-Lewis og Cameron Diaz.
Tilnefningar til
Óskarsverðlauna,
þ.á.m.besta
mynd og besti
leikstjóri
10
Kvikmyndir.com
SV. MBL
HK DV
Sýnd kl. 4. ísl. tal.
400 kr.
Sýnd kl. 10.15.
RADIO X
SV
MBL
KVIKMYNDIR.COM
SG DV
Frábær svört
kómedía með stór
leikurunum Jack
Nicholson og
Kathy Bates sem
bæði fengu tilnefn-
ingar til Óskar-
sverðlauanna í ár
fyrir leik sinn í
myndinni.
Sýnd kl. 4.Sýnd kl. 5.30, 8 og 10.30.
Sýnd kl. 5.30 og 8.
Búðu þig undir D-daginn 28. febrúar
Sýnd kl.6 og 9. B.i. 16 ára.
ÁST Martins Scorsese á New
York-borg, sem verið hefur sögusvið
svo margra mynda hans, allt frá
Öngstrætum (Mean Streats) og
Leigubílsstjóranum (Taxi Driver) til
hinnar tregafullu Líkburðar (Bring-
ing out the Dead), er gegnumgang-
andi stef og eitt hans helsta leik-
stjóraeinkenni. Hér leggur Scorsese
upp með það verkefni að grafast fyr-
ir um uppruna skepnunnar og segja
sögu borgar sem ekki aðeins er ein
af menningarlegum miðjum nú-
tímans, heldur einnig fullkomin birt-
ingarmynd margbreytileika hans.
Þannig fjallar Gengi New York-
borgar um átakatímabil í sögu New
York, þegar vaxtaverkirnir er
fylgdu sífelldum straumi fátækra
innflytjenda til borgarinnar, endur-
ómuðu í hugmyndafræðilegum
ágreiningi er m.a. leiddi til þræla-
stríðsins.
En hugmyndin sem Scorsese
leggur af stað með er metnaðarfull,
ekki aðeins hvað listræna þætti
varðar heldur einnig framkvæmdar-
og fjárhagslega, og tók það leik-
stjórann tímana tvenna að finna
framleiðslufyrirtæki sem reiðubúið
var að fjármagna myndina. Hug-
myndin mun þannig hafa fæðst árið
1977 og nú, 25 árum síðar hefur af-
raksturinn litið dagsins ljós og unnið
til tíu Óskarsverðlaunatilnefninga.
Við gerð Gengis New York-borg-
ar hafði Scorsese meiri peninga milli
handanna en áður við kvikmynda-
gerð og gat því tjaldað öllu til við út-
færslu draumaverkefnisins, en ekki
skyldi vanmeta þær kvaðir sem svo
örlátu framlagi fjárfesta fylgir og
ber myndin þess nokkurn vott.
Þetta er epísk stórmynd í anda
Hollywood þar sem barátta hetju og
illmennis er í forgrunni, en hið sögu-
lega umfjöllunarefni myndar bak-
svið. Þetta baksvið er einmitt það
sem gerir kvikmyndina áhugaverða
og gefur fremur staðlaðri grunnsög-
unni gildi.
Atburðarásin á sér stað í innflytj-
endahverfinu Five Points á Man-
hattan á ofanverðri 19. öld og sögð
er saga ungs Íra, Amsterdams Vall-
on (DiCaprio), er snýr aftur til borg-
arinnar til að hefna föður síns sem
féll fyrir hendi Bills slátrara (Day-
Lewis) í bardaga milli tveggja
gengja, heimamanna og írskra inn-
flytjenda. Óvænt tengsl skapast
hins vegar milli Amsterdams og
Bills og ætlunarverk þess fyrr-
nefnda reynist því vandasamara en
á horfði.
Framvinda myndarinnar er þétt
framan af, bardagaatriðið í upphafi
er einstaklega kraftmikið og vel út-
fært, og endurnýjuðum kynnum
Amsterdams af borginni hálfum
öðrum áratug síðar er lýst á lipran
máta sem staðsetur áhorfandann við
hlið söguhetjunnar þar sem spenn-
andi og dálítið ógnandi ringulreið
ungæðislegrar stórborgarinnar
skapar nær yfirgengilegt sjónarspil.
Dregin er upp mjög sterk mynd af
því ofurvaldi sem Slátrarinn hefur
yfir bæjarhlutanum fyrir tilstilli
villimannslegrar ofbeldisgáfu og
skipulagshæfileika, aðferða sem
áttu eftir að einkenna skipulagða
glæpastarfsemi í borginni á kom-
andi árum og áratugum.
Leikstjórinn er hins vegar við það
að missa tökin á straumþungri sögu
sinni eftir því sem á líður, haldið er
um marga þræði en þeim eru gerð
skil á mis-markvissan hátt og líður
umfjöllunin um pólitísk átök og hug-
myndalegar hræringar nokkuð fyr-
ir. Tekið er á flóknum sögulegum at-
burði, herkvaðningaróeirðunum
svokölluðu, sem áttu sér stað í New
York er fátækir innflytjendur skáru
upp herör gegn því kúgunavaldi sem
kvaddi þá í herinn umfram vel stæða
borgara landsins. En sem söguleg
úttekt á þeim atburði skilur kvik-
myndin áhorfandann eftir með fleiri
spurningar en svör. Þá verður til-
raunin sem gerð er til að samþætta
sögu Amsterdams hinni pólitísku
framvindu heldur óljós þegar Amst-
erdam er skipað í hlutverk nokkurs
konar leiðtoga lýðræðishugsjónar-
innar.
En þrátt fyrir galla er vart hægt
að líta framhjá þeirri alúð sem lögð
er í umfjöllunarefnið og þeim sjón-
ræna mikilfengleika sem einkennir
kvikmyndina í heild. Frammistaða
leikara er frábær, og ber þar fyrst-
an að nefna Daniel Day-Lewis í
hlutverki Slátrarans. Day-Lewis
túlkar ekki, heldur umbreytist í per-
sónu Bills slátrara, sem er einhver
sú ógnvænlegasta sem birst hefur á
hvíta tjaldinu síðan Ókindin var og
hét. Leonardo DiCaprio er sterkur í
hlutverki Amsterdams og sýnir
hann það og sannar með frammi-
stöðu sinni hér og í nýjustu Spilberg
myndinni, Gríptu mig ef þú getur
(Catch Me if You Can), að hann get-
ur brugðið sér í allra kvikinda líki,
hvort umræðir ringlaðan unglings-
pilt eða myrkan riddara götunnar í
öngstrætum New York borgar á
nítjándu öld. Hann er tvímælalaust
einn frambærilegasti leikari af ungu
stórstjörnukynslóðinni í Hollywood í
dag. Cameron Diaz er heillandi að
vanda en hlutverk hennar er van-
þakklátt, og fyrst og fremst skrifað
til að fá hetjunni ástarviðfang, líkt
og vaninn er í Hollywood-stórmynd-
um. Engu að síður gæðir Diaz per-
sónu sína, götudrósina Jenny Ever-
deane, miklum krafti.
Gengi New York-borgar er nokk-
urs konar þeysireið um sögusvið
sem er heillandi og grimmúðlegt í
senn. Þetta svið fær sterkt svipmót í
meðförum Scorsese, en metnaður-
inn og hæfileikarnir hefðu tvímæla-
laust notið sín betur hefði leikstjór-
inn farið styrkari höndum um hina
áhugaverðari þræði sögunnar,
þræði er varða þróun menningar-
landslags hafnarborgarinnar New
York.
Óður til borgar
„Þrátt fyrir galla er vart hægt að líta framhjá þeirri alúð sem lögð er í um-
fjöllunarefnið og þeim sjónræna mikilfengleika sem einkennir kvikmynd-
ina í heild,“ segir í umsögn um Gengi New York-borgar.
KVIKMYNDIR
Laugarásbíó, Smárabíó
og Borgarbíó
Leikstjórn: Martin Scorsese. Handrit:
Jay Cocks, Steven Zallian, Kenneth
Lonergan. Kvikmyndataka: Michael
Ballhaus. Tónlist: Howard Shore. Aðal-
hlutverk: Leonardo DiCaprio, Daniel
Day-Lewis, Cameron Diaz, Jim Broad-
bent, John C. Reilly, Henry Thomas,
Brendan Gleeson, Liam Neeson. Lengd:
164 mín. Bandaríkin. Miramax Films,
2002.
GANGS OF NEW YORK /
GENGI NEW YORK-BORGAR Heiða Jóhannsdóttir
ÞEGAR ég var lítil átti ég heima í
Svíþjóð, og var svo ótrúlega heppin
að eiga plötuna með tónlistinni úr
Skógarlífi. Og nú þegar ég er löngu
búin að gleyma sænskunni, get ég
enn sungið öll lögin á fullkominni
sænsku. Frábær tónlist. Því þótt
myndin byggist á klassísku ritverki
Kiplings, og sagan sé einstök á sinn
hátt, þá er tónlistin sá hluti mynd-
arinnar sem þakka má langa lífdaga
hennar.
Og svo er komin ný mynd! Nú
býr Móglí hjá Shantí, sætu vinkonu
sinni, sem hann laðaðist að í lok
seinustu myndar. Og strákurinn er
ekki að fíla þetta leiðinlega manna-
líf, þar sem ekkert gerist, það er
bara að vinna og vinna. Og hinum
megin árinnar, sem skilur að
mannaþorpið og frumskóginn, væfl-
ast einmana Balli björn um og sakn-
ar söng- og dansvinar síns, mann-
hvolpsins Móglí.
Það er ekkert auðvelt mál að gera
framhald af annarri eins mynd, en
þetta vilja þeir, listamennirnir í
Hollywood, og þá það. Og myndin er
nú bara skuggi af þeirri fyrri. Í
rauninni leiddist mér ekki, og
myndin hélt líka krökkunum sem
fóru með mér í bíó. En sagan er
engan veginn jafn áhrifamikil og sú
fyrri, og það er rétt svona í lokin að
maður finnur fyrir einhverju. Og
hvar er húmorinn? Hér er hann
heldur klunnalegur miðað við það
sem var. Og þá er það tónlistin.
Nýju lögin eru teljandi á fingrum
annarrar handar. Lag sem Móglí
syngur og hrífur öll börnin í þorpinu
með sér, er alveg ágætt. Tónlistin er
öll fagmannlega unnin, en bara ekki
jafngrípandi og frumleg og í fyrri
myndinni. Oft er gripið til gömlu
laganna, og þau notuð einsog þema
fyrir hverja persónu. Mörgum gæti
þótt það illa gert, en það bara hlýjar
manni hjartaræturnar.
Þetta er ágætis mynd fyrir yngri
börnin, ekki síst þau sem séð hafa
fyrri myndina.
Skógarlíf 2 er „ágætis mynd fyrir yngri börnin, ekki síst þau sem séð hafa
fyrri myndina“, segir í umsögn.
Skuggi fyrri
myndar
KVIKMYNDIR
Sambíóin Akureyri, Álfabakka,
Keflavík og Kringlunni
Leikstjórn: Steve Trenbirth. Handrit:
Carter Crocker eftir skáldsögu Rudyards
Kipling. Leikstjórn ísl. raddsetn: Jakob
Þór Einarsson. Raddir: Egill Ólafsson,
Gísli Gíslason, Karen Halldórsdóttir, Rafn
Kumar og Valdimar Flygenring. 72 mín.
BNA. Buena Vista International 2003.
JUNGLEBOOK 2/SKÓGARLÍF 2 Hildur Loftsdóttir