Morgunblaðið - 24.03.2003, Blaðsíða 8
FRÉTTIR
8 MÁNUDAGUR 24. MARS 2003 MORGUNBLAÐIÐ
Svona, láttu nú helvítin hafa það.
Málþing um lífsgleði
Með skilaboð til
fýlupokanna
FRÆÐSLUNEFNDNáttúrulækninga-félags Íslands held-
ur málþing á Hótel KEA,
þriðjudaginn 25. mars,
sem sagt á morgun, klukk-
an 20. Málþingið ber yf-
irskriftina „Lífsgleði“. í
frétt frá NLFÍ segir að
viðfangsefnið snerti alla
og muni frummælendur
fjalla um það sem felst í
lífsgleði, hvernig má finna
hana og halda henni. Mál-
þingið er í kjölfar annars
sem haldið var á Hótel
Loftleiðum í síðasta mán-
uði. Það tókst svo vel að
mati þeirra sem héldu það
að rétt þótti að bjóða norð-
anmönnum upp á viðlíka
dagskrá.
Einn fyrirlesara er Að-
alsteinn Bergdal, leikari og leik-
ritaskáld, og mun hann fjalla um
„húmor“ eins og hann kemst að
orði. Morgunblaðið spjallaði við
Aðalstein um málþingið og erind-
ið hans.
– Af hverju ert þú þarna að
tala?
„Ég bara veit það ekki. Það var
hringt í mig og ég beðinn að koma
og tala um húmor. Ég býst við að
mér sé ætlað að tengja saman
húmor og hlátur. Ég ætla að
reyna að gera þetta, það er afar
gott fyrir sál og líkama að hlæja
og mér þykir afskaplega gaman
að geta skemmt fólki og fengið
það til að hlæja smávegis. Þegar
lundin léttist tekst fólki betur að
sjá björtu hliðarnar á málum og
þá kemur í ljós að björtu hlið-
arnar eru á öllum hliðum. Það er
ekki ofsögum sagt að þar sem
húmorinn er nærri þá er hlátur-
inn ekki allfjarri.“
– Hvernig ætlarðu að taka á
málinu?
„Ég ætla að skoða hvernig ég
lít á húmor í dag. Að mínu viti
þarf húmor að vera grátbrosleg-
ur. Það er trúðurinn í mér sem
segir það. Ég á mér hliðarper-
sónu sem er trúðurinn Skralli og
4. ágúst verður hann þrjátíu ára.
Trúðar eru aldrei fyndnir nema
þeir séu grátbroslegir og sá húm-
or er áreynslulaus, ekki þessi
ítroðsluhúmor sem allt of mikið er
af nú um stundir. Það þarf að hafa
þessa skelfingu samhliða fyndn-
inni, þetta jákvæða og neikvæða.
Að geta hlegið að brandara um
konuna sem er á herbalife og ef
hún sest ofan á hundraðkall þá
sjáir þú alltaf a.m.k. fimmtíukall
og ef hún geispar þá dettur kjóll-
inn niður á gólf. Að geta hlegið
þegar einhver dettur á hausinn þó
svo að vissulega kvíði maður því
að viðkomandi hafi meitt sig og að
maður finni til með konunni þó að
maður hlæi að brandaranum.“
– Þú ert væntanlega þeirrar
skoðunar að hlátur og húmor
skipti miklu máli?
„Það er búið að rannsaka sam-
spil hláturs og skapferlis manna.
Hlátur veit á léttari lund og það
eykur lífsþróttinn og það er ávís-
un á lengra líf. Á sama
hátt brjóta þeir sig
niður sem eru alltaf
reiðir og í geðshrær-
ingu. Ég er þess vegna
með skilaboð til fýlu-
pokanna og þau eru: Þið eigið að
hætta að vera í fýlu. Þeir sem eru
fæddir þungir þurfa ekki endilega
að vera þungir alla ævi.“
– Er þetta nú ekki heldur stórt
tekið upp í sig?
„Nei. Ég er sannfærður um að
það er hægt að þjálfa þyngslin
burt. Menn gera sér far um að
hlæja nokkrum sinnum á dag og
þá smátt og smátt síast létta lund-
in inn. Áður en varir eru menn
farnir að leita að fyndnu hliðinni á
málum áður en þeir byrja að blóta
og ragna og hafa allt á hornum
sér. Lífsgæðakapphlaupið er að
vísu til trafala, margir tapa sér í
því og verða allt of stressaðir, en
þeim mun meiri ástæða til að
reyna að létta á lundinni.“
– En sumir virðast gersamlega
gjörsneyddir öllum húmor?
„Já, það er rétt, sumir virðast
varla eiga sér viðreisnar von, en
alvarleiki þess fólks og stirð við-
brögð þeirra við hinum ýmsu
hlutum eru oft það langfyndnasta
sem maður sér. Það er hægt að
þjálfa og kenna svo ótalmargt.
Hundurinn minn er t.d. farinn að
fara í rennibraut og á hringekju.
Það eru líklega engin takmörk
fyrir því hvernig hægt er að vinna
með þá gríðarlegu tölvu sem
mannsheilinn er. Það ætti ekki að
afskrifa fýlupokana.“
– Segðu okkur eitthvað frá ráð-
stefnunni að öðru leyti …
„Anna Valdemarsdóttir sál-
fræðingur ríður á vaðið og mér
skilst að erindi hennar fjalli um
lífsgleði og þar komi ástin eitt-
hvað við sögu. Anna hefur vit á
þeim málum, ég held að hún hafi
skrifað bók um ástina fyrir síð-
ustu jól. Á eftir henni flyt ég mína
tölu um húmor. Síðan stígur fram
Bridget Ýr McEvoy, sem er verk-
efnisstjóri í hjúkrun hjá NLFÍ í
Hveragerði. Bridget er jógakenn-
ari með meiru og
mögnuð kona. Ég
heyrði að á einhverju
málþingi fyrir sunnan
hefði hún verið með
slökunarstund fyrir
400 manns og það mátti heyra
saumnál detta og 800 augu voru
lokuð samtímis. Að erindunum
loknum eru umræður og fyrir-
spurnum verður svarað eftir
bestu getu.“
– Hverjum er málþingið ætlað?
„Það eru allir velkomnir og frítt
inn fyrir félagsmenn. Aðrir þurfa
að greiða 600 krónur í aðgangs-
eyri.“
Aðalsteinn Bergdal
Aðalsteinn Bergdal er fæddur
á Akureyri 1. desember 1949.
Hann er lærður rafvirki, en hef-
ur síðustu 35 árin starfað sem
leikari víða, m.a. hjá LA, LR og
hjá Þjóðleikhúsinu, og allra síð-
ustu árin í vaxandi mæli sem
leikritaskáld. Hann nam og óp-
erusöng í hálft áttunda ár, held-
ur námskeið í djúpöndun og gaf
nýverið út eigin flutning á Mark-
úsarguðspjalli, sem hann flutti á
sviði í tilefni af 30 ára leikaf-
mæli. Maki er Hafdís Pálsdóttir
og eiga þau saman 6 ára dóttur.
Aðalsteinn er auk þess fóstur-
faðir barna Hafdísar af fyrra
sambandi.
…sumir virðast
varla eiga sér
viðreisnar von