Morgunblaðið - 24.03.2003, Blaðsíða 13
ÞAÐ tók ekki nema sextíu sekúndur
að breyta landslaginu við götu nr.
602 í Qadissiyah-hverfinu í Bagdad
svo um munar. Bretar og Banda-
ríkjamenn létu í fyrradag sprengj-
um rigna yfir hverfið en íbúar þar
segja engin hernaðarlega mikilvæg
skotmörk að finna á þessum slóðum.
„Þetta var skömmu fyrir síðustu
bænastund dagsins,“ segir Faysal
Saadi, sem býr við götuna en þar er
að finna íbúðarhúsnæði, sjúkrahús
og barnaskóla.
„Þetta var algert helvíti. Alveg
ólýsanlegt. Grjót flaug í allar áttir,
brot úr gluggum, hluti af pípulögn-
um,“ segir Saadi, sem er sjötugur
hagfræðingur. Ekki er laust við að
rödd hans titri er hann rifjar upp at-
burði næturinnar.
Fréttamenn skoðuðu í gær verks-
ummerki í Qadissiyah-hverfinu en
íraskir embættismenn skipulögðu
Reuters
Sum húsanna eru sem skorin í tvennt. Íbúarnir vita ekki hvað þeir eiga af sér að gera.
för þeirra þangað í því skyni að
skrásetja „stríðsglæpi“ Bandaríkja-
manna, sem þeir kölluðu svo.
„Bush er villidýr“
Saadi benti fréttamönnunum á tíu
metra djúpan skurð þar sem áður
var hús nágranna hans, Abdels
Shamels Samarais. Neðst í skurð-
inum er nú pollur af vatni.
„Sex flugskeyti sprungu hérna á
innan við sextíu sekúndum,“ segir
Ahmed Hamid Al Saadi sem var enn
klæddur náttfötum er hann svaraði
spurningum blaðamanna í gær.
Hann er fokillur og leynir því ekki.
„Bush er villidýr, ég hef ekkert
við hann að tala,“ segir hann er
bandarískur blaðamaður spyr um
álit hans á Bandaríkjaforseta.
„Hann veit nú þegar hvað ég myndi
segja við hann. Veröldin lét hann
heyra það án þess að mig þyrfti til.
Það var engin nauðsyn að hefja
þetta stríð,“ segir Al Saadi.
Íbúar í hverfinu segja að enginn
hafi verið í húsi Abu Shamels Sam-
arais þegar það var þurrkað af yfir-
borði jarðar með einu af flugskeyt-
um bandamanna. Mun Samarai hafa
flúið höfuðborgina fyrir stríð og er
hann nú sagður vera í borginni Sam-
arra, þar sem minni líkur eru á
sprengjuregni bandamanna.
Þrjú húsanna í nágrenni heimilis
Samarais standa einungis hálf eftir
og Ahmed Amer Salman, sem býr í
einu þeirra, veit ekki fyllilega hvað
hann á að gera varðandi þann helm-
ing hússins sem stendur enn. „Það
eru engin hernaðarskotmörk í þessu
hverfi,“ segir hann. Títtnefndur
Samari ku að vísu vera fyrrverandi
hershöfðingi í íraska hernum en ná-
grannarnir segja það ekki réttlæta
slíka árás á rólegt íbúðarhverfi.
Djúpur skurður þar
sem áður var íbúðarhús
Bagdad. AFP.
STRÍÐ Í ÍRAK
MORGUNBLAÐIÐ MÁNUDAGUR 24. MARS 2003 13
BARDAGAR geisuðu í bænum Umm
Qasr í suðurhluta Íraks í gær, fjórða
daginn í röð. Virtust Írakar verjast
þar af miklum móð þrátt fyrir hern-
aðarlega yfirburði breskra og banda-
rískra landgönguliða, sem nutu lið-
sinnis árásarþyrlna og skriðdreka í
bardögunum. Donald Rumsfeld,
varnarmálaráðherra Bandaríkjanna,
lýsti því yfir á föstudag að banda-
menn hefðu náð Umm Qasr á sitt vald
en ráða mátti af átökunum í gær að sú
yfirlýsing hefði verið ótímabær.
Umm Qasr er við landamærin að
Kúveit og er hernaðarlega mikilvæg-
ur bær, enda er þar að finna einu stór-
skipahöfn Íraka. Reykur var yfir
miðbæ Umm Qasr í gær og mátti
heyra fallbyssudrunur og vélbyssur
geltu einnig stöðugt. „Við mætum enn
mótspyrnu á ákveðnum stöðum og
ætlum okkur að klára dæmið,“ sagði
yfirmaður í breska hernum. Að sögn
BBC hófust bardagarnir þegar eftir-
litssveit bandarískra landgönguliða
gekk fram á stóran hóp íraskra her-
manna, en talið er að hluti þeirra sé úr
sérsveitum íraska hersins sem falist
höfðu í bænum.
Varaforseti Íraks, Taha Yassin
Ramadan, varaði bandamenn við því í
gær að þeir gætu vænst þess að mæta
mikilli mótspyrnu í hverjum þeim bæ
sem þeir koma til.
Skiptu í borgaralegan klæðnað
Heimildarmenn í hernum sögðu
írösku hermennina í Umm Qasr hafa
komið sér fyrir í íbúðahverfi í bænum
þaðan sem þeir skutu á heri banda-
manna. Sögðu kúveitskir embættis-
menn á staðnum að írösku hermenn-
irnir hefðu hafið gagnsókn gegn
bandamönnum í gær. „Ef þessi gagn-
sókn heldur áfram þá verður bundinn
endi á hana með loftárásum,“ sagði
annar Kúveiti sem tengsl hefur við yf-
irmenn í breska og bandaríska hern-
um.
„Staðan er enn hættuleg,“ sagði
bandarískur yfirmaður sem ráðlagði
fréttamanni AFP að halda kyrru fyrir
og hætta sér ekki lengra.
Ben Curry, undirofursti í breska
hernum, bar sig þó vel í samtali við
BBC. „Við höfðum átt von á mót-
spyrnu og hana fengum við, en ef ég á
að vera alveg hreinskilinn þá er hún
ekki ýkja öflug.“
Sagði Curry að írösku hermennirn-
ir skytu jafnan nokkrum skotum að
herjum bandamanna en hörfuðu síð-
an. Viðurkenndi hann að það hefði
valdið bandamönnum erfiðleikum að
Írakarnir höfðu farið úr hermanna-
fötum sínum og íklæðst borgaraleg-
um fötum; þannig hefði verið erfitt að
greina þá frá venjulegum borgurum.
Eru að festast í „kviksyndi“
Naji Sabri, utanríkisráðherra
Íraks, sagði hins vegar af og frá að
Bretar og Bandaríkjamenn hefðu náð
á sitt vald nokkurri borg í landinu.
Sagði hann m.a. að í Umm Qasr héldu
íraskar hersveitir uppi öflugri mót-
spyrnu. Mohammed Said al-
Sahhaf, upplýsingamálaráðherra
Íraks, ítrekaði þetta á blaðamanna-
fundi í Bagdad og sakaði Breta og
Bandaríkjamenn um lygar. Sagði
hann þá stunda sálrænan hernað með
slíkum lygum. Hann varaði banda-
menn við því að þeir væru að festast í
„kviksyndi“ með aðgerðum sínum.
„Við höfum leitt þá út í fenin og þeim
mun aldrei takast að komast úr þeim
aftur,“ sagði hann, en blaðamanna-
fundinum var sjónvarpað beint á
CNN.
Öflug mótspyrna
Íraka í Umm Qasr
Umm Qasr. AFP.
Þrátt fyrir yfirlýsingar bandamanna um að þeir hafi náð
Umm Qasr á sitt vald var barist þar í gær fjórða daginn í röð