Morgunblaðið - 24.03.2003, Blaðsíða 9
FRÉTTIR
MORGUNBLAÐIÐ MÁNUDAGUR 24. MARS 2003 9
Úrval af stökum jökkum
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—16.00.
Kringlunni, sími 588 1680.
iðunn
tískuverslun
Nýtt frá
Hallveigarstíg 1 (Iðnaðarmannahúsið) • sími 588 4848
Opið mán.-fös. kl. 11-18, laugard. kl. 11-16
Full búð af nýjum vörum
Verið velkomin
sérverslun. Sérhönnun st. 42-56
í mörgum litum og góðum stærðum.
Einnig leðurtöskur
Álfheimum 74, Glæsibæ, Reykjavík, s. 553 2347
Glæsilegur rúskinns- og leðurfatnaður
Fataprýði Verið velkomnar
TVÖ umferðaróhöpp urðu á
Skeiða- og Hrunamannavegi um
hádegisbilið í gær. Jeppabifreið
valt á veginum við Brautarholt á
Skeiðum og kona, sem var ein í
bílnum, var flutt á heilsugæslu-
stöðina á Selfossi og þaðan á Land-
spítalann í Fossvogi en að sögn
vakthafandi læknis reyndust
meiðsl hennar minni en í fyrstu var
talið og var hún útskrifuð í gær.
Þá fór bílaleigubíll nokkrar velt-
ur við bæinn Galtafell í Hruna-
mannahreppi. Tveir erlendir ferða-
menn voru í bifreiðinni og
slösuðust þeir minniháttar. Hálku-
blettir voru á veginum í gærdag
þegar slysin urðu.
Óhöpp á Skeiða- og
Hrunamannavegi
EINGÖNGU eitt svonefnt ferða-
mannafjós er starfrækt í landinu, í
Vogum í Mývatnssveit, en Vega-
gerðin hefur gert tillögu um þjón-
ustumerki sem á að vísa vegfarend-
um á ferðamannafjós. Um tíma voru
ferðamannafjós einnig á Þórisstöð-
um í Eyjafirði, sem hætt hefur að
taka á móti ferðamönnum, og Laug-
arbakka undir Ingólfsfjalli, en þar
hefur búskap verið hætt.
Sævar Skaftason, framkvæmda-
stjóri Ferðaþjónustu bænda, segir
eftirspurn vera klárlega fyrir því að
fylgjast með bændum að störfum.
Mikill áhugi hafi verið sýndur á þeim
bæjum sem opnuðu fjósin fyrir
ferðamönnum. Sævar segir Vega-
gerðina hins vegar ekki hafa haft
samráð við Ferðaþjónustu bænda
um þetta þjónustumerki. Hann telur
ekki síður vera þörf á merki sem vísi
á býli þar sem stundaður er búskap-
ur, þeim hafi fækkað verulega á und-
anförnum árum.
„Við hjá Ferðaþjónustu bænda
finnum mikinn áhuga erlendra
ferðamanna á að gista á þeim bæjum
þar sem stundaður er búskapur. Því
höfum við brugðið á það ráð að sér-
merkja þá ferðaþjónustubæi í okkar
bæklingum. Víða eru ábúendur á
lögbýlum án þess að stunda þar
hefðbundinn búskap,“ segir Sævar.
Viktor Ingólfsson hjá Vegagerð-
inni segir að ósk hafi komið fram um
að þjónustumerki fyrir ferðamanna-
fjós yrði búið til. Hann segir erindinu
hafa verið tekið jákvætt og merkið
orðið til á skömmum tíma. Það sé
samsett úr þremur öðr-
um merkjum og hönn-
unin því einföld. Megin-
tilgangur þjónustu-
merkja sé að samræma
vegmerkingar því víða
sé komið upp heimatil-
búnum merkjum og
auglýsingum við vegi
landsins.
Vogafjósið opið
allt árið
Aðspurður hvort þörf sé fyrir
svona merki í ljósi þess að aðeins eitt
ferðamannafjós sé starfandi í dag,
svarar Viktor því játandi. Þeim geti
átt eftir að fjölga á ný, auk þess sem
fjölmörg merki séu í gildi fyrir þjón-
ustu sem ekki sé ýkja algeng. Nefnir
hann sem dæmi merki yfir húsdýra-
garð, sædýrasafn og gúmmíbáta-
ferðir. Þess má geta að þjónustu-
merki, sem alls eru á níunda tuginn,
má skoða aftast í síma-
skránni.
Ferðamannafjósið í
Vogum í Mývatnssveit
er opið allt árið. Á jörð-
inni er rekið blandað bú
með kýr og kindur.
Fjósbyggingin er ný, 16
bása með mjaltabás og
lítilli kaffistofu, Voga-
fjós-Café, þar sem hægt
er að fylgjast með Voga-
bændum að störfum í gegnum gler.
Á mjaltatíma er t.d. hægt að fá
mjólkina beint í glas, spenvolga, og
fjölmargar aðrar veitingar. Ólöf
Hallgrímsdóttir í Vogum fagnar nýja
þjónustumerkinu og vonast til að
fleiri bæir geti nýtt sér það, t.d. bæir
sem taki á móti skólakrökkum. Hún
segir áform vera uppi um að auka
þjónustuna í Vogum og bjóða t.d.
upp á svonefnda „hlöðugleði“ næsta
sumar.
Þjónustumerki fyrir
eina ferðamannafjósið
Ferðaþjónusta
bænda telur
mikla þörf á
merki sem vísar á
býli með búskap
Ólöf Hallgrímsdóttir bóndi á Vogabúi, Vogum í Mývatnssveit, hefur ásamt
fjölskyldu sinni opnað svokallað ferðamannafjós. Úr kaffistofu hafa gestir
útsýni inn í fjósið, yfir mjaltabásinn og sjá mjólkina fossa í rörin sem liggja
í gegnum kaffistofuna inn í mjólkurhúsið. Margir hafa skoðað Vogafjósið.
ÚLFAR Eysteinsson, matreiðslu-
maður og eigandi veitingastaðarins
Þrír Frakkar, framleiðir nasl úr
saltfiskroði sem kunnugir segja
vera alveg einstaklega gott á
bragðið.
„Ég djúpsteiki saltfiskroðið og
við það þenst það út og verður
stökkt. Þetta hefur verið fullburða
hugmynd í nokkur ár en það þyrfti
að koma vörunni inn á erlenda
markaði því innanlandsmarkaður-
inn er of lítill fyrir framleiðslu. En
að hasla sér völl með snakk á er-
lendum mörkuðum er hægara sagt
en gert. Til þess þarf bæði töluvert
fjármagn og fjárfesta sem tilbúnir
eru að gera þetta af alvöru. Þekk-
ingin er fyrir hendi og afurðin sjálf
er alveg klár. Þannig að þetta er
fullbúið „barn“ en það vantar bara
aðila til þess að styðja við þetta og
koma að markaðssókn erlendis.
Þorsteinn Aðalsteinsson í fyrirtæk-
inu Norðurströnd á Dalvík hefur að
komið að þróun vörunnar á síðustu
skrefunum og okkur hefur tekist að
stytta vinnsluferilinn um 40–50%
sem þýðir að það væri vel hægt að
fara að framleiða af einhverju viti
núna.“
Úlfar segir bragðið af snakkinu
alveg svínvirka, hvort sem það sé
Spánverji eða Norðmaður eða
Möltubúi sem fái sér af því. „Til þess
að setja upp verksmiðju verður að
vera hægt að selja erlendis líka því
það þyrfti ekki að vinna nema tvo
þrjá daga í viku til þess að anna inn-
anlandseftirspurninni. Þess vegna
væri æskilegt að ná a.m.k. inn í eitt-
hvert hérað eða borg erlendis.“
Morgunblaðið/Kristinn
„Ég djúpsteiki saltfiskroðið og við það þenst það út og verður stökkt,“ seg-
ir Úlfar Eysteinsson matreiðslumaður.
Snakk úr saltfiskroði