Morgunblaðið - 24.03.2003, Blaðsíða 36
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 24. MARS 2003 VERÐ Í LAUSASÖLU 190 KR. MEÐ VSK.
Smáralind - Glæsibæ
STJÓRN Sparisjóðs Reykjavíkur og
nágrennis kannaði þann möguleika að
verðbréfaþjónusta bankans tæki að sér
að vera milligönguaðili um sölu á stofn-
fjárskírteinum, eftir að Fjármálaeftir-
litið hafði hafnað yfirtökutilboði bæði
frá Búnaðarbanka Íslands og málaleit-
an Starfsmannasjóðs SPRON um að
fara með virkan eignarhlut í bankanum.
Ekkert varð þó úr þessum áformum
þegar í ljós kom að Fjármálaeftirlitið
liti á væntanlega kaupendur sem sam-
eiginlega eigendur að virkum eignar-
hlut. Yrði ekki sótt um leyfi til slíks
eignarhalds gæti það varðað sviptingu
atkvæðisréttar.
Voru tilbúnir að kaupa
stofnféð á genginu 5,5
Í yfirlýsingu sem stjórn SPRON hef-
ur sent frá sér og birt er í Morgun-
blaðinu í dag kemur fram að búið var að
boða til blaðamannafundar til að kynna
tilboðið og útborgun samkvæmt því,
þegar afstaða Fjármálaeftirlitsins varð
ljós. Bréf frá 37 stofnfjáreigendum sem
voru reiðubúnir að kaupa allt stofnfé á
genginu 5,5 hafi legið fyrir. Enginn
hefði farið með virkan eignarhlut, þar
sem enginn ætti yfir 5% stofnfjár.
Segir að fullyrðingar nýstofnaðs fé-
lags nokkurra stofnfjáreigenda um að
stjórn SPRON hafi ekki unnið nægi-
lega vel að því að finna leiðir fyrir stofn-
fjáreigendur til að selja stofnfé á mark-
aðsvirði fái ekki staðist. Stjórnin hafi
þvert á móti gengið eins langt og
framast var unnt í viðleitni sinni til að
gæta hagsmuna þeirra stofnfjáreig-
enda sem vilja selja stofnfé á hærra
verði.
„Reynslan hefur sýnt að nauðsynlegt
er að ganga fyrirfram úr skugga um að
það sem gert er standist lög og reglur á
fjármálamarkaði og hljóti samþykki
Fjármálaeftirlitsins. Stjórn SPRON
hefur látið kanna leiðir til þess að
tryggja þeim stofnfjáreigendum, sem
vilja selja, hærra verð fyrir stofnfé sitt,
enda þótt það hafi ekki komið fram í
fjölmiðlum,“ segir í yfirlýsingunni.
SPRON leitaði leiða fyrir
stofnfjáreigendur sem
vilja selja stofnfé
Sala hefði
leitt til
sviptingar
atkvæðis-
réttar
Svipting atkvæðisréttar/10
Ábyrgðartryggingar ökutækja
hafa nákvæmlega tvöfaldast í
verði á undanförnum sex árum ef
marka má útreikning vísitölu
neysluverðs, sem Hagstofa Ís-
lands reiknar út. Vísitalan var sett
á 100 í marsmánuði árið 1997 og í
marsmánuði í ár sex árum síðar er
vísitala ábyrgðartrygginga ná-
kvæmlega 200 stig eða tvöfalt
hærri. Á sama tíma hefur vísitala
neysluverðs hækkað að meðaltali
um 27%.
Þegar verðþróun á öðrum
tryggingum er skoðuð kemur í ljós
að húftryggingar hafa hækkað um
29,1% á tímabilinu sem er svipað
og hækkun vísitölunnar hefur ver-
ið að meðaltali. Húsnæðistrygg-
ingar, en þeirra á meðal má nefna
brunatryggingar, fasteignatrygg-
ingar og slíkt hafa hins vegar
hækkað um 46,6% á ofangreindu
sex ára tímabili.
Þegar verðþróun á ábyrgðar-
tryggingum er skoðuð kemur í ljós
að þær hækkuðu einkum mikið
sumarið 2000. Í fyrrahaust var
vísitala trygginganna komin
hærra en nú. Hún lækkaði síðan
lítilsháttar fram að áramótum en
hefur síðustu mánuði síðan hækk-
að lítilsháttar aftur.
Öllum bifreiðaeigendum er
skylt að vera með ábyrgðartrygg-
ingu á bifreið sinni, en húftrygg-
ingar eru hins vegar valfrjálsar.
Ef báðar þessar tryggingar eru
teknar saman nemur hækkun
þeirra síðustu sex árin 75,7%.
Skyldutryggingar öku-
tækja tvöfaldast í verði
" ;
<,
!
&)%+5
! $ &
0"
' =&
"+,
!0%" !")
& , " 3 SALA á lambakjöti hefur verið
mjög góð að undanförnu. Sala á
síðustu þremur mánuðum er 16,3%
meiri en á sama tímabili fyrir einu
ári. Salan á síðustu 12 mánuðum er
aðeins meiri en á 12 mánaða tíma-
bilinu þar á undan. Özur Lárusson,
framkvæmdastjóri Landssamtaka
sauðfjárbænda, segir þessa sölu-
aukningu nokkuð óvænta, en telur
að ein skýring á þessu sé að fólk sé
búið að borða yfir sig af kjúkling-
um og svínakjöti.
Þessi söluaukning á lambakjöti
kemur nokkuð á óvart í ljósi þess
að mikið framboð hefur verið á
svínum og kjúklingum og verð hef-
ur lækkað mjög mikið. Verulegur
samdráttur hefur verið á sölu
lambakjöts á síðustu árum. Sam-
drátturinn var 5,7% árið 2001 og
5,1% í fyrra.
Fólk búið að éta yfir sig
af svínum og kjúklingum
„Síðustu tvö ár hafa ekki verið
hagstæð sauðfjárbændum. Kjöt-
umboðið (Goði) fór á hausinn, en
fyrirtækið var með yfir helming af
markaðnum og hafði mikið með
markaðs- og þróunarmál að gera.
Það tók enginn upp hanskann fyrir
fyrirtækið fyrr en löngu seinna
þannig að það ríkti stöðnun í
markaðsmálum. Í kjölfarið kemur
síðan gríðarlegt offramboð á svín-
um og síðar á kjúklingum og verð-
ið lækkaði niður úr öllu valdi. Það
varð gríðarleg aukning í sölu
svína- og kjúklingakjöts á tímabili
og segja má að fólk sé kannski bú-
ið að éta yfir sig af þessari vöru.
Þetta er skýring sem ég hef heyrt
frá verslunarmönnum,“ sagði Öz-
ur.
Özur sagði að önnur skýring á
söluaukningunni væri bætt mark-
aðssetning og aukið vöruframboð.
Þá væri greinilegt að mikil tryggð
væri við lambakjötið á Íslandi enda
um hágæðavöru að ræða. Özur
sagðist vonast eftir að salan yrði
góð í vor og sumar. Verið væri að
hrinda af stað nýju söluátaki.
Hann sagði að verð á lambakjöti
hefði lækkað samhliða almennri
verðlækkun á kjötmarkaði. Verð-
lækkunin væri þó ekki eins mikil
og á svínum og kjúklingum.
Özur sagði að þrátt fyrir góða
sölu á lambakjöti væru birgðir af
lambakjöti í landinu of miklar m.a.
vegna þess að ákveðið hefði verið
að flytja minna á erlenda markaði
en Bændasamtökin hefðu talið þörf
fyrir. Þar munaði um 180 tonnum.
Birgðir hafa verið að safnast fyr-
ir í öðrum kjötgreinum. Á síðustu
þremur mánuðum hafa birgðir af
kjúklingum aukist um 356 tonn og
birgðir af svínakjöti hafa aukist
um 52 tonn.
Mikil söluaukning á lambakjöti
Sala á síðustu 12 mánuðum er meiri
en á 12 mánuðum þar á undan
FRESTUR til að skila skattframtali
rennur út í dag. Hins vegar hefur
frestur til að skila rafrænu skatt-
framtali verið framlengdur til mið-
vikudags. Þetta gildir um alla ein-
staklinga, bæði launamenn og menn
með rekstur.
Ef skilað er á Netinu er hægt að
sækja um lengri frest en þó ber öll-
um að skila fyrir 8. apríl nk. Misjafnt
er hve langan frest fólk fær og fer
það eftir handahófskenndri ákvörð-
un tölvu. Ekki er hægt að fá viðbót-
arfrest vegna pappírsskila.
Í gærkvöldi höfðu rúm 36.000
skattframtöl borist ríkisskattstjóra
rafrænt. Alls fengu 184.000 einstak-
lingar sent skattframtal í ár á papp-
ír. 35.000 einstaklingar óskuðu eftir
að fá einungis sent bréf með veflykli
vegna vefskila. Framtalseyðublað
var ekki sent til þeirra.
Á síðasta ári töldu 74% einstak-
linga fram á Netinu og rúmlega 90%
lögaðila.
Síðustu forvöð að
skila skattframtali
36 þúsund
framtöl
hafa borist
á Netinu
CHELSEA Clinton, dóttir Bills Clintons, fyrrverandi
forseta Bandaríkjanna, kom við á Hverfisbarnum í
Reykjavík á föstudagskvöldið var. „Hún hélt að það
væri ekkert mál að koma til Íslands því enginn
myndi þekkja hana. Allt í einu komst upp hver þetta
var og þá fór fólk að tala við hana,“ segir Lára Jón-
asdóttir sem tók hana tali og spurði um ferðir henn-
ar. Sagðist Chelsea vera að heimsækja vin vinkonu
sinnar sem dvelur hér við nám. „Hún var voða fín en
örugglega svolítið stressuð,“ segir Lára.
„Henni var hleypt inn eftir að hafa beðið í röð eins
og allir aðrir. Síðan fréttum við að þetta hefði verið
Chelsea Clinton,“ segir Haukur Sigmarsson, dyra-
vörður á Hverfisbarnum, sem var að vinna þetta
kvöld. Hann segir hana hafa verið í slagtogi með
fimm dæmigerðum bandarískum háskólastúdentum
og látið lítið á sér bera. Enginn lífvörður hafi verið
með í för og hún yfirgefið staðinn eftir um tvo tíma.
Áður lét Lára smella af sér mynd með henni á góðri
stund sl. föstudagskvöld.
Chelsea Clinton á Hverfisbarnum
FULLTRÚARÁÐ Framsóknar-
flokks og óháðra í Vestmannaeyjum
veitir Andrési Sigmundssyni ekki
heimild til meirihlutaviðræðna við
Vestmannaeyjalistann vegna trún-
aðarbrests við stjórn og fulltrúaráð
flokksins. Þetta kemur fram í álykt-
un sem var samþykkt á fundi full-
trúaráðsins sem haldinn var í gær-
kvöldi. Andrés segist harma þessa
niðurstöðu og segir engan trúnaðar-
brest hafa átt sér stað. Hann mun
halda áfram viðræðum við V-listann.
Víkingur Smárason, formaður
Framsóknarfélagsins í Vestmanna-
eyjum, segir fjórtán menn hafa setið
fundinn og var Andrés meðal fund-
armanna. „Hann fer í fyrramálið [í
dag] í áframhaldandi viðræður við
V-listann undir eigin merkjum,“
sagði Víkingur í samtali við Morg-
unblaðið eftir fundinn í gær. „Við
munum starfa áfram sem flokkur og
beitum okkur í bæjarmálum eins og
við getum,“ sagði Víkingur um fram-
tíð Framsóknarflokksins í Eyjum.
„Hann [Andrés] fer fram sem bæj-
arfulltrúi á eigin vegum, en við erum
ekki lengur í bæjarstjórn.“
Andrés sagðist harma niðurstöðu
fundarins. „Það hefur enginn trún-
aðarbrestur átt sér stað af minni
hálfu. Atkvæðagreiðsla fór þannig að
níu atkvæði voru á móti fimm. Ég
þekki Eyjamenn og skora á þá að
koma til liðs við mig þannig að við
getum komið hlutunum til betri veg-
ar í Vestmannaeyjum þrátt fyrir að
fámennur hópur framsóknarmanna
vilji ekki gera það. Ég stefni á að
ljúka viðræðum við V-listann og við
vonum að það geti gengið hratt fyrir
sig.“
Andrés
fær ekki
heimild til
viðræðna
Mun fara í viðræður
við V-listann undir
eigin merkjum
♦ ♦ ♦