Morgunblaðið - 27.03.2003, Blaðsíða 4

FRÉTTIR
4 FIMMTUDAGUR 27. MARS 2003 MORGUNBLAÐIÐ
ÍSLENSKU menntasamtökin eru
reiðubúin til að ræða við Hafnarfjarð-
arbæ um að hann taki yfir rekstur
leikskólans Tjarnaráss. Segir í frétta-
tilkynningu frá stjórn samtakanna að
frestur, sem þeim hefur verið gefinn
til 10. apríl næstkomandi til að
tryggja rekstur leikskólans, sé
dauðadómur yfir rekstri samtakanna
enda hafi fjölmiðlaumræða undan-
farna daga skapað óvissu sem geri
samtökunum ómögulegt að ráða til
sín hæft starfsfólk.
Á fundi sínum í gærmorgun fól
fræðsluráð Hafnarfjarðar fræðslu-
stjóra að rita ÍMS bréf þar sem sam-
tökunum yrði gefinn frestur til 10.
apríl næstkomandi til að skýra hvern-
ig þau hyggjast tryggja áframhald-
andi rekstur leikskólans þannig að
ákvæði rekstrarsamnings samtak-
anna við bæinn verði uppfyllt.
Í samtali við Morgunblaðið sagði
Magnús Baldursson, fræðslustjóri í
Hafnarfirði, umrædd ákvæði rekstr-
arsamningsins lúta að ráðningu
stjórnenda, menntun þeirra o.fl. „Það
hefur einnig verið mikil ólga meðal
starfsfólks og það hefur sagt að stór
hluti þess muni ekki vinna áfram und-
ir stjórn ÍMS.“
Virða ætti rétt ÍMS á
sanngjörnum greiðslum
Í fréttatilkynningu frá stjórn ÍMS
segir að það hafi valdið vonbrigðum
að fræðsluráð hafi ekki tekið skýra af-
stöðu um rekstur leikskólans til fram-
tíðar. Ljóst sé að vegna fjölmiðlaum-
ræðu undanfarinna daga muni
seinkun á ákvarðanatöku þar að lút-
andi, þótt ekki væri nema um nokkra
daga, bitna á leikskólanum, starfs-
fólki hans og börnunum enn frekar.
„Seinkun ákvörðunar til 10. apríl, án
staðfestingar á samningi til lengri
tíma, er í raun dauðadómur fyrir leik-
skólann undir yfirstjórn ÍMS. Til
dæmis hafa ÍMS boðið kanadískum
Montessori sérfræðingi til Íslands í
viðtal um helgina. Hvorki hún né
neinn núverandi starfsmanna munu
vilja starfa með ÍMS undir þessu óör-
yggi,“ segir í fréttatilkynningunni.
Í ljósi þessara aðstæðna telja sam-
tökin sig ekki geta unnið að þeim
markmiðum sínum „að skapa börn-
unum hlýlegt og ástríkt umhverfi, þar
sem velferð þeirra og efling allra
þroskaþátta er höfð að leiðarljósi.
Næstbesti möguleikinn í stöðunni,
með hagsmuni barnanna að leiðar-
ljósi, er að bæjaryfirvöld taki yfir
rekstur Tjarnaráss. ÍMS eru
reiðubúin að ræða þetta við bæjaryf-
irvöld. Barnanna vegna ætti þetta að
gerast hratt og örugglega og virða
ætti rétt ÍMS á sanngjörnum
greiðslum vegna alls útlagðs kostn-
aðar, m.a. upphafs- og efniskostnað-
ar. Nauðsynlegt er að taka fram að
ÍMS eru ekki að gefast upp eða gefa
verkefnið frá sér.“
Þá er það undirstrikað að ÍMS hafi
ekki brotið neitt af sér og að uppsagn-
ir skólastjórnendanna tveggja hefðu
ekki átt að vera næg ástæða til að að-
vara samtökin og veita þeim fresti á
borð við þann sem ákveðinn var í gær.
Samtökin hafi lagt mikla fjármuni í
skólastarfið og jafnvel rekið leikskól-
ann með tapi í styttri tíma þar sem
áætlanir lutu að því að rekstur leik-
skólans yrði á höndum þeirra þegar
til lengri tíma væri litið. „Nú er komið
að bæjaryfirvöldum að bæta snarlega
úr vanskilum vegna Áslandsskóla og
semja um yfirtöku Tjarnaráss.“
Segir að ÍMS muni nú einbeita sér
að fræðsluverkefni í samvinnu við dr.
Howard Gardner, upphafsmann
kenningar um fjölgreind, og nokkra
aðra sérfræðinga í menntun.
Skulda framkvæmdastjóra
afsökunarbeiðni
Þá vilja samtökin koma eftirfar-
andi athugasemd á framfæri:
„Bæjaryfirvöld hafa vísað í sam-
starfsörðugleika við framkvæmda-
stjóra ÍMS sem ástæðu uppsagn-
anna. Rétt er að benda á að
framkvæmdastjóri ÍMS var í Ind-
landi milli nóvember og febrúar og
uppsagnarbréf aðstoðarleikstjóra er
dagsett 5. febrúar. Á þessu tímabili
hitti framkvæmdastjóri ÍMS aðstoð-
arleikskólastjórann aðeins einu sinni í
5 mínútur til að færa henni gjöf frá
Indlandi. Okkur finnst bæjaryfirvöld
skulda henni afsökunarbeiðni.“
Íslensku menntasamtökin um Tjarnarás í Hafnarfirði
Reiðubúin að ræða við
bæinn um yfirtöku
NÝSTOFNUÐ Sam-
tök stofnfjáreigenda
Sparisjóðs Reykjavík-
ur og nágrennis,
SPRON, fengu tvo
menn kjörna í stjórn
SPRON á aðalfundi í
gærkvöld. Pétur Blön-
dal veitir listanum for-
ystu en annað sætið
skipar Hildur Njarð-
vík. Listinn fékk 5.908
atkvæði en listi stjórn-
ar 6.444 atkvæði og
þrjá menn kjörna, Jón
G. Tómasson formann,
Hildi Petersen og
Árna Þór Sigurðsson.
Þetta er í fyrsta sinn í 70 ára sögu
SPRON sem tveir listar eru í
framboði til stjórnar.
Pétur Blöndal sagði eftir kosn-
inguna fylgi síns lista hafa verið
meira en hann átti von á. Hann
sagði fyrir fundinn að allt umfram
þriðjungur atkvæða væri sigur fyr-
ir listann. „Þannig að þessi nið-
urstaða er sigur fyrir okkur og litla
fjárfesta en allir stofnfjáreigendur
SPRON eru litlir fjárfestar.“
Þegar niðurstaða kosningarinnar
var ljós bauð Jón G. Tómasson
nýja stjórnarmenn velkomna. „Nú
er málið að taka höndum saman.
Við verðum að hugsa um hagsmuni
Sparisjóðsins, þeir eru í fyrirrúmi.“
En Jón og Pétur greindi á um
ýmislegt í erindum sínum á aðal-
fundinum. Sagði Jón að nauðsyn-
legt væri að standa vörð um sjálf-
stæði SPRON en Pétur taldi að
breytt fjármálaumhverfi kallaði á
sameingingu og samstarfs lítilla
fjármálastofnanna vegna harðnandi
samkeppni.
Jón sagði í erindi sínu liðið
starfsár hafa að mörgu leyti verið
gott rekstrarár fyrir Sparisjóðinn
en að það hefði þó einkennst af
átökum og hörðum deilum sem enn
virtist ekki sjá fyrir endann á. „En
hvað er það sem nú stendur upp
úr? Það er í fyrsta lagi að núna
liggur fyrir endanlegur úrskurður
um það að Búnaðarbankinn og
stofnfjáreigendurnir fimm eru ekki
hæfir til að fara með virtan eign-
arhlut í SPRON og þar með stenst
tilboð þessara aðila ekki lög. Til-
boðið sem varð kveikjan að þeim
átökum sem ég nefndi.“
Jón sagði að Sparisjóðurinn
stæði eftir árið sem sterk fjár-
málastofnun og sá arður sem
greiddur var stofn-
fjáreigendum á þessu
ári væri meiri en ann-
arra fjármálstofnana.
Jón rifjaði upp að á
aðalfundi fyrir ári var
einróma samþykkt að
reyna breytingu á
SPRON í hlutafélag
og að stjórnin hefði
unnið að því. En þá
hafi heyrst af fyrir-
hugðu tilboði Búnað-
arbankans og fimm
stofnfjáreigenda í
sjóðinn. Sagði Jón að
í greinargerð Fjár-
málaeftirlitsins frá
19. júlí sl. kæmi fram að stjórn
SPRON bæri að hafna framsali á
stofnfjárbréfum. Eftirlitið komst
að sömu niðurstöðu um tilboð
Starfsmannasjóðs SPRON sem
stofnaður var sl. sumar. „Þetta er
lykilatriði í öllu þessu máli,“ sagði
Jón. Þá sagðist hann undra að van-
trauststillaga hefði komið fram á
stjórn sjóðsins sem aðeins vildi
fara að lögum. „Ef stjórnin hefði
samþykkt framsal þvert á þessi af-
dráttarlausu fyrirmæli eftirlitsins
var því lögum samkvæmt skylt að
grípa til aðgerða gegn stjórn spari-
sjóðsins.“ Sagði Jón að með því
hefði stjórnin brugðist trausti við-
skiptavina sinna, starfsmanna og
stofnfjáreigenda. Hann sagði
stjórn SPRON hafa leitað lögfræ-
ðiálits um með hvaða hætti bæri að
bregðast við beiðni stofnfjáreig-
enda um samþykki fyrir framsali á
stofnfé á hærra verði en endur-
metnu nafnverði. Niðurstaða þess
liggur enn ekki fyrir. „Stjórnin
hefur leitast við að finna leiðir til
verðmætaaukningar í viðskiptum
með stofnfé en setur tvö skilyrði,
að farið sé að lögum og að sjálf-
stæði og tilvist Sparisjóðs Reykja-
víkur verði áfram tryggð.“ Þá
sagði Jón að eftir atburði liðins
sumars hefði tillaga um að breyta
SPRON í hlutafélag verið lögð til
hliðar að sinni. Lauk Jón erindi
sínu með því að segja að engri fjár-
málastofnun væri til framdráttar
að verða skotspónn í átökum og
umræðum sem þeim er urðu um
SPRON á síðasta ári. „Það skaðaði
ímynd SPRON og það skaðaði
ímynd Búnaðarbankans.“ Sagði
Jón markmið stjórnarinnar vera
þau að SPRON verði áfram rekinn
sem sjálfstætt fjármálafyrirtæki,
að hann gefi góðan arð og að leitað
verði lausna til að mæta óskum
þeirra stofnfjáreigenda sem vilja
eiga þann kost að selja stofnfé sitt
á hærra verði en framreiknuðu
nafnverði.
Breyttur fjármálamarkaður
Pétur Blöndal sagði í ræðu sinni
fyrir kosninguna á fundinum að
SPRON væri of lítil eining, sjóð-
urinn stæði frammi fyrir breyttum
fjármálamarkaði þar sem einka-
væðing bankanna stæði upp úr. Þá
færi samkeppni harðnandi og sam-
runi og samstarf færi vaxandi. „Ég
tel að í ljósi þeirra breytinga sem
fjármálamarkaðurinn stendur
frammi fyrir þurfi SPRON að finna
samstarfsaðila. Litlar einingar
þurfa að sameinast og finna sam-
starfsaðila annaðhvort með eigna-
tengslum eða nánu samstarfi. Þetta
þarf Sparisjóðurinn að gera.“
Sagði Pétur að ef breyting
SPRON í hlutafélag hefði gengið
eftir hefði hann ráðlagt öllum að
innleysa bréfin sín þar sem arður
þeirra hefði aðeins orðið um 11%.
Þá ræddi hann um nýlega laga-
setningu um Sparisjóði sem hefði
orðið til þess að stofnfjáreigendur
gætu ekki lengur selt bréfin sín.
„Markmiðið hlýtur að vera að gera
stofnfjáreigendum kleift að selja
stofnfé sitt á sanngjörnu markaðs-
verði eins og hugmyndir voru uppi
um síðastliðið sumar.“
Að lokum sagðist Pétur hafa
fundið lausn til að nýta sparisjóðs-
lögin í þágu stofnfjáreigenda. „Það
er nefnilega einn rökrænn galli við
lögin og ég er búinn að finna hann.
Og ég ætla að nota þann galla við
lögin ykkur til framdráttar og það
er algjörlega löglegt eins og þið
munið sjá.“
Ný stjórn SPRON kosin á aðalfundi í gærkvöldi
Listi Péturs fékk
tvo menn kjörna
Jón G. Tómasson
ROKKSVEITIN The Yardbirds,
sem heldur tónleika í Broadway í
kvöld, kom til landsins í gær. Sveitin
inniheldur nú gítarleikarann Gypie
Mayo, munnhörpuleikarann John
Glen, bassaleikarann og söngvarann
John Idan og upprunalegu meðlim-
ina þá Jim McCarty, höfuðlagasmið
og trymbil og hryngítarleikarann
Chris Dreja. Sveitin hefur staðið í
ströngu að undanförnu að kynna
nýja plötu sína, Birdland, sem inni-
heldur ný lög í bland við endur-
hljóðritanir á eldra efni.
Morgunblaðið/Jim Smart
Yardbirds komin
SKIPT var um meirihluta á bæjar-
stjórnarfundi í Vestmanneyjum í
gærkvöld og Andrés Sigmundsson
var kjörinn forseti bæjarstjórnar og
skipt var um meirihluta í öllum
helstu nefndum bæjarins. Óljóst er
hvort skipt verður um bæjarstjóra.
Lúðvík Bergvinsson, V-lista, segir
það merkilegt að á fundinum hafi
Sjálfstæðisflokkurinn og hluti Fram-
sóknarflokksins sameinast í minni-
hluta og lagt fram sameiginlega yf-
irlýsingu á fundinum. „Ég hef aldrei
á mínum pólitíska ferli hér í Vest-
mannaeyjum orðið var við aðra eins
rógsherferð og gegn Andrési Sig-
mundssyni. Í dag tók steininn úr
þegar þessi nýi minnihluti lagði fram
sameiginlega yfirlýsingu. Ég get
vart ímyndað mér annað en Andrés
muni láta á þessi orð reyna fyrir
réttum aðilum. Þetta var punkturinn
yfir i-ið í mestu rógsherferð sem ég
veit til að Sjálfstæðisflokkurinn hafi
rekið hér í Eyjum og er þó af ýmsu
að taka. “
Aðspurður segir Lúðvík að mál-
efni bæjarstjóra hafi ekki verið rædd
sérstaklega á fundinum. „Hann var
ráðinn til ákveðinna verka að kröfu
Sjálfstæðisflokksins og við þurfum
að ræða við hann hvaða hugmyndir
hann hefur og hvort við getum
myndað það trúnaðarsamband sem
þarf að vera. Við höfum ákveðið að
gefa okkur tíma til þess.“
Andrés sagði að engin ákvörðun
hefði verið tekin um framtíð Inga
Sigurðssonar sem bæjarstjóra. „Nýr
meirihluti hefur gefið sér tvo mánuði
til að fara yfir rekstur bæjarins,“
sagði Andrés.
Nýr meirihluti myndaður í Eyjum
Óljóst um framtíð
bæjarstjórans