Morgunblaðið - 27.03.2003, Blaðsíða 59

ÍÞRÓTTIR
MORGUNBLAÐIÐ FIMMTUDAGUR 27. MARS 2003 59
ENSKA knattspyrnusambandið
ætlar ásamt lögreglu að rannsaka
til hlítar atvik sem átti sér stað í
bikarleik Chelsea og Arsenal á
Stamford Bridge í fyrrakvöld.
Þar köstuðu einhverjir stuðnings-
menn Chelsea smáhlutum í átt að
Thierry Henry, framherja Arsen-
al, og tveir plastsígarettukveikj-
arar hæfðu Frakkann með þeim
afleiðingum að hann hruflaðist í
andliti, rétt fyrir ofan augað. At-
vikið varð þegar leikmenn Arsen-
al fögnuðu þriðja marki sínu á
lokamínútum leiksins. David Ell-
ery dómari staðfesti eftir leikinn
að kveikjurunum hefði verið hent
inn á völlinn og skrifaði hann
skýrslu um atvikið sem hann lagði
inn á borð enska knattspyrnu-
sambandsins í gær og þá var lög-
regluyfirvöldum tilkynntur at-
burðurinn.
Þetta er í annað sinn á skömm-
um tíma sem Henry verður fyrir
barðinu á stuðningsmönnum
Chelsea. Þegar liðin áttust við á
Highbury fyrir 18 dögum hæfði
smápeningur, sem stuðningsmenn
Chelsea köstuðu, andlit Henrys.
 ÓLAFUR Stefánsson skoraði sex
mörk og var markahæstur leik-
manna Magdeburg þegar liðið
vann 2. deildar liðið Post Schewer-
in, 38:36, í æfingaleik í fyrrakvöld.
 JÓHANNES Karl Guðjónsson,
landsliðsmaður frá Aston Villa, og
unnusta hans, Jófríður María Guð-
laugsdóttir, eignuðust sitt fyrsta
barn á sunnudaginn var. Það var
strákur, sem þegar hefur fengið
nafnið Ísak Bergmann. „Þeim
heilsast báðum vel og það var verst
að þurfa að fara strax frá þeim,“
sagði Jóhannes Karl sem kom til
móts við landsliðshópinn í Glasgow
frá Birmingham í Englandi
snemma í gær.
 GUNNAR Heiðar Þorvaldsson
skoraði fjögur mörk í fyrri hálfleik
þegar ÍBV vann FH, 5:3, í æfinga-
leik á gervigrasinu í Kaplakrika í
fyrrakvöld. Leikurinn var settur
upp til að FH gæti prófað Danina
tvo sem komu til reynslu til félags-
ins.
 MAGNUS Wislander framlengdi
í gær samning sinn við sænska úr-
valsdeildarliðið Redbergslid. Wisl-
ander, sem er 39 ára gamall, gekk
til liðs við sitt gamla félag í Svíþjóð
síðastliðið sumar eftir glæsilegan
feril hjá þýska meistaraliðinu Kiel.
 SÆNSKIR handboltaáhugamenn
hafa tekið þessum fréttum af Wisl-
ander ákaflega vel. Bæði hefur
hann um árabil verið vinsælasti
handknattleiksmaður Svía og þá
bíða margir spenntir eftir að sjá
Wisalander mæta gömlum félaga
sínum í Kiel og sænska landsliðinu,
Staffan „Faxi“ Olsson, sem kveður
Kiel í sumar og gengur til liðs við
sitt gamla félag, Hammarby.
 KJELL Inge Røkke, útgerðar-
maður og einn efnaðasti maður
Noregs og aðaleigandi norska
knattspyrnuliðsins Molde, hefur
látið þau boð út ganga að félagið fái
ekki meiri peninga á þessu ári til
að kaupa leikmenn, þjálfarar liðs-
ins verða að notast við þann leik-
mannahóp sem þeir hafa milli
handanna um þessar mundir. Þrír
Íslendingar leika með Molde,
Andri Sigþórsson, Bjarni Þor-
steinsson og Ólafur Stígsson.
 Á síðasta ári lagði Røkke 70
millj. króna inn í félagið við lok
leiktíðarinnar til þess að greiða
upp tap sem var á rekstri þess. Nú
segir Røkke að félagið verði að
standa undir eigin rekstri.
 JÜRGEN Kohler, fyrrverandi
landsliðsmiðvörður Þýskalands og
Dortmund, sem lagði skóna á hill-
una eftir sl. keppnistímabil, var
ráðinn tæknilegur ráðgjafi hjá
Bayer Leverkusen í gær. Hann
mun aðstoða Thomas Hörste, sem
var ráðinn þjálfari liðsins er Klaus
Toppmöller var vikið frá störfum á
dögunum. Kohler er einnig starfs-
maður þýska 21 árs landsliðsins.
FÓLK
GUNNAR Berg Viktorsson,
handknattleiksmaður hjá Par-
is, er undir smásjá a.m.k.
tveggja þýskra liða um þessar
mundir, Wetzlar og Bayer
Dormagen, samkvæmt heim-
ildum Morgunblaðsins. Gunn-
ar er laus undan þriggja ára
samningi við Paris í vor en þar
hefur hann fengið fá tækifæri
á leiktíðinni. Hann var við æf-
ingar hjá 1. deildarliðinu
Wetzlar í síðustu viku og er
væntanlegur þangað aftur á
næstunni. Þá hefur Gunnar
einnig æft hjá Dormagen, en
liðið er í 2. deild. Þá mun
þriðja liðið, sem einnig er í
annarri deild, hafa haft sam-
band við umboðsmann Gunn-
ars en það mun vera sísti kost-
urinn samkvæmt heimildum
Morgunblaðsins.
Hjá Wetzlar eru fyrir þrír
íslenskir handknattleiksmenn,
Julian Róbert Duranona, Ró-
bert Sighvatsson og Sigurður
Bjarnason.
Dormagen féll úr úrvals-
deildinni fyrir tveimur árum
en er nú að byggja upp vaska
sveit sem á að endurheimta
sæti liðsins í efstu deild á
næstu leiktíð.
Halldór Karlsson baráttujaxldreif sína menn í Njarðvík
áfram í byrjun auk þess að halda
Damon í skefjum og
skora sjálfur
grimmt. Það dugði
til að halda naumu
forskoti sem hefði þó
verið enn meira ef margar sending-
ar hefðu ekki verið alltof slakar og
beint í hendur Keflvíkinga. Þar kom
að Damon fór að losa sig úr gæsl-
unni og hóf að raða niður körfum án
þess að heimamenn fengju rönd við
reist. Eftir annan slakan kafla
Njarðvíkinga náðu gestirnir yfir-
höndinni og við tók barátta, þegar
liðin skiptust á um forystu fram í lok
þriðja leikhluta. Snemma í þeim
fjórða fékk Friðrik Stefánsson sína
5. villu. Þá loks fengu Edmund og
Damon að leika lausum hala en með
níu stiga forystu og tæpum tveim
mínútum síðar fékk Edmund sína 5.
villu. Það var ekki nóg fyrir Njarð-
vík.
„Þetta var ekki alslæmt hjá okk-
ur,“ sagði Friðrik Ragnarsson,
þjálfari Njarðvíkinga, eftir leikinn.
„Ég þurfti fyrst og fremst að byggja
mitt lið upp því það var í molum eftir
síðasta leik og við þurftum helst af
öllu að fá betra hugarfar og sjálfs-
traust, mæta til að berjast og taka á
þeim en lentum þá í villuvandræð-
um. Við gjörbreytum uppstilling-
unni hjá okkur til að reyna fá fleiri
fráköst og það gekk vel en komumst
þá í villuvandræði og töpum leiknum
á því og við náðum ekki að ljúka
leiknum nógu vel. Við fengum ekki
dæmt okkur í hag í okkar sóknum og
það er skrýtið að fá ekki bónus-víta-
skot fyrr en þrjátíu sekúndur voru
eftir af leikhluta á móti grófu liði
eins og Keflavík. Að sama skapi eru
þeir búnir að fá mörg vítaskot,“
bætti Friðrik við og leggur ekki árar
í bát. „Við verðum nú að vinna þá
þrisvar í röð og verðum að byrja á
því á föstudaginn. Við mætum í þann
leik galvaskir því eftir sigur í þeim
leik er staðan 2:1 og við eigum aftur
heimavöll og staðan opin á ný en hún
lítur ekki vel út nú.“ Halldór sýndi
að venju góða baráttu en það kostaði
villur, Friðrik stóð í ströngu undir
körfunni en tók 11 fráköst. Gregory
Harris með 12 stoðsendingar, Teit-
ur Örlygsson og Páll Kristinsson
voru góðir en þurfa að skila aðeins
meiru.
„Við náðum ekki að spila eins vörn
og við ætluðum okkur því þeir voru
grimmir í byrjun, sem kom okkur úr
jafnvægi og þeir skoruðu mikið,“
sagði Sigurður Ingimundarson,
þjálfari Keflvíkinga, eftir sigurinn í
gær. „Leikurinn var því alltaf í jafn-
vægi en ég var viss um að við mynd-
um taka leikinn í lokin. Við nýttum
okkur Damon og Edmund ágætlega
en þó ekkert sérstaklega og þó að
það sé skrýtið að segja það og við
höfum skorað yfir hundrað stig þá
virkaði sóknarleikurinn ekki vel. Ég
er ánægður með sigur því Njarðvík-
ingar spiluðu mjög vel enda með
bakið uppi við vegg svo það var gott
að vinna.“ Sem fyrr segir voru Dam-
on og Edmund í lykilhlutverkum en
aðrir áttu stutta spretti.
Morgunblaðið/Jim Smart
Njarðvíkingurinn Ólafur A. Ingvason á fullri ferð en Guðjón Skúlason er til varnar.
Kveikjurum
kastað í Henry
Gunnar
Berg undir
smásjá
þýskra liða
Johnson og Saunders
Njarðvíkingum erfiðir
DÚETT Damons Johnsons og Edmunds Saunders reyndist Njarð-
víkingum of stór biti til að kyngja þegar Keflvíkingar sóttu þá heim í
öðrum leik liðanna í úrslitakeppni Íslandsmótsins í körfuknattleik.
Barátta heimamanna var þó snöggtum skárri en í fyrsta leik liðanna
en þeir félagar skoruðu saman tvo þriðju hluta stiganna og tóku
sama hlutfall frákastanna auk þess að hlaða villum á Njarðvíkinga,
sem lentu fyrir vikið of snemma í villuvandræðum og töpuðu
101:97. En batnandi mönnum er best að lifa og Njarðvíkingar vita
nú að þeir eiga möguleika með góðum leik en verða þá að spýta í
lófana.
Stefán
Stefánsson
skrifar