Morgunblaðið - 02.04.2003, Blaðsíða 10
FRÉTTIR
10 MIÐVIKUDAGUR 2. APRÍL 2003 MORGUNBLAÐIÐ
LÁTINN er í Reykja-
vík Geir G. Jónsson
stórkaupmaður, 91 árs
að aldri.
Hann fæddist 1.
ágúst 1911 í Nýlendu í
Leiru, Gerðahreppi.
Foreldrar hans voru
Jón Oddsson sjómaður
og Guðleif Oddsdóttir
húsmóðir.
Geir útskrifaðist frá
Verslunarskóla Ís-
lands árið 1933 og
lagði stund á rómönsk
mál að því loknu.
Lengst af vann
hann við verslunar- og skrifstofu-
störf, meðal annars hjá Nathan og
Olsen í Reykjavík um margra ára
skeið. Árið 1941 stofn-
aði hann fyrirtækið
Jónsson og Júlíusson
ásamt Sverri Júl-
íussyni en síðar keypti
hann hlut Sverris í fyr-
irtækinu.
Þá var Geir fulltrúi
fyrir frönsk trygginga-
félög og útgerðarfyrir-
tæki hérlendis auk
þess sem hann var
stjórnarmaður í All-
iance Française til
fjölda ára. Hann var
ræðismaður Mexíkó á
Íslandi árin 1975–1985.
Eiginkona Geirs var Sólveig
Jónsdóttir sem er látin. Þau eign-
uðust tvö börn.
Andlát
GEIR G. JÓNSSON
FRAMBOÐ óháðra í Suðurkjör-
dæmi kynnti framboðslista sinn fyrir
alþingiskosningarnar í gær. Fram-
boðið býður fram undir listabók-
stafnum T. Listann skipa:
1. Kristján Pálsson alþingismaður.
2. Snæbjörn Sigurðsson bóndi.
3. Valþór S. Jónsson yfirverkstjóri.
4. Garðar Garðarsson skipstjóri.
5. Jón Karl Ágústsson sjómaður.
6. Inga Ósk Hafsteinsdóttir bókari.
7. Sigrún Jónsdóttir
Franklín kennari.
8. Ásgeir Guðmundsson sölustjóri.
9. Haukur Ragnarsson
tölvunarfræðingur.
10. Geir Guðjónsson vélstjóri.
11. Kristlaug M. Sigurðardóttir
rithöfundur.
12. K. Sóley Kristinsdóttir húsmóðir.
13. Páll Kristinsson vélfræðingur.
14. Guðrún Hákonardóttir
verslunarmaður.
15. Jenný L. Lárusdóttir
skrifstofumaður.
16. Karl Antonsson bókari.
17. G. Sigríður Hauksdóttir nemi.
18. Árni Brynjólfur Hjaltason
húsasmiður.
19. Ragnheiður G.
Ragnarsdóttir kennari.
20. Einar Jónsson sjómaður.
Framboð
óháðra í
Suður-
kjördæmi
KRISTJÁN Pálsson alþingismaður
og fleiri forsvarsmenn framboðs
óháðra í Suðurkjördæmi kynntu
framboðslista og helstu kosningamál
framboðsins í alþingiskosningunum
á fréttamannafundi í Bláa lóninu í
gær.
Kristján sagði undirbúning fram-
boðsins, sem býður fram undir lista-
bókstafnum T, hafa gengið mjög vel.
Unnið er að endanlegum frágangi
stefnuskrár framboðsins en Kristján
greindi frá helstu stefnumálum
T-listans í gær.
Kvótakerfið farið að þróast
inn á hættulegar brautir
Framboðið leggur áherslu á að
breytingar verði gerðar í sjávarút-
vegsmálum og leggur m.a. til að
samþjöppun aflaheimilda verði
stöðvuð. „Það er mikill áhugi hjá
stórútgerðarmönnum landsins að fá
þær heimildir, sem hvert einstakt
fyrirtæki getur átt, hækkaðar úr
12% af heildarkvóta í 20%. Við lítum
svo á að þessu myndi fylgja mikil
hætta fyrir íslenskt þjóðfélag og telj-
um því nauðsynlegt að það komi
mjög skýrt fram, að þó að við styðj-
um kvótakerfið, og teljum mikla hag-
kvæmni felast í stýringu sjávarút-
vegsins í gegnum kvótakerfið, þá sé
það farið að þróast inn á hættulegar
brautir og viljum að sú þróun verði
stöðvuð,“ segir Kristján.
Einnig mun framboðið beita sér
fyrir því að veiðar á keilu, löngu og
skötusel verði utan kvóta, veiðar-
færarannsóknir verði efldar og
könnuð verði sérstaklega áhrif veið-
arfæra á lífríkið.
Lækka flugvallarskatta
Framboðið leggur áherslu á út-
rýmingu atvinnuleysis, m.a. með því
að styrkja stöðu eignarhaldsfélaga
landshlutanna, með aukinni nýsköp-
un og að staða fyrirtækja verði
styrkt. Lagt er til að atvinna í landi
verði aukin með línuuppbót á dag-
róðrabáta og með bættri nýtingu
sjávarfangs.
Þá leggur framboðið áherslu á að
ferðaþjónusta verði efld, m.a. með
lækkun flugvallarskatta, og hafnað
er sértækum álögum á ferðaþjón-
ustuna eins og gistináttagjaldi.
Kristján benti á að flugvallarskattar
á Keflavíkurflugvelli væru 76%
hærri en sambærileg gjöld á Kast-
rup-flugvelli.
Framboðið ætlar að beita sér fyrir
að þinglýst eignarlönd bænda verði
virt í kröfum ríkisins um þjóðlendur
og áhersla er lögð á að heilbrigðis-
stofnanir á landsbyggðinni verði
efldar og stjórn þeirra færð heim í
hérað. Framboð óháðra vill að tvö-
földun Reykjanesbrautar verði lokið
árið 2004, það ætlar að berjast fyrir
breikkun og lýsingu vegarins yfir
Hellisheiði og að fækkun einbreiðra
brúa verði flýtt. Þá er lagt til að ferð-
um Herjólfs verði fjölgað og þær
verði minnst tvær á dag árið um
kring og gjaldskrá Herjólfs verði
lækkuð.
Frítekjumark skatta hækki
Í skattamálum leggur framboð
óháðra áherslu á að frítekjumark
skatta verði hækkað. „Við teljum að
það sé leiðin til að koma til móts við
langflesta skattgreiðendur, sérstak-
lega þá sem lægst hafa launin. Um
80% skattgreiðenda myndu njóta
þess ef skattleysismörkunum yrði
breytt. Þó að við tökum að sjálfsögðu
undir allar hugmyndir um skatta-
lækkanir sem eru góðra gjalda verð-
ar lítum við svo á að það verði líka að
taka með í reikninginn, að afgang-
urinn af fjárlögum var ekki nema
rúmur milljarður fyrir þetta ár,“
sagði Kristján.
Fram kom í máli hans að á fram-
boðslistanum væri fólk sem kæmi
víða að úr kjördæminu og úr öllu
hinu pólitíska litrófi. Spurður hvar
ætti að staðsetja framboðið í póli-
tíska landslaginu sagðist Kristján
alltaf hafa skilgreint sig sem miðju-
mann og vinstra megin í Sjálfstæð-
isflokknum.
Spurður með hvaða flokkum fram-
boðið vildi helst starfa í ríkisstjórn ef
sá kostur yrði uppi eftir kosningar
svaraði Kristján: „Við myndum ekki
setja fyrir okkur samstarf við einn
frekar en annan. Við þrír efstu [á
framboðslistanum] höfum þó verið
sjálfstæðismenn í langan tíma og
okkar skoðanir falla að sjálfsögðu vel
við þær hugmyndir sem þar hafa
verið uppi, en við útilokum ekki
neitt,“ svaraði Kristján.
Framboð óháðra í Suðurkjördæmi kynnir framboðslista og kosningastefnumál
Samþjöppun aflaheim-
ilda verði stöðvuð
Morgunblaðið/Golli
Kristján Pálsson, alþingismaður og
efsti maður á framboðslista T-list-
ans, kynnir helstu stefnumál fram-
boðsins á fréttamannafundi.
Á FÖSTUDAGINN fer fram mjög
mikilvægur samningafundur á milli
EFTA-ríkjanna þriggja og Evrópu-
sambandsins um aðlögun EES-
samningsins að stækkun ESB og
telja norskir fjölmiðlar að þá muni
skýrast hvort samningar náist fyrir
tilsettan tíma, þ.e. miðjan apríl.
Lengi vel virtust himinn og haf skilja
að ESB og EFTA-ríkin og margir
voru efins um að samningar myndu
nást um miðjan apríl eins og stefnt
hefur verið að, en nú gætir aukinnar
bjartsýni um að mönnum muni tak-
ast að ná saman.
Fiskútflutningsmálin enn óleyst
Enn ber þó nokkuð á milli í við-
ræðunum. Í Aftenposten er fullyrt
að „reiptogið“ við ESB um útflutn-
ing á fiski frá Noregi til nýrra aðild-
arríkja sambandsins stefni í að verða
ekki minni ásteytingarsteinn en upp-
hæð framlaga Noregs til fátækari
ríkja í ESB. ESB krefjist þess að
EFTA-ríkin fái innflutningskvóta í
staðinn fyrir missi fríverslunar-
samninga við ríki Austur-Evrópu en
ekki almenna lækkun eða niðurfell-
ingu tolla við inngöngu þeirra í ESB.
Þetta er mikilvægt atriði þar sem
bæði Ísland og Noregur líta á löndin
í Austur-Evrópu sem vaxandi fram-
tíðarmarkaði fyrir fisk og innflutn-
ingskvótar, sem væntanlega væru
byggðir á sögulegum útflutningstöl-
um, eru ekki óskaniðurstaða fyrir
þau.
Flest norsku blöðin nefna fram-
lögin sem helsta þröskuldinn í samn-
ingunum. EFTA-ríkin þrjú hafi þeg-
ar boðist til að greiða um 144
milljónir evra eða jafngildi liðlega 12
milljarða króna á ári í þróunarsjóð
ESB sem er um sexfalt meira en þau
greiði nú. Evrópusambandið hafi
slegið verulega af upphaflegum kröf-
um sínum og sé tilbúið að sætta sig
við 300 milljónir evra eða um 25
milljarða króna. Bjørn Grydeland,
sem fer fyrir norsku samninga-
nefndinni, segir þessa kröfu ESB of
háa: „Það sýnir okkur að það er enn
verulegur munur á kröfum ESB um
upphæðir og því sem EFTA-ríkin
eru tilbúin að greiða. Það ber einnig
mikið á milli í viðræðunum um versl-
un með fisk og við höfum ekki enn
fundið lausnir að því er landbúnaðar-
málin varðar,“ segir Grydeland í
Dagsavisen.
Norðmenn í erfiðri stöðu
ESB býður Noregi nýjan EES-
samning fyrir um tvo milljarða
[norskra] króna. „Norðmenn streit-
ast á móti en verða líklega að gefa
eftir að lokum,“ segir í undirfyrir-
sögn Stavanger Aftenblad. Blaðið
segir stöðu formanns norsku samn-
inganefndarinnar ekki auðvelda: „Í
þessum leik er Percy Westerlund
[formaður samninganefndar ESB]
með öll spilin á sinni hendi sem
fulltrúi 15 núverandi og 10 verðandi
ESB-landa.“ Stuðning hafi Bjørn
Grydeland bara frá Íslandi og
Liechtenstein en sá stuðningur sé í
reynd ekki mikill þar sem afstaða
þeirra sé að nokkru leyti önnur. Ís-
lendingar láti sér til að mynda miklu
meira í léttu rúmi liggja en Norð-
menn hvort samningar takist innan
upphaflegs tímaramma auk þess
sem „Íslendingar eru í grundvallar-
atriðum algerlega mótfallnir því að
greiða meira til ESB – og því er allt
útlit fyrir að Norðmenn verði í fram-
tíðinni að sætta sig við að taka á sig
stóran part af hlutfallslegu framlagi
Íslendinga í þróunarsjóði ESB“, seg-
ir Stavanger Aftenblad.
Bæði Liechtenstein og Ísland
treg til að greiða meira
Í fjölmiðlum í Liechtenstein er
sem von er lítið fjallað um viðskipti
með fisk en svo er að sjá sem þar séu
menn nokkuð bjartsýnir á að samn-
ingar takist fyrir miðjan apríl.
„Lengi vel miðaði ekkert í samninga-
viðræðunum en síðustu tvær vikurn-
ar hefur skriður komist á málin,“
hefur dagblaðið Liechtensteiner
Vaterland eftir prins Nikolaus,
sendiherra Liechtenstein gagnvart
ESB, í í gær.
Prinsinn segir nær óhugsandi að
hugsa sér stækkun ESB án samhliða
stækkunar EES. „Slíkt væri þá að-
eins hugsanlegt í mjög skamman
tíma og myndi í reynd vera erfitt.
Það er í þágu allra að ljúka þessum
samningaviðræðum sem fyrst.“
Prins Nikolaus segir að enn sé
mögulegt að standa við upphaflega
tímaáætlun en lítill tími sé til stefnu.
Málið snúist þó frekar um samhliða
gildistöku samninganna en samhliða
undirritun þeirra og því sé enn nokk-
urt svigrúm fyrir hendi.
Af ummælum prins Nikolaus í
Liechtensteiner Vaterland má ráða
að afstaða samninganefndar Liecht-
enstein sé ekki ósvipuð afstöðu
þeirrar íslensku, EFTA-ríkin þrjú
séu tilbúin að gera undantekningu
frá grundvallaratriðum EES-samn-
ingsins til þess að koma að einhverju
leyti til móts við þá staðreynd að
þjóðartekjur í nýju aðildarlöndum
ESB eru mjög lágar. „En það eru
takmörk fyrir því hvað við [EFTA-
löndin þrjú] getum teygt okkur langt
og þetta á sérstaklega við um Ísland
og Liechtenstein. Við ætlum okkur
ekki að semja um Evrópska efnahag-
gssvæðið upp á nýtt,“ segir formað-
ur samninganefndar Liechtenstein.
Dregur til tíðinda
á föstudaginn
„ESB býður Noregi nýjan EES-samning fyrir tvo
milljarða. Norðmenn streitast á móti en verða
líklega að gefa eftir að lokum.“
ÞAÐ er ekki seinna vænna að huga að vorverkunum og
hlúa að gróðrinum í görðum landsmanna. Tré og runn-
ar þurfa sína snyrtingu fyrir sumarið og ef að líkum
lætur koma þessi til með að líta vel út í sumar.
Morgunblaðið/Golli
Vorverkin hafin í Reykjavík