Morgunblaðið - 02.04.2003, Blaðsíða 22
LANDIÐ
22 MIÐVIKUDAGUR 2. APRÍL 2003 MORGUNBLAÐIÐ
BJÖRGUNARSVEITIN Sæþór
fékk góða heimsókn á dögunum.
Björn Guðmundur Markússon
björgunarsveitarmaður til margra
ára og áhugamaður um tæki og tól til
björgunar, tók æfingar með sveit-
inni.
Lögð var höfuðáhersla á að yfir-
fara og yfirfara aftur þegar sigið er
eða klifrað í klettum. Æfingarnar
voru gerðar í 25 metra ljósamastri
við höfnina og á 30 metra þverhnípt-
um klettavegg sem slútir yfir. Kunn-
átta í björgun við slíkar aðstæður er
nauðsynleg björgunarsveitamönn-
um á þessum stað. Grímsey er um-
kringd björgum og klettum á alla
vegu – þar sem eyjan er hæst 105
metra há. Bjarna Gylfasyni, for-
svarsmanni Sæþórs, fannst mikil
snilld að fá reyndan björgunarsveit-
armann til að leiðbeina Sæþórs-
mönnum. Bjarni sagði að þeir hefðu
algjörlega lært nýtt kerfi í sigi og
klettaklifri. Að nýta liðsheildina er
undirstaða þess sem Björn Guð-
mundur leggur áherslu á. Kaðlar og
sigbönd, sylgjur og krókar allt skoð-
að og prófað og æft. Því þegar á
reynir verða björgunasveitarmenn
að þekkja og treysta sínum björg-
unartækjum. Allt þetta er liður í
hinu góða enduruppbyggingarstarfi
Björgunarsveitarinnar Sæþórs.
Morgunblaðið/Helga Mattína
Félagar í Björgunarsveitinni Sæþóri í Grímsey, f.v.: Þór Vilhjálmsson,
Svafar og Bjarni Gylfasynir og Brynjólfur Árnason.
Björgunarsveitar-
menn æfa klifur
Grímsey
HIN magnaða færeyska söngkona
Eivör Pálsdóttir heimsótti Húsvík-
inga heim á dögunum ásamt Birgi
Bragasyni. Komu þau fram á tónleik-
um í litlum sal í Hvalamiðstöðinni þar
sem Eivör spilaði á kassagítar og
söng við kontrabassaleik Birgis.
Það er óhætt að segja að umgjörð
tónleikanna í Hvalamiðstöðinni hafi
verið skemmtileg og tónleikarnir vel
heppnaðir. Lagavalið á tónleikunum
var fjölbreytt, frumsamið efni eftir
Eyvöru, færeyskar rímur auk ís-
lenskra og erlendra sönglaga. Undir-
tektir gesta á tónleikunum voru góðar
enda frábærir listamenn þarna á ferð-
inni.
Það var Tún, tómstunda- og menn-
ingarhús fyrir Húsvíkinga á aldrinum
16–25 ára, sem hélt þessa tónleika
sem voru algjörlega vímuefnalausir.
Verið er að hefja aftur reglulegt starf
í Túni eftir nokkurt hlé og sagði Elsa
María Jakobsdóttir, ein þeirra sem að
tónleikunum stóðu, ákveðið hefði ver-
ið að byrja starfið af krafti og tónleik-
arnir í Hvalamiðstöðinni væru byrj-
unin þar á.
Morgunblaðið/Hafþór Hreiðarsson
Eivör Pálsdóttir á tónleikunum í Hvalamiðstöðinni á Húsavík.
Eivör Pálsdóttir
söng í Hvalasafninu
Húsavík
HOLLVINASAMTÖK hafa verið
stofnuð um varðveislu og endurreisn
gufubaðsins og smíðahúss á bökkum
Laugarvatns. Síðastliðinn laugardag
var haldinn stofnfundur samtakanna
í gamla smíðahúsinu á Laugarvatni.
Hundrað og tíu manns mættu á
stofnfundinn og skráðu nafn sitt í
sérstaka stofnfélagabók sem ætlunin
er að liggi frammi í afgreiðslu gufu-
baðsins út árið.
Hilmar Einarsson, byggingar-
fulltrúi uppsveita Árnessýslu, flutti
söguágrip bygginganna og rakti til-
urð þeirra. Sagði hann frá því að
skólapiltar í Héraðsskólanum hefðu
farið suður til Reykjavíkur til að rífa
þar sýningarskála sem stóð við Al-
þingishúsið og flutt hann á Laugar-
vatn og endurreistu þar. Var húsið
fyrsta íþróttahúsið á staðnum og
þjónaði sem slíkt þar til Íþróttakenn-
araskóli Íslands var stofnaður með
lögum 1942 og húsnæði byggt yfir
hann við hlið Héraðsskólahússins
1944. Eftir það var húsið notað til
smíða og bókbandskennslu.
Gufubaðið var byggt ofan á hver-
inn um það leyti sem skólinn var í
byggingu 1928-9 af smiðum skólans.
Búningsaðstaðan var síðar stækkuð
og karlaklefi byggður inn í smíða-
húsið.
Gufubaðið hafði strax nokkra sér-
stöðu. Þarna hittust gjarnan að lokn-
um erfiðum degi, bændur, sumar-
húsafólk, kennarar og aðrir gestir
staðarins og skiptust á skoðunum um
pólitíkina og önnur mál hvers tíma,
líkt og gert er í heitu pottunum í dag.
Gufubaðið varð strax mjög vinsælt
og þótti af mörgum hin mesta heilsu-
lind, enda ekki víða sem menn kom-
ust í svona mikla nálægð við hvera-
vatnið án þess að brenna sig. Bara
svitna og þar með að losa sig við allan
venjulegan óþverra. Þorkell Bjarna-
son, fyrrverandi hrossaræktarráðu-
nautur sem fæddur er og uppalinn á
Laugarvatni, sagði frá íþróttatímum
sem hann sem ungur drengur horfði
á og fékk síðar að stunda í húsinu
undir stjórn Björns Jakobssonar.
Björn sem rak sinn einka íþrótta-
kennaraskóla á Laugarvatni spilaði
undir á fiðlu þegar stúlkurnar gerðu
æfingar sínar og krakkarnir í þorp-
inu og sveitinni fylgdust með af and-
akt.
Ólafur Örn Haraldsson, þingmað-
ur, skoraði á núverandi og næstkom-
andi ráðherra menntamála og
menntamálaráðuneytið að vinna
duglega og af myndarskap með Holl-
vinasamtökunum að þeirri uppbygg-
ingu sem nú væri farin af stað.
Fram komu einnig reynslusögur
um lækningamátt í vatninu og guf-
unni varðandi psoriasis exem sem
hyrfu við margendurtekin böð.
Á fundinum voru samþykkt lög
samtakanna og kosin stjórn sem í
sitja Hafþór B. Guðmundsson, lektor
við Íþróttafræðasetur KHÍ, Ragnar
Sær Ragnarsson, sveitarstjóri Blá-
skógabyggðar, Friðrik Guðmunds-
son, framkvæmdastjóri Húsbygg-
ingafélags námsmanna, Kristján
Einarsson, forstjóri í Rekstrarvör-
um, Tryggvi Guðmundsson, fram-
kvæmdastj. Flugleiðahótela, Ólafur
Örn Haraldsson, alþingismaður, og
Bjarni Finnsson, fyrrv. fram-
kvæmdastj. Blómavals. Varamenn
eru Þorsteinn Kraag, umboðsmaður,
og Halldór Páll Halldórsson, skóla-
meistari ML.
Eftir að lög samtakana voru sam-
þykkt og stjórnarkjör gerði fundur-
inn eina ályktun sem hljóðaði svo:
Aðalfundur Hollvinasamtaka gufu-
baðs og smíðahúss á Laugarvatni
óskar eftir góðu samstarfi við
menntamálaráðherra og mennta-
málaráðuneytið um verkefni félags-
ins. Fundurinn skorar á mennta-
málaráðherra að greiða götur
félagsins með öllum hætti.
Stofna Hollvinasamtök
gufubaðs og smíðahúss
Laugarvatn
Ljósmynd/Kári Jónsson
Hollvinir gufubaðs og smíðahúss komnir inn í annan af tveimur klefum sem
byggðir eru ofan á sjóðandi hverinn.
KVENNAREIÐ er einn af árvissum
viðburðum hjá hestamannafélaginu
Sindra. Þetta árið leyfðu konurnar
körlunum að vera með og fór hóp-
urinn frá hesthúsunum í Vík í Mýr-
dal í dýrindis veðri og reið austur að
Hótel Höfðabrekku þar sem hópur-
inn borðaði kvöldmat. Að sögn
þeirra sem áður hafa tekið þátt í
þessari kvennareið nýtur þessi at-
burður stöðugt vaxandi vinsælda.
Kvenna-
reið vel
heppnuð
Morgunblaðið/Jónas Erlendsson
Hópurinn áði í Flúðakróki rétt
austan Víkur. Á myndinni eru
fremst Sigríður D. Árnadóttir og
Óskar Þorsteinsson sem hafði með
sér ferðapelann.
Fagridalur
FRAMSÓKNARFLOKKURINN
MIÐVIKUDAGUR 2. APRÍL
Skagafjörður kl. 20:30 – Félagsheimilið Miðgarður
Guðni Ágústsson, Magnús Stefánsson,
Kristinn H. Gunnarsson, Herdís Á. Sæmundardóttir.
Fundarstjóri: Gunnar Bragi Sveinsson.
Vopnafjörður kl. 20:30 – Félagsheimilið Mikilgarður
Jón Kristjánsson, Dagný Jónsdóttir, Árni Magnússon.
Fundarstjóri: Borghildur Sverrisdóttir.
Ólafsfjörður kl. 20:30 – Brimnes Hótel
Valgerður Sverrisdóttir, Birkir J. Jónsson, Jónína Bjartmarz.
Fundarstjóri: Helga Jónsdóttir.
Þorlákshöfn kl. 20:30 – Duggan
Hjálmar Árnason, Helga Sigrún Harðardóttir,
Ísólfur Gylfi Pálmason.
Fundarstjóri: Baldur Kristjánsson.
Seltjarnarnes kl. 20:30 – Slysavarnarhúsið við Bakkavör
Siv Friðleifsdóttir, Páll Magnússon, Una María Óskarsdóttir.
Fundarstjóri: Guðrún Helga Brynleifsdóttir.
vinna - vöxtur - velferð
Fundaferð Framsóknarflokksins 2003
til aukinnar velferðar
Leggjum áfram leiðina