Morgunblaðið - 02.04.2003, Blaðsíða 33
UMRÆÐAN
MORGUNBLAÐIÐ MIÐVIKUDAGUR 2. APRÍL 2003 33
LJÓST er að alger stefnubreyt-
ing hefur átt sér stað í afstöðu
Samfylkingarinnar til málefna Ís-
lands og Evrópusambandsins. Um
margra mánaða skeið hefur forysta
Samfylkingarinnar, svo og fjöl-
margir aðrir félagsmenn, talað fyr-
ir því að hafnar yrðu aðildarvið-
ræður við Evrópusambandið sem
allra fyrst. Ekkert væri því til fyr-
irstöðu og því fyrr sem slíkar við-
ræður yrðu hafnar því betra. Töl-
uðu þessir menn mikið um að þetta
yrði mál málanna fyrir alþingis-
kosningarnar í vor og að Samfylk-
ingin myndi í samræmi við það
setja málið á oddinn í kosningabar-
áttu sinni.
Til undirbúnings að þessu var
fræg póstkosning Samfylkingarinn-
ar um málið haldin sl. haust meðal
félagsmanna til að forysta flokksins
gæti fengið umboð til þess að setja
málið á oddinn. Eins og enn fræg-
ara er var framkvæmd þeirrar
kosningar með afbrigðum kostuleg
og sló jafnvel við framgöngu ým-
issa einræðisherra í gegnum tíðina.
Spurningin margræð og leiðandi,
áróðursfundir fyrir aðild haldnir í
aðdraganda kosningarinnar og
áróðurspésar látnir fylgja kjörseðl-
inum svo eitthvað sé nefnt.
Niðurstaða póstkosningarinnar
var síðan sú að aðeins um 30%
þeirra, sem voru á kjörskrá, tóku
þátt í henni. Ekkert er hins vegar
vitað um afstöðu þeirra 70% sem
ákváðu að hunza kosninguna. En
þetta taldi forysta Samfylkingar-
innar engu að síður vera afgerandi
umboð til að setja málið á oddinn
fyrir alþingiskosningarnar í vor.
Tilgangurinn með þessari kosningu
var þó afar umdeilanlegur þar sem
forysta flokksins var lengi búin að
tala afgerandi fyrir því að Íslend-
ingar gengju í Evrópusambandið,
án alls umboðs félagsmanna sinna.
En nú á síðustu vikum hefur
komið allt annað hljóð í strokkinn.
Nú segir Össur Skarphéðinsson
allt í einu að spurningin um aðild
Íslands að Evrópusambandinu
verði ekki sett á oddinn í vor, af
hálfu Samfylkingarinnar, og geti
beðið. Það er þó ekki nema nokkr-
ar vikur síðan hann hvatti til þess
að viðræður íslenzkra stjórnvalda
við Evrópusambandið, um framtíð
EES-samningsins, yrði breytt yfir í
viðræður um aðild að sambandinu.
Þá skoðun sína setti Össur
reyndar fram áður en skoðana-
kannanir sýndu með afgerandi
hætti að mikill meirihluti þjóðar-
innar væri andsnúinn aðild Íslands
að Evrópusambandinu. En eins og
þekkt er mótast stefna Samfylking-
arinnar að miklu leyti eftir því
hverjar niðurstöður skoðanakann-
ana eru á hinum og þessum tíma-
punkti. Sú aðferðafræði kallast
annars á íslenzku lýðskrum.
Nýjasta útspil Össurar er reynd-
ar það að ekki sé hægt að fara út í
aðildarviðræður við Evrópusam-
bandið nema Sjálfstæðisflokkurinn
hafi þar forystu. Hringavitleysa
Samfylkingarinnar er orðin svo
gríðarleg í kringum þetta mál allt
að nýjasta uppátækið felst í því að
reyna að koma ábyrgðinni af eigin
vandræðagangi yfir á Sjálfstæðis-
flokkinn. Og svo hafa þessir aðilar
viljað meina að vandræðagangur
væri í þessum málum innan Sjálf-
stæðisflokksins. Það má vel vera að
svo sé upp að einhverju marki en
það er þó ljóslega lítið sem ekkert í
samanburði við ótrúlegan vand-
ræðagang Samfylkingarinnar í
málinu.
Þessi stefnubreyting Samfylk-
ingarinnar er annars enn meiri
áfellisdómur yfir póstkosningu
flokksins sl. haust þar sem tilgang-
urinn með henni, sem var að vísu
ekki mikill fyrir, er orðinn að engu.
Tilgangurinn með póstkosningunni
var að sögn Samfylkingarinnar að
veita forystu flokksins umboð til að
setja aðild að Evrópusambandinu á
oddinn í kosningabaráttunni í vor,
en nú er hins vegar ljóst að það
verður ekki gert. Póstkosningin
var því tilgangslaus. Nema auðvit-
að að Össur og félagar skipti aftur
um skoðun, sem er auðvitað eitt-
hvað sem reynzlan sýnir að megi
alltaf gera ráð fyrir þegar Sam-
fylkingin er annars vegar.
Það sem eru þó kannski alvar-
legustu mistök Samfylkingarinnar í
þessum efnum er að ljóst er að
heimavinnan þeirra í málaflokknum
er afskaplega ábótavant. Það hefur
nú komið fram að það er ekki lög-
fræðilega mögulegt að sækja um
aðild að Evrópusambandinu fyrr en
í fyrsta lagi árið 2007, nema boðað
verði til kosninga fyrr. Helgast það
af því að stjórnarskrá lýðveldisins
heimilar ekki það mikla framsal á
fullveldi og sjálfstæði úr landi sem
aðild að Evrópusambandinu felur í
sér. Þess vegna þarf að gera rót-
tækar breytingar á stjórnar-
skránni, eigi þetta að vera mögu-
legt, og það þarf að samþykkja á
tveimur þingum.
Á þessari hlið málsins er forysta
Samfylkingarinnar sennilega að
átta sig fyrst núna og á væntanlega
stóran þátt í þeirri afstöðubreyt-
ingu sem nú hefur átt sér stað hjá
forystu hennar. M.ö.o. þá liggur
þessum mönnum svo gríðarlega á
því að draga alla íslenzku þjóðina
með sér inn í Evrópusambandið að
þeir hafa ekki haft fyrir því að
kynna sér allar hliðar málsins sem
skyldi. Það er þó e.t.v. ekki ein-
kennilegt í tilfelli þessara manna
sem virðast sjá Evrópusambandið í
einhverri þokukenndri draumsýn og
neita ennfremur að hlusta á nokkuð
það sem sett getur þá draumsýn í
uppnám.
Eftir Hjört J.
Guðmundsson Hjartar
„Það hefur
nú komið
fram að það
er ekki lög-
fræðilega
mögulegt að sækja um
aðild að Evrópusam-
bandinu fyrr en í fyrsta
lagi árið 2007.“
Höfundur er sagnfræðinemi og
meðlimur í Flokki framfarasinna
og Heimssýn.
Breytt afstaða Sam-
fylkingarinnar til ESB
í nýju umhverfi
ÍS
LE
N
SK
A
A
U
G
LÝ
SI
N
G
A
ST
O
FA
N
EH
F.
/S
IA
.I
S
-
FL
U
20
03
0
02
/2
00
3
Fundarfriður
og allt er til reiðu á fundarstað!
Þjónusta við íslensk fyrirtæki hvar sem er á landinu.
Hafðu strax samband við Hópadeild í síma 570 3038/3035
tölvupóstur: hopadeild@flugfelag.is
f l júgðu frekar!
símtal
FLOGIÐ OG FUNDAÐ
Flugfélag Íslands og samstarfshótel úti á landi bjóða í einum pakka
alla aðstöðu til fundarhalda. Fljúgið að morgni og aftur heim sam-
dægurs um kvöldið eða gistið eina nótt eða fleiri.
Náið betri árangri á fundi
Eflið starfsandann og treystið liðsheildina í samstilltum hóp
með góðri dvöl á fyrsta flokks gististöðum úti á landi.
VIÐ SJÁUM
UM ALLAN
UNDIRBÚNING
Hópadeild Flugfélags Íslands
pantar flugfar, akstur til og frá
flugvelli á áfangastað, fundar-
aðstöðu og veitingar og sér til þess í
samvinnu við samstarfshótel að allur
búnaður verði til reiðu á fundarstað.
Pöntum gistingu og skipuleggjum
skoðunarferðir eða aðrar útivistarferðir í
nágrenni fundarstaðanna.
• fundaraðstaða fyrir allt að 80 manns
• fundaraðstaða fyrir allt að 110 manns
• fundaraðstaða fyrir • fundaraðstaða fyrir
allt að 230 manns allt að 60 manns