Morgunblaðið - 02.04.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 2. APRÍL 2003 VERÐ Í LAUSASÖLU 190 KR. MEÐ VSK.
LIFANDI
VÍSINDI
Áskriftarsími 881 4060
Á FYRSTU þremur mánuðum ársins hafa sextíu
svokölluð götumál komið upp hjá fíkniefnadeild
lögreglunnar í Reykjavík. Þetta er mikil aukning
því allt árið í fyrra komu upp um sjötíu slík mál. Ás-
geir Karlsson, yfirmaður fíkniefnadeildarinnar,
segir að fjölgun mála skýrist fyrst og fremst af
betra eftirliti en sé ekki endilega til marks um að
neysla fíkniefna hafi aukist.
Mál sem upplýsast í kjölfar eftirlits með sölu-
mönnum fíkniefna eru nefnd götumál og starfa sex
lögreglumenn í svokölluðum götuhópi. Ásgeir seg-
ir að eftirlitið beinist aðallega að yngri sölumönn-
um og þeim sem selji ungmennum fíkniefni. Flestir
sem þeir hafa haft afskipti af á þessu ári eru yngri
en tuttugu ára en þeir yngstu eru sextán ára, bæði
sölumenn og kaupendur. Þegar götuhópurinn var
fyrst settur á laggirnar vann hann á almennum
vöktum. Ásgeir segir að í ljós hafi komið að hóp-
urinn sé öflugri þegar hann vinni saman. Því hafi
verið hætt að skipta mönnunum á vaktir og þess í
stað vinni þeir allir á sama tíma. Þetta hafi skilað
mjög góðum árangri eins og sjáist á fjölgun mála.
Frá áramótum hefur götuhópurinn m.a. lagt hald á
tæplega eitt og hálft kíló af hassi, hálft kíló af
marijúana, 127,5 e-töflur, um sjötíu grömm af
amfetamíni og um sextíu kannabisplöntur.
Breyttir starfshættir hjá
fíkniefnadeild LR skila árangri
Sölumenn
gripnir á
götum úti
ÞESSAR glæsilegu ballerínur frá Ballettskóla Guðbjargar biðu þess
með eftirvæntingu að tjaldið lyftist fyrir atriði þeirra á nemenda-
sýningu í Borgarleikhúsinu í gær. Spennan leyndi sér ekki í andlit-
um stúlknanna, en a.m.k. ein tók öllu umstanginu af mestu ró og
fékk sér bara sæti á meðan tjaldið lyftist. Þessar lágvöxnu dans-
meyjar þóttu standa sig með miklum sóma og vöktu lukku meðal
þakklátra áhorfenda enda ekki á hverjum degi sem yngsta kyn-
slóðin fær tækifæri til að spreyta sig í alvöruleikhúsi.
Morgunblaðið/Árni Sæberg
Ungar ballerínur í biðstöðu
ORKUSTOFNUN telur að svæði Íslendinga
við Jan Mayen, þar sem olíuleit hefur farið
fram, sé það álitlegt að þar gæti komið til olíu-
borana í framtíðinni, að sögn Steinars Þórs
Guðlaugssonar, jarðeðlisfræðings hjá Orku-
stofnun, en skiladagur niðurstaðna mælinga til
stofnunarinnar var í gær. Hann bendir á að
olíuleit og undirbúningur geti hins vegar tekið
tugi ára og séu gríðarlega kostnaðarsöm. „Síð-
an veit raunverulega enginn hvort olía sé á
svæðinu fyrr en búið er að bora og olían kemur
úr holunni.“
Stjórnvöld ákváðu að veita leyfi til rann-
sókna á svæðinu árið 2001 og síðan þá hafa tvö
norsk fyrirtæki, InSeis og TGS-NOPEC, feng-
ið slíkt leyfi. Þau fela stjórnvöldum niðurstöð-
urnar til varðveislu en samkvæmt lögum mega
stjórnvöld ekki birta þær fyrr en 10 árum síð-
ar. Það er vegna þess að einnig er reynt að
selja gögnin til stórra olíufyrirtækja, að sögn
Steinars. „Ef niðurstöður eru jákvæðar og
miklar líkur á að olía sé á svæðinu geta stóru
olíufyrirtækin fengið áhuga og þá eru það þau
sem ráðast í boranir.“ Hann bendir á að marg-
ir áhugaverðir staðir séu í boði á hverjum tíma,
framkvæmdir séu gríðarlega kostnaðarsamar
og því þurfi að vera miklar líkur á að olía finn-
ist til að fyrirtækin vilji leggja út í boranir.
„Við höfum dæmi frá Grænlandi þar sem
norska fyrirtækið Statoil lagðist í framkvæmd-
ir upp á tvo og hálfan milljarð við eina borholu.
Þar fannst síðan engin olía.“
Iðnaðarráðuneytið hefur einnig staðið fyrir
forathugunum úti fyrir Norðurlandi um árabil
og hafa þær gefið ákveðna vísbendingu um að
jarðgas geti verið þar að finna. Steinar segir
hins vegar of snemmt að segja til um hvort þar
kunni að vera einhverjar auðlindir.
„Við verðum að fara úr gullgrafarastelling-
unum og líta á leitina sem hverja aðra atvinnu-
stefnu enda skilar leitin sjálf okkur bæði vinnu
og fjármagni.“
Jan Mayen-svæðið talið
álitlegt til olíuborana
ÞORBJÖRN Guðmundsson, formað-
ur velferðarnefndar ASÍ, segist hafa
upplýsingar um að stéttaskipting
meðal skólabarna sé að verða meira
áberandi en oft áður. Í velferðartil-
lögum ASÍ er lögð áhersla á að komið
verði í veg fyrir stéttaskiptingu
barna með því að sveitarfélög dragi
umtalsvert úr gjaldtöku vegna skóla-
göngu, hvort sem um er að ræða
gæslu yngri barna eftir skóla, aðstoð
við heimanám, skólamáltíðir eða tón-
listarskóla. „Einnig þurfa sveitar-
félög að gera börnum kleift að stunda
íþróttir og æskulýðsstörf án tillits til
efnahags foreldra,“ segir í skýrslu
ASÍ.
Þorbjörn segir að ASÍ hafi áhyggj-
ur af þessari þróun. Því sé mikilvægt
að opinberir aðilar taki á sig meiri
kostnað vegna skólagöngu barna en
nú er gert. „Við erum í raun að vara
við því sem er að gerast í skólakerf-
inu með aukinni þátttöku foreldra í
kostnaði við skólagönguna.“
Finnbogi Sigurðsson, formaður
Félags grunnskólakennara, tekur
undir þetta og segir að stéttaskipting
sé farin að birtast í grunnskólum, en
þó ekki með áberandi hætti. Hann
segir að stéttaskiptingin birtist m.a. í
því að sum börn hafi meira af pen-
ingum en önnur og að ákveðnir hópar
hafi ekki ráð á að kaupa mat eða mat-
arbakka í skólanum, sem boðið er
upp á í hádeginu.
Stéttaskipting farin
að birtast í skólum

Meira um/11
STANGAVEIÐIN hófst í
gær í nokkrum sjóbirtings-
og bleikjuám á Suðurlandi
og þrátt fyrir vetrarríki
veiddist allvel. M.a. veiddist
gríðarstór birtingur í Opinu
í Tungulæk. Var hann mæld-
ur 90 sentimetra hængur og
áætlaður 19 pund, en honum
var sleppt aftur lifandi í ána.
Svona stórir birtingar eru
ekki algengir og næsta víst
að þessi fiskur verður einn
af stærstu sjóbirtingum árs-
ins. Það var Friðbjörn
Björnsson sem veiddi hann á
svarta Snældu-túpuflugu. Morgunblaðið/Guðmundur
Friðbjörn Björnsson með
stórfiskinn úr Tungulæk.
Landaði 19 punda
sjóbirtingi í gær

Veiðin fór/4
ÍSLENSKA rokksveitin Mínus gefur á þjóðhátíð-
ardaginn næstkomandi út nýja plötu sem fengið
hefur heitið Halldór Laxness.
Að sögn Frosta Logasonar, gítarleikara Mínuss,
er sveitin að votta skáldinu virðingu sína með nafn-
giftinni en viðurkennir um leið að það hafi heil-
miklu ráðið að nafnið er allsérstætt fyrir rokk-
plötu.
Mínus heldur í næstu viku í tónleikaferð um
Bretland þar sem sveitin mun leika á 17 tónleikum
á 19 dögum. Mínus er meðal þeirra tónlistarmanna
sem fengu í gær styrk frá iðnaðar- og viðskipta-
ráðuneytinu til kynningar á væntanlegri plötu er-
lendis.
Morgunblaðið/Jim Smart
Krummi, söngvari Mínuss.
Mínus gefur út
Halldór Laxness

Halldór/49

Útrás/51
STARFSMENN Íslenskra aðalverktaka luku í
fyrrinótt við aðgöng undir stíflustæði Kárahnjúka-
virkjunar en verkið hefur staðið yfir frá því 11.
desember og hafa 33 menn unnið á vöktum allan
sólarhringinn við að bora sig í gegn. Rúnar Ágúst
Jónsson, staðarstjóri hjá ÍAV, segir vel hafa geng-
ið, verkið sé talsvert á undan áætlun en verklok
voru áætluð um miðjan apríl. Göngin eru 730
metra löng og um sex metrar í þvermál. Þar sem
þau enda verða grafin tvenn hjágöng Jöklu undir
stíflustæðið en sú framkvæmd verður í höndum
ítalska verktakafyrirtækisins Impregilo og er ráð-
gert að vinna við þau hefjist í þessum mánuði.
Aðgöng undir
stíflustæði tilbúin
♦ ♦ ♦