Morgunblaðið - 17.04.2003, Síða 46

46 FIMMTUDAGUR 17. APRÍL 2003 MORGUNBLAÐIÐ

 

 


  
   


 

 
 
  
 






  

  






  


!"
 







" 





   

 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SEM frekar árrisull morgunhani hefi
ég undirritaður haft af því ánægju
um margra ára skeið að hafa kveikt á
útvarpi Rásar 1 með morgunteinu og
hlusta á þægilega tónlist af ýmsu
tagi. Strax um kl. hálfsjö er venju-
lega ágæt sígild tónlist , strengja-
kvartettar, píanó og fleira, en svo eft-
ir fréttirnar kl. sjö er síðan ýmislegt
létt og þægilegt á fóninum. Þá fer að
líða að því að koma börnunum á fæt-
ur til að fara í skólann og einhvern
veginn er það ómissandi að hafa létta
fjölbreytilega tónlist með í þeirri
vinnu. (Það getur verið svolítið púl að
koma fjórum krökkum á fætur).
En, allt er í heiminum hverfult,
segir einhversstaðar, og stöðugleiki
virðist vera eitur í beinum sumra.
Allt í einu þarf að pota inn ennþá ein-
um fréttaskýringaþættinum og sam-
tengja báðar rásir útvarpsins. Hver
tilgangurinn er skal ósagt látið,
örugglega ekki eftirspurnin eftir
slíku efni, nóg er nú fyrir. Látum nú
vera að þetta sé á Rás 2, svona blaður
og auglýsingar í bland er og hefur
verið venjan þar á bæ allajafna á
þessum tíma, svo þetta er engin
breyting á þeirri rás. En að skella
þessu inn á Rás 1 er alger ósvinna,
því þar er um allt annan markhóp að
ræða ef svo má að orði komast.
Hlustendur Rásar 1 eru áreiðanlega
fólk á ýmsum aldri, kannski fólk í ró-
legri kantinum sem einfaldlega kýs
þetta rólega en samt fjölbreytilega
yfirbragð sem þar er boðið upp á.
Þeir sem vilja, geta einfaldlega skipt
yfir á rás 2 ef þeir telja þar áhugavert
efni í boði. Það er ósköp auðvelt að
færa þetta til fyrra horfs með því að
hætta þessarri samtengingu rás-
anna, en leyfa þess í stað „gömlu Guf-
unni“ að halda sínum dampi sem
fyrr.
Með þessu tilskrifi er ekki ætlunin
að varpa rýrð á það ágæta fólk sem
starfar að nefndum fréttaþætti, held-
ur einungis benda á að allstór hópur
hlustenda er ekki tilbúinn svona
snemma morguns fyrir „umfjöllun
þetta og umfjöllun hitt“, sem og aug-
lýsingafroðuna sem fylgir óhjá-
kvæmilega með. Maður fær hvort eð
er allan pakkann smám saman þegar
líður á daginn, ekki vantar nú frétta-
tímana, að ekki sé minnst á sjónvarp-
ið að kvöldi dags.
HÖRÐUR FRIÐÞJÓFSSON,
Hveragerði.
Rás 1
Frá Herði Friðþjófssyni:
VIÐ Íslendingar njótum þeirra heilla
að vera stjórnað af réttsýnum og víð-
sýnum, og umfram allt hagsýnum
ráðamönnum. Þessir kostir eins
þrautseigasta leiðtoga okkar, Hall-
dórs Ásgrímssonar utanríkisráð-
herra, komu vel í ljós norður á Ak-
ureyri nú á dögunum. Hann var að
tala um samskipti þjóðarinnar við
Evrópusambandið og sagði meðal
annars:
„Við Íslendingar trúum á hið forn-
kveðna að með lögum skuli land
byggja en með ólögum eyða. Þessi
grundvallarregla á ekki síður við í
samskiptum þjóða. EES-samningur-
inn er sá grundvöllur sem við byggj-
um samskipti okkar við Evrópusam-
bandið á. Við sættum okkur ekki við
það að sterkari aðilinn ákveði einhliða
að breyta ákvæðum þess samnings.“
(Halldór Ásgrímsson á ráðstefnu í
Háskólanum á Akureyri, 18. mars
2003.)
Þessi orð féllu daginn eftir að ann-
ar mikill leiðtogi, George Bush, til-
kynnti þjóð sinni að enn annar leið-
togi, sá suður í olíueyðimörkum
Miðausturlanda, Saddam Hussein að
nafni, hefði tvo sólarhringa til að
hypja sig í útlegð ásamt sonum sín-
um, ella biðu þeirra örlög álíka
grimm og Jón Arason mátti þola með
sínum sonum haustið 1550. Að vísu
sagðist George ekki ætla að höggva
hausinn af Saddam. Svoleiðis er gam-
aldags auk þess sem hendur manns
geta atast blóði við slíkan verknað,
sér í lagi ef eggvopnið er deigt.
George sagðist ætla að sprengja
Saddam í loft upp.
Þetta ávarp Georges hefur farið
fyrir brjóstið á sumum. Fáir hafa
neitt dálæti á Saddam, þvert á móti
vildu flestir senda hann í ævarandi
útlegð út í miðja eyðimörkina,
kannski í félagsskap sona sinna og
annarra náinna vina og vandamanna.
En nú vill svo til að samfélag þjóð-
anna hefur með sér lög sem kveða á
um hvernig skuli snúa sér í erind-
rekstri þjóða í milli, hvort sem það er
verslunarrekstur eða stríðsrekstur.
Menn hafa jafnvel talið að ekki ein-
ungis skyldi byggja þjóðir með lög-
um, heldur skyldi einnig byggja sam-
félag þjóðanna með lögum. Sér í lagi
ætti ekki að líða það að sterkari að-
ilinn ákveði einhliða hvað sé leyfilegt í
samskiptum þjóðanna.
Nú eru flestir sammála um að sú
hótun um stríð – eða var þetta
kannski bara útlegðarbón? – sem
George Bush flutti þjóð sinni sam-
rýmist ekki þeim lögum sem þjóðir
heimsins hafa verið að byggja sitt
samfélag með. Má þar einu gilda
hvort borið er niður í Háskóla Íslands
eða hjá Alþjóðaráði lögfræðinga í
Genf. Flestir eru sammála um að hót-
un Georges um að fara í stríðsheim-
sókn til Saddams hafi verið hæpin og
að léti hann verða af henni, þá bryti
hann lög þjóðanna. Og flestir eru líka
sammála um að úr því að tilvonandi
stríðsrekstur Georges Bush bryti í
bága við lög þjóðanna, þá hefði hann
ekki átt að fara í þennan stríðsrekst-
ur. Og þó er á þessu undantekning.
Leiðtogar okkar, og fer þar fremstur
Halldór Ásgrímsson utanríkisráð-
herra, hafa heldur stutt George í
þessu brölti. En telur Halldór þá að
hið fornkveðna, að með lögum skuli
land byggja en með ólögum eyða og
að hinn sterki skuli ekki hafa sjálf-
dæmi í öllum sínum málum, gildi bara
norður á Akureyri? Nei, Halldór veit
sínu viti. Hann veit að hið fornkveðna
gildir um allar jarðir, en hann veit
líka að það gildir bara þegar manni
hentar.
ÓLAFUR PÁLL JÓNSSON,
heimspekingur,
Eskihlíð 6a, 105 R.
Hið fornkveðna
Frá Ólafi Páli Jónssyni: