Morgunblaðið - 24.04.2003, Page 29

Morgunblaðið/Steinunn Ásmundsdóttir
Frá hádegisfundi atvinnumálaráðs
Austur-Héraðs. Umræðufundir um
málefni sveitarfélagsins og at-
vinnulífsins verða á næstunni viku-
lega á Hótel Héraði á Egilsstöðum.
ásamt aukinni samstöðu fyrirtækja
og þjónustuaðila og markaðssetning
svæðisins, voru lykilsetningar fund-
arins.
Fundir atvinnumálanefndar eru
haldnir á Hótel Héraði á Egilsstöðum
milli kl. 12 og 13 á þriðjudögum.
Meðal umræðuefna næstu funda
verða áhrif stórframkvæmda á sveit-
arfélagið, hliðarverkanir stórfram-
kvæmda á atvinnulífið og málefni nýs
miðbæjar á Egilsstöðum
TIL að komast í betri tengsl við at-
vinnulífið á svæðinu hefur atvinnu-
málaráð Austur-Héraðs ákveðið að
efna til vikulegra umræðufunda.
Fundirnir eru opnir þeim sem vilja og
er stutt framsaga í byrjun og fyrir-
spurnir og umræður í kjölfarið.
Á fyrsta fundinum kynnti Eiríkur
Bj. Björgvinsson, bæjarstjóri Austur-
Héraðs, fundina framundan og
fjallaði um samskipti og væntingar
sveitarfélags og atvinnulífs.
Fundargestir veltu fyrir sér hversu
margir myndu flytjast í sveitarfélagið
í kjölfar virkjana- og stóriðjufram-
kvæmda og einnig hvernig það væri í
stakk búið til að mæta hugsanlegri
íbúaaukningu. Þá var rætt um hvað
atvinnulífið er að gera til að mæta
þenslunni framundan, en lítil hreyf-
ing virðist á því enn sem komið er.
Hjá bæjarstjóra kom fram að nú er
unnið að endurskoðun þriggja ára
rekstraráætlunar Austur-Héraðs og
því hvernig brugðist skuli við auknum
umsvifum. Bæjarfélagið hafi verið
byrjað að undirbúa sig hvað varðar
skipulag, lóðir og gatnagerð, sem tek-
ur langan tíma í vinnslu, en eðlilegt
væri að menn hefðu haldið að sér
höndum í öðrum málaflokkum þang-
að til vitað væri nákvæmlega hver
staðan yrði í íbúafjölgun og af öðrum
hliðaráhrifum.
Áræðni og dirfska í uppbyggingu,
Tengsl Austur-Héraðs
og atvinnulífsins efld
Egilsstaðir
LANDIÐ
MORGUNBLAÐIÐ FIMMTUDAGUR 24. APRÍL 2003 29
Í dag, sumardaginn fyrsta, fögnum við sumrinu
og bjóðum til grillveislu á milli klukkan fjögur
og sex á Miklubraut 68 við Lönguhlíð.
Frambjóðendur Sjálfstæðisflokksins grilla kjöt og
pylsur. Andlitsmálun og blöðrur fyrir
börnin. Söngur og sumarstemmning.
Allir velkomnir
Gleðilegt sumar
í Hlíða- og
Holtahverfi
HINN 1. mars í fyrra keypti
Mjólkurbú Flóamanna Mjólkur-
samlag Kaupfélags Héraðsbúa á
Egilsstöðum. Þar með náði inn-
leggjenda-, sölu- og dreifingar-
svæði MBF frá Hellisheiði syðri að
Hellisheiði eystri og vinnslustöðvar
urðu tvær. Eftir yfirtökuna hefur
flutningsverð mjólkur lækkað til
muna á Austurlandi og bændur
hafa fengið greiddan arð, sem er
þeim nokkurt nýnæmi. Þó mun
sýnt að ef mjólkurframleiðsla í
fjórðungnum dregst áfram saman
muni MBF hætta rekstri Mjólk-
urstöðvarinnar á Egilsstöðum og
verður þá ekki um neina mjólk-
urvinnslu að ræða í fjórðungnum.
Færi svo yrði mjólk frá austfirsk-
um bændum ekið suður á Selfoss,
hún unnin þar og flutt til baka í
neytendaumbúðum á markað
eystra.
Jón Steinar Elísson á Hallfreð-
arstöðum í Hróarstungu er deild-
arstjóri Austurlandsdeildar Mjólk-
urbús Flóamanna:
„Það hafa orðið jákvæðar breyt-
ingar“ segir Jón Steinar. „Þær
helstu eru að MBF lækkaði mjólk-
urflutningana strax á fyrsta ári um
30 aura frá því sem var. Á aðal-
fundi MBF um daginn var því
beint til fundarins að við yrðum á
sama flutningsgjaldi og aðrir sem
leggja inn hjá Flóanum á Suður-
landi, þ.e. 2,21 kr. pr. l., sem er
með því lægsta á landinu. Það er
heljarstór breyting. Við erum
hæstánægðir með það því okkar
svæði er gríðarlega stórt miðað við
það mjólkurmagn sem er að koma
inn.“
Hæpið að sunnlenskir bændur
greiði með austfirskri mjólk
Jón Steinar segir það einnig já-
kvætt að MBF hafi greitt arð, 1,50
kr. pr. l. og þyki bændum það að
vonum gott þar sem slíkt var frem-
ur sjaldgæft hjá kaupfélaginu með-
an það rak Mjólkursamlagið.
Jón Steinar segir að búið sé að
gera framleiðendum grein fyrir því
að ef að mjólkurmagn dragist mik-
ið saman á Austurlandi verði óvíst
um að Mjólkurstöðin starfi áfram.
Tvö til þrjú bú hafa hætt fram-
leiðslu í fjórðungnum á ári und-
anfarið og að sögn Jóns Steinars
ekki fyrirsjáanlegt annað en að það
haldi áfram: „Þrátt fyrir að búið sé
að tryggja okkur sömu afkomu og
hún gerist best annars staðar. Nú
veit maður ekki hversu nálægt við
erum þessum mörkum og þeir hjá
Flóanum hafa ekki gefið það upp,
en ég er ansi hræddur um að við
séum nálægt. Þetta er sameignar-
félag í eigu bænda og það er rekið
þannig að reynt er að hafa hagnað
af rekstrinum. Ég er ekki farinn að
sjá að bændur á Suðurlandi kæri
sig um að greiða með mjólkur-
vinnslu hér fyrir austan.“
Í Mjólkurstöð MBF á Egilsstöð-
um starfa 14 manns, þar af 3
mjólkurfræðingar og eru 19 vöru-
númer í framleiðslu. Frá 1. mars
2002 til ársloka voru lagðir þar inn
3,03 milljónir lítra mjólkur. „Ef
mjólkurvinnslu yrði hætt yrði það
mjög slæmt fyrir bændur hér og
svæðið sem landbúnaðarhérað.
Móralskt séð myndi það ekki
styrkja þetta svæði sem mjólkur-
framleiðslusvæði, heldur þvert á
móti draga úr mönnum. Framhald-
ið er þó mikið undir sjálfum okkur
komið. Við sem stöndum að mjólk-
urframleiðslu þurfum að standa
vörð um þann rétt sem hér er og
stappa stálinu hvert í annað“ sagði
Jón Steinar að lyktum.
Tveir til þrír mjólkurframleiðendur gefast upp á ári
Tvísýnt um mjólkurfram-
leiðslu á Austurlandi
Morgunblaðið/Steinunn Ásmundsdóttir
Þorsteinn Steinþórsson og Sigurþór Arnarson vinna mozarellaost í Mjólk-
urstöð MBF á Egilsstöðum. Ef mjólkurframleiðsla á Austurlandi dregst
saman að ráði eru líkur á að mjólkurvinnslu verði hætt í fjórðungnum.
Egilsstaðir
FLUGFÉLAG Vestmanneyja hefur
ráðið til sín flugvirkja í fullt starf.
Er það í fyrsta skipti sem flug-
virki er með fasta vinnu og búsetu
í Vestmannaeyjum. Að sögn Val-
geirs Arnórssonar hjá Flugfélagi
Vestmannaeyja hefur flugvirkinn,
Hannes Auðunarson, verið í fullu
starfi sl. 10 mánuði, og sagði Val-
geir það algjöra byltingu fyrir fé-
lagið en áður þurfti félagið að
senda vélar sínar reglulega til eft-
irlits og viðhalds til Reykjavíkur.
Flugfélag Vestmannaeyja hefur
í rekstri um þessar mundir tvær
Partenavia tveggja hreyfla 6 sæta
vélar og eina Piper Chieftain
tveggja hreyfla, 9 sæta vél. En
nýbúið er að selja eina Partenavia
vél. Valgeir sagði að þrátt fyrir
það væri verið að huga að stækk-
un hjá félaginu og væri í athugun
að kaupa 19 sæta flugvél.
Flugfélag Vestmannaeyja flutti
á síðasta ári 27.953 farþega og
var þar um að ræða töluverða
aukningu frá árinu 2001. Það sem
af er þessu ári er aukning í hverj-
um einasta mánuði og útlit fyrir
mikla flugumferð í sumar og sem
fyrr er mest flogið á Bakka-
flugvöll í Landeyjum en flug
þangað tekur 5 mínútur.
Morgunblaðið/Sigurgeir Jónasson
Hannes Auðunarson flugvirki að skipta um mótor.
Flugfélag Vestmannaeyja réð flugvirkja
Vestmannaeyjar Aukning í flugi
milli lands og Eyja
NÚ stendur yfir sýning og dag-
skrá á Hótel Reykholti, sem Félag
aldraðra í Borgarfjarðardölum
hefur sett upp. Ljósmyndir og
munir frá fyrri tíð prýða nú sal og
anddyri hótelsins.
Íslenska reiðhestinum eru gerð
skil ásamt ullarvinnslu og handa-
vinnu, skógarnytjum og við-
armunum. Áhöld og verkfæri sem
notuð voru innanhúss og utandyra
til jarðyrkju, heyskapar, veiða,
flutninga o.fl. eru til sýnis.
Einnig hefur gamla fólkið sett
upp leiklesnar sýningar úr ýmsum
alkunnum leikritum sem sýnd
hafa verið í héraðinu á und-
anförnum áratugum, skólabörn
flytja ljóð og leika á hljóðfæri og
litskyggnur eru sýndar.
Félag aldraðra í Borgarfjarð-
ardölum er 12 ára gamalt. Félagið
tók að sér endurskoðun örnefna-
skrár fyrir svæðið og safnar
minningabrotum í s.k. Gullastokk.
Á fundum hafa verið fluttar
ferðasögur, lýsingar á þjóðhátt-
um, endurminningar, kveðskapur,
fyrirbærasögur o.fl. Hugmyndin
er síðan að setja Gullastokkinn á
skjalasafn héraðsins til geymslu.
Sýningunni á Hótel Reykholti lýk-
ur 27. apríl.
Aldraðir
með sýn-
ingu á Hót-
el Reykholti
Ljósmynd/Sigríður Kristinsdóttir
Edda Magnúsdóttir situr yfir sýn-
ingarmunum.
Reykholti