Morgunblaðið - 24.04.2003, Page 50

UMRÆÐAN
50 FIMMTUDAGUR 24. APRÍL 2003 MORGUNBLAÐIÐ
ÞESSA dagana þeysast fram-
bjóðendur allra flokka um héruð
til að sýna sig og sjá aðra. Und-
irrituð er engin undantekning þar
á og sem frambjóðandi Sjálfstæð-
isflokksins í hinu víðfeðma Norð-
vesturkjördæmi var ég stödd á
Sauðárkróki í Skagafirði um dag-
inn. Þar rak á fjörur mínar rit eitt
ágætt sem heitir Sjónhornið og
hefur að geyma sjónvarpssdagskrá
og ýmsar auglýsingar um uppá-
komur í héraði. Eins og vera ber í
aðdraganda kosninga eru auglýs-
ingar frá stjórnmálaflokkunum
áberandi í ritinu, þótt sumar séu
meira áberandi en aðrar.
Það sem vakti athygli mína um-
fram annað var opnuauglýsing frá
Samfylkingunni þar sem falleg
slagorð njóta sín í bland við mynd-
ir af frambjóðendum í kjördæminu
og ávarp frá forsætisráðherraefn-
inu, Ingibjörgu Sólrúnu Gísladótt-
ur, dagsett í apríl 2003. Þar segir
orðrétt: ,,Það er náttúrulega frá-
leitt að ímynda sér það að ég ætli
að fara að vera einhver kjördæma-
potari fyrir norðurhluta Reykja-
víkur. Ég er búin að taka að mér
þetta trúnaðarhlutverk fyrir Sam-
fylkinguna, að vera forsætisráð-
herraefni, og í því felst að ég er að
bjóða mig fram fyrir landsmenn
alla en ekki fyrir tiltekinn hóp.“
Svo mörg voru þau orð. Lóðrétt á
hlið niður eftir síðunni, meðfram
yfirlýsingunni stendur síðan slag-
orðið: ,,Heiðarleiki“.
Í framhaldi af þessu langar mig
til að minna okkur öll á orð sem
þessi sami frambjóðandi í Reykja-
vík norður lét ítrekað falla í síðast-
liðnum jólamánuði. Fyrst er gripið
niður í viðtal sem fréttamaður
Ríkisútvarpsins átti við Ingibjörgu
18. desember 2002 um það hvort
hún væri á leið á þing: ,,Ja, ég
sagði þeim það, eins og ég er að
segja ykkur að Össur hefði haft
samband við mig og ég hefði alls
ekki tekið því fjarri að setjast í
fimmta sætið og ég teldi með því
móti að það væri hægt að koma
umræðunni um borgina, hagsmuni
borgarinnar og hagsmunum borg-
arbúa betur á dagskrá í þessari
kosningabaráttu sem í hönd fer.“
Í Kastljósþætti milli jóla og ný-
árs ítrekar Ingibjörg þessar
áherslur sínar á borgarmálin: ,,Ég
hef tekið eftir því að menn eru í æ
ríkara mæli að fara í pólitískar
umræður á Alþingi um borgar-
stjórnina. Þá tel ég mikilvægt að
þar sé einhver til andsvara og sé
málsvari Reykjavíkurborgar, hvort
sem það er ég eða einhver annar
úr meirihluta borgarstjórnar.“
Ekki er laust við að það renni á
mig tvær grímur við samanburð á
þessum yfirlýsingum. Á aðeins
fjórum mánuðum virðist sem Ingi-
björg hafi kúvent í afstöðu sinni til
borgarmálanna. Nú er hún að
bjóða sig fram fyrir landsmenn
alla en ekki tiltekinn hóp sam-
anber aprílyfirlýsinguna í hinu
skagfirska Sjónhorni. En sem íbúi
á landsbyggðinni á ég bágt með að
trúa því að fyrrverandi borgar-
stjóri Reykjavíkur standi ekki við
stóru orðin frá því um jól um að
gæta fyrst og fremst hagsmuna
höfuðborgarinnar. Ingibjörg Sól-
rún Gísladóttir hlýtur í reynd að
vera forsætisráðherraefni Reyk-
víkinga og af því leiðir að slagorðið
,,heiðarleiki“ á hlið í bland við apr-
ílyfirlýsingu frambjóðandans virk-
ar ekki sannfærandi á mig.
Heiðarleiki á hlið?
Eftir Birnu
Lárusdóttur
„Á aðeins
fjórum mán-
uðum virð-
ist sem Ingi-
björg hafi
kúvent í afstöðu sinni
til borgarmálanna.“
Höfundur skipar 7. sæti D-listans
í Norðvesturkjördæmi.
Í FRÉTT Morgunblaðsins þann
17. apríl s.l. um framkvæmdir við
endurgerð Mýrargötu 26 gætir
rangfærslna í ummælum Árna Þórs
Sigurðssonar borgarfulltrúa vinstri-
grænna um málið sem nauðsynlegt
er að leiðrétta.
Boðaðar breytingar
á slippasvæði
Hafnaryfirvöld hafa síðan á haust-
dögum 2000 kynnt hagsmunaðilum
áform borgaryfirvalda um breytta
nýtingu á slippasvæðinu. Nýr vegur
skyldi leggjast milli Hraðfrysti-
stöðvarinnar og gömlu Bæjarútgerð-
arinnar. Átti svæðið norðan vegar að
rúma blandaða byggð, þ.e. íbúðir og
hafnar- og þjónustustarfsemi. Kynnt
var að endimörk svæðisins til vest-
urs næðu að Ánanaustum og
Grandagarði. Þessi kynning og boð-
uð breyting borgaryfirvalda á svæð-
inu var forsenda fyrir því að ráðist
var í endurgerð hraðfrystistöðvar-
innar. Þessar breytingar voru á hinn
bóginn ekki útfærðar í nýsamþykktu
aðalskipulagi með breyttri landnotk-
un á svæðinu úr því að vera hafn-
arsvæði í það að vera svæði fyrir
blandaða íbúða-, hafnar- og þjón-
ustustarfsemi sem er nauðsynlegt ef
þessar hugmyndir eiga að verða að
veruleika.
Endurgerð hússins – samn-
ingar við Reykjavíkurhöfn
Endanleg ákvörðun um endurgerð
hússins var tekin í byrjun árs 2002.
Kynnti Nýja-Jórvík áætlanir sínar
um breytta notkun hússins fyrir
hafnarstjórn í ársbyrjun 2002. Boðað
var að í fyrstu yrði leitað eftir sam-
þykki fyrir vinnustofum sem síðar
yrðu endurskilgreindar sem íbúðir
að lokinni gerð deiliskipulags. Í kjöl-
farið var gengið til samninga við
hafnaryfirvöld um að fjarlægja
mannvirki í eigu félagsins norðan við
húsið til þess að greiða fyrir skipu-
lagi á svæðinu. Boðuð samkeppni
frestaðist og var að lokum hætt við
hana í upphaflegri mynd. Í febr-
úarbyrjun þessa árs var skipaður
stýrihópur sem fjalla á um málefni
svæðisins fyrir hönd borgarskipu-
lags. Deiliskipulag svæðisins hefur
dregist í um 2 ár frá því sem upp-
haflega var boðað.
Beiðni um breytta
landnotkun – rif hússins
Ósamræmi í gildandi aðalskipu-
lagi hefur leitt til þess að félagið ósk-
aði eftir því að landnotkun fyrir hús-
ið yrði breytt. Breyting þessi er
eðlileg og rökrétt þar sem húsið hef-
ur engu hlutverki að gegna við starf-
semi hafnarinnar. Þá er ekki í gildi
hefðbundin kvöð fyrir húsið um að
það hafi að geyma hafnsækna starf-
semi þar sem húsið stendur á eign-
arlóð. Við hlið hússins til austurs
standa þrjú íbúðarhús sem búið hef-
ur verið í um langt skeið og húsið
stendur jafnframt í jaðri íbúðar-
byggðar.
Skýr svör við fjórum erindum fé-
lagsins hafa ekki borist þar á meðal
um það hvort húsið verði rifið eða
ekki, sem ekki er í samræmi við
málshraða- og meðalhófsreglu
stjórnsýslulaga. Þá kann hér að
skapast bótaábyrgð vegna ákvæðis
skipulags- og byggingarlaga sem til-
tekur sérstaklega bótaábyrgð sveit-
arstjórnar við frestanir á afgreiðslu
erinda um breytta notkun húsa
vegna tafa á gerð deiliskipulags.
Rangfærslur og villandi um-
mæli Árna Þórs Sigurðssonar
Í frétt Morgunblaðsins þann 17.
apríl sl. var fjallað um uppbygging-
aráformin um húsið og koma fram í
greininni rangfærslur í svari Árna
Þórs Sigurðssonar borgarfulltrúa
um málið. Hann segir í fyrsta lagi að
gert sé ráð fyrir hafnsækinni starf-
semi skv. lóðarleigusamningi og
skipulagi fyrir húsið. Þetta er ekki
rétt. Húsið stendur á eignarlóð og
engin kvöð er þar af leiðandi í gildi í
lóðarleigusamningi fyrir húsið þar
sem hann er ekki til. Hafnarstjórn
samþykkti vinnustofur í húsinu án
kvaðar um að þær hefðu að geyma
hafnsækna starfsemi. Árni heldur
því fram að mikilvægt sé að skipu-
leggja svæðið í heild sinni áður en af-
staða er tekin til erinda eigenda
hússins. Félagið telur þetta ekki
vera gild rök þar sem búið er að sam-
þykkja breytta notkun hússins og
breyting í það að geta kallað vinnu-
stofu íbúð hefur engin áhrif á skipu-
lagsvinnu svæðisins. Breyting á
stöðu hússins með sérstöku sam-
þykki á reitnum bindur því að mati
félagsins ekki hendur stýrihóps við
mótun framtíðarskipulags. Engar
frekari kröfur eru gerðar um fjölda
bílastæða íbúða umfram vinnustofa.
Húsið hefur þegar fengið ákveðna
stöðu í gildandi skipulagi með gerð-
um samningum við hafnarstjórn.
Árni nefnir legu Mýrargötu og að
landfyllingar standi einnig í vegi fyr-
ir því að unnt sé að verða við óskum
eigenda. Nú hafa um nokkuð langt
skeið verið þekktar nokkrar lausnir
á umferðarmálum svæðisins sem
gera ráð fyrir áframhaldandi stöðu
byggðar við Mýrargötu. Þá eru fyr-
irhugaðar landfyllingar sem Árni til-
greinir sem óvissuþátt þessu húsi al-
gjörlega óviðkomandi.
Auðveld en brýn lausn á
málefnum húsa á svæðinu
Með framkvæmdunum er hrað-
frystistöðinni breytt með nýstárlegri
hönnun í íbúðir þar sem unnt er að
samrýma búsetu og vinnu. Falla
áform félagsins því vel að þeim fyr-
irætlunum R- og D-lista að fjölga
íbúðum á miðbæjarsvæði og þétta
byggð og efla menningu á miðbæj-
arsvæðinu. Íbúðalánasjóður hefur
veitt vilyrði fyrir sérstökum lánum
vegna leiguíbúða í húsinu fyrir 220
milljónir króna. Félagið mun bjóða
hluta íbúðanna til leigu og í samræmi
við átaksverkefni bæði ríkisstjórnar
og Reykjavíkurborgar um að fjölga
leiguíbúðum á leigumarkaði.
Ég leyfi mér því að óska þess að
borgarfulltrúar og borgarstjóri
greiði götu þess að leysa málefni
hússins með málefnalegri og raun-
særri úrlausn í samræmi við boðaða
stefnu í málefnum miðbæjarins.
Fyrsta skrefið í því er að endurskil-
greina stöðu Slippasvæðisins í aðal-
skipulagi og jafnframt breyta land-
notkun hússins sem bindur ekki
vinnu stýrihóps um svæðið. Breytt
landnotkun svæðisins er eðlilegur
undirbúningur fyrir vinnu stýrihóps-
ins um málefni Slippasvæðis og veit-
ir jafnframt núverandi byggð og eig-
endum húsa á svæðinu úrlausn
brýnna erinda sinna á meðan unnið
er að deiliskipulagi svæðisins.
Endurgerð hraðfrystistöðvarinnar
og uppbygging á hafnarsvæðinu
Eftir Magnús Inga
Erlingsson
„Húsið hefur
þegar fengið
ákveðna
stöðu í gild-
andi skipu-
lagi með gerðum samn-
ingum við hafnar-
stjórn.“
Höfundur er framkvæmdastjóri
Nýju Jórvíkur.
Teppi á stigaganga
Ármúla 23, sími 533 5060
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið