Morgunblaðið - 07.05.2003, Blaðsíða 4

FRÉTTIR
4 MIÐVIKUDAGUR 7. MAÍ 2003 MORGUNBLAÐIÐ
ÞESSIR fimm kettlingar komu í heimsókn á
Morgunblaðið í vikunni í leit að eigendum.
Kettlingarnir eru 6 vikna og heitir móðirin
Monsa, en ekki er vitað hver faðirinn er. Eina
læðan er grái kettlingurinn, lengst til vinstri.
Eigandinn sagði persónuleika kettlinganna
koma skýrt fram á myndinni þar sem læðan
væri mesti leiðtoginn og stjórnaði fressunum í
kringum sig. Sá í miðjunni er oftast smeykur,
en sá sem er vinstra megin við hann gæti verið
eineggja tvíburi hans því þeir líta nákvæmlega
eins út.
Eigandinn sagði að verulega væri farið að
lifna yfir kettlingunum og því kominn tími til
að finna þeim heimili.
Kisur kíktu í heimsókn á Morgunblaðið
Morgunblaðið/Ómar
GUÐJÓN Arnar Kristjánsson, for-
maður Frjálslynda flokksins, segir
flokkinn stefna að því að fiskveiði-
heimildir verði settar á markað á veg-
um ríkisins að loknu fimm ára aðlög-
unartímabili. Kom þetta fram í
kappræðum Guðjóns Arnars við Ein-
ar Odd Kristjánsson, þingmann Sjálf-
stæðisflokksins, á Ísafirði á mánu-
dagsmorgun.
Boðað var til fundarins með
skömmum fyrirvara en um nokkurt
skeið hafði verið rætt um að koma á
kappræðufundi þeirra Einars Odds
og Guðjóns Arnars um fiskveiði-
stjórnunarkerfið. Samkvæmt frá-
sögn blaðsins Bæjarins besta á Ísa-
firði barst fyrirspurn um hvenær
kappræðurnar yrðu á almennum
stjórnmálafundi, sem haldinn var í
Alþýðuhúsinu á Ísafirði á sunnudags-
kvöld, og var í kjölfarið ákveðið, að
tillögu Guðjóns Arnars, að efna til
hans morguninn eftir.
„Einhvers konar
útleiga á dögum“
Þeir Einar Oddur og Guðjón Arnar
fluttu alls níu ræður hvor á fundinum
sem stóð í tvær klukkustundir og
kom þar fram að Frjálslyndi flokk-
urinn telur að aflaheimildir eigi að
fara á útboðsmarkað á vegum ríkisins
að loknu fimm ára aðlögunartímabili.
„Ég held að ég hafi nú svarað því
sem misskilningurinn stóð um,“ hef-
ur Bæjarins besta eftir Guðjóni
Arnari að loknum fundinum. „Við
höfum lýst því að þessu forréttinda-
kerfi, eins og við höfum kallað, á að
breyta á fimm árum með því að taka
upp sóknarstýrt kerfi. Á þeim tíma
munu strax opnast leiðir fyrir nýliðun
inn í kerfið þar sem við munum taka
tegundir út fyrir kvóta. Við höfum
lagt upp með að þegar þessari fimm
ára aðlögun er lokið verði komið að
næsta skrefi sem sé að setja af stað
einhvers konar útleigu á dögum á
vegum ríkisins,“ er haft eftir Guðjóni
Arnari.
„Þarf ekki um að binda
ef þetta verður raunin“
„Frjálslyndi flokkurinn og fulltrú-
ar hans hafa farið undan í flæmingi í
þessu máli og þeir svara engum fyr-
irspurnum sem þeir fá,“ segir Einar
Oddur Kristjánsson í samtali við
Morgunblaðið. „Það liggur alveg
klárt fyrir að þeir vilja skipta yfir í
sóknarstýringu úr aflastýringu. Það
misskilst ekki. Spurningin sem þeir
hafa ekki svarað er hvað verði með
aflaréttinn, nýtingarréttinn. Hvað
verður um hann? Ég varð að spyrja
fimm sinnum um þetta atriði á fund-
inum. Þá kom þetta loksins. Þá kom
fram að þeir ætli að fimm árum liðn-
um að taka allan sóknarrétt og setja
hann á „einhvern“ markað. Einhvern
markað sem þeir eru ekki búnir að
skilgreina eða leggja niður fyrir sér
hvernig á að vera. Þá vita menn það.
Það má hverjum manni vera ljóst
að það þarf ekki um að binda ef þetta
verður raunin. Þetta kom alveg skýrt
fram, þetta var foringinn sem mælti
þetta. Nú er þetta ljóst, sem hefur
allt verið í þoku,“ segir Einar Oddur.
Formaður Frjálslynda flokksins um framtíð fiskveiða á kappræðufundi
Aflaheimildir verði settar
á markað eftir fimm árMIKIL hlýindi voru um allt
land í apríl og hefur meðalhiti
mánaðarins aðeins einu sinni
mælst hærri en það var árið
1974.
Í Reykjavík var meðalhitinn
6,2°, sem er 3,1° yfir meðallagi,
og á Akureyri var meðalhitinn
5,6°, sem er 3,9° yfir meðallagi.
Hitinn mældist víða um og yfir
20° á norðan- og austanverðu
landinu eftir miðjan mánuðinn.
Mestur hiti mældist á Hall-
ormsstað eða 21,4° hinn 19. apr-
íl og er það hæsti hiti sem
mælst hefur í apríl síðan mæl-
ingar hófust. Rétt er að geta
þess að veðurathugunarstöðin
á Hallormsstað er sjálfvirk og
því ekki óskeikul.
Mestur hiti á mannaðri stöð
mældist hins vegar á Sauðanesi
18. apríl, 21,1°, og er þar einnig
um hitamet að ræða.
Lítið sást til sólar
Ekki sást mikið til sólar í
mánuðinum og voru sólskins-
stundir í Reykjavík 120 eða 20
stundum færri en í meðalmán-
uði og á Akureyri voru þær 88,9
sem er 41 stundu færra en í
meðalmánuði. Svo fáar sól-
skinsstundir hafa ekki mælst á
Akureyri síðan árið 1992. Þrátt
fyrir sólarleysi mældist úr-
koma á Akureyri tæplega
helmingur þess sem venja er,
13,1 mm. Í Reykjavík var úr-
koma hins vegar fjórðungi
meiri en venja er, 73,6 mm, og
féll hún að mestu fyrrihluta
mánaðarins.
Maímánuður hefur verið
heldur kaldur það sem af er og
segir Trausti Jónsson, veður-
fræðingur á Veðurstofu Ís-
lands, að búast megi við fremur
svölu veðri á næstunni og ekki
sé von á því að hlýni verulega í
bráð.
Óvenju
hlýr
apríl
DAVÍÐ Oddsson forsætisráðherra
lýsti þeirri skoðun í sjónvarpsþætti
í Ríkisútvarpinu í gærkvöldi, að til
greina gæti komið að forkaupsrétt-
arákvæði fiskveiðistjórnarlaganna,
sem veita sveitarfélögum forkaups-
rétt að skipum, sem selja á úr
byggðarlagi tengdist kvóta en ekki
skipum.
Þessi ummæli forsætisráðherra
koma í kjölfar ummæla hans á
fundi í Vestmannaeyjum hinn 1.
maí sl. en þar sagði hann aðspurð-
ur:
„Við megum ekki vera klosslok-
uð fyrir gagnrýni á kvótakerfið.
Það kemur til álita að velta því fyr-
ir sér, hvort ekki megi gera ákvæð-
ið um forkaupsrétt virkara. Fram-
salið er fyrir hendi en það er
nauðsynlegt að varnagli sé fyrir
byggðirnar. Við hljótum því að
skoða gaumgæfilega hvaða kostir
eru fyrir hendi.“
Í sjónvarpsþættinum sagði Dav-
íð Oddsson að skattahugmyndir
BSRB hefðu komið þægilega á
óvart. Hann kvaðst telja að í þeim
væri óvenjuleg framsýni af hálfu
samtakanna.
Davíð Oddsson í
sjónvarpsþætti
Forkaups-
réttur
snúist um
kvóta –
ekki skip
FLUGVÉL frá Flugleiðum hætti þrí-
vegis við að taka á loft frá flugvell-
inum í Frankfurt í fyrradag vegna
þess að mælitæki gáfu flugmönnum
til kynna að eitthvað væri að. Brottför
flugvélarinnar tafðist um fjórar
klukkustundir af þessum sökum.
Kristján Jóhannsson óperusöngv-
ari var í flugvélinni og segir ferðina
hafa verið nokkuð óvenjulega. „Þegar
vélin var komin á enda flugbrautar-
innar gáfu flugmennirnir hreyflunum
fullt afl. Það var hins vegar eitthvað
ekki eins og það átti að vera því að
fljótlega negldu flugmennirnir niður
og stöðvuðu vélina. Stuttu síðar var
hreyflunum aftur gefið fullt afl, en
aftur var vélinni snögghemlað.“
Kristján sagði að flugvélinni hefði
síðan verið ekið út af brautinni. Kallað
hefði verið eftir flugvirkjum og í
framhaldi af því hefði flugstjórinn til-
kynnt að vélin væri komin í lag og
óhætt væri að leggja af stað. Kristján
sagði að þriðja tilraun til að leggja af
stað hefði endað eins og fyrri tilraun-
ir. Hreyflunum hefði verið gefið fullt
afl en fljótlega hefði flugstjórinn
stöðvað vélina. Þá hefði flugstjórinn
tilkynnt að allir ættu að fara frá borði;
ekki yrði lagt af stað fyrr en skýring
hefði fundist á viðvörunarboðunum.
Kristján sagði að sumir um borð
hefðu verið dálítið skelkaðir og a.m.k.
ein kona hefði krafist þess að fá að
fara frá borði þegar flugmennirnir
hefðu í tvígang stöðvað hreyflana.
Hann tók fram að flugstjórinn hefði
staðið sig vel og greinilega vitað hvað
hann var að gera.
Guðjón Arngrímsson, upplýsinga-
fulltrúi Flugleiða, sagði að ekkert
hættuástand hefði skapast. Flugtak
hefði ekki verið hafið þegar mælitæki
gáfu flugmönnum viðvörun. Við skoð-
un hefði komið í ljós að ekkert var að
vélinni annað en bilun í mælitækjum.
Guðjón sagði að vegna tafanna hefðu
farþegar á leið vestur um haf verið
færðir yfir í aðra vél sem var á leið
vestur.
Hreyflar stöðvaðir vegna
bilunar í mælitækjum
Fjögurra tíma töf á flugi frá Frankfurt
UMFERÐARÓHAPP átti sér
stað við Varmahlíð í gærkvöldi
þegar fólksbíl var ekið á flutn-
ingabíl á gatnamótum Skaga-
fjarðarvegar og þjóðvegar
númer eitt. Neyðarlínunni
barst tilkynning um slysið kl.
19:07.
Talið er að bringubein hafi
brákast í ökumanni og var hann
fluttur á Sjúkrahús Sauðár-
króks. Tveir farþegar voru í
bílnum en þá sakaði ekki. Öku-
maður flutningabifreiðarinnar
slasaðist heldur ekki.
Fólksbifreiðin er ónýt eftir
slysið.
Bíllinn
ónýtur eft-
ir árekstur
Skagafjörður