Morgunblaðið - 07.05.2003, Blaðsíða 6
FRÉTTIR
6 MIÐVIKUDAGUR 7. MAÍ 2003 MORGUNBLAÐIÐ
HÓTEL Nordica var tekið í notkun í
gær að viðstöddu fjölmenni. Davíð
Oddsson forsætisráðherra lýsti hót-
elið formlega tekið í notkun. Hótelið,
sem áður hét Hótel Esja, hefur verið
endurnýjað innan sem utan auk þess
sem byggt var við það. Á hótelinu er
mjög góð aðstaða til ráðstefnuhalds
og eru 30 alþjóðlegar ráðstefnur bók-
aðar á hótelinu á þessu ári.
Rúmur mánuður er síðan gestir
tóku að gista á hótelinu. Kári Kára-
son, framkvæmdastjóri á Hótel
Nordica, segir að bókanir séu mjög
góðar. Búið sé að bóka 30 alþjóðlegar
ráðstefnur á hótelinu á þessu ári.
Bókaðar séu ráðstefnur á hótelinu al-
veg til ársins 2007.
Kári segir að við undirbúning
framkvæmda hafi sú stefna verið
mörkuð að fara inn á ráðstefnu- og
hvataferðamarkað. „Framkvæmdir
við hótelið miðuðust við að við gætum
keppt við það sem best gerðist er-
lendis,“ segir Kári. Hann segist vera
þeirrar skoðunar að opnun hótelsins
sé mikil lyftistöng fyrir ferðaþjón-
ustuna á Íslandi.
Kári segir að gamlir gestir Hótel
Esju eigi ekki eftir að þekkja sig á
gamla hótelinu. Að utan sé hótelið
gerbreytt. Og þó að gömlu herbergin
séu enn á sama stað sé fátt sem minni
á það sem var. „Það er búið að end-
urnýja öll sameiginleg rými, anddyri,
herbergjaganga, lyftur, hurðir, raf-
lagnir, pípulagnir, loftræstingu og
brunavarnir. Það er búið að um-
breyta húsinu algerlega og stækka
það. Við erum mjög ánægð með
hvernig til hefur tekist. Ég held að
þetta sé ekki aðeins mikil lyftistöng
fyrir okkur heldur fyrir ferðaþjón-
ustuna í heild sinni. Við teljum að við
séum að opna glugga fyrir nýjan
markað,“ segir Kári.
Hótelið er með 284 herbergi í stað
172 herbergja áður en önnur aðstaða
er stækkuð verulega. Meðal nýjunga
í hótelinu eru 23 svítur á 9. hæð húss-
ins, þar af eru tvær glæsiíbúðir sem
eru stærri og með talsverðum íburði.
Talsvert er lagt í ráðstefnuaðstöðu
hótelsins en hún er samtals um 2.000
fermetrar. Alls eru ráðstefnu- og
veislusalir ellefu talsins og á jarðhæð
er stórt sýningarsvæði fyrir framan
stærsta ráðstefnusalinn sem tekur
600 manns í sæti. Hann verður einnig
nýttur sem veislusalur og getur tekið
450 manns í mat. Þá er ráðstefnu-
miðstöð á annarri hæð hótelsins með
níu fundarsölum og sérútbúið fund-
arherbergi fyrir stjórnarfundi.
Loks má nefna að heilsuaðstaða
hótelsins hefur öll verið endurnýjuð
en hún er í um þúsund fermetra hús-
næði þar sem áhersla er lögð á svo-
kallaðar heilsulindarmeðferðir.
Heildarkostnaður við framkvæmd-
irnar er rúmir tveir milljarðar. Það er
fasteignafélagið Stoðir, sem á fast-
eignina en reksturinn er í höndum
Flugleiðahótela.
Bjarni Ásgeirsson, hótelstjóri Nordica, Davíð Oddsson forsætisráðherra og
Kári Kárason, framkvæmdastjóri hótelsins, klippa á borðann. Setu- og borðstofa á 8. hæð hússins er með glæsilegu útsýni.
Hótel Nordica tekið
formlega í notkun
Morgunblaðið/Sverrir
LAGT er til að framlög Reykjavík-
urborgar til einkarekinna grunn-
skóla hækki um 32,9% í nýrri skýrslu
sem unnin var af starfshópi á vegum
fræðsluráðs Reykjavíkur. Í skýrsl-
unni er gerð úttekt á fjárhagslegri
stöðu skólanna og settar fram tillög-
ur um hvernig unnt sé að bregðast
við þeim fjárhagsvanda sem sumir
þeirra glíma við. Kemur fram að
vandi skólanna sé allt frá því að vera
lítill sem enginn upp í að skipta tug-
um milljóna króna.
Samkvæmt tillögunum yrði fram-
lag til einkaskólanna um 303 þúsund
krónur fyrir hvern nemanda á næsta
skólaári en er 228 þúsund nú. Til við-
bótar geti skólar sótt um fjárúthlut-
un vegna nemenda með sérkennslu-
þarfir eða til sérkennslu vegna
nýbúa. Þá er lagt til að takmarka
hversu há gjöld skólarnir megi inn-
heimta af nemendum við 65% af
framlagi borgarinnar eða 197 þús-
und krónur á ári. Gert er ráð fyrir að
heildaraukning útgjalda fyrir borg-
ina vegna þessa nemi 32 milljónum á
ári miðað við sama nemendafjölda og
nú.
Mikilvægt að skoða
eignamyndun skólanna
Stefán Jón Hafstein, formaður
fræðsluráðs, segir vel koma til
greina að farið verði eftir þessum til-
lögum en þær verði ræddar á fundi
fræðsluráðs eftir tvær vikur. „Við
höfum fullan skilning á erfiðri stöðu
skólanna og viljum leysa úr henni
með einum eða öðrum hætti. Þessar
tillögur skila okkur vel áleiðis.“
Samkvæmt skýrslunni er helsta
ástæða fjárhagsvandans talin vera
fækkun nemenda síðustu ár en einn-
ig sé í sumum tilvikum um að ræða
mikla skuldsetningu skólanna. Bent
er á mikil fjárhagsvandræði Ísaks-
skóla í því sambandi og lagt til að
skoðað verði hvort hægt væri að
styrkja skólann með eingreiðslu
þannig að hann geti hreinsað upp
skuldirnar. Jafnframt er bent á mik-
ilvægi þess að skoðuð verði eigna-
myndun skólanna í fortíð og framtíð.
Stefán tekur undir þá tillögu og
segir að koma verði á einhvers konar
samkomulagi milli skólanna og borg-
arinnar um eignir. „Við teljum ekki
eðlilegt að þessar stofnanir geti safn-
að eignum með styrkjum frá borg-
inni ef við höfum ekki tryggingu fyr-
ir því að þær nýtist í þágu almenns
skólastarfs í framtíðinni.“
Þá er einnig lagt til að athuga beri
hvort hægt sé að setja skorður við
fjölda einkaskóla og nemenda þeirra
þar sem fjárhagslega óhagkvæmt sé
fyrir skattgreiðendur að borgin reki
einkaskóla samhliða öðrum skólum.
Skýrsla um fjárhag einkarekinna grunnskóla í Reykjavík
Framlög til einkaskóla
hækki um þriðjung
Gerði sér
upp floga-
kast á flug-
vellinum
Lögreglumenn
verða að fylgja
honum til Moskvu
ARMENSKUR karlmaður, sem ís-
lensk yfirvöld vísuðu af landi brott á
mánudag, gerði sér upp flogakast á
flugvellinum í Amsterdam í gær og
það, ásamt háværum ópum eigin-
konu hans, varð til þess að flugstjóri
flugvélarinnar sem átti að flytja
hann til Moskvu neitaði að taka
manninn um borð nema lögreglan
fylgdi honum á áfangastað. Lög-
reglumennirnir sem fylgdu honum
frá Íslandi höfðu á hinn bóginn ætlað
að skilja við hann í Amsterdam og
höfðu því ekki flugmiða til Rúss-
lands. Ferð þeirra dregst því nokkuð
á langinn með tilheyrandi kostnaði.
Að sögn Jóhanns R. Benedikts-
sonar, sýslumanns á Keflavíkurflug-
velli, hafði maðurinn einnig gert sér
upp flogakast eftir að hann var
stöðvaður í Leifsstöð. Þá þótti óhjá-
kvæmilegt að kalla eftir sjúkrabif-
reið sem flutti hann á Heilbrigðis-
stofnun Suðurnesja og síðan á
Landspítala – háskólasjúkrahús. Þar
var hann rannsakaður, m.a. settur í
sneiðmyndatöku en í ljós kom að
ekkert amaði að manninum. „Þessi
mál eru afar erfið viðureignar og af-
ar vandmeðfarin. Fólk neytir allra
bragða til að komast hjá brottvísun,“
segir Jóhann.
Manninum og eiginkonu hans var
báðum vísað frá landi. Ástæðan er sú
að konan er í endurkomubanni þar
sem henni var vísað frá Íslandi fyrir
um tveimur árum. Þá var talið víst að
maðurinn hefði ætlað að leita sér að
vinnu hér á landi en hann hafði
hvorki atvinnu- né dvalarleyfi.
Fyrstu fjóra mánuði ársins vísaði
sýslumaðurinn á Keflavíkurflugvelli
24 frá landinu en frávísanir voru 33 á
sama tímabili í fyrra. Þá munaði
mest um stóran hóp danskra vítis-
engla sem hingað komu í miður
skemmtilegum erindagjörðum. Al-
gengasta ástæðan fyrir frávísun er
skortur á atvinnu- og dvalarleyfum,
þá er fólki vísað frá sem hefur ónóg
fjárráð eða fölsuð skilríki. Lithái sem
vísað var frá í gær féll undir algeng-
ustu ástæðuna, hann hafði hvorki at-
vinnu- né dvalarleyfi en greindi þó
frá því að hann hygðist leita að vinnu
á veitingastað. Fólk sem ætlaði að
taka á móti honum á flugvellinum
hafði allt aðra sögu að segja.
SIGURLÍN Margrét Sigurðardóttir
sem skipar annað sæti á lista Frjáls-
lynda flokksins í Suðvesturkjör-
dæmi tók í gærkvöld þátt í kjör-
dæmaþætti Stöðvar 2. Hún er
heyrnarlaus og var þetta í fyrsta
sinn sem heyrnarlaus frambjóðandi
tekur þátt í stjórnmálaumræðum í
beinni útsendingu í sjónvarpi hér á
landi. Í umræðunum naut hún að-
stoðar táknmálstúlks.
Viðstaddir voru fulltrúar frá öll-
um framboðum í kjördæminu og
tók Sigurlín Margrét sæti Gunnars
Örlygssonar, efsta manns á lista
Frjálslyndra í kjördæminu sem
staddur er á sjávarútvegssýningu í
Brussel.
Sigurlín Margrét hefur í kosn-
ingabaráttunni fært dagbók úr bar-
áttunni á vefsíðu Félags heyrn-
arlausra.
Heyrnarlaus frambjóðandi í beinni útsendingu á Stöð 2
Í fyrsta
sinn í
íslensku
sjónvarpi
Morgunblaðið/Ingibjörg
NOKKRIR geisladiskar með
upplestri fyrir samræmt próf í
ensku reyndust ónothæfir þegar
til átti að taka í gærmorgun.
Sigurgrímur Steingrímsson,
deildarstjóri hjá Námsmats-
stofnun, segist hafa heyrt af
nokkrum dæmum en hann telur
að með tilfæringum hafi verið
hægt að bjarga málum.
Á mánudag fengu nemendur í
grunnskólum á Norðvesturlandi
og Vestfjörðum röng svarblöð
með náttúrufræðiprófinu sem
Sigurgrímur segir að séu
stærstu mistök sem gerð hafi
verið í langan tíma.
Sigurgrímur segir að um 900
geisladiskar hafi verið sendir í
grunnskóla úti um allt land. Um
fimm hafi bilað en gallann megi
rekja til framleiðanda diskanna.
Bilaðir
geisladiskar
í prófi