Morgunblaðið - 07.05.2003, Blaðsíða 10

FRÉTTIR
10 MIÐVIKUDAGUR 7. MAÍ 2003 MORGUNBLAÐIÐ
MIKILL munur er á þeim fjárhæðum sem
flokkarnir verja í auglýsingar í sjónvarpi og
dagblöðum fyrir kosningarnar samkvæmt
kostnaðaráætlun sem Vinstrihreyfingin –
grænt framboð kynnti í gær. Samkvæmt
áætluninni mun Framsóknarflokkur verja
langmestu í slíkar auglýsingar, eða 28–29
milljónum króna frá marsbyrjun og fram á
kjördag, 10. maí. Sjálfstæðisflokkur kemur
næstur með 19–20 milljónir og þá Samfylk-
ing með 16–17 milljónir. Aðrir flokkar koma
langt á eftir, Vinstrihreyfingin – grænt
framboð með 3–4 milljónir, Frjálslyndi
flokkurinn með 2–3 milljónir og Nýtt afl
með um hundrað þúsund krónur. Tölurnar
eru byggðar á upplýsingum frá IMG-Gallup
um birtingar á auglýsingum stjórnmálafloka
í sjónvarpi og dagblöðum í mars og apríl auk
þess sem auglýsingastofa var fengin til að
meta áætlaðan kostnað við framleiðslu sjón-
varpsauglýsinga. Þær voru síðan lagðar
saman við áætlaðan kostnað við gerð sjón-
varpsauglýsinga og áætlaðan kostnað við
birtingar í sjónvarpi og dagblöðum 1.–10.
maí. Var þá miðað við að birtingar á hverj-
um degi í maí verði tvöfalt fleiri en að með-
altali á dag í apríl. Samkvæmt tölum VG
hefur Framsóknarflokkur eytt talsvert
meiru en aðrir flokkar í sjónvarpsauglýs-
ingar eða ríflega 9 milljónum króna, en
Sjálfstæðisflokkur kemur þar næstur með
tæpar 4 milljónir. Sjálfstæðisflokkurinn hef-
ur hins vegar varið mestu í auglýsingar í
dagblöðum eða um 13 milljónum króna, en
þar kemur Samfylking næst með 11 millj-
ónir króna.
Heildarkostnaður við
kosningabaráttu VG 16,5 milljónir
Steingrímur J. Sigfússon, formaður VG,
bendir á að kostnaðurinn sem um ræðir sé
aðeins hluti af auglýsingakostnaði flokkanna
þar sem auglýsingar í öðrum miðlum, svo
sem í hljóðvarpi og á Netinu séu und-
anskildar. „Fólk getur svo spurt sig hvernig
stjórnmálabaráttan er að þróast að þessu
leyti. Hvernig peningar og auglýsingar
skipa æ stærri sess en hefðbundin kynning á
stefnumálum og samskiptum stjórnmála-
manna við kjósendur minni og minni,“ segir
Steingrímur. Hann segir að Vinstrihreyf-
ingin – grænt framboð telji það skyldu sína
að upplýsa kjósendur um þá fjármuni sem
lagðir verða í kosningabaráttuna en heildar-
áætlun fyrir kosningabaráttu flokksins á
landsvísu sé 16,5 milljónir og allt útlit sé
fyrir að þær tölur standist. Þar af sé heild-
arkostnaður vegna auglýsinga í öllum miðl-
um og hönnunar um 8 milljónir. Hann segir
að flokkurinn eigi þriðjung þess fjár í sjóði,
þriðjungur verði fenginn með söfnunarfé og
tekið verði lán fyrir því sem eftir stendur.
Vinstri grænir kynntu á fundi í gær tölur um auglýsingar stjórnmálaflokka
Segja Framsóknar-
flokk eyða mestu
í auglýsingar
Morgunblaðið/Kristinn
Tryggvi Friðjónsson, gjaldkeri VG, Steingrímur J. Sigfússon, formaður flokksins, og Svan-
hildur Kaaber varaformaður kynna auglýsingakostnað flokkanna.
SJÁLFSTÆÐISMENN í Suðvesturkjördæmi fjölmenntu
á kosningahátíð í Fjölbrautaskólanum í Garðabæ sl.
sunnudag. Hvert bæjarfélag í kjördæminu var með sitt
hátíðartjaldið þar sem boðið var upp á alls kyns uppá-
komur og skemmtiatriði fyrir börn og fullorðna.
Davíð Oddsson, formaður Sjálfstæðisflokksins, og
Geir H. Haarde, varaformaður, héldu stutt ávörp síðar
sama dag við mikinn fögnuð viðstaddra. Góð stemning
var í og við Fjölbrautaskólann og er áætlað að allt að
1.000 manns hafi verið á svæðinu.
Á myndinni má sjá hvar gestir standa upp og klappa
fyrir forystumönnum flokksins. Ragnheiður Ríkharðs-
dóttir, bæjarstjóri Mosfellsbæjar, er fjær á mynd en hún
stýrði fundinum.
Morgunblaðið/Halldór Kolbeins
Mikið fjölmenni á kosningahátíð
„ÞEIR fara ekki með rétt mál
og gefa sér forsendur sem ein-
faldlega standast ekki,“ segir
Ingvi Jökull Logason um sam-
anburð Vinstri-grænna á aug-
lýsingakostnaði stjórn-
málaflokkanna í kosninga-
baráttunni. Ingvi er markaðs-
samskiptafræðingur hjá
Hér&nú markaðssamskiptum
sem annast birtingar á auglýs-
ingum fyrir Framsóknarflokk-
inn.
Í samantekt hans kemur
fram að kostnaður Framsókn-
arflokksins við auglýsingar í
öllum miðlum frá 1. mars til 4.
maí sé 16,2 milljónir, um tvö-
falt minni en VG haldi fram.
VG geri m.a. ráð fyrir því að
auglýsingar muni tvöfaldast í
maí sem Ingvi segir að sé
rangt. Þar að auki sé saman-
burður á milli flokkanna „kol-
rangur“ og VG telji kostnað við
framleiðslu á sjónvarpsauglýs-
ingum tvöfalt hærri en hann
er.
Heildarkostnaður
hugsanlega 70 milljónir
Ingvi segir að Framsóknar-
flokkurinn hafi byrjað að aug-
lýsa fyrr en hinir flokkarnir og
því hafi auglýsingar hans vakið
meiri athygli en ella, sér-
staklega sjónvarpsauglýsing-
arnar sem þyki vel heppnaðar.
Án þess að hafa gert á því
könnun segir hann víst að
flokkurinn hafi auglýst meira í
sjónvarpi en aðrir flokkar.
Bæði Sjálfstæðisflokkurinn og
Samfylkingin hafi á hinn bóg-
inn auglýst tvöfalt meira í dag-
blöðum sem sé mun dýrara en
að auglýsa í sjónvarpi. Dag-
blaðaauglýsingar hinna flokk-
anna geri meira en að vega
upp kostnað við sjónvarps-
auglýsingar Framsóknar. Sig-
urður Eyþórsson, starfandi
framkvæmdastjóri Framsókn-
arflokksins, segir að kostnaður
við kosningaskrifstofuna sem
flokksskrifstofan standi straum
af sé um 35 milljónir. Hugsan-
lega megi gera ráð fyrir að
öðru eins sé varið í baráttuna
af flokksfélögum í kjördæm-
unum sex en heildarkostnaður
verði ekki ljós fyrr en eftir
kosningar.
Sjálfstæðisflokkurinn
gefur ekki upp kostnað
Kjartan Gunnarsson, fram-
kvæmdastjóri Sjálfstæðisflokks-
ins, segist ekkert hafa að segja
um útreikninga á auglýsinga-
kostnaði stjórnmálaflokkanna
sem Vinstri-grænir birtu í gær.
Þetta sé skoðanakönnun sem
flokkurinn hafi látið gera og
byggist á þeirra mati. Hann
hafi engar forsendur til að tjá
sig um það. Spurður um kostn-
að við kosningabaráttuna hing-
að til segir Kjartan að sam-
kvæmt skipulagsreglum
Sjálfstæðisflokksins séu reikn-
ingar lagðir fram í miðstjórn
en ekki kynntir annars staðar.
Því sé ekki heldur greint frá
heildarkostnaði við kosninga-
baráttuna.
Ekki fjarri lagi hjá
Samfylkingunni
Karl Th. Birgisson, fram-
kvæmdastjóri Samfylking-
arinnar, segir að forsendur
Vinstri-grænna séu ekki alveg
ljósar. „En með þeim fyrirvara,
segi ég þó að ef við miðum við
febrúarbyrjun þegar Össur
[Skarphéðinsson] og Ingibjörg
Sólrún [Gísladóttir] hófu funda-
ferð sína um landið, þá er þetta
nokkuð nærri lagi,“ segir hann.
Þetta eigi við um kostnað Sam-
fylkingarinnar af auglýsingum
hingað til en flokkurinn hafi
nær eingöngu auglýst í dag-
blöðum og í sjónvarpi. Að-
spurður segir Karl að gert sé
ráð fyrir að kosningabarátta
Samfylkingarinnar kosti í heild
um 50 milljónir. „Annað vekur
athygli mína í þessum tölum.
Það er tala Framsóknarflokks-
ins. Það hafa ýmsir fagmenn
verið að fylgjast með þeirra
kosningabaráttu þeirra og full-
yrða að þessi tala sé að
minnsta kosti tvöföld. Það kem-
ur mér mjög á óvart ef þetta er
niðurstaðan hjá þeim því þeir
byrjuðu að auglýsa í sjónvarpi
strax eftir flokksþing sem var í
febrúar. Og hafa verið býsna
duglegir við það,“ segir Karl.
Tölurnar rangar
og samanburðurinn
kolrangur
JÓHANN Guðmundsson skrifstofu-
stjóri hjá samgönguráðuneytinu segir
að þrátt fyrir að sérleyfi Suðurleiða til
að aka milli Siglufjarðar og Reykja-
víkur hafi ekki verið endurnýjað sl.
haust fái fyrirtækið aðrar ökuleiðir í
staðinn.
Suðurleiðir er fjölskyldufyrirtæki
sem sinnt hefur áætlunarakstri yfir
sumartímann í um 50 ár.
Jóhann segir ástæðuna fyrir því að
ráðuneytið hafi ekki endurnýjað sér-
leyfið vera þá að SBA Norðurleið,
sem ekur milli Akureyrar og Reykja-
víkur, ekur sömu leið og Suðurleiðir
frá Varmahlíð til Reykjavíkur. Veru-
leg hagræðing náist með því að aðeins
eitt fyrirtæki sjái um þá leið en Suð-
urleiðir óku þessa leið aðeins að sum-
arlagi en Norðurleið allt árið. Suður-
leiðir hafa enn sérleyfi til að aka milli
Siglufjarðar og Varmahlíðar og stefnt
er að því að Siglfirðingar haldi sömu
og ef ekki betri ferðatíðni með áætl-
unarbifreiðum til Reykjavíkur og áð-
ur þó skipta þurfi um bíl í Varmahlíð.
„Við fórum þá leið að reyna að hag-
ræða. Við tókum út leiðir sem voru
samfallandi þar sem það var hægt,“
segir Jóhann. Hann segir að í staðinn
hafi Suðurleiðir nú þegar fengið við-
urkennt sem hluta af sínu sérleyfi að
flytja flugfarþega milli Siglufjarðar
og Sauðárkróks. Einnig er í athugun
að áætlunarferðir hefjist á milli Hóla í
Hjaltadal og Sauðárkróks í samvinnu
við heimaaðila, þar sem Hólaskóli er
nú kominn á háskólastig með vaxandi
umfang. Auk þess séu umræður í
gangi um að veita fyrirtækinu sérleyfi
á nýrri leið yfir Þverárfjall. Sú leið
mun stórbæta samgöngur milli Sauð-
árkróks, Skagastrandar og Blöndu-
óss. Sá vegur verður þó varla tilbúinn
til þessara nota fyrr en á næsta ári en
vilji ríkisvaldsins til samninga er
skýr.
„Með þessu viljum við tengja sam-
an og styrkja byggðarkjarna með
góðum samgangi yfir Þverárfjall,“
segir Jóhann og bætir við að Suður-
leiðir hafi forgang á þessari leið til
ársins 2005.
„Það er auðvitað harkalegt fyrir þá
að missa þennan suðurbút, frá
Varmahlíð til Reykjavíkur, sem við
teljum þó full rök fyrir að verði að
taka af. Í staðinn erum við að reyna að
flýta á þessu svæði endurskipulagn-
ingu sem kemur ef til vill ekki á öðr-
um svæðum fyrr en 2005,“ segir Jó-
hann, en þá er stefnt á heildar
endurskipulagningu á öllum áætlun-
arferðum fólksflutningabíla á landinu.
„Þeir sitja þá eftir með töluvert
mikið upp í það sem þeir misstu, en
jafnframt mun þjónustan við íbúana
stóreflast,“ sagði Jóhann.
Hann sagði viðræður í gangi milli
Vegagerðarinnar og Suðurleiða um
framtíðarskipan þessara mála í
Skagafirði.
Samgönguráðuneytið um akstur Suðurleiða til Reykjavíkur
Fá aðrar leiðir í staðinn