Morgunblaðið - 07.05.2003, Blaðsíða 24

AKUREYRI
24 MIÐVIKUDAGUR 7. MAÍ 2003 MORGUNBLAÐIÐ
Samvera
eldri borgara
verður í kirkjunni nk. fimmtudag 8. maí kl. 15.00
Gestur fundarins verður Guðrún Sigurðardóttir
og mun hún fjalla um efnið „að setjast í helgan stein“
Óskar Pétursson syngur nokkur lög.
Að venju verður helgistund og léttar veitingar.
Allir velkomnir.
GLERÁRKIRKJA
Staða aðstoðarskólastjóra
við Brekkuskóla á Akureyri
er laus til umsóknar.
Frekari upplýsingar er að finna á heimasíðu Akureyrar:
http://www.akureyri.is/
Umsóknarfrestur til 28. maí 2003.
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
FÉLAGSMENN í Einingu-Iðju
telja mikilvægast við gerð næstu
kjarasamninga að hækka skattleys-
ismörkin. Þetta kemur fram í
könnun sem gerð var meðal fé-
lagsmanna um það hvaða atriði fé-
lagið ætti að setja í forgang í
næstu kjarasamningum. Trúnaðar-
menn á vinnustöðum dreifðu
spurningalista til félagsmanna og
þannig náðist til mun fleiri en að
jafnaði gerist með boðun funda um
kjaramál. Alls bárust svör frá 1.120
manns.
Björn Snæbjörnsson, formaður
Einingar-Iðju, greindi frá niður-
stöðum könnunarinnar á aðalfundi
félagsins í gærkvöld.
Næst á eftir því að hækka skatt-
leysismörk vildu félagsmenn leggja
áherslu á að auka kaupmátt launa,
í þriðja lagi vildu þeir sjá lægstu
laun hækka umfram önnur, þá að
launahækkun yrði krónutala og
loks að launahækkun yrði í pró-
sentum. Meðal þeirra baráttuatriða
sem félagsmenn í Einingu-Iðju
vilja einnig að lögð verði áhersla á
má nefna lækkun skattprósentu,
lækkun yfirvinnulauna á móti
hækkun dagvinnulauna, breytingu
á launaþrepum og aukinn veikinda-
rétt vegna barna.
Á fundinum voru einnig kynntar
niðurstöður þjónustukönnunar sem
Starfsgreinasambandið lét gera en
þær komu vel út fyrir Einingu-Iðu,
þannig þótti þjónusta félagsins til
fyrirmyndar, rekstur skrifstofu
góður og þjónustan mikil auk þess
sem félagið stæði sig vel í upplýs-
inga-, orlofs- og fræðslumálum.
Heildartekjur karla lægri
en kvenna hærri en annarra
í Starfsgreinasambandinu
Einnig var kynntur samanburð-
ur launa og vinnutíma milli fé-
lagsmanna Einingar-Iðju og fé-
lagsmanna
Starfsgreinasambandsins yfir land-
ið. Í ljós kom að konur innan Ein-
ingar-Iðju vinna að jafnaði ívið
meira en aðrar konur innan sam-
bandsins, eða 37,2 stundir á viku á
móti 36,5 stundum á viku. Aftur á
móti vinna karlar innan Einingar-
Iðju skemur en aðrir karlar innan
Starfsgreinasambandsins, eða 47,5
stundir á viku á móti 48,5 stundum.
Tímakaup félagsmanna í Einingu-
Iðju er að jafnaði lægra en meðal
félagsmanna Starfsgreinasam-
bandsins yfir landið. Þar munar 33
krónum hjá körlum og 11 krónum
hjá konum. Heildartekjur karla
innan Einingar-Iðju eru að jafnaði
rúmlega 21 þúsund krónum lægri
en hjá körlum annars staðar í
Starfsgreinasambandinu, en heild-
artekjur kvenna innan Einingar-
Iðju eru að jafnaði á sjöunda þús-
und krónum hærri en hjá konum
annars staðar á landinu.
Svörin sem könnunin byggist á
ná þó aðeins til 97 einstaklinga.
Tímakaup hjá Einingu-Iðju lægra en hjá öðrum í Starfsgreinasambandinu
Hækkun skattleysismarka
í næstu kjarasamningum
Kosningafundur Aksjón verður
haldinn í Ketilhúsinu í dag, mið-
vikudaginn 7. maí, og hefst hann kl.
15.
Á fundinn mæta fulltrúar allra lista
sem bjóða fram til alþingiskosninga
sem verða á laugardag, 10. maí. Þeir
flytja stutt erindi og svara síðan
spurningum fundargesta. Allir eru
velkomnir á fundinn á meðan hús-
rúm leyfir. Fundarstjóri er Birgir
Guðmundsson. Fundurinn verður
sýndur í heild á Aksjón kl. 20.30 í
kvöld og endursýndur á sama tíma á
fimmtudagskvöld.
Í DAG
Fræðslufundur í fræðslufundaröð
skólaþróunarsviðs kennaradeildar
Háskólans á Akureyri verður á
morgun, fimmtudaginn 8. maí, kl.
16.15. Heiti fundarins að þessu sinni
er: Lífsleikni í leikskóla.
Guðrún Óðinsdóttir, leikskólakenn-
ari á Akureyri, fjallar þá um hvernig
unnið er með yngstu börnum leik-
skólans í lífsleikni. Hvernig þær
dyggðir sem unnið er með eru
tengdar starfinu með börnunum og
hvernig lífsleiknin er tengd öllu
starfi leikskólans.
Fundurinn verður í stofu 25 í Þing-
vallastræti 23.
Á MORGUN
VINSTRIHREYFINGIN –
grænt framboð efnir til bar-
áttufundar í Ketilhúsinu á Ak-
ureyri annað kvöld, fimmtu-
dagskvöldið 8. maí, klukkan 20.
Fjölbreytt menningardag-
skrá er í boði. Meðal dagskrár-
liða er að hljómsveitin Hrafna-
spark mun leika, Kór aldraðra
tekur lagið, Guðmundur Skúla-
son les ljóð, Þórhildur Örvars-
dóttir syngur nokkur lög og
Steingrímur J. Sigfússon, Þur-
íður Backman og Hlynur Halls-
son flytja stutt ávörp. Kynnir
er Bjarni Guðleifsson náttúru-
fræðingur.
Allir eru velkomnir í Ketil-
húsið og aðgangur er ókeypis.
Baráttu-
fundur VG
GARPARNIR sigruðu á síðasta
krullumóti (curling) vetrarins, sem
fram fór í Skautahöllinni á Akur-
eyri á þessum vetri. Keppt var um
Gimli-bikarinn sem bæjarstjórn
Gimli í Kanada gaf bæjarstjórn Ak-
ureyrar í tilefni af opnun Skauta-
hallarinnar í mars árið 2000 en
Gimli er vinabær Akureyrar. Fimm
lið mættu til leiks, fjögur frá Ak-
ureyri og eitt frá Danmörku, sem
kom sérstaklega með beinu flugi
Grænlandsflugs til Akureyrar til að
taka þátt í mótinu.
Keppnin var mjög jöfn og spenn-
andi en Garparnir tryggðu sér sig-
urinn á mótinu með sigri á Ísmeist-
urum í hreinum úrslitaleik í
lokaumferðinni. Garparnir hlutu
sex stig en þrjú lið fengu fjögur
stig, Fálkar, Ísmeistarar og Team
J. Jensen og Víkingar fengu tvö
stig. Með heimsókn danska liðsins
og með þátttöku eins íslensks liðs á
móti í Danmörku nýverið er mark-
að upphaf að frekara samstarfi milli
landanna og hafa akureyrsk krullu-
lið sett stefnuna á utanferð eða
jafnvel utanferðir til keppni næsta
vetur.
Garparn-
ir fóru
með sigur
af hólmi
Morgunblaðið/Kristján
Liðsmenn Fálkanna, Haraldur Ingólfsson, Davíð Valsson og Árni Arason,
sópa af miklum móð á krullumótinu í Skautahöllinni.
Keppt um Gimli-
bikarinn í krullu
KETTLINGAFULL læða var
skotin, líklegast með loftskamm-
byssu, inn í miðju íbúðarhverfi
við Múlasíðu á Akureyri um miðj-
an dag á laugardag. Elfa Ágústs-
dóttir dýralæknir gerði umfangs-
mikla aðgerð á læðunni á
sunnudag og var hún við þokka-
lega heilsu í gær. Læðan, sem
heitir Freyja og er eins árs, var
gengin hálfa meðgöngu en hún
missti kettlingana fjóra, auk þess
sem fjarlægja þurfti annað nýrað
og legið og sauma garnirnar.
Málið var tilkynnt til lögreglu,
þar sem það er til rannsóknar en
vopnið sem notað var er talið
stórhættulegt. Hér er um mjög
alvarlegt athæfi að ræða, ekki
síst þar sem það gerist um miðjan
dag í íbúðarhverfi þar sem jafnan
eru fjölmörg börn að leik.
Elfa dýralæknir sagðist aldrei
hafa lent í öðru eins en hún gerir
sér vonir um að læðan lifi þessa
árás af en það mun skýrast á
næstu dögum. Kúlan fór í gegn-
um bak læðunnar, annað nýrað
var sundurskotið, þrjú göt voru á
görnum og blæðing á lifur en
kúluna fann Elfa í kviðarholi
kattarins. Læðan býr hjá fjöl-
skyldu í Múlasíðu og hún þykir
einstaklega blíð og góð og biðu
margir spenntir eftir kettling-
unum sem hún gekk með.
Að sögn Kristrúnar Sigmars-
dóttur, eiganda Freyju, var læð-
an aðeins utandyra í um 10 mín-
útur á laugardag og hún fer
aldrei langt frá heimili sínu.
Þegar hún kom inn var hún
frekar illa til reika og í fyrstu
var talið að hún væri að missa
kettlingana sína. Þegar hún svo
komst í hendur Elfu dýralæknis,
sem hugðist gera aðgerð á læð-
unni og skoða kettlingana, kom
hið sanna í ljós. „Þetta er mjög
óhugnanlegt mál, því þarna eru
líka börn að leik og það er því
alveg bráðnauðsynlegt að finna
þann sem þarna var að verki,“
sagði Kristrún.
Guðmundur Svanlaugsson
rannsóknarlögreglumaður sagði
að kúlan sem fannst í læðunni
hafi verið 4,5 mm stálkúla og að
það vopn sem þarna hefði verið
notað gæti líka reynst hættulegt
fólki. Þeir sem hafa upplýsingar
um þetta mál eru beðnir að hafa
samband við lögregluna.
Skotið á kettlingafulla læðu um hábjartan dag í íbúðarhverfi
Lifði árásina af en
missti kettlingana
Morgunblaðið/Kristján
Elfa Ágústsdóttir dýralæknir með
læðuna Freyju, sem bar sig vel
þrátt fyrir hina miklu aðgerð sem
hún gekkst undir eftir skotárásina.