Morgunblaðið - 20.05.2003, Qupperneq 14

VIÐSKIPTI/ATHAFNALÍF
14 ÞRIÐJUDAGUR 20. MAÍ 2003 MORGUNBLAÐIÐ
GENGIÐ hefur verið frá kaup-
samningi vegna kaupa á Sæplasts
hf. á hollenska fyrirtækinu Plasti-
Ned B.V. og hefur stjórn félagsins
staðfest kaupin. Sæplast mun yfir-
taka rekstur Plasti-Ned frá og með
síðustu áramótum og mun rekstur
Plasti-Ned koma inn í 6 mánaða
uppgjör Sæplasts hf. Kaupin voru
fjármögnuð með skuldabréfaútboði
sem fram fór í febrúar sl.
Sérhæft í hverfisteypu
Plasti-Ned var stofnað árið 1992
og er með aðsetur í Rijen í Hollandi.
Fyrirtækið er sérhæft í hverfi-
steyptum hlutum úr plasti og notar
sömu framleiðslutækni og notuð er í
öðrum verksmiðjum Sæplasts.
Styrkur fyrirtækisins er fyrst og
fremt í tæknilegri hæfni og sveigj-
anleika í framleiðslu. Fyrirtækið
framleiðir fyrir viðskiptavini sína,
sem að meginhluta eru önnur fram-
leiðslufyrirtæki, fjölbreytt úrval af
hverfisteyptum vörum úr plasti allt
frá smáhlutum upp í stóra vatns-
tanka. Helstu markaðir félagsins
hafa til þessa verið í Hollandi,
Þýskalandi, Belgíu og Sviss. Á síð-
asta ári var velta félagsins um 300
milljónir króna og var það rekið
með hagnaði og þess má líka geta að
á félaginu hvíla engar langtíma-
skuldir. Framkvæmdastjórn fyrir-
tækisins, sem starfað hefur hjá fyr-
irtækinu frá upphafi og byggt það
upp, mun starfa áfam hjá fyrirtæk-
inu. Alls starfa um 30 manns hjá
fyrirtækinu.
Samlegðaráhrif með Sæplasti
„Með kaupunum á Plasti-Ned er
Sæplast að styrkja stöðu sína innan
hverfisteypugeirans í Evrópu og þar
með opnast nýir markaðir sem Sæ-
plast hefur ekki starfað á áður. Sæ-
plast verður nú mun betur í stakk
búið til að markaðssetja sig sem al-
hliða fyrirtæki innan plastiðnaðar í
Evrópusambandinu. Stjórn félags-
ins hefur frá 1. apríl sl. ráðið Geir A.
Gunnlaugsson, stjórnarformann fé-
lagsins, í hlutastarf til að vinna með
forstjóra félagsins að frekari vexti
og auknum umsvifum Sæplasts hf.,“
segir í frétt frá Sæplasti.
Plasti-Ned var stofnað árið 1992 og er með aðsetur í Rijen í Hollandi.
Sæplast gengur frá
kaupum á Plasti-Ned
NÚ HEFUR verið landað ríflega
90.000 tonnum af kolmunna hér á
landi á vertíðinni. Íslenzk skip hafa
landað um 54.000 tonnum og erlend
skip, flest færeysk, hafa landað 36.600
tonnum.
Mestu hefur verið landað hjá
Loðnuvinnslunni á Fáskrúðsfirði, um
25.000 tonnum, en Síldarvinnslan í
Neskaupstað kemur næst með 24.500
tonn. Eskja á Eskifirði er í þriðja sæt-
inu með 14.200 tonn, Samherji í
Grindavík hefur tekið á móti 7.600
tonnum, 6.150 tonn hafa borizt til
Vinnslustöðvarinnar í Vestmannaeyj-
um, 5.000 tonn til Akraness og mun
minna á aðra staði.
Langmestum afla erlendra skipa
hefur verið landað á Fáskrúðsfirði,
22.600 tonnum. 6.700 tonnum hefur
verið landað í Neskaupstað og 4.500 í
Vestmannaeyjum.
Kvóti íslenzku skipanna er 318.000
tonn og eru því óveidd um 264.000
tonn.
Nú stefnir í mjög mikla kolmunna-
veiði enda er stofninn talinn stærri en
nokkru sinni síðan mælingar hófust.
„Þar er alveg ljóst að kolmunna-
stofninn hefur verið fiskaður upp á
við. Ég sagði það í Færeyjum í fyrra
að stofninn væri á uppleið vegna mik-
illar veiði og það hefur orðið raunin,“
segir Jón Kristjánsson fiskifræðing-
ur.
Jón segir að kolmunnastofninn sé
mjög útbreiddur í Norður-Atlants-
hafi, allt frá Írlandi norður í Barents-
haf. Hann sé því í samkeppni við síld-
ina um fæði, enda éti hann það sama
og hún. Á síldarárunum hafi hafið
milli Íslands og Jan Mayen verið
svart af kolmunna og kannski hafi
hann átt þátt í því að síldin hvarf. Eins
gæti verið að hann héldi síldinni niðri
nú. Með nýrri veiðitækni og öflugum
skipum væri hægt að veiða miklu
meira en áður. Því væri um að gera að
veiða sem mest. Ekkert fáist með því
að geyma fiskinn í sjónum. Með því að
veiða mikið af kolmunna gæti síldar-
stofninn kannski vaxið enn frekar.
„Kolmunninn er sennilega stærsti
fiskistofninn í Norður-Atlantshafi og
það er sjálfsagt að veiða sem mest af
honum,“ segir Jón Kristjánsson.
Morgunblaðið/Sigurgeir Jónasson
Tróndur í Götu landar 1.600 tonnum í Vestmannaeyjum.
90.000 tonn af
kolmunna á land