Morgunblaðið - 25.06.2003, Side 49

grunnskólaárin og hvernig gogg-
unarröðin var: hvað olli því að sumir
urðu ofan á og aðrir undir. Hverjir
lögðu aðra í einelti og hverjir urðu
fyrir því. Og einfaldlega hverjir voru
flottastir og öfundaðir af hinum – og
hverjir ekki. Út frá þessu hef ég sett
saman Danna bút fyrir bút.“
Jónsi sækir líka fyrirmyndir í
fólkið sem hann vinnur með: „Ég
hlusta og fylgist með leikurunum og
dönsurunum í sýningunni og er bú-
inn að læra afskaplega mikið af
þeim. Þau vita víst ekki af því en ég
hef búið Danna mikið til eftir því
hvernig þau hegða sér. Það er til
dæmis stelpa í sýningunni sem er í
mínum augum hreinlega kvenkyns
útgáfa af Danna – alveg stórkostleg
manneskja. Hún hefur ekki hug-
mynd um það að ég hef nýtt mér
mikið af hennar töktum til að búa til
persónuna.“
Skrítið að eiga
Birgittu fyrir kærustu
„Við þekktumst auðvitað fyrir, úr
Abbasjóinu ’98, og byggðum því
á gömlum grunni,“ segir Jónsi
aðspurður um samstarfið við
Birgittu Haukdal sem leikur
Sandí.
„Það er mjög fínt að vinna
með henni. Hún er ákaflega
mikill fagmaður í því sem hún
tekur sér fyrir hendur og fljót að
tileinka sér hluti. Það eina sem ég
hef út á hana að setja er það að
hún er svo lágvaxin,“ glensar
Jónsi. „Það er auðvitað asnalegt að
segja það en mér finnst þetta svolít-
ið skrítið því Rósa konan mín er
nokkuð hávaxin en núna á ég
að fara að eiga kærustu sem er
svona miklu minni en ég.
Svo er hitt að við eig-
um bæði maka og það
er undarlegt að hleypa
öðrum aðila inn í sam-
bandið, ef svo má að
orði komast. En við
erum auðvitað búin
að ræða það fram
og til baka, bæði
okkar á milli og við
maka okkar.“
Jónsi segir að
samt séu ástar-
atriðin í söng-
leiknum ekki ná-
in: „Það er í
mesta lagi einn
og einn koss
enda er
þetta
fyrst
og fremst falleg ástarsaga. Það þarf
samt að vera einhver spenna í koss-
inum, eitthvað sem segir; „ég er
skotinn í þér“.“
Æskuástin
Það heyrist á Jónsa að hann er
mikill fjölskyldumaður en hann seg-
ist hafa verið skotinn í Rósu, kon-
unni sinni, allt frá því hann var rétt
byrjaður að fá hvolpavitið:
„Hún er æskuástin. Ég byrjaði
nokkuð ungur að vera með stelpum
en þær voru varla kærustur nema að
nafninu til. Þetta snerist í mesta lagi
um að stela einum og einum kossi í
frímínútum. Ég var 13 ára þegar ég
sá Rósu fyrst. Það var á skautasvell-
inu á Akureyri og ótrúleg upplifun
sem ég man vel eftir enn í dag. Ég
var lélegur á skautum fyrir – en
þegar ég sá hana kiknaði ég í hnján-
um.“ Athyglin var samt ekki end-
urgoldin: „Hún virtist ekki taka eftir
mér og ég túlkaði það sem svo að ég
væri einfaldlega ekki nógu góður
fyrir hana, sem ég
ákvað að virða
og lét hana al-
veg í friði.“
Rósa, sem
heyrir á tal
okkar, bætir
við þetta:
„Hann fór al-
veg rosalega í
taugarnar á
mér alla mennta-
skólagönguna.“
Þau skellihlæja
bæði: „Þessi
öskrandi gal-
gopi
sem alltaf var að reyna að beina at-
hyglinni að sér, pota í mann og
stríða. En svo kynntumst við betur
og þegar ég fór að sjá hans innri
mann þá hurfu allir þannig stælar.“
Rósa bætir samt hlæjandi við: „Áður
þoldi ég ekki einu sinni að horfa út
um gluggann og sjá hann á gangi!“
Frægðin er tvíeggjað sverð
Nærri 10 árum síðar eru þau enn
saman og hafa í sameiningu fengið
að kynnast því góða og slæma sem
frægðin getur haft í för með sér:
„Þetta er nokkuð skrítin tilfinn-
ing,“ segir Jónsi þegar hann er
spurður hvernig frægðin sé. „Þegar
ég var lítill strákur hugsaði ég með
mér hvað það væri frábært að vera
frægur leikari eða söngvari. Þessi
lífsstíll virtist heillandi, en hann hef-
ur reynst að sama skapi krefjandi.
Álagið sem af þessu hlýst getur oft
verið sérstaklega erfitt fyrir mann
eins og mig, sem á konu og barn.“
Hann líkir frægðinni við tvíeggjað
sverð: „Þetta sverð getur orðið ansi
beitt og bæði rutt manni leið jafnt
sem hrokkið aftur í mann. En þótt
þetta geti stundum verið óþægilegt
veitir þetta mér vissa staðfestingu á
að ég er að gera eitthvað rétt.
Ég er annars mjög ánægður með
hvar ég er í lífinu núna. Ég er að
vissu leyti búinn að fá það út úr tón-
listinni sem ég stefndi að og langar
umfram allt að leggja rækt við Rósu
og fjölskylduna. Nú er þetta bara
spurning um augnablik og augnablik
sem verða hápunktar – upplifun hér
og þar. Ég sé alltént ekki í hendi
mér að ég vilji stefna eitthvað hærra
og hef ekki þörf fyrir að verða
stærri en ég er.
Ég reyni að lifa eftir tveimur
mottóum: Carpe Diem, að grípa
tækifærið meðan það gefst, og öðru
sem ég heyrði mann nokkurn hafa
eftir Voltaire í fimmtugsafmæli
sínu þar sem ég skemmti: „Ég hef
ákveðið að vera hamingjusamur
vegna þess að það er svo hollt.“
Mér finnst þetta afbragðs lífs-
regla enda er hamingja ekki
eitthvað sem maður rambar á
fyrir slembilukku heldur lífs-
viðhorf sem maður verður að
tileinka sér.
Maður á að rifja upp góðu
stundirnar á erfiðum
stundum og ég hef núna
eignast töluvert af góðum
minningum sem ég bý að
ef syrtir í álinn. Minningar
sem ég get yljað mér við í
langan tíma.“
Jón Jósep Snæbjörnsson skaust
upp á stjörnuhimininn sem
söngvari hljómsveitarinnar í
Svörtum fötum. Bandið sló
fyrst í gegn með laginu „Nak-
inn“ sem var einn aðalsmellur
sumarsins 2001.
Morgunblaðið/Halldór Kolbeins
MORGUNBLAÐIÐ MIÐVIKUDAGUR 25. JÚNÍ 2003 49
KEFLAVÍK
kl. 8 og 10. Bi. 12
AKUREYRI
Sýnd kl. 6, 8 og 10. Bi. 12
ÁLFABAKKI
Kl. 3.45, 5.50, 8 og 10.15. Bi. 12
EINNIG SÝND Í LÚXUS VIP Í ÁLFABAKKA KL. 3.45, 5.50, 8 OG 10.15.
KRINGLAN
Kl. 5.50, 8 og 10.15. B.i. 12
Bein
t
á to
ppin
n
í US
A!
Svalasta mynd
sumarsins
er komin.
POWE
R
SÝNIN
G
KL. 10
.15.
Í SAM
BÍÓUN
UM
Kring
lunni
I
. .
.
Í
Í
ri l
i

KVIKMYNDIR.IS
KRINGLAN
Sýnd kl. 10.10. B.i. 12.
ÁLFABAKKI
Sýnd kl. 5.30, 8 og 10.30. B.i. 12
KRINGLAN
Sýnd kl. 5.50 og 8.
ÁLFABAKKI
Sýnd kl. 3.45, 5.50, 8 og 10.15.
KRINGLAN
Sýnd kl. 6, 8 og 10.
AKUREYRI
Sýnd kl. 6.
ÁLFABAKKI
Sýnd kl. 4, 6, 8 og 10.
ÁLFABAKKI
Sýnd kl. 4. Ísl. tal
ÁLFABAKKI
Sýnd kl. 3.45.
KEFLAVÍK
Sýnd kl. 8 og 10.

KVIKMYNDIR.COMKVIKMYNDIR.IS

ÓHT Rás 2
HLJÓMSVEITIN Sick Of It All
kom síðast hingað til lands 1999
og lék á tónleikum í Útvarpshús-
inu Efstaleiti. Nú hefur hún snúið
aftur til að halda tvenna tónleika
á Gauki á Stöng, enda voru liðs-
menn svo yfir sig ánægðir með
móttökurnar fyrir fjórum árum:
„Þetta kom okkur á óvart því
við höfðum aldrei spilað hérna
áður og vissum hvað landið væri
smátt. Við áttum því aldrei von á
að 800 manns myndu mæta á tón-
leikana,“ segir Armand Majidi,
trommuleikari hljómsveitarinnar,
sem tók með sér söngvarann, Lou
Koller, í viðtal.
„Krakkarnir á tónleikunum
urðu alveg vitlausir og kunnu
augljóslega vel að meta að við
skyldum koma og spila hérna.
Þegar við upplifum eitthvað
þessu líkt þá er það okkar fyrsta
hugsun að við verðum að koma
aftur og endurtaka leikinn,“ bæt-
ir Armand við, og augljóst að
meðlimir hljómsveitarinnar eru
síður en svo fullsaddir af Íslend-
ingum.
Bandið er um þessar mundir á
stuttri tónleikaferð um Evrópu
og þótti tilvalið að koma aftur til
Íslands þegar þeim gafst kostur á
því. „Við erum mest að þessu upp
á gamanið að gera,“ segir söngv-
arinn Lou. „Við eigum líka
nokkra dygga aðdáendur hérna.“
Armand bætir við: „Fyrst við
vorum á annað borð í tónleika-
ferð þá munaði okkur ekkert um
að koma til Íslands og erum ekk-
ert að tapa neinum fjármunum að
ráði af því – ekkert frekar en ef
við hefðum hangið áfram á meg-
inlandi Evrópu.“
Hljómsveitin hefur starfað allt
síðan árið 1986: „Já, við erum
orðnir nokkuð gamlir í hettunni,“
segir Armand. „Við höfum gert
þetta í langan tíma og ekki mörg
bönd sem geta hreykt sér af því
að hafa enst svona lengi.“ Lou
bætir við: „Þótt það sé hálfgerð
klisja þá má segja að tónlistin
haldi okkur ungum. Við stöndum
ekki beinlínis hreyfingarlausir á
sviðinu heldur krefst sviðs-
framkoma okkar mikillar orku og
heldur okkur í formi.“
Þeir Lou og Armand segjast
ætla að spila fyrir landann úrval
af bestu tónleikalögum hljóm-
sveitarinnar auk þess sem fólk
fær að heyra forsmekkinn af
væntanlegri plötu bandsins sem
kemur út seinna á árinu.
Pönksveitin Sick of it All snýr aftur
Alls ekki
fullsaddir
Morgunblaðið/Árni Torfason
Lou Koller og Armand Majidi úr Sick of it All hlakka til að spila aftur fyrir
Íslendinga, en auk þeirra eru í sveitinni Pete Keller og Craig Ahead.
Sick Of It All heldur tvenna tónleika
á Gauki á Stöng. Í kvöld er ekkert
aldurstakmark og upphitunarsveitir
verða Botnleðja og I Adapt en á
morgun er aldurstakmark 18 ár og
upphitun í höndum Botnleðju og
Mínus. Húsið verður opnað kl. 20.00
bæði kvöldin. Miðaverð er 1.900 og
er forsala í Skífunni á Laugavegi.
til Íslands eftir fjögurra ára hlé