Morgunblaðið - 18.07.2003, Page 6
FRÉTTIR
6 FÖSTUDAGUR 18. JÚLÍ 2003 MORGUNBLAÐIÐ
EINAR Sturluson,
söngvari og söngkenn-
ari, er látinn 86 ára að
aldri.
Einar fæddist 10.
júní árið 1917. For-
eldrar hans voru
Sturla Einarsson frá
Jarlsstöðum í Bárðar-
dal og bóndi á Fljóts-
hólum í Gaulverjabæj-
arhreppi og Sigríður
Einarsdóttir frá Hæli í
Gnúpverjahreppi og
bóndi á Fljótshólum í
Gaulverjabæjarhreppi.
Einar ólst upp á
Fljótshólum. Í kringum sautjánda
aldursárið flutti hann til Reykjavík-
ur, fór í gagnfræðaskóla og gekk í
Iðnaðarmannakórinn. Þá sótti hann
söngtíma hjá Sigurði Birkis og
Pétri Jónssyni.
Hann fór ungur utan til að nema
söng í Stokkhólmi í Svíþjóð og í
Hamborg í Þýskalandi. Starfaði
hann síðan um tíma við óperuhús í
Noregi en varð að hætta að syngja
vegna ofnæmissjúkdóms sem hrjáði
hann á þeim árum. Hann kom heim
aftur og vann lengi við
söngkennslu og radd-
þjálfun kóra. Í vetur
gaf Einar út tvöfaldan
geisladisk með söng
sínum frá árinu 1947
til 1997.
Einar starfaði á
Elliheimilinu Grund í
Reykjavík í nærri
hálfa öld, bæði sem
sjúkraþjálfari og sem
eins konar skemmti-
kraftur hin síðari ár.
Starfaði hann þar til
dauðadags en sl.
sunnudag söng hann
við messu á Grund og síðan við
messu á dvalarheimilinu Ási í
Hveragerði.
Einar kvæntist Unni D. Haralds-
dóttur og eignuðust þau þrjú börn.
Einar og Unnur slitu samvistir.
Síðar kvæntist hann Lísalotte
Bensch og ættleiddu þau eina dótt-
ur. Einar og Lísalotte slitu einnig
samvistir. Eftirlifandi kona Einars
er Arnhildur Reynis. Einar á þrett-
án barnabörn og ellefu barnabarna-
börn.
Andlát
EINAR
STURLUSON
HERMANN Svein-
björnsson, fréttamað-
ur á fréttastofu Ríkis-
útvarpsins, er látinn,
54 ára að aldri. Her-
mann var fæddur í
Neskaupstað árið
1949. Foreldrar hans
voru Laufey Guð-
laugsdóttir fiskverka-
kona og Sveinbjörn
Sveinsson, skipstjóri
og útgerðarmaður.
Hann lauk stúdents-
prófi frá Menntaskól-
anum á Akureyri 1969
og lögfræðiprófi frá
Háskóla Íslands 1977. Á námsár-
unum stundaði hann sjómennsku
og starfaði sem blaðamaður á dag-
blaðinu Tímanum en að námi
loknu réðst hann til starfa sem
fréttamaður á fréttastofu Útvarps-
ins.
Árið 1980 fluttist hann ásamt
fjölskyldu sinni til Akureyrar þar
sem hann tók við ritstjórn blaðsins
Dags á Akureyri.
Undir hans ritstjórn
varð Dagur fyrsta og
eina dagblaðið sem
gefið hefur verið út
hérlendis utan
Reykjavíkursvæðis-
ins. Á meðan Her-
mann bjó á Akureyri
var hann jafnframt
fréttaritari Sjón-
varpsins og stjórnaði
útvarps- og sjón-
varpsþáttum. Hann
varð síðar um skeið
blaðafulltrúi Sam-
bands íslenskra sam-
vinnufélaga, en frá 1990 var hann
fréttamaður á fréttastofu Ríkisút-
varpsins og annaðist meðal annars
um árabil þáttinn Auðlind, frétta-
þátt um sjávarútvegsmál.
Í frístundum lagði Hermann
stund á myndlist auk þess sem
hann var liðtækur hljóðfæraleik-
ari. Hann lætur eftir sig eiginkonu
og uppkomna dóttur.
Andlát
HERMANN
SVEINBJÖRNSSON
Á ÞRIÐJA þúsund unglingar voru
samankomnir á árlegri Sumarhátíð
Vinnuskóla Reykjavíkur í Laugar-
dalnum í gær. Þetta var í 15. skipti
sem sumarhátíðin var haldin og
gerðu nemendur Vinnuskólans sér
glaðan dag í frábæru veðri.
Unglingarnir kepptu með sér í
hinum ýmsu íþróttum, auk þess sem
þau spreyttu sig á veggjalist og
götukroti. Fjölmargar unglinga-
hljómsveitir tróðu upp og hljóm-
sveitin Írafár hélt uppi fjörinu í há-
deginu.
Morgunblaðið/Arnaldur
Vinnuskóla-
nemar
fagna sumri
GEIR H. Haarde fjármálaráðherra
segir það „eðlilegan hluta af ferl-
inu“ að Eftirlitsstofnun EFTA
(ESA) taki ríkisábyrgð vegna Ís-
lenskrar erfðagreiningar (ÍE) til
efnislegrar athugunar. Eins og
fram kom í Morgunblaðinu í gær
opnaði stofnunin rannsóknina form-
lega í fyrradag. Haft var eftir
Amund Utne, framkvæmdastjóra
hjá ESA, að þegar metnar hefðu
verið þær upplýsingar sem stofn-
uninni bárust væru uppi nægilegar
efasemdir, innan stofnunarinnar,
um að slík ábyrgð, sem hér um
ræðir, stæðist alþjóðasamninga til
að taka málið til formlegrar rann-
sóknar.
„Ég tel að þetta mál sé í þeim
eðlilega farvegi sem það var sett í,“
sagði fjármálaráðherra í samtali við
Morgunblaðið í gær. Hann segir að
það séu einungis einföldustu mál
sem ekki séu sett í þennan farveg,
þ.e. að verða tekin til efnislegrar at-
hugunar hjá ESA. Íslensk mál hafi
áður farið í gegnum þetta ferli sem
ríkisábyrgðin vegna ÍE sé nú að
fara í. „Þetta er því bara eðlilegur
hluti af ferlinu,“ ítrekar hann, „og
svo er bara að bíða eftir því að nið-
urstaðan komi.“
Aðspurður segir ráðherra að það
þýði ekki neitt um útkomuna að
málið skyldi hafa farið í umræddan
farveg. „Þetta þýðir ekki neitt. Það
stendur sérstaklega í tilkynning-
unni [frá ESA] að þetta hefur ekk-
ert spásagnargildi um hver niður-
staðan verður. Þetta er aðferð til að
gefa fleirum kost á að tjá sig um
málið og vinna þetta af meiri vand-
virkni.“
Frumvarp til laga um ríkis-
ábyrgðina vegna ÍE var samþykkt
snemma í maímánuði árið 2002.
Með samþykkt frumvarpsins var
fjármálaráðherra heimilt, í þeim til-
gangi að stuðla að uppbyggingu há-
tækniiðnaðar á sviði lyfjaþróunar
hér á landi, að veita einfalda ábyrgð
á skuldabréfum, útgefnum af móð-
urfélagi Íslenskrar erfðagreiningar
ehf., deCODE Genetics Inc., að
fjárhæð allt að 200 milljónir Banda-
ríkjadollara til fjármögnunar nýrr-
ar starfsemi Íslenskrar erfðagrein-
ingar ehf. á sviði lyfjaþróunar. Í
kjölfar samþykktar frumvarpsins
voru lögin send ESA.
Geir H. Haarde fjármálaráðherra um formlega athugun
ESA á ríkisábyrgð til Íslenskrar erfðagreiningar
Athugun ESA er eðli-
legur hluti af ferlinu
ÞORKELL Þorkelsson ljósmyndari
Morgunblaðsins fór á vegum
Rauða krossins um Bagdad fyrr í
sumar til að kynna sér ástandið í
borginni og taka myndir af fólki
og aðstæðum. Á fréttavef Morg-
unblaðsins, mbl.is, hefur verið
opnuð sýning á 42 myndum Þor-
kels frá Írak. Sýningin er aðgengi-
leg frá hægri dálki mbl.is en einn-
ig er hægt að nálgast hana frá
Ljósmyndavef mbl.is.
Morgunblaðið/Þorkell
Myndir frá Bagdad á mbl.is
Leki að bát út
af Malarrifi
LEKI kom að bátnum Bárði SH út
af Malarrifi á Snæfellsnesi í gær.
Skipverjar bátsins óskuðu eftir að-
stoð og var björgunarbáturinn Björg
sendur af stað með dælur frá Rifi
rétt fyrir klukkan eitt. Skömmu síð-
ar var aðstoðin afturkölluð þar sem
náðst hafði að lensa bátinn. Bárður
er á leið til hafnar á Arnarstapa það-
an sem hann er gerður út. Blíðskap-
arveður var á þessum slóðum. Bárð-
ur er 9 tonna bátur sem gerður er út
á grásleppu.
♦ ♦ ♦