Morgunblaðið - 18.07.2003, Qupperneq 41

GÓÐ aðsókn hefur verið að tívolíinu
við Smáralind. Í fréttatilkynningu
frá Fun Land, sem rekur tívolíið,
hefur aðsókn farið fram úr björtustu
vonum. Tívolíið við Smáralind er
stærsta og viðamesta tívolí sem
starfrækt hefur verið á Íslandi. Tív-
olíið verður starfrækt til 27. júlí
næstkomandi er opnunartíminn 13–
23 alla daga.
Góð aðsókn
að tívolíinu
FRÉTTIR
MORGUNBLAÐIÐ FÖSTUDAGUR 18. JÚLÍ 2003 41
BRAGI Þorfinnsson (2.373) sigr-
aði rússneska alþjóðlega meistar-
ann Alexander Krapivin (2.339) í
elleftu og síð-
ustu umferð
First Saturday-
mótsins í Ung-
verjalandi. Þessi
sigur var afar
þýðingarmikill
þar sem Bragi
hefur með hon-
um uppfyllt öll
skilyrði til þess
að hljóta titilinn
alþjóðlegur
meistari. Bragi hækkar um 26,55
stig fyrir frammistöðu sína á
mótinu og hefur því náð 2.399,55
stigum. Tæpara mátti það ekki
standa, þar sem Bragi nær stiga-
lágmarkinu, 2.400 stigum, eftir ná-
mundun en alþjóðlegu stigin eru
gefin út í heilum tölum. Þessi
stigamörk voru síðasta hindrunin í
útnefningu Braga. Enginn vafi er
á að Bragi er vel að því kominn að
hljóta þennan titil. Eins og fram
kom í síðasta skákþætti hefur
hann fjórum sinnum sýnt fram á
nægan styrkleika með því að ná
áfanga að alþjóðlegum meistara-
titli, en einungis er gerð krafa um
þrjá áfanga.
Arnar E. Gunnarsson (2.348) og
Jón Viktor Gunnarsson (2.411)
gerðu jafntefli í innbyrðis viður-
eign sinni í lokaumferð mótsins.
Bragi hlaut alls 6½ vinning, Arnar
6 vinninga og Jón Viktor 5 vinn-
inga. Arnar hækkar um 24 stig og
vantar því 28 stig til að fá sinn al-
þjóðlega meistaratitil. Nú þegar
Bragi hefur náð markinu lætur
Arnar varla bíða lengi eftir sér.
Jón Viktor lækkar um 4 stig.
Næsta viðfangsefni íslenskra
skákmanna á erlendri grund er
opna tékkneska meistaramótið
sem hefst á föstudaginn.
Þeir félagar tefldu oft skemmti-
lega á mótinu eins og sést hefur í
skákþættinum að undanförnu.
Arnar Gunnarsson hafði snör
handtök við að afgreiða ungverska
stórmeistarann Attila Jakab
(2.442) í næstsíðustu umferð móts-
ins.
Hvítt: Attila Jakab
Svart: Arnar E. Gunnarsson
Slavnesk vörn
1. d4 Rf6 2. c4 c6 3. Rc3 d5 4.
cxd5 cxd5 5. Bf4 e6 6. e3 Be7 7.
Bd3 a6 8. Rge2 –
Nýr leikur, sem er liður í vafa-
samri áætlun. Hvíti riddarinn hef-
ur hingað til verið talinn eiga
heima á f3 í stöðum sem þessari.
8. . b5 9. 0–0 Bb7 10. f3 Rc6 11.
Hc1 Hc8 12. g4 h6 13. Bg3 g5!?
14. h4? –
Hvítur bauð jafntefli í þessari
stöðu!
Sjá stöðumynd 1
Arnar hafnaði boðinu og lék...
14. … gxh4! 15. Bxh4 Hg8 16.
Rg3 –
Það er mjög erfitt að benda á
góðan leik fyrir hvít í stöðunni, t.d.
16. Kh1 Rxg4 17. Bxe7 Dxe7 18.
fxg4 Dh4+ 19. Kg2 Dxg4+ 20. Kf2
Dh4+ 21. Kf3 e5! 22. Rxd5 Rb4
23. Hg1 Hxg1 24. Hxc8+ Bxc8 25.
Dxg1 (25. Rxg1 Dg4+ 26. Kf2
Dxd1) 25. – Dh5+26. Kf2 ( 26. Ke4
Df5+ mát; 26. Kg3 Dh3+ 27. Kf2
Rxd3+ mát) 26. – Rxd3+ 27. Kf1
Bh3+ 28. Dg2 Df3+ 29. Kg1
Dxg2+ mát.
16. … Rxg4! 17. Bxe7 Dc7!!
Þennan bráðsnjalla leik sá Ung-
verjinn ekki fyrir. Nú eru honum
allar bjargir bannaðar.
18. Bh4 –
Eða 18. De1 Rxe3 19. f4 Rxf1
20. Bxf1 (20. Rxd5 Hxg3+ 21.
Kxf1 Hf3+ 22. Kg2 Db8 23. Kxf3
(23. Be4 exd5 24. Bxf3 Rxe7) 23.
… Rxe7 24. Hxc8+ Dxc8 25. Kg3
Bxd5) 20. … Dxf4 21. Rce2 (21.
Kh2 Rxd4 22. Bg2 Kxe7) 21.
…De3+ 22. Df2 Dxf2+ 23. Kxf2
Kxe7 og svartur vinnur.
18. … Rxe3 19. De1 Df4
og hvítur gafst upp. Lokin hefðu
getað orðið 20. Rxd5 (20. Rce2
Dxh4 21. Df2 Rxd4 22. Hxc8+
Bxc8 23. Dxe3 Rxe2+ 24. Dxe2
(24. Kf2 Rxg3 25. Hg1 Rf5+ 26.
Ke2 Dh2+ 27. Df2 Dxg1) 24.
… Hxg3+ 25. Kf2 Hh3+ 26. Ke3
d4+ 27. Kd2 Hh2) 20. … Rxd5 21.
De4 Hxg3+ 22. Bxg3 Dxg3+ 23.
Kh1 Rf4 24. Hc2 Rd8 25. Hg1 (25.
De3 Hxc2 26. Bxc2 Dg2+ mát) 25.
– Dh3+ 26. Hh2 Dxf3+ 27. Dxf3
Bxf3+ 28. Hhg2 Bxg2+ 29. Hxg2
Rxg2 30. Kxg2 Rc6 og svatur vinn-
ur auðveldlega.
Skákhátíðin í Saint-Lô
Ágúst Bragi Björnsson (1.640)
og Svanberg Már Pálsson (1.485)
sigruðu báðir í sjöundu umferð
barna- og unglingaflokks skákhá-
tíðarinnar í Saint-Lô. Ágúst sigr-
aði Anis Chougar (1.930) en Svan-
berg sigraði Pierre Tranvouez
(1.230). Ágúst er nú með 4½ vinn-
ing og er í 25.–48. sæti, en Svan-
berg hefur fengið 4 vinninga og er
í 49.–94. sæti. Páll Sigurðsson
(1.790) gerði jafntefli við Philippe
Mancel (1.800) í opnum flokki.
Hann hefur fengið 4 vinninga og
er í 10.–18. sæti.
Bragi Þorfinnsson
alþjóðlegur meistari
SKÁK
Búdapest
FIRST SATURDAY
5.–15. júlí 2003
Daði Örn Jónsson
Bragi Kristjánsson
dadi@vks.is
Bragi Þorfinnsson
skákmaður.
Stöðumynd 1
Hallgrímskirkja. Á morgun, laugardag, eru
hádegistónleikar kl. 12. David M. Patrick
frá Englandi leikur á orgel.
Boðunarkirkjan, Hlíðarsmára 9. Samkom-
ur alla laugardaga kl. 11:00. Bænastund
alla þriðjudaga kl. 20:00. Biblíufræðsla
allan sólarhringinn á Útvarp Boðun FM
105,5. Allir alltaf velkomnir.
Fríkirkjan Kefas: Lautarferð – Á morgun,
laugardaginn 19. júlí, ætlum við að koma
saman að Geirlandi við Suðurlandsveg
(rétt fyrir austan Gunnarshólma) kl. 14.00
með nesti og nýja skó og njóta saman úti-
veru í náttúrunni. Hver og einn kemur með
nesti fyrir sig. Allir eru hjartanlega vel-
komnir og takið endilega með ykkur gesti.
Kirkja sjöunda dags aðventista.
Samkomur laugardag:
Aðventkirkjan Ingólfsstræti 19. Biblíu-
fræðsla kl. 10. Guðsþjónusta kl. 11.
Ræðumaður Eric Guðmundsson.
Loftsalurinn, Hólshrauni 3, Hafnarfirði.
Biblíufræðsla/guðsþjónusta kl. 11.
Ræðumaður Brynjar Ólafsson.
Safnaðarheimili aðventista, Blikabraut 2,
Keflavík: Biblíufræðsla kl. 10.15.
Safnaðarheimili aðventista, Gagnheiði
40, Selfossi. Biblíufræðsla kl. 10. Guðs-
þjónusta kl. 11. Ræðumaður Guðný Krist-
jánsdóttir.
Aðventkirkjan, Brekastíg 17, Vest-
mannaeyjum. Biblíufræðsla/ Guðsþjón-
usta kl. 10.30. Ræðumaður Styrmir Geir
Ólafsson.
Safnaðarstarf
ÞRIÐJA og síðasta ferðakortið í
nýrri kortaröð Landmælinga Ís-
lands er komið út. Er það af Aust-
urlandi og nær allt milli Skeiðarár-
sands, Austfjarða og Skjálfanda-
flóa.
Ferðakortin þrjú koma í stað níu
korta af landinu áður og eru þau í
mælikvarðanum 1:250.000. Meðal
nýjunga eru þjónustutákn við
helstu ferðamannastaði landsins svo
sem gistingu, golfvelli, sundlaugar
og annað auk hefðbundinna stað-
fræðiupplýsinga. Skýringar eru á
ensku, frönsku, þýsku og íslensku.
„Kortablaðið er stórt og í þægi-
legu broti. Aðeins er prentað öðrum
megin á blaðið sem gerir alla með-
ferð kortsins auðvelda og þægi-
lega,“ segir m.a. í frétt frá Land-
mælingum. Þar segir einnig:
„Kortið byggist á stafrænum gögn-
um sem gerir endurnýjun kortanna
auðveldari. Stefnt er að því að
ferðakortin komi út á tveggja ára
fresti framvegis, til að upplýsingar
um þjónustu séu sem ábyggileg-
astar.“
Nýtt ferðakort
af Austurlandi
FYRIR skömmu afhenti Merkúr hf.
Eykt ehf. þrjár stórar Tsurumi-
dælur af gerðinni KRS-1022. Dæl-
urnar eru fyrir 10 þumlunga barka
og eru knúnar 22 kw rafmótorum,
afköst hverrar dælu eru 11.000 lítr-
ar á mínútu við 5 m lyftihæð. Dæl-
urnar eru nú komnar í Kolgrafar-
fjörð sem er á norðanverðu
Snæfellsnesi, en Eykt er að byrja
þar brúarsmíði. Kemur brúin til
með að stytta vegalengdina á milli
Stykkishólms og Grundarfjarðar
talsvert. Dælunum er ætlað það
hlutverk að dæla sjó upp úr 5 m
djúpum holum sem gera þarf til að
koma undirstöðum brúarinnar
fyrir.
Til hægri á myndinni er Magnús Jónsson frá Eykt ehf. að taka við dælunum af Jóhanni Ólafi Ársælssyni hjá Merkúr hf.
Nýjar dælur notaðar
við brúarsmíði
Hafnardagar á Sauðárkróki hefj-
ast á morgun, laugardag. Kl. 14
hefst markaðsdagur. Efnt verður til
Íslandsmóts í skutlukasti. Kaffi
Krókur, Ólafshús, Sport-Barinn og
Hótel Tindastóll verða með útiveit-
ingar. Minjasafnið verður opið. Milli
kl. 15–17 verður dorgveiðikeppni við
höfnina. Efnt verður til aldursskipts
kapphlaups við höfnina. Kl. 16 kynn-
ir Fiskiðjan Skagfirðingur starfsemi
sína. Kl. 17 verður farið í skemmti-
siglingu með Eyjaskipum um
Skagafjörð. Um kvöldið verður grill-
að við höfnina og hljómsveitin Six-
ties stendur fyrir bryggjuballi.
Murneyrarmótið Um helgina verð-
ur haldið hið árlega hestaþing
Sleipnis og Smára í Árnessýslu.
Mótið fer fram laugardag og sunnu-
dag á Murneyri. Að vanda verða
gæðingakeppni og kappreiðar og á
laugardagskvöldið verður töltkeppni
o.fl. Á Murneyri er aðstaða fyrir
tjöld og hjólhýsi.
Á MORGUN
hve lítið var um leiktæki til dægra-
dvalar. Hún heillaðist þó að því hve
börnin voru lífsglöð og dugleg að leika
sér og hét því við heimkomuna að
stuðla að söfnun fyrir börnin í at-
hvarfinu m.a. íþróttaleiktækja og
annarra hluta sem efla hreyfiþroska
barna.
Valý, sem er starfsmaður Ævin-
týralands, og vinkona hennar, Ellen
Margrethe Jensdóttir, hafa fengið að-
stöðu til söfnunar í Ævintýralandinu.
Þar eru hægt að nálgast þær stöllur
ÞESSA dagana stendur yfir söfnun-
arátak í Kringlunni Ævintýralandi til
stuðnings börnum í Gvatemala. Safna
á tækjum og tólum til íþróttaiðkana
sem síðan verða send skólabörnum í
Gvatemalaborg. Kveikjan að söfnun
þessari er að Valý Þórsteinsdóttir
dvaldi um hríð við sjálfboðastörf í
skólaathvarfi barna í Gvatemalaborg
sem bjuggu við sára fátækt. Heimili
þeirra og aðal leiksvæði var við rusla-
hauga höfuðborgarinnar. Valý sárn-
aði hvernig búið var að börnunum og
og aðrar upplýsingar um söfnunar-
átakið. Börn og fullorðnir eru hvattir
til að koma í Ævintýraland með
íþróttadót sem gæti glatt fátæku
börnin í athvarfinu hennar Valýjar.
Það sem er sérstaklega verið að sækj-
ast eftir eru t.d. hjólabretti, boltar,
badmintonspaðar, sippubönd, „frisbí-
diskar“, hjálmar og hlífar af öllu tagi
og allt það sem stuðlar að eflingu
hreyfiþroska barna.
Söfnunin stendur fram yfir versl-
unarmannahelgina.
Söfnun til stuðnings
börnum í Gvatemala
Handtekinn í Norðurfirði
Í frétt blaðsins í gær um handtöku
á manni sem hefur verið eftirlýstur af
lögreglunni í Keflavík var ranglega
sagt að handtakan hafi átt sér stað í
Norðfirði. Hið rétta er að maðurinn
var handtekinn í Norðurfirði. Leið-
réttist þetta hér með.
Rangt nafn
Rangt er farið með nöfn þeirra sem
stjórna rannsóknum við Haukadals-
vatn, en frétt um þær birtist í Morg-
unblaðinu í gær. Það eru Áslaug
Geirsdóttir prófessor í jarðfræði við
Háskóla Íslands og Grifford Miller
frá Háskólanum í Colorado sem
stjórna rannsóknunum. Hrafnhildur
Hannesdóttir sem minnst er á í grein-
inni er nemandi Áslaugar.
LEIÐRÉTTING