Morgunblaðið - 29.07.2003, Blaðsíða 13
ÚR VERINU
MORGUNBLAÐIÐ ÞRIÐJUDAGUR 29. JÚLÍ 2003 13
GREININGARDEILD Íslands-
banka telur markaðsvirði Samherja
vanmetið á hlutabréfamarkaðnum og
ráðleggur kaup. Gengi hlutabréfa í
Samherja er í greiningunni 8,85 og
markaðsvirði félagsins samkvæmt
því 14.691 milljón króna. Greining-
ardeildin metur markaðsvirði Sam-
herja um á 15.770 milljónir króna og
er verðmatsgengið því 9,50. Reyndar
var síðasta viðskiptaverð í Samherja
9,1.
Greiningardeildin telur það já-
kvætt í rekstri félagsins að aflaheim-
ildir hafa verið auknar og gott ástand
er á Íslandsmiðum. Áhættu sé dreift í
rekstrinum og áherzla sé á breiðan
rekstur. Fjárhagsstaða félagsins sé
mjög sterk, mikil áherzla sé lögð á
dreifingu, markaðs- og sölumál, um-
fangsmiklar fjárfestingar í skipastól
séu um garð gengnar og vaxandi
áherzla sé á upplýsingagjöf til mark-
aðsins. Neikvæðu hliðarnar telur
bankinn að séu horfur á sterkri krónu
næstu ár, löggjöf dragi úr mögu-
leikum á stækkun innan lands og við-
varandi sé pólitísk óvissa um stjórn-
un fiskveiða, hægur vöxtur
efnahagslífs í helztu markaðs-
löndunum og mikil áhætta tengd fisk-
eldi.
Greiningardeildin spáir því að
rekstrartekjur aukist á næstu árum
og fari úr tæpum 12 milljörðum
króna á þessu ári í 18,4 milljarða árið
2012. Sömu sögu er að segja um
hagnaðinn. Gert er ráð fyrir 972
milljóna króna hagnaði í ár eftir
skatta og fjármagnsliði og að hann
verði orðinn 2,3 milljarðar árið 2012.
Í greiningunni er fjallað um alla
helztu þætti rekstrarins en um horf-
ur í fiskeldinu segir meðal annars
svo:
Veruleg undirbúningsvinna
Ekki verður sagt annað en að Sam-
herji hafi lagt í verulega undirbún-
ingsvinnu áður en ráðist var í fjár-
festingar í fiskeldi. Miðað við
núverandi verð á eldislaxi í heiminum
má vænta þess að afkoman yrði í
járnum. Félagið telur sig geta fram-
leitt lax með a.m.k. jafnhagkvæmum
hætti hér á landi og gert er í Noregi
og raunhæft er að ná fram meiri eða
sömu hagræðingu og í Noregi og ná
framleiðslukostnaði til framtíðar
undir núverandi heimsmarkaðsverði
eða niður í kringum 12 NOK/kg. Í
þessu sambandi telur Samherji að
hagur felist í því að félagið er þátttak-
andi nær alls staðar í framleiðslu, fóð-
ur- og söluferlinu. Eftir þessa kreppu
munu væntanlega standa eftir stærri
fyrirtæki sem náð hafa bestum ár-
angri í kostnaðaraðhaldi. Framundan
kann þá að vera tímabil þar sem fisk-
eldisfyrirtæki munu leggja minna
kapp á öran vöxt heldur fremur
kostnað, gæði og markaðsmál.
Að mati Greiningar ÍSB er mikil
áhætta fólgin í uppbyggingu félags-
ins á sviði fiskeldis. Þróun af-
urðaverðs er óvissu háð og framtíð-
arspár sérfræðinga hafa hingað til
reynst brokkgengar.“
Morgunblaðið/Hjörtur Gíslason
Seiðum dælt í sjókvíar Sæsilfurs í Mjóafirði.
Telur markaðsvirði
Samherja vanmetið
ESKJA hf., sem áður hét Hraðfrysti-
hús Eskifjarðar, seldi í gær hluta-
bréf í Tanga hf. á Vopnafirði að nafn-
virði 107,5 milljónir króna eða 12,2%
hlutafjár. Söluverð var 2,09 en kaup-
andinn er óstofnað einkahlutafélag
sem er í jafnri eigu Tanga hf., Vopna-
fjarðarhrepps og Bíla og véla ehf.
Eftir söluna á Eskja 35,3% hlutafjár
í Tanga.
Jafnframt var samið um valrétt
Eskju til að selja sama kaupanda
24,4% eignarhlut til viðbótar í Tanga
á sama verði, auk 2,95% af Skeljungi,
á tímabilinu 25. ágúst til 15. septem-
ber.
Verði sá valréttur nýttur fer eign-
arhlutur Eskju í Tanga niður í 10,9%.
Kaupir kvóta af Tanga
Í gær sömdu Eskja og Tangi um
að kaup Eskju á 0,67% loðnukvóta af
Tanga og flyst hann þá frá Vopna-
firði til Eskifjarðar. Kaupverðið er
201 milljón króna og fékk Eskja val-
rétt til að greiða þá upphæð með
peningum eða með 10,9% eignarhlut
í Tanga.
Nýti Eskja sölurétt sinn á 24,4%
eignarhlutnum og greiði fyrir kvót-
ann með 10,9% hlutnum, verður
eignarhlutur Eskju að engu orðinn í
byrjun nóvember nk. Félagið eign-
aðist hlut sinn allan í Tanga í sept-
ember í fyrra þegar það keypti hluti
af dánarbúi Jóns Guðmundssonar og
nokkrum aðilum honum tengdum.
Eftir að hluturinn var keyptur í
Tanga keypti Eskja félögin Hóp og
Strýthól frá Grindavík. Að sögn Elf-
ars Aðalsteinssonar, forstjóra
Eskju, verður rekstur og aflaheim-
ildir þessara félaga fluttur til Eski-
fjarðar á næstunni en hann segir
kaupin hafa verið nokkuð fjármagns-
frek. Þetta hafi meðal annars ýtt
undir þá ákvörðun að ganga að til-
boði Vopnfirðinga í hlutabréfin í
Tanga.
Nauðsyn að heimamenn stjórni
Ólafur Kr. Ármannsson, stjórnar-
formaður Tanga og framkvæmda-
stjóri Bíla og véla, segir að ástæða
kaupanna sé einfaldlega sú að heima-
menn vilji halda um stjórnvölinn í
fyrirtækinu. Þeir telji það nauðsyn-
legt miðað við aðstæður í nágranna-
bæjum Vopnafjarðar. Reiknað er
með að aðrir fjárfestar komi að fé-
laginu en Ólafur vildi ekki tjá um það
frekar að svo stöddu.
Eskja selur
12,2% í Tanga
Réttur til sölu á 24,4% til viðbótar og
að greiða fyrir kvótakaup með 10,9%