Morgunblaðið - 29.07.2003, Blaðsíða 31
MINNINGAR
MORGUNBLAÐIÐ ÞRIÐJUDAGUR 29. JÚLÍ 2003 31
faðma og þóttu þetta nokkuð innileg-
ar kveðjur þar sem við værum að hitt-
ast eftir þrjá daga.
Ég er þakklátur fyrir faðmlagið og
finn það enn.
Kynni okkar Ólafs og vinátta á sér
fjögurra áratuga sögu sem ekki er
ætlun að rekja hér í smáatriðum, en
þakka honum samstarf og samfylgd
með því að rifja upp nokkra áfanga á
þessari leið.
Þegar ég kom heim að námi og
starfi loknu í Kaupmannahöfn árið
1963 var Ólafur starfsmaður Arki-
tektafélagsins og Byggingarþjónustu
arkitekta. Ég hóf snemma störf í
stjórn og nefndum félagsins og þar
lágu leiðir okkar saman sem ekki hafa
skilið síðan. Glaðbeittur, lipur og fal-
legur drengur sem síðan hefur verið
drengurinn í mínum huga – drengur
góður.
Ólafur gerði sér sennilega betur
grein fyrir því en við hinir, nokkuð
sjálfumglaðir, að arkitektar eru einn
aðili af mörgum í samstarfi stétta sem
koma að byggingar- og skipulagsmál-
um.
NBD – Norrænn byggingardagur
– eru norræn samtök aðila sem tengj-
ast byggingarmálum og skipulags-
málum og hafa starfað frá árinu 1927.
Samtökin stóðu fyrir ráðstefnu á
þriggja ára fresti í löndunum til skipt-
is en var í fyrsta sinn haldin hér á
landi 1968. Ólafur var framkvæmda-
stjóri ráðstefnunnar sem var stærsta
ráðstefna sem hér hafði verið haldin
með um 1.000 þáttakendum og tókst
mjög vel. Næst var haldin NBD ráð-
stefna hér árið 1983 sem Ólafur stýrði
einnig af myndugleik og lipurð.
Ólafur hefur verið ritari stjórnar
NBD síðan á ráðstefnunni 1968 og
var því með í undirbúningi ráðstefn-
unnar hér í Reykjavík haustið 1999
sem var síðasta ráðstefna í Reykjavík
á tuttugustu öldinni. Nú síðustu tvö
árin var Ólafur í forystu með stjórn
NBD við undirbúning ráðstefnu sem
halda á hér í borginni haustið 2005 um
Heilsuborgina og gæði borgar. Þar er
nú skarð fyrir skildi.
Sumarhús þeirra hjóna í landi Eyr-
ar í Kjós hefur verið þeim og fjöl-
skyldunni dýrmætt en einnig sam-
komustaður vina, ættingja og fulltrúa
stjórna NBD á Norðurlöndum um
árabil og eru oft rifjaðar upp gleði-
stundir frá þessum unaðsreit. – „Eitt
orð af viti!“
Uppgræðslan og skógræktin í landi
þeirra fram á fjörukamb og í safamýri
hefur vakið athygli og aðdáun ekki
einungis vinafólks og gesta heldur og
fagmanna um skógrækt og fylgjast
þeir með framvindu þessa undra
reits. Trén vaxa þótt við sofum.
Fyrir hönd núverandi stjórnar
NBD á Íslandi og allra þeirra sem
hann starfaði með í NBD bæði hér á
landi og á öðrum Norðurlöndum eru
Ólafi færðar þakkir með söknuði og
Maríu og börnunum hughreystandi
samúðarkveðjur.
Við hjónin biðjum Maríu og börn-
unum guðs blessunar.
Við söknum öll drengsins góða.
Þorvaldur S. Þorvaldsson.
Það er skammt stórra högga á milli
í félagahóp Kiwanisklúbbsins Esju.
Með stuttu millibili höfum við séð á
bak tveim félögum yfir móðuna
miklu. Nú er það Ólafur Jensson,
fyrsti forseti klúbbsins og heiðurs-
félagi, sem við kveðjum.
Þegar klúbburinn var stofnaður ár-
ið 1970 varð Ólafur þess heiðurs að-
njótandi að verða fyrsti forseti hans
og gegndi hann því embætti með
stakri prýði eins og öllu öðru sem
hann tók sér fyrir hendur.
Ólafur gegndi ótal trúnaðarstörf-
um fyrir Kiwanishreyfinguna, var t.d.
umdæmisritari 1971 – 1972, svæðis-
stjóri Þórssvæðis 1972 – 1973 og síð-
ast en ekki síst umdæmisstjóri 1977 –
1978.
Það má með réttu segja að það var
fyrir tilverknað Kiwanisklúbbsins
Esju sem Ólafur tók að sér að gegna
því starfi sem kannski átti hug hans
allan seinni árin en það var starf fyrir
Íþróttasamband fatlaðra. Þar var
hann stjórnarmaður og seinna for-
maður til fjölda ára. Það var á þeim
vettvangi sem undirritaður kynntist
honum fyrst og vill þakka þau kynni.
Ólafur var virkur klúbbfélagi svo
lengi sem heilsa hans leyfði en árið
2000 gerðum við hann að fyrsta heið-
ursfélaga klúbbsins og vildum með
því þakka honum fyrir allt það mikla
starf sem hann hafði lagt á sig fyrir
klúbbinn og Kiwanishreyfinguna sem
heild.
Við Esjufélagar viljum þakka þá
vináttu sem hann sýndi okkur og
klúbbnum alla tíð og megi allar góðar
vættir styrkja vini og ættingja í sorg
þeirra.
F. h. Kiwaniskúbbsins Esju.
Jón Eiríksson, forseti.
Ótímabært andlát Ólafs Jenssonar,
sem var félagi í Styrktar- og sjúkra-
sjóði verslunarmanna í Reykjavík,
kom okkur félögum hans sem öðrum í
opna skjöldu.
Styrktar- og sjúkrasjóður verslun-
armanna í Reykjavík var stofnaður
24. nóvember 1867 af kaupmönnum
og faktorum í Reykjavík, Hafnarfirði
og Suðurnesjum. Sjóðurinn var stofn-
aður til að styðja fátækar ekkjur og
efnalitla starfsmenn.
Fyrir hart nær 40 árum átti að
leggja sjóðinn niður, en fyrir áræði og
framsýni náðist menningarsöguleg
björgun sjóðsins, sem er í dag einn
hinn elsti starfandi á landinu.
Ólafur var 17. formaður félagsins
og leiddi stjórn þess í 13 ár. Í stjórn-
artíð hans hafa áherslur sjóðsins
breyst nokkuð, þannig að undanfarið
á fimm ára fresti hefur verið staðið að
öflugum stuðningi við stofnanir og
þannig nýst þeim landsmönnum til
góðs sem þangað hafa þurft að leita.
Má þar nefna laser-skurðtæki til
Landsspítalans – háskólasjúkrahúss
og öflugan tölvubúnað til endurhæf-
ingardeildar á Reykjalundi.
Þessu hefur verið áorkað undir
„fjarstýringu“ Ólafs og óeigingjörnu
og útsjónarsömu starfi starfshópa eða
„akademíu“ sem hefur verið tilkvödd
hverju sinni.
Það var gott að vinna með Ólafi,
hann lagði málefni vel fram, jafnan
vel hugsuð, lundgóður og stutt í
spaugsyrði og það sem mikilvægt er
fyrir svona lítt áberandi félag, vina-
margur en þó vandlátur í vinavali.
En Ólafur hugsaði ekki einvörð-
ungu um gróanda mannlífsins og eitt
af áhugamálum hans var ræktun og
uppbygging sumarbústaðarlands síns
við Hvalfjörðinn, sunnan megin. Við
samstjórnarmenn Ólafs eigum góða
minningu frá þeim sælureit sem Ólaf-
ur og María hafa með alúð og nostri
byggt upp nánast á fjörukambinum.
Eiginkonu hans, Maríu, börnum
þeirra og ættingjum sendum við ein-
lægar samúðarkveðjur.
Stjórn Styrktar- og
sjúkrasjóðs verslunarmanna
í Reykjavík.
Elsku Óli.
Við kveðjum þig með söknuð í
hjarta en munum varðveita minn-
inguna um þig að eilífu.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfin úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir.)
Við vottum Möllu og fjölskyldu
okkar dýpstu samúð.
Guð geymi þig, elsku Óli okkar,
þínar vinkonur,
Margrét, Marta og María.
Fleiri minningargreinar um Ólaf
Jensson bíða birtingar og munu
birtast í blaðinu næstu daga.
Sími 562 0200
Erfisdrykkjur
Lundi V/Nýbýlaveg
564 4566 • www.solsteinar.is
Kæri maðurinn minn, faðir okkar, tengdafaðir
og afi,
ÁSTRÁÐUR JÓN SIGURSTEINDÓRSSON
fyrrum skólastjóri,
verður jarðsunginn frá Seljakirkju fimmtu-
daginn 31. júlí kl. 13.30.
Þeim, sem vilja minnast hans, er bent á að láta
starf KFUM njóta þess.
Ingibjörg H. Jóelsdóttir,
Valgeir Ástráðsson, Emilía B. Möller,
Sigurður Ástráðsson, Guðný Bjarnadóttir,
Herdís Ástráðsdóttir, Þorvaldur Sigurðsson,
barnabörn og langafabörn.
Ástkær eiginkona mín, móðir okkar, tengda-
móðir, amma og langamma,
MARÍA GUÐMUNDSDÓTTIR,
Árskógum 8,
Reykjavík,
sem lést á Landspítalanum við Hringbraut
mánudaginn 21. júlí, verður jarðsungin frá
Seljakirkju miðvikudaginn 30. júlí kl. 13.30.
Haraldur Jónsson,
Jón Haraldsson, Þóra Björgvinsdóttir,
Gunnar Haraldsson, Stella Benediktsdóttir,
Stefán Haraldsson, Fanney Ólafsdóttir,
barnabörn og barnabarnabörn.
Ástkær eiginmaður minn, faðir okkar, tengda-
faðir, afi og langafi,
BJÖRGVIN GUÐMUNDUR JÓHANNESSON,
Ægisíðu 125,
Reykjavík,
lést föstudaginn 25. júlí.
Magnea Kristín Hjartardóttir,
Jónína H. Björgvinsdóttir,
Ólafur Björgvinsson Ragnheiður Ragnarsdóttir,
Haraldur Björgvinsson, Sonja Gestsdóttir,
Logi Björgvinsson, Margrét Gústafsdóttir,
barnbörn og barnabarnabörn.
Ástkær eiginmaður minn, faðir okkar, tengda-
faðir og afi,
KRISTJÁN PÉTUR INGIMUNDARSON
blikksmíðameistari,
Suðurtúni 29,
Bessastaðahreppi,
lést á líknardeild Landspítalans í Kópavogi
laugardaginn 26. júlí síðastliðinn.
Jóhanna Margrét Axelsdóttir,
Sævar Kristjánsson, Sigurbjörg Vilmundardóttir,
Jónína Kristjánsdóttir, Úlfar Albertsson,
Pétur Kristjánsson, Inga Rós Skúladóttir,
Guðmunda Kristjánsdóttir, Sigurður Már Andrésson
og barnabörn.
Ástkær eiginkona mín, móðir okkar, tengda-
móðir, amma og langamma,
ELÍNBORG SIGURÐSSON,
Ljósvallagötu 10,
lést á hjúkrunarheimilinu Sóltúni sunnudaginn
27. júlí.
Gunnar Sigurðsson,
Borghildur Aðils, Jón Aðils,
Gunnhildur Gunnarsdóttir,
Jakob Gunnarsson, Þuríður Árnadóttir,
barnabörn og barnabarnabörn.
Ástkær móðir okkar, tengdamóðir og amma,
KJELLFRID EINARSSON,
síðast til heimilis
á Kirkjuvegi 5, Keflavík
lést á Sjúkrahúsi Keflavíkur föstudaginn 25. júlí.
Jarðarförin auglýst síðar.
Aðalsteinn Aðalsteinsson, Indíana Sigurðardóttir,
Rósmary Aðalsteinsdóttir,
Guðrún Kari Aðalsteinsdóttir, Björn Viðar Unnsteinsson
og ömmubörnin.
Móðir okkar,
SIGRÍÐUR ÓLAFSDÓTTIR McKENZIE,
er látin.
Jarðarförin hefur farið fram í kyrrþey í Caterham, Surrey í Englandi.
Rosalind Dearlove,
Donald McKenzie,
Andrew McKenzie.
Elskulegur faðir okkar, tengdafaðir, afi og lang-
afi,
GUÐMUNDUR S. KRISTJÁNSSON,
Garðvangi,
Garði,
áður til heimilis
á Reykjanesvegi 8, Ytri-Njarðvík,
er látinn.
Jarðarförin fer fram frá Ytri-Njarðvíkurkirkju fimmtudaginn 31. júlí
kl. 14.00.
Fyrir hönd aðstandenda,
Kristrún Guðmundsdóttir.