Morgunblaðið - 01.09.2003, Page 6

FRÉTTIR
6 MÁNUDAGUR 1. SEPTEMBER 2003 MORGUNBLAÐIÐ
LEIÐBEINENDUM í framhalds-
skólum hefur farið fækkandi á und-
anförnum árum eftir því sem fram
kemur á heimasíðu Kennarasam-
bands Íslands. Leiðbeinendur eru
þeir kennarar sem ekki hafa lokið
prófi í uppeldis- og kennslufræði
þótt í mjög mörgum tilfellum hafi
þeir prófgráðu í þeirri grein sem þeir
kenna.
„Undanþágunefnd framhalds-
skóla samþykkti 256 umsóknir um
undanþágu vegna ráðningar leið-
beinenda skólaárið 2000–2001 og 248
umsóknir skólaárið 2001–2002. Á síð-
asta skólaári voru samþykktar um-
sóknir um undanþágu færri en árið á
undan og horfur eru á að umsóknir
vegna skólaárins sem nú er að hefj-
ast geti orðið allt að fjórðungi færri
en í fyrra,“ segir í fréttinni.
Þar segir einnig að áberandi sé
hversu mikið sé um kennara án
kennsluréttinda í stærðfræði, raun-
greinum og viðskipta- og tölvugrein-
um.
Eiríkur Jónsson, formaður
Kennarasambandsins, segir að leið-
rétting á starfskjörum kennara sé að
skila sér í þessari þróun. Þetta sé
spurning um framboð og eftirspurn
og nú um stundir séu kennslustörf
mun samkeppnishæfari kostur en
fyrir nokkrum árum.
Upplýsingar um fjölda leið-
beinenda í grunnskólum liggja ekki
ljósar fyrir fyrr en eftir nokkrar vik-
ur.
Leiðbein-
endum
fækkar í
framhalds-
skólum
EMBÆTTI ríkissáttasemjara var
auglýst laust til umsóknar í Morg-
unblaðinu í gær. Þórir Einarsson,
núverandi ríkissáttasemjari, lætur
af störfum 1. nóvember vegna ald-
urs. Embættið er veitt til fimm ára.
Í auglýsingunni kemur fram að
lögð er áhersla á forystuhæfileika,
hæfni í mannlegum samskiptum og
að afstaða umsækjanda sé slík að
telja megi hann óvilhallan í málum
launafólks og atvinnurekenda.
Margir kjarasamningar atvinnu-
rekenda og launafólks eru lausir um
næstu áramót og mun því annasamt
ár bíða nýs ríkissáttasemjara.
Umsóknum skal skilað til félags-
málaráðuneytisins og skipar félags-
málaráðherra í stöðuna.
Auglýst eftir
ríkissátta-
semjara
PERSÓNUVERND fer fram á
það við Lyfjastofnun í nýjum úr-
skurði sínum að gagnagrunni
sem inniheldur upplýsingar um
lyfjaneyslu einstaklinga verði
eytt eigi síðar en 1. janúar árið
2005. Telur Persónuvernd að
vinnsla á persónuupplýsingum
um neyslu eftirritunarskyldra
lyfja sé og hafi verið óheimil. Þá
er Lyfjastofnun gert að tryggja
viðhlítandi öryggi við vinnslu
persónuupplýsinga um sölu og
neyslu eftirritunarskyldra lyfja,
eigi síðar en 1. febrúar á næsta
ári.
Ákvörðun Persónuverndar
kemur í kjölfarið á úttekt á per-
sónuvinnslu Lyfjastofnunar sem
hófst haustið 2001. Ákvörðunin
lýtur einnig að lögmæti vinnslu
Lyfjastofnunar á persónuupp-
lýsingum um lyfjaneyslu og
skráningu þeirra í gagnagrunn.
Tilefni þess máls er m.a. atvik
sem átti sér stað í maí árið 2002
þegar listi yfir lyfjaávísanir
vegna margs konar lyfja, sem
Lyfjastofnun hafði kallað eftir,
var símsendur frá Lyfju í Lág-
múla fyrir mistök til óviðkom-
andi aðila. Á þessum lista voru
ítarlegar persónuupplýsingar,
m.a. um tilteknar lyfjaávísanir
nafngreinds læknis, bæði á eftir-
ritunarskyld lyf og lyf sem ekki
eru eftirritunarskyld, og hverjir
höfðu fengið hvaða lyf. Bar list-
inn þannig með sér upplýsingar
um lyfjaneyslu stórs hóps
manna. Telur Persónuvernd
ennfremur að Lyfjastofnun hafi
skort heimild til að óska yfirleitt
eftir símsendingu sem þessari.
Viðkvæmar
persónuupplýsingar
Í ákvörðun Persónuverndar
segir að upplýsingar um lyfja-
notkun séu viðkvæmar persónu-
upplýsingar í skilningi laga um
persónuvernd. Fellst Persónu-
vernd ekki á það með Lyfja-
stofnun að eingöngu persónu-
upplýsingar um eftir-
ritunarskyld lyf falli undir
gildissvið laganna. Telur Per-
sónuvernd að öryggisstefna
Lyfjastofnunar sé ekki nógu ít-
arleg og fullnægi ekki þeim
kröfum sem gera verði til slíks
skjals. Þá telur Persónuvernd
að eldra áhættumat Lyfjastofn-
unar hafi ekki verið fullnægj-
andi.
„Þar sem öryggisráðstafanir
hafa samkvæmt þessu ekki verið
skráðar á grundvelli fullnægj-
andi áhættumats, og þar sem
ekki liggur fyrir að þær hafi
verið endurskoðaðar í kjölfar
hins nýja áhættumats, telur
Persónuvernd að endurmeta
verði öryggisráðstafanir og skrá
þær að nýju þannig að þær
mæti þeim hættum sem greind-
ar hafa verið,“ segir m.a. í úr-
skurði Persónuverndar, sem
nálgast má á vefsíðu stofnunar-
innar.
Vinnsla óheimil á neyslu eftirritunar-
skyldra lyfja að mati Persónuverndar
Lyfjastofnun eyði
gagnagrunni um
um lyfjaneyslu
ARI og Jóhannes Páll Gunnarssynir
voru fljótir að synda Viðeyjarsund
á laugardaginn og komu að landi í
smábátahöfnina við Ægisgarð fyrr
en ætlað var. Syntu þeir þessa rúma
fjóra km á 67 mínútum. Með sund-
inu vildu þeir minnast bróður síns
sem féll fyrir eigin hendi í fyrra og
um leið safna áheitum til styrktar
Geðhjálp.
Jóhannes segir að síðustu tíu
mínúturnar hafi verið verstar. Þá
hafi kuldinn náð inn að beini og
þeir varla vitað hvað sneri fram og
hvað aftur. Bátur fylgdi þeim eftir
með lækni innanborðs og var þeim
skipað í snarheitum í heita sturtu
þegar komið var í land.
Margt fólk tók á móti þeim í landi
og segir Jóhannes leiðinlegt að
hafa ekki getað þakkað því fyrir
stuðninginn. Þeir hafi báðir verið
mjög kaldir og þreyttir að sundi
loknu.
Bræðurnir vilja vekja athygli á
alvarleika þunglyndis og eru for-
varnir mikilvægur þáttur í starfi
geðhjálpar. Í undirbúningi er út-
gáfa kynningarbæklings, sem
dreift verður í alla framhaldsskóla,
þar sem heldstu einkennum þung-
lyndis verður lýst og tekið fram
hvert er hægt að leita eftir aðstoð.
Ætlunin er að vekja ungt fólk til
vitundar um að þunglyndi er sjúk-
dómur sem hægt er að lækna.
Enn hægt að styðja verkefnið
Jóhannes segir að ekki liggi enn
fyrir hve mikið af áheitum safn-
aðist vegna sundsins. Það komi í
ljós í vikunni. Enn er hægt að
leggja sitt af mörkum með því að
hringja í símanúmerið 907 2070 og
skuldfærist þá sjálfvirkt þúsund
krónur af símreikningnum til
styrktar Geðhjálp. Frjáls framlög
er hægt að leggja beint inn á reikn-
ing Geðhjálpar í Búnaðarbank-
anum á reikning nr. 0313-26-
123456, kt. 531180-0469.
Jóhannes segir þá bræður ætla
að láta þetta gott heita í bili. „Mað-
ur á aldrei að segja aldrei. Það get-
ur vel verið að við tökum upp á ein-
hverju öðru.“
Ari og Jóhannes Páll Gunnarssynir voru 67 mínútur að synda úr Viðey.
Kaldir og þreyttir
að sundi loknu
PÉTUR Gunn-
arsson hefur ver-
ið ráðinn skrif-
stofustjóri
þingflokks
framsóknar-
manna og for-
stöðumaður
kynningarmála.
Pétur tekur við af
Birni Inga
Hrafnssyni, sem hefur verið ráðinn
aðstoðarmaður Halldórs Ásgríms-
sonar utanríkisráðherra.
Pétur Gunnarsson hefur undan-
farið starfað að almannatengslum og
kynningarmálum og hefur unnið að
verkefnum á því sviði fyrir
Framsóknarflokkinn frá því í vet-
ur. Áður starfaði hann um 15 ára
skeið við blaða- og fréttamennsku.
Pétur tekur til starfa í dag, 1. sept-
ember.
Nýr skrifstofu-
stjóri þing-
flokks fram-
sóknarmanna
Pétur Gunnarsson
ÞRJÁTÍU og sjö franskir koníaksbændur heimsóttu
áfengisframleiðslu Ölgerðarinnar Egils Skallagríms-
sonar í Borgarnesi í gær. Þeir höfðu ferðast um land-
ið á viku og voru á suðurleið. Kristmar Ólafsson,
framkvæmdastjóri og eigandi Víngerðarinnar ehf.
sem er verktaki framleiðslunnar, tók á móti gest-
unum. Hann sýndi þeim verksmiðjuna og sagði frá
framleiðslunni. Helga Þórsdóttir fararstjóri túlkaði
jafnóðum.
Kristmar lét þess getið að allt að 75% af fram-
leiðslunni væru framleidd til útflutnings. Fram-
leiðslan hefur aukist um 50–60% á milli ára. Alls eru
framleiddar 15 vörutegundir en þekktust eru vöru-
merkin Íslenskt brennivín, Eldur ís, Tindavodki og
Jöklakrap auk Pölstar-vodka sem verksmiðjan fram-
leiðir fyrir William Grants, viskíframleiðanda í Skot-
landi. Pölstar-vodkinn selst vel því viðskiptavinir
velja íslenskan Pölstar-vodka vegna þess að þeir
tengja hann við hreinleika, náttúrufegurð og langa
hefð fyrir vodkaneyslu.
Svarti liturinn tákn um gæði
Gestirnir voru áhugasamir og spurðu margs, bæði
um framleiðsluna og íslenska vínmenningu. Sér-
staklega sýndu þeir Íslenska brennivíninu áhuga og
sagði Kristmar þeim frá tilraunum bindindismanna til
að hafa brennivínsflöskur fráhrindandi með því að
hafa svartan miða á þeim. Það hefði hins vegar snúist
upp í andhverfu sína því að nú stæði svarti liturinn
sem tákn um gæði brennivínsins. Það vakti undrun
og kátínu meðal frönsku gestanna að heyra að Ís-
lendingar hefðu ekki fengið að framleiða, kaupa og
drekka eigin bjór fyrr en 1. mars 1989.
Gestunum var að lokum boðið að smakka fram-
leiðsluna og var ekki annað að sjá en að þeir kynnu
vel að meta veigarnar.
Koníaksbændur í Borgarnesi
Morgunblaðið/Guðrún Vala
Kristmar Ólafsson segir frá Íslenska brennivíninu.
ÍSLENSKT fyrirtæki hefur verið
að þróa hugbúnað til að auka
áreiðanleika sætabókana hjá flug-
félögum. Fyrirtækið er að auka
starfsemi sína vegna þess að verið
er að ljúka samningum um sölu á
hugbúnaðinum til fleiri flugfélaga.
Fyrirtækið Calidris ehf. og for-
veri þess hefur unnið að þróun
hugbúnaðarins síðustu fjögur ár,
aðallega í samvinnu við finnska
flugfélagið Finnair. Búnaðurinn er
einnig í notkun hjá Icelandair.
Bókanirnar fara í gagnagrunn þar
sem þær eru bornar saman til þess
að starfsfólkið geti betur áttað sig
á því hvort líkur séu á tvíbókunum
eða gervibókunum. Tilgangurinn
er að flugfélagið geti selt sætið
sem fyrst aftur og aukið tekjur
sínar með því.
Að sögn Örnu Harðardóttur
framkvæmdastjóra hefur sam-
starfið við Finnair gengið vel og
það leitt til þess að búið er að
bæta miklu við hugbúnaðinn. Nú
segir hún útlit fyrir aukin verkefni
meðal annars vegna nýrra við-
skiptavina. Segir hún að samn-
ingaviðræður standi yfir um sölu á
hugbúnaðinum til þriggja annarra
flugfélaga og séu tvær þeirra á
lokastigi. Meðal annars vegna þess
hefur verið ákveðið að fjölga
starfsfólkinu sem nú er fjórtán
manns. Auglýst hefur verið eftir
markaðsfulltrúa og tveimur forrit-
urum en Arna segir alveg eins lík-
legt að ráðnir verði fimm nýir
starfsmenn.
Þróa hugbúnað
fyrir flugfélög
Útlit fyrir
aukin
verkefni
♦ ♦ ♦
♦ ♦ ♦