Morgunblaðið - 16.09.2003, Blaðsíða 18

Það var suðræn stemmning í Neskaupstað þegar krakkar og fullorðnir
flykktust að hringjandi ísbílnum í aftansólinni.
Morgunblaðið/Kristín Blöndal
ÞAÐ var óneitanlega stemmning
þegar ísbíll ók um götur Neskaup-
staðar um helgina, hringjandi
bjöllum. Ungir sem aldnir flykkt-
ust að bílnum enda ekki algengt að
slíkir bílar aki um götur Neskaup-
staðar, bjóðandi íspinna og klaka
til sölu.
Ísbíllinn er í kynningarferð um
Austurland þessa dagana, en fyr-
irhugað er að halda úti reglulegum
íssöluferðum næsta sumar.
Ísbíllinn klingir bjöllum
Neskaupstaður
AUSTURLAND
18 ÞRIÐJUDAGUR 16. SEPTEMBER 2003 MORGUNBLAÐIÐ
UNDANFARNAR vikur hafa staðið
yfir tilraunaboranir á Eskifirði
vegna vinnsluholu fyrir heitt vatn.
Rannsóknir hafa miðað að því að
staðsetja legu jarðhitasprungu norð-
an Eskifjarðarár, þannig að unnt sé
að hitta í sprunguna þar á um eitt
þúsund metra dýpi.
Samkvæmt upplýsingum á heima-
síðu Fjarðabyggðar bendir allt til að
svæðið norðan ár sé síst kaldara en
sunnan við ána, þar sem fengust um
15 sekúndulítrar af 80 gráðu heitu
vatni síðasta haust. Vonast er til að
ný hola skili svipuðum árangri.
Búist er við að vinna við plangerð
og holutopp hefjist á næstu dögum,
jafnhliða flutningi borsins Sleipnis til
Eskifjarðar.
Umsjón með jarðhitarannsóknun-
um annast Ómar Bjarki Smárason
hjá jarðfræðistofunni Stapa.
Tilrauna-
boranir á
Eskifirði
Eskifjörður
HAUSTÞING Kennarasambands
Austurlands var haldið á Djúpavogi
dagana 11.-12. september.
Kennarar úr öllum grunnskólum á
Austurlandi fjölmenntu á þingið sem
hófst með aðalfundi KSA. Þar kynnti
Finnbogi Sigurðsson, formaður Fé-
lags grunnskólakennara, niðurstöð-
ur könnunar sem lögð var fyrir
kennara í maí um núverandi kjara-
samninga.
Daginn eftir var þingið svo form-
lega sett með kynningu á samstarfs-
verkefnum kennara á Austurlandi.
Þar var m.a. kynnt skólaþróunar-
verkefnið „Lesið í skóginn með skól-
anum“ sem Hallormsstaðaskóli tek-
ur þátt í og er unnið í samvinnu við
Skógrækt ríkisins og Kennarahá-
skóla Íslands. Fulltrúar frá Hall-
ormsstaðaskóla sögðu einnig frá
Comeníusar-verkefni sem kallast
„The Tree“.
Námsgagnastofnun hafði kynn-
ingu á nýju lífsleikninámsefni um
slys og slysavarnir og fulltrúi frá
Heppuskóla á Hornafirði kynnti
Olweusar-verkefni gegn einelti í
skólum. Eftir hádegi fóru kennarar á
fræðslufundi og námskeið og unnu í
ýmsum faghópum. Árshátíð KSA
var svo haldin á Hótel Framtíð og
þar tóku kennarar forskot á stjörnu-
leitina sem senn hefst á Stöð tvö og
var greinilegt að í stéttinni leynast
margar söngstjörnur. Gistimet var
slegið á Hótel Framtíð en þar gistu
107 manns í 34 herbergjum. Þingið
þótti takast í alla staði vel og fóru
kennarar sáttir heim.
Haustþing
Kennara-
sambandsins
Djúpivogur
SÝSLUMAÐURINN á Seyðisfirði
hefur farið fram á 30 milljóna króna
aukafjárveitingu til embættisins á
næsta ári.Embættið er þegar komið
sex milljónir fram úr fjárveitingu
þessa árs vegna mjög aukinna anna
löggæslumanna á svæðinu og þykir
sýnt að álag á embættið aukist til
muna, ekki síst vegna umsvifa í
virkjun og stóriðju næstu árin.
Láru Guðmundsson sýslumaður
segir að beðið sé um aukafjárveit-
inguna vegna ráðningar þriggja lög-
regluþjóna til viðbótar við þá sem
fyrir eru, þar af eins í stöðu yfirlög-
regluþjóns. Einnig þurfi að festa
kaup á nýjum lögreglubifreiðum.
Sýslumað-
urinn vill
bæta við
mannskap
Seyðisfjörður
LAGNING slitlags á Fljótsdalsheiðar-
og Kárahnjúkaveg gengur vel. Fyrir
helgina voru aðeins um 12 km eftir, 8,5
km á heiðinni og 3,5 km í fjallinu.
Á heimasíðu Kárahnjúkavirkjunar
kemur fram að búist er við að verkinu
ljúki að mestu í mánuðinum. Byrjað
var að leggja bundið slitlag á Fljóts-
dalsheiðar- og Kárahnjúkaveg um
miðjan júlí sl. og hefur verkið tafist
nokkuð.
Slitlag við
Kárahnjúka
Kárahnjúkavirkjun
REKIÐ var í Melarétt í Fljótsdal á
sunnudag. Fjöldi manns var í rétt-
um og mikið af börnum, enda hafði
Foreldrafélag leikskólans Tjarn-
arlands á Egilsstöðum efnt til hóp-
ferðar svo litlu krílin gætu upplifað
réttarstemmninguna ósvikna.
Rétt um það bil sem féð, eitthvað
um þúsund talsins, rann niður að
réttinni byrjaði að haugrigna og
rauk upp þykk gufa af fénu þar sem
það ólmaðist fram og til baka, svo
reiðmenn og gangandi máttu hafa
sig alla við að koma því í almenn-
inginn. Hékk í uppstyttu meðan féð
var dregið í sundur og mátti sjá
margan fallegan hrútinn og vel
lembda ána dregna í dilka.
Haft var eftir heimamanni í
Fljótsdal að áður fyrr á árunum
hefði vanalega mátt sjá fimm til sjö
þúsund fjár í Melarétt og fyrir svo
sem tveimur mannsöldrum hefði
réttin skartað allt að fimmtán þús-
und fjár á réttardegi.
Morgunblaðið/Steinunn Ásmundsdóttir
Ósvikin réttarstemmning í úrhellinu
Fljótsdalur
♦ ♦ ♦
BÆJARSTJÓRN Seyðisfjarðar
skoðar nú hvernig verja megi
rekstur frystihússins Dvergasteins
á Seyðisfirði. Útgerðarfélag Akur-
eyrar hyggst að óbreyttu hætta
rekstri hússins og selja það eða
leigja. Missa þannig um 45 manns
vinnu ef ekki tekst að afstýra lok-
un.
Kristján L. Möller og Einar Már
Sigurðsson alþingismenn hafa nú
farið fram á það við Valgerði Sverr-
isdóttur, fyrsta þingmann Norð-
austurkjördæmis, að hún boði þing-
menn kjördæmisins til fundar um
þann vanda sem skapast gæti af
lokun Dvergasteins. Þeir segja
áríðandi að þingmennirnir kynni
sér málin hjá fulltrúum bæjar-
stjórnar og forsvarsmönnum at-
vinnumála Seyðisfjarðarkaupstaðar
svo finna megi farsæla lausn.
Þingmenn vilja
fund um vandann
Seyðisfjörður
Lokun frystihússins Dvergasteins
gæti haft alvarlegar afleiðingar
VINKONURNAR Matthildur Ár-
mannsdóttir og Katla Einarsdóttir
héldu á dögunum tombólu við
verslunarhús Kaupfélags Hér-
aðsbúa á Egilsstöðum. Þær ætla
að styrkja SOS Barnaþorpin með
peningunum sem söfnuðust, alls
kr. 4.832.
Vel hugsandi hnátur
Egilsstaðir
Morgunblaðið/Steinunn Ásmundsdóttir
♦ ♦ ♦
HJÁ laxeldisfyrirtækinu Sæsilfri á
Mjóafirði hafa menn barist við mar-
glyttur síðustu dagana.
Marglyttur eru nú áberandi í aust-
firskum fjörðum og geta valdið
skaða ef þær berast inn í eldiskvíar.
Drapst í fyrra þó nokkuð af laxi hjá
Sæsilfri vegna marglyttu.
Guðmundur Valur Stefánsson
framkvæmdastjóri Sæsilfurs segir
ekkert af þeim fjögur þúsund tonn-
um eldislax sem nú eru í kvíum Sæ-
silfurs hafa drepist. Var enda gripið
til þess ráðs að setja einskonar loft-
bólugirðingar framan við kvíarnar,
en loftbólurnar fara inn í marglytt-
urnar og fleyta þeim upp á yfirborðið
þar sem þær valda ekki vandræðum.
Laxeldismenn
berjast við
marglyttur
Mjóifjörður
EKKERT lát er á stórflutningum
inn að Kárahnjúkavirkjun. Þessir
trukkar, í bensínstoppi á Egils-
stöðum, báru hvor sína Búkolluna á
baki sér. Var ferðinni heitið inn
Fljótsdal og eftir tiltölulega beinni
og breiðri malbiksbraut að virkj-
unarsvæðinu.
Morgunblaðið/Steinunn Ásmundsdóttir
Með Búkollur á baki
Kárahnjúkavirkjun
♦ ♦ ♦