Morgunblaðið - 16.09.2003, Blaðsíða 40
ÍÞRÓTTIR
40 ÞRIÐJUDAGUR 16. SEPTEMBER 2003 MORGUNBLAÐIÐ
Um Evrópumeistaratitil fé-lagsliða hefur verið barist í 48
ár eða frá haustinu 1955. Þá hófu
sextán lið frá fimmtán löndum út-
sláttarkeppni, sem lauk með því að
spænsku meistararnir Real Madrid
unnu frönsku meistarana Reims,
4:3, í úrslitaleik í París hinn 13.
júní 1956, að viðstöddum 38 þúsund
áhorfendum. Hinn magnaði Al-
fredo Di Stefano, einn snjallasti
knattspyrnumaður sögunnar, var á
meðal markaskorara spænska liðs-
ins.
Skoraði í fimm fyrstu
úrslitaleikjunum
Árið eftir mættu 124 þúsund
áhorfendur á heimavöll Real Madr-
id og horfðu á liðið sigra Fiorentina
frá Ítalíu, 2:0. Spænska stórveldið
var ósigrandi til að byrja með, vann
keppnina fyrstu fimm árin og er
sigursælasta liðið frá upphafi – hef-
ur 9 sinnum orðið Evrópumeistari,
síðast 2002. Alfredo Di Stefano
skoraði í öllum fimm úrslitaleikj-
unum frá 1956 til 1960, þar af
þrennu í 7:3 sigri á Frankfurt frá
Þýskalandi árið 1960 á Hampden
Park í Glasgow. Þar gerði þó annar
snillingur fleiri mörk því Ungverj-
inn Ferenc Puskas sá um að skora
hin fjögur mörkin fyrir Real Madr-
id.
Næst í röðinni kemur núverandi
handhafi titilsins, AC Milan frá
Ítalíu, sem hefur unnið 6 sinnum og
síðan Liverpool frá Englandi, Ajax
frá Hollandi og Bayern München
frá Þýskalandi sem hafa unnið 4
sinnum hvert.
Alls hefur 21 félag frá tíu þjóðum
hlotið sæmdarheitið Evrópumeist-
ari félagsliða og ríflega helmingur
þeirra, ellefu talsins, eru með í
Meistaradeild Evrópu í ár. Spænsk
og ítölsk lið hafa sigrað 10 sinnum
hvort og ensk lið 9 sinnum. Flest
meistaraliðin koma frá Englandi,
fjögur talsins.
Breytt fyrirkomulag í vetur
Fram til ársins 1992 hét keppnin
Evrópukeppni meistaraliða og var
jafnan leikin með hefðbundnu út-
sláttarfyrirkomulagi, frá fyrstu
umferð til úrslitaleiks. Meistara-
deild Evrópu var stofnuð árið 1992.
Þá var fleirum af bestu liðum
sterkustu þjóðanna hleypt inn í
keppnina og tekin upp riðlakeppni
að undankeppni lokinni. Keppnis-
fyrirkomulagið hefur síðan tekið
nokkrum breytingum á þeim ellefu
árum sem síðan eru liðin. Undan-
farin ár hefur verið tvöföld riðla-
keppni, fyrst með 32 liðum og síðan
með 16 liðum, en nú hefur verið
gerð sú breyting að eftir riðla-
keppnina, sem hefst í kvöld og lýk-
ur í desember, tekur við hefðbund-
in útsláttarkeppni þeirra 16 liða
sem þá standa eftir.
Evrópumeistarar AC Milan hefja
titilvörnina á heimavelli í kvöld
gegn fjórföldum Evrópumeisturum
Ajax frá Hollandi og víða um álf-
una eru áhugaverðir leikir á dag-
skrá í kvöld og annað kvöld. Þessi
lið mætast í fyrstu umferðinni.
Leikir í kvöld:
E: Manch. Utd – Panathinaikos
E: Rangers – Stuttgart
F: Partizan Belgrad – Porto
F: Real Madrid – Marseille
G: Besiktas – Lazio
G: Sparta Prag – Chelsea
H: Club Brugge – Celta Vigo
H: AC Milan – Ajax
Leikir annað kvöld:
A: Bayern München – Celtic
A: Lyon – Anderlecht
B: Arsenal – Inter Mílanó
B: Dynamo Kiev –
Lokom.Moskva
C: AEK Aþena –
Dep. La Coruna
C: PSV Eindhoven – Mónakó
D: Juventus – Galatasaray
D: Real Sociedad – Olympiakos
Einn Íslendingur, Eiður Smári
Guðjohnsen, á möguleika á að spila
í Meistaradeildinni í vetur en
Chelsea sækir Sparta Prag heim til
höfuðborgar Tékklands í kvöld.
Eiður Smári á í harðri baráttu um
sæti í hinu stjörnum prýdda liði
Chelsea sem ætlar sér stóra hluti á
þessum vettvangi.
Riðlakeppni Meistaradeildar Evrópu í knattspyrnu hefst í kvöld með átta leikjum
Ellefu Evrópumeist-
arar með í baráttunni
STÆRSTA og vinsælasta knatt-
spyrnukeppni félagsliða sem
haldin er ár hvert, Meistara-
deild Evrópu, hefst í kvöld. Und-
ankeppni hefur staðið yfir frá
því í júlí þar sem meistaralið
allra Evrópuþjóða, ásamt fleir-
um af bestu liðum þeirra sterk-
ustu, hafa barist um að komast
inn í deildina sjálfa. Þar leika 32
lið í átta riðlum fram að 10. des-
ember og þá kemur í ljós hvaða
16 lið halda áfram í útslátt-
arkeppni alla leið að sjálfum úr-
slitaleiknum sem háður verður
á hinum glæsilega AufSchalke
leikvangi í þýsku borginni Gels-
enkirchen hinn 26. maí næsta
vor.
1
6
7EF)
G
*
F
,
H
7
*
B I
9
6 )7 9
>
7
J&2 9)
*2I*0
B
')6G
2
3'
1 -
& F
?9
J
& 1)-
7)K
-
7 J
J L
7
&' J
G
6
G
*G * G
"$?$?$CD,--.E,--7
N.9
9
!#O
0
''
)
N6 0 +
'' K2>*O )
N6 +
'' HALLDÓRA Björk Sigurðardóttir hefur verið ráðin þjálfari Íslandsmeist-
araliðs KR í knattspyrnu kvenna. Hún tekur við af Vöndu Sigurgeirsdóttur
sem hefur stýrt KR-liðinu til sigurs á Íslandsmótinu undanfarin tvö ár en
ákvað að láta af störfum að þessu tímabili loknu. Halldóra Björk hefur
þjálfað hjá KR um árabil, var lengi með yngri stúlknaflokka félagsins og
var aðstoðarþjálfari meistaraflokks kvenna 2001 og 2002. Hún þekkir því
mjög vel til leikmannahópsins og aðstæðna hjá félaginu. Þetta verður hins
vegar frumraun hennar sem aðalþjálfari í meistaraflokki.
Halldóra Björk Sigurðar-
dóttir þjálfar KR-konur
Úrslitaleikirnir í Evrópukeppni meist-
araliða og síðan Meistaradeild Evrópu
frá upphafi.
Evrópukeppni
meistaraliða
1956: Real Madrid - Reims............... 4:3
1957: Real Madrid - Fiorentina........ 2:0
1958: Real Madrid - AC Milan ......... 3:2
1959: Real Madrid - Reims............... 2:0
1960: Real Madrid - Frankfurt ........ 7:3
1961: Benfica - Barcelona ................. 3:2
1962: Benfica - Real Madrid............. 5:3
1963: AC Milan - Benfica .................. 2:1
1964: Inter Mílanó - Real Madrid .... 3:1
1965: Inter Mílanó - Benfica............. 1:0
1966: Real Madrid - Partizan ........... 2:1
1967: Celtic - Inter Mílanó................ 2:1
1968: Manch.Utd - Benfica ............... 4:1
1969: AC Milan - Ajax ....................... 4:1
1970: Feyenoord - Celtic................... 2:1
1971: Ajax - Panathinaikos ............... 2:0
1972: Ajax - Inter Mílanó.................. 2:0
1973: Ajax - Juventus........................ 1:0
1974: Bayern - Atletico Madrid........ 4:0
Gerðu áður jafntefli, 1:1.
1975: Bayern - Leeds ........................ 2:0
1976: Bayern - St. Etienne ............... 1:0
1977: Liverpool - M’gladbach........... 3:1
1978: Liverpool - Club Brugge......... 1:0
1979: Nottingham F. - Malmö.......... 1:0
1980: Nottingham F. - Hamburger . 1.0
1981: Liverpool - Real Madrid ......... 1:0
1982: Aston Villa - Bayern................ 1:0
1983: Hamburger - Juventus ........... 1:0
1984: Liverpool - Roma ............ 5:3 (1:1)
1985: Juventus - Liverpool ............... 1:0
1986: Steaua - Barcelona.......... 2:0 (0:0)
1987: Porto - Bayern ......................... 2:1
1988: PSV - Benfica .................. 6:5 (0:0)
1989: AC Milan - Steaua ................... 4:0
1990: AC Milan - Benfica .................. 1:0
1991: Rauða stjarnan - Marseille 5:3
(0:0)
1992: Barcelona - Sampdoria ........... 1:0
Meistaradeild
Evrópu
1993: Marseille - AC Milan............... 1:0
1994: AC Milan - Barcelona.............. 4:0
1995: Ajax - AC Milan ....................... 1:0
1996: Juventus - Ajax ............... 5:3 (1:1)
1997: Dortmund - Juventus.............. 3:1
1998: Real Madrid - Juventus .......... 1:0
1999: Manch.Utd - Bayern ............... 2:1
2000: Real Madrid - Valencia ........... 3:0
2001: Bayern - Valencia............ 6:5 (1:1)
2002: Real Madrid - Leverkusen ..... 2:1
2003: AC Milan - Juventus....... 3:2 (0:0)
Tölur í svigum eru lokatölur eftir
framlengingu, vítaspyrnukeppni réð
úrslitum.
Úrslita-
leikir frá
upphafi
HANDKNATTLEIKUR
Íslandsmót karla
Ásvellir: Haukar - Stjarnan.......................20
KA-heimilið: KA - Fram .......................19.15
Varmá: Afturelding - Þór Ak................19.15
Víkin: Víkingur - Grótta/KR ................19.15
KNATTSPYRNA
Aukakeppni um sæti í efstu deild kvenna:
Höfn: Sindri - Þór/KA/KS ....................17.30
KÖRFUKNATTLEIKUR
Reykjavíkurmót karla
Laugardalsh: Ármann/Þróttur - Valur19.30
Í KVÖLD
KNATTSPYRNA
England
Úrvalsdeild
Leicester - Leeds ......................................4:0
Lilian Nalis 20., Paul Dickov 24.,83., James
Scowcroft 90.
Staðan:
Arsenal 5 4 1 0 11:3 13
Man. Utd 5 4 0 1 9:2 12
Man. City 5 3 1 1 12:6 10
Chelsea 4 3 1 0 10:6 10
Portsmouth 5 2 3 0 8:3 9
Southampton 5 2 3 0 5:2 9
Liverpool 5 2 2 1 7:3 8
Birmingham 4 2 2 0 4:2 8
Fulham 4 2 1 1 9:7 7
Blackburn 5 1 2 2 12:11 5
Leicester 5 1 2 2 8:7 5
Charlton 5 1 2 2 6:7 5
Everton 5 1 2 2 8:10 5
Leeds 5 1 2 2 6:10 5
Bolton 5 1 2 2 4:10 5
Aston Villa 5 1 1 3 5:9 4
Tottenham 5 1 1 3 4:9 4
Newcastle 4 0 2 2 5:7 2
Middlesbro 5 0 1 4 4:12 1
Wolves 5 0 1 4 1:12 1
Noregur
Brann - Lilleström ....................................1:3
Staðan:
Rosenborg 20 15 4 1 50:15 49
Bodö/Glimt 20 10 5 5 29:20 35
Stabæk 20 8 7 5 31:26 31
Viking 20 7 9 4 38:26 30
Odd Grenland 20 9 3 8 36:32 30
Sogndal 20 8 6 6 33:32 30
Lilleström 20 7 7 6 24:25 28
Brann 20 6 7 7 35:35 25
Molde 20 7 3 10 24:31 24
Bryne 20 7 1 12 30:39 22
Tromsö 20 6 4 10 24:41 22
Vålerenga 20 4 9 7 20:23 21
Ålesund 20 4 6 10 22:35 18
Lyn 20 4 5 11 23:39 17
Svíþjóð
Elfsborg - Landskrona .............................3:0
Helsingborg - Malmö................................0:0
Gautaborg - Enköping..............................3:0
Staða efstu liða:
Djurgården 19 13 2 4 44:17 41
Malmö 21 11 6 4 43:18 39
Hammarby 20 11 5 4 36:26 38
Halmstad 21 11 3 7 35:25 36
Helsingborg 21 9 4 8 24:28 31
Örebro 21 8 6 7 25:27 30
Örgryte 21 9 3 9 29:35 30
KÖRFUKNATTLEIKUR
Reykjavíkurmót karla
ÍS - KR ...................................................77:90
ÍR - Fjölnir.........................................111:110
Reykjavíkurmót kvenna
KR - ÍR.................................................. 53:45
ÍS - KR ...................................................53:41
Reykjanesmót karla
Breiðablik - Haukar ............................. 71:90
Njarðvík - Grindavík.............................55:87
ÚRSLIT
FRAKKINN Michel Platini og eiginkona
hans, Christele, verða heiðursgestir í loka-
hófi KSÍ sem haldið verður á Broadway laug-
ardaginn 4. október. Platini er knattspyrnu-
áhugamönnum að góðu kunnur er hann gerði
garðinn frægan á árum áður með franska
landsliðinu og AS Nancy-Lorraine, AS
St-Etienne, Juventus.
Platini var um tíma landsliðsþjálfari
Frakka en hann er varaformaður franska
knattspyrnusambandsins og situr í fram-
kvæmdastjórn Knattspyrnusambands Evr-
ópu, UEFA, ásamt Eggerti Magnússyni, for-
manni KSÍ. Að auki er Platini í fram-
kvæmdastjórn Alþjóðaknattspyrnu-
sambandsins, FIFA. Michel Platini
Michel Platini
verður heiðurs-
gestur KSÍFRAMKVÆMDASTJÓRN ÍSÍ hefur samþykkt tillögur Af-rekssjóðs varðandi úthlutun úr sjóðnum á síðari hluta ársins
en alls er þar um rúmar sjö milljónir króna að ræða. Mest af
því rennur til Frjálsíþróttasambandsins, Skíðasambandsins,
Handknattleikssambandsins og Knattspyrnusambandsins. Þá
samþykkti Afrekssjóður að hætt verði að greiða styrki vegna
tveggja íþróttamanna þar sem þeir eru og hafa verið meiddir
um nokkurn tíma. Eins var ákveðið að Rúnar Alexandersson
fengi svokallaðan A-styrk í ljósi þess að hann hefur náð lág-
marki til þátttöku á Ólympíuleikunum í Aþenu á næsta sumri.
Annar styrkjanna sem ákveðið var að hætt að greiða er til
Júdósambandsins vegna Vernharðs Þorleifssonar sem er
meiddur. Gerir Júdósambandið ekki ráð fyrir að Vernharð
keppi á Ólympíuleikunum í Aþenu á næstu sumri. Þá var
einnig samþykkt að Afrekssjóður hætti að styrkja FRÍ vegna
Einars Karls Hjartarsonar Íslandsmethafa í hástökki en Ein-
ar hefur verið meiddur mestan hluta ársins og lítið keppt og
æft.
Rúnar fær A-styrk og hætt að
styðja Vernharð og Einar Karl
Rúnar Alexanders-
son undirbýr sig
undir keppni á tvíslá.