Morgunblaðið - 20.11.2003, Blaðsíða 1
Tveggja
turna tal
Viðhafnarútgáfan er 43 mínútum
lengri en bíóútgáfan | Fólk 59
Löngun til
að ljósmynda
Minnisvarði um störf ljósmyndarans
Magnúsar Ólafssonar | Listir 30
Lettar komu
á óvart
Rússar, Hollendingar, Spánverjar og
Króatar einnig á EM | Íþróttir 54
DAVÍÐ Oddsson forsætisráðherra segist ekki úti-
loka að til greina komi að sett verði lög til að hindra
frekari samþjöppun á fjölmiðlamarkaði. Þá segist
forsætisráðherra telja að bankar séu komnir út á
hála braut með afskiptum sínum og inngripum í ís-
lenskt atvinnulíf. Þetta kom fram í svari forsætis-
ráðherra við fyrirspurn Álfheiðar Ingadóttur, vara-
þingmanns Vinstrihreyfingarinnar – græns fram-
boðs, um þróunina á fjölmiðlamarkaði í umræðum á
Alþingi í gær um eignarhald á fjölmiðlum.
Í svari forsætisráðherra kom fram að jafnvel
mætti færa fyrir því rök að í því fælist tómlæti af
hálfu þingsins við núverandi aðstæður að láta a.m.k.
ekki til athugunar koma lagasetningu til að hindra
samþjöppun á fjölmiðlamarkaði og tryggja betur en
nú að fjölmiðlar séu sjálfstæðir og óháðir. „Nú
standa mál þannig til að mynda í dag að það veit
enginn hver á Stöð 2. Það veit enginn hver á Stöð 2 –
aðra og einu frjálsu sjónvarpsstöðina í landinu svo
við notum orðið frjálsa án þess að halla nokkuð á rík-
isútvarpið – ég tel ekki að það eigi að gera það. En
stundum er látið í veðri vaka að Kaupþing Bún-
aðarbanki eigi þessa stöð. En það er einnig látið í
veðri vaka að tiltekinn nafngreindur einstaklingur í
kaupsýslu eigi nú þegar orðið þessa stöð. Og þetta
er auðvitað algjörlega óboðlegt að slík aðstaða sé
uppi,“ sagði forsætisráðherra.
Viðskiptabrellur
Þá sagði forsætisráðherra það ekki boðlegt held-
ur að einn af stærstu bönkum þjóðarinnar tæki þátt
í „viðskiptabrellum“ af þessu tagi og hefði ekki sína
hluti á tæru gagnvart almenningi í þessum efnum.
„Og reyndar er maður mjög hugsandi orðinn yfir
því, svo maður komi því nú að hér, með hvaða hætti
íslensku bankarnir, allir stærstu bankarnir, eru
farnir að haga sér með afskiptum sínum og inn-
gripum í íslenskt atvinnulíf. Þar eru menn komnir út
á mjög hála braut að mínu viti,“ sagði forsætisráð-
herra.
Sigurður Einarsson, stjórnarformaður Kaup-
þings Búnaðarbanka, sagðist spurður um ummæli
forsætisráðherra ekki telja ástæðu til að breyta
gildandi reglum varðandi fjármálastofnanir og
banka og að líta ætti á jákvæðar hliðar þess að bank-
ar stunduðu fjárfestingar í fyrirtækjum. Hann sagði
jafnframt ótímabært að ræða eignarhald á Norður-
ljósum þar sem viðræður stæðu yfir við fjölmarga
aðila um kaup á félaginu og að Kaupþing Búnaðar-
banki hefði einöngu reynt að tryggja að kröfur
bankans í Norðurljósum fengjust endurgreiddar.
Ekkert leyndarmál hverjir eiga Norðurljós
Jón Ásgeir Jóhannesson, forstjóri Baugs, segir
eignarhald á Norðuljósum ekkert leyndarmál, félög
í hans eigu og Kaupþing Búnaðarbanki hafi gengið
frá samningum við Jón Ólafsson um kaup á hlut
hans í félaginu. „Það hefur alltaf komið fram þegar
við höfum tjáð okkur um málið, að það værum við í
samvinnu við Kaupþing,“ sagði Jón Ásgeir.
Sigurjón Þ. Árnason, bankastjóri Landsbankans,
segir bankann starfa innan ramma þeirra reglna
sem bönkum séu settar. Alþekkt sé að innan banka
sé rekin bæði viðskiptabankastarfsemi og fjárfest-
ingabankastarfsemi og það sé mikilvægt að þessi
starfsemi fari saman hér á landi í ljósi smæðar bank-
anna.
Áhyggjurnar eru umhugsunarefni
Bjarni Ármannsson, bankastjóri Íslandsbanka,
segir að bankinn hafi farið afar varlega hvað snerti
eignarhald á fyrirtækjum í tengslum við umbreyt-
ingar. Að sögn Bjarna er það hins vegar umhugs-
unarefni þegar forsætisráðherra lýsir áhyggjum
sínum á þennan hátt, „og eðlilegt að doka við, leggja
mat á hvort hætta sé á tortryggni við núverandi
skipulag og hvort ástæða sé til þess að bregðast
við.“
Forsætisráðherra útilokar ekki lög vegna samþjöppunar á fjölmiðlamarkaði
Telur bankana vera
komna út á hála braut
Ekki tímabært að ræða
eignarhald á Norður-
ljósum, segir stjórnar-
formaður Kaupþings
Búnaðarbanka
Við og bankinn eigum
Norðurljós, segir
forstjóri Baugs
GEORGE W. Bush Bandaríkjafor-
seti skoraði í gær, á fyrsta heila degi
umdeildrar heimsóknar sinnar til
Bretlands, á lýðræðisþjóðir heims að
hætta að umbera harðstjóra og slást
í lið með Bandaríkjamönnum í að út-
breiða fagnaðarboðskap frelsis um
víða veröld.
Í ræðu sem Bush flutti varði hann
þá ákvörðun sína að fara með hern-
aði gegn Írak Saddams Husseins.
Sagði hann valdbeitingu vera nauð-
synlegan valkost „til að halda aftur
af ofbeldisfullum mönnum“.
Bush sat hátíðarkvöldverð með
gestgjafa sínum, Elísabetu II Breta-
drottningu, í Buckingham-höll í gær-
kvöldi.
Reuters
Bush ver
Íraks-
stefnuna
Lundúnum. AP, AFP.
Yfirveguð/16
POPPSTJARNAN Michael Jackson
sætir „margfaldri“ ákæru um kyn-
ferðislegt ofbeldi
gegn börnum, að
því er saksókn-
arar í Santa Barb-
ara í Kaliforníu
greindu frá í gær.
Sögðu þeir að
samningavið-
ræður stæðu yfir
um að Jackson
gæfi sig fram við
lögreglu, en hann
kvað hafa verið staddur í Las Vegas.
Talsmaður Jacksons lýsti yfir því
að ásakanirnar ættu ekki við rök að
styðjast. „Michael myndi aldrei
vinna barni mein,“ sagði hann.
Sætir marg-
faldri ákæru
Michael Jackson
DAVÍÐ Oddsson forsætisráðherra sagðist í um-
ræðum á Alþingi í gær hafa verið stoltur af
stuðningi sínum við einkavæðingu bankanna en
sagðist jafnframt telja að „það eigi að reyna að
halda þessum bönkum að sínum verkefnum og
að þeir séu komnir langt út fyrir þau mörk sem
þeir eiga að sinna og skyldum gagnvart almenn-
ingi í þeim efnum.“
Komnir út fyrir mörk þess sem þeir eiga að sinna
Alþingi/10 Viðbrögð/12
Morgunblaðið/Þorkell
STOFNAÐ 1913 315. TBL. 91. ÁRG. FIMMTUDAGUR 20. NÓVEMBER 2003 PRENTSMIÐJA ÁRVAKURS HF. mbl.is
♦ ♦ ♦
JAPANSKIR vísindamenn segjast
hafa uppgötvað áður ógreinda
hvalategund. Þykir þetta miklum
tíðindum sæta, enda mjög fátítt
orðið að nýjar tegundir spendýra
finnist á jörðinni.
Hinn 12 metra langi skíðis-
hvalur hefur fengið latneska
nafnið Balaenoptera omurai, til
heiðurs Hideo Omura, sem var í
fremstu röð Japana sem stunduðu
rannsóknir á hvölum á sjöunda og
áttunda áratugnum.
Í nýjasta hefti vísindatímarits-
ins Nature segja Shiro Wada og
samstarfsmenn hans við Fisk-
veiðirannsóknastofnunina í Yoko-
hama söguna á bak við uppgötv-
unina. Í lok áttunda áratugarins
hafi japönsk hafrannsóknaskip
sem voru að störfum suður í höf-
um, á mörkum Kyrrahafs og Ind-
landshafs, náð átta sýnishornum
af skíðishval sem erfitt reyndist
að tegundargreina. Árið 1998 rak
svipaðan hval á fjöru á japönsku
eynni Tsunoshima. Með tilkomu
DNA-rannsókna gátu vísinda-
mennirnir borið sýni úr hinum
torkennilega hval saman við sýni
úr þekktum tegundum og komust
þá að því að arfgerð hans er alveg
sér á báti.
Ný hvalategund uppgötvuð
París. AFP.
Santa Barbara. AFP.