Morgunblaðið - 22.11.2003, Blaðsíða 24

AKUREYRI
24 LAUGARDAGUR 22. NÓVEMBER 2003 MORGUNBLAÐIÐ
Nýtt í einkasölu á góðum útsýnis-
stað 143,1 fm raðhús á tveimur
hæðum ásamt 20 fm innbyggðum
bílskúr. 3-4 svefnherbergi, rúmgóð
stofa og borðstofa, fallegt eldhús
með fallegri sérsmíðaðri innrétt-
ingu. Ca 40 fm geymslurými undir
súð. Góður garður í rækt og snýr
hann á móti suðri. Stutt í alla þjón-
ustu. Möguleiki á skiptum á stærri
eign í hverfinu. Verð 21,9 m.
OPIÐ HÚS Í DAG FRÁ KL. 15-17
Vættaborgir 100 - Grafarvogi
533 4300 564 6655
Salómon Jónsson
- löggiltur fasteignasali
Kristinn sölumaður
verður á staðnum.
GSM 848 9992
EIGNARHALDSFÉLAGIÐ Greif-
inn hefur keypt húseignir í Hafnar-
stræti 87–89 og Hafnarstræti 83–85
af Kaldbaki hf. Þetta eru fasteignir
sem Hótel KEA á Akureyri hefur
verið með rekstur í.
Fasteignafélagið Stoðir bauð í
eignirnar en Eignarhaldsfélagið
Greifinn hafði forkaupsrétt að þeim.
Baugur Group á 49,6% í Stoðum, sem
er stærsta fasteignafélag á Íslandi.
Greifinn hóf veitingarekstur sem
undirverktaki hjá Fosshótel KEA,
sem þá leigði eignirnar og rak hótelið,
1. janúar 1998. Greifinn tók svo við
hótelrekstrinum með öllu sem honum
tilheyrir vorið 2000. Samið var um
það á sínum tíma að Greifamenn
hefðu forkaupsrétt að eignunum ef
ákveðið yrði að selja húsið og þá fýsti
að kaupa. „Við vissum af því að eign-
irnar voru til sölu, Kaldbakur hefur
haft áhuga á að losa sig við þær um
nokkurt skeið. Fyrir nokkru barst til-
boð í eignirnar, en það var okkar mat
að nýta forkaupsréttinn núna, það var
mat manna að betra væri að eiga
eignirnar sjálfir en vera í stöðu leigu-
liða áfram,“ sagði Ívar Sigmundsson,
einn eigenda Greifans.
Áætlaður bókfærður söluhagnaður
Kaldbaks af sölunni er rúmlega 30
milljónir króna. Um er að ræða alla
húseignina í Hafnarstræti 83–85, þar
sem á sínum tíma var rekið Hótel
Harpa og 61,5% hlut í húseigninni
Hafnarstræti 87–89, húsnæði Hótels
KEA.
Greifinn kaupir
fasteignir
af Kaldbaki
Fasteignafélagið Stoðir vildi kaupa
en Greifinn nýtti sér forkaupsrétt
Morgunblaðið/Kristján
Hótel KEA: Stoðir vildu eignast húsið en Greifinn nýtti forkaupsrétt.
BRÆLUBLÚS kalla sjómennirnir í
hljómsveitinni Roðlaust og bein-
laust nýja diskinn sinn en hann er
að koma út um þessar mundir.
Hljómsveitin er að mestu skipuð
sjómönnum á Kleifabergi ÓF-2 frá
Ólafsfirði en þeir gáfu líka út disk
árið 2001 og átti eitt vinsælasta
jólalagið á síðasta ári, Í friði og ró.
„Það eru þrjú ár síðan við byrj-
uðum á þessu, nokkrir karlar á
Kleifaberginu,“ sagði Björn Valur
Gíslason, stýrimaður á Kleifabergi,
en hann er höfundur margra laga
og texta á plötunni. „Þetta byrjaði
smátt, við höfum sjálfsagt verið að
spila og syngja í einhverri veislu og
svo fórum við að semja texta um at-
burði í kringum vinnuna,“ sagði
hann en lög og textar hafa svo verið
að safnast upp og nægt efni til á
disk sem ákveðið var að gefa út.
„Við höfum allir gaman af því að
syngja,“ sagði stýrimaðurinn um
áhöfnina, en allt að 18 manns
mynda bandið þegar best lætur.
Áhöfnin er að mestu skipuð sömu
körlum ár eftir ár, samheldinn og
góður hópur sem á þetta skemmti-
lega áhugamál.“
Á disknum eru 14 lög, flest fjalla
um eitt og annað sem viðkemur sjó-
mennsku og sjósókn. „Það má finna
þarna hreinræktaða karlrembu-
söngva,“ sagði Björn Valur, en dró
svo í land, þó svo eitt laganna heiti
Harðsoðinn hátekjumaður. „Við er-
um auðvitað mest að gera grín að
sjálfum okkur með þessu.“
Björn Valur sagði að mikil vinna
hefði verið lögð í að gera allt sem
best úr garði og vel vandað til
verka. Öll vinna við diskinn, upp-
tökur og útgáfu hans fór fram hjá
Mogomusic í Ólafsfirði undir stjórn
Magnúsar Ólafssonar. Menningar-
og listafélagið Beinlaus biti í Ólafs-
firði gefur diskinn út. „Við reynum
að vinna allt í heimabyggð, Ólafs-
firði, sem hægt er og það tókst bara
alveg ágætlega,“ sagði Björn Val-
ur.
Björgunarsveitum um landið
býðst að selja diskinn til að fjár-
magna starfsemi sína.
Strákarnir á Kleifaberginu ætla
að efna til útgáfutónleika á
Glaumbæ í Ólafsfirði í kvöld, laug-
ardagskvöld, 22. nóvember, kl. 21
og leika þá fyrir gesti og gangandi
lög af nýja disknum.
Brælublús að hætti Ólafsfirðinga
Áhöfnin á Kleifa-
bergi myndar
hljómsveitina Roð-
laust og beinlaust
Björn Valur og félagar: Hljómsveit strákanna á Kleifabergi, Roðlaust og
beinlaust, leggur lokahönd á upptöku á nýja diskinum, Brælublús.
Slapp án meiðsla | Betur fór en á
horfðist þegar ekið var á undan
dreng sem hljóp yfir Borgarbraut á
móts við Tryggvabraut í vikunni á
móti rauðu ljósi. Bíll sem ekið var
vestur Tryggvabraut lenti á drengn-
um, en hann slapp án meiðsla. „Hér
hefði getað farið verr og sýnir nauð-
syn þess að farið sé eftir umferð-
arreglunum,“ segir lögreglan í dag-
bók sinni.
Fólkið slapp, bílarnir ekki | Engin
meiðsl urðu á fólki þegar tvær bif-
reiðir skullu saman á Eyjafjarð-
arbraut vestri á móts við Brunná.
Nokkurt tjón varð á bílunum. Atvik-
ið átti sér stað með þeim hætti að
annarri bifreiðinni var beygt til
vinstri í sama mund og bifreið sem
ekið var á eftir henni ætlaði fram úr.
HÓPUR lögreglumanna frá Ak-
ureyri, tveir tollverðir og starfs-
maður Flugmálastjórnar, heimsóttu
kollega sína í Danmörku í vikunni.
Flogið var með þotu Grænlands-
flugs beint frá Akureyri til Kaup-
mannahafnar og kom hópurinn aft-
ur heim sl. fimmtudag. Tilgangur
ferðarinnar var að kynna sér vopna-
leit á Kastrup-flugvelli í Kaup-
mannahöfn og m.a. farið yfir vopna-
leit í handfarangri, á farþegum og í
lestarfarangri. Að sögn Guðmundar
Svanlaugssonar, lögreglumanns á
rannsóknardeild lögreglunnar á Ak-
ureyri, var vel tekið á móti hópnum
ytra og var ferðin mjög gagnleg.
Hlutirnir eru heldur stærri í snið-
um á Kastrup-flugvelli en Akureyr-
arflugvelli og sagði Guðmundur að
það hefði verið hreint ótrúlegt að
skoða færibandakerfið ytra, sem
vafalaust er margir kílómetrar að
lengd, á meðan kerfið hleypur á
nokkrum metrum á Akureyr-
arflugvelli.
Flugmálastjórn stóð fyrir vopna-
leitarnámskeiði fyrir lögreglu og
tollverði á Akureyri sl. vor, áður en
beina flugið milli Akureyrar og
Kaupmannahafnar hófst og þá
komu starfsmenn af Keflavík-
urflugvelli og miðluðu af reynslu
sinni og þekkingu. Eins og fram
hefur komið hefur Grænlandsflug
ákveðið að hætta beinu flugi milli
Akureyrar og Kaupmannahafnar og
verður síðasta ferðin á milli stað-
anna farin mánudaginn 1. desem-
ber. Það er því ekki útlit fyrir að
mikið verði um millilandaflug frá
Akureyri á næstunni.
Tollverðir og lögreglumenn á Akureyri í aftari röð, með danska kollega sína fyrir framan sig.
Kynntu sér vopnaleit á Kastrup
SINFÓNÍUHLJÓMSVEIT Norð-
urlands heldur tónleika á morgun,
sunnudaginn 23. nóvember, og hefj-
ast þeir kl. 16.
Þetta eru fjölskyldutónleikar, en
nú í haust hefur hljómsveitin haldið
um 30 tónleika í grunnskólum Ak-
ureyrar og í nágrenninu, Eyjafirði
og S-Þingeyjarsýslu. Menningar- og
viðurkenningarsjóður KEA veitti
hljómsveitinni styrk til skóla-
tónleikahaldsins og einnig Barna-
menningarsjóður, en þeir gerðu
hljómsveitinni kleift að heimsækja
nágrannabyggðarlögin.
Á tónleikunum verða flutt verk
sem hljómsveitin hefur leikið á
skólatónleikunum auk fleiri verka en
efnisskráin er fjölbreytt. Meðal þess
sem flutt verður er lag úr James
Bond, syrpa úr Hringadróttinsögu,
íslensk rímnalög, Nautabanasöngur
og lag úr Toy Story. Hljómsveitina
skipa að þessu sinni 14 hljóðfæra-
leikarar en stjórnandi er Guð-
mundur Óli Gunnarsson.
Fjölskyldutónleikar
Jólaljósin hurfu | Um 200 perur
voru skrúfaðar af þremur jólatrjám
við verslunarmiðstöðina Glerártorg.
Lögreglan á Akureyri beinir þeim
vinsamlegu tilmælum til fólks að það
láti jólaljósin í friði, enda séu þau
ætluð til að lífga upp á tilveruna í
mesta skammdeginu.












Sýning í 02 | Áslaug Thorlacius
opnar sýningu í 02 Gallery á Ak-
ureyri í dag kl. 16. Á sýningunni sýn-
ir hún verk unnin með blandaðri
tækni. Meginuppistöðuna í sýning-
unni vann Áslaug á keramik-
námskeiðum sem hún sótti síðastlið-
inn vetur en einnig er þar að finna
afrakstur námskeiðs í íkonamálun
sem hún sótti árið 2000.
02 Gallery er til húsa á 2. hæð í
Amaro-húsinu, Hafnarstræti 101.
Sýningin stendur til 13. desember og
er opin frá þriðjudegi til laugardags
milli kl. 14 og 18.