Morgunblaðið - 22.11.2003, Blaðsíða 28

SUÐURNES
28 LAUGARDAGUR 22. NÓVEMBER 2003 MORGUNBLAÐIÐ
OPIÐ HÚS - Víðimelur 42 kjallari
í dag og á morgun frá kl. 13-15
Góð 3ja herb. íbúð 60 fm í kjallara öll
nýuppgerð. Endurnýjuð eldhúsinn-
rétting. Nýtt á baði. Nýtt gler og
gluggar. Nýtt parket og flísar á gólf-
um. Laus við kaupsamning. Verð kr.
10,9 millj.
Íbúðin verður til sýnis
í dag, laugardag, og á morgun,
sunnudag, frá kl. 13-15.
Verið velkomin.
Þórhildur Sandholt
lögfr. og lögg. fastsali.
Gsm 898 8545
Gísli Sigurbjörnsson
sölumaður
FAX 568 3231
Keflavík | „Ef hægt er að tala um annað líf,
þá hef ég eignast það í gegnum sönginn,“ seg-
ir Steinn Erlingsson, einsöngvari og formaður
Karlakórs Keflavíkur. Kórinn á fimmtíu ára
starfsafmæli um þessar mundir og heldur upp
á það með stórtónleikum í Íþróttahúsinu við
Sunnubraut í dag og útgáfu hljómplötu.
Steinn sem er bariton segist hafa sungið
síðan hann hætti á sjónum en það var um
miðjan áttunda áratuginn. „Ég var vélstjóri á
bátum í tuttugu ár. Ég hafði alltaf mikinn
áhuga á að hlusta á óperusöng. Og einhvern
leyndan áhuga hafði ég á því að syngja sjálf-
ur. Ég byrjaði að syngja með Karlakór Kefla-
víkur á árinu 1976 og eftir það varð ekki aftur
snúið,“ segir Steinn. Á öðru ári með kórnum
var hann farinn að syngja einsöng og söng
einnig með öðrum kórum.
Fljótlega hóf hann söngnám í Tónlistar-
skóla Keflavíkur, fyrst hjá Sigurði Demets
Franssyni og síðan hjá Snæbjörgu Snæbjarn-
ardóttur. Útskrifaðist Steinn síðan sem ein-
söngvari frá Tónlistarskóla Garðabæjar.
Seinna var hann einn vetur í Tucson í Arisona
í Bandaríkjunum að læra söngtækni.
„Söngurinn hefur gefið mér gríðarlega mik-
ið. Ef hægt er að tala um annað líf, þá hef ég
eignast það í gegnum sönginn. Ef ég hef haft
þörf fyrir einhverja sáluhjálp í lífinu, hef ég
áreiðanlega fengið hana í söngnum,“ segir
Steinn. Hann gaf út eigin hljómplötu fyrir
nokkrum árum.
Hann hefur verið tæpa tvo áratugi með
Karlakór Keflavíkur, þar af samfleytt frá því
um 1990. Þetta er annað árið hans í embætti
formanns.
Söngurinn er líf mitt og yndi
Mikið mæðir á formanni Karlakórs Kefla-
víkur þessa dagana vegna undirbúnings af-
mælistónleikanna og kynningu á þeim. Steinn
situr á skrifstofu sinni hjá Hitaveitu Suð-
urnesja og heldur í alla þræði.
Á meðan á samtalinu stendur kemur storm-
andi inn á skrifstofuna Þórólfur Sæmundsson,
89 ára gamall kórfélagi, til að gera formann-
inum grein fyrir erindum sem hann var að
reka fyrir kórinn, meðal annars að hengja upp
auglýsingar um tónleikana. Þórólfur er elsti
kórfélaginn í Keflavík og sá elsti á landinu,
eftir því sem næst verður komist. Hann hefur
sungið með Karlakórnum samfleytt í 35 ár.
Þórólfur segist einnig syngja í kór eldri
borgara og svo með ungu stúlkunum. Vísar
hann þar til þess að Karlakórinn og Kvenna-
kór Suðurnesja syngja saman á aðventu-
tónleikum. Áður en hann flutti til Keflavíkur
var Þórólfur í kórum á Ólafsfirði. Steinn segir
að Þórólfur haldi saman öðrum bassa í Karla-
kórnum og Þórólfur tekur fram að hann geti
einnig sungið tenór.
Þórólfur heldur sér í góðu líkamlegu formi
með því að gera Mullersæfingar á hverjum
degi. „Það sem hefur haldið mér andlega uppi
er mitt góða skap og söngurinn, hann er mitt
líf og yndi,“ segir Þórólfur.
Einn af elstu kórum landsins
Karlakór Keflavíkur var stofnaður 1. des-
ember 1953 og fagnar því hálfrar aldrar af-
mæli sínu um þessar mundir. Hann hefur
starfað óslitið frá fyrsta ári og er einn af elstu
starfandi kórum landsins. Stjórnandi nú er
Vilberg Viggósson og undirleikari Ester
Ólafsdóttir.
Afmælistónleikarnir verða í Íþróttahúsi
Keflavíkur við Sunnubraut og hefjast klukkan
17 í dag. Karlakórinn Fóstbræður og Karla-
kórinn Þrestir heiðra bræðrakór sinn með því
að taka þátt í tónleikunum og syngja nokkur
lög. Í lokin munu kórarnir syngja saman, alls
150 karlar.
Stórtónleikar Karlakórs Keflavíkur haldnir í dag í tilefni af hálfrar aldar starfsafmæli kórsins
„Hef eignast annað líf í söngnum“
Morgunblaðið/Helgi Bjarnason
Söngurinn er lífið: Kórfélagarnir Þórólfur og Steinn taka lagið á skrifstofum Hitaveitunnar.
Keflavík | „Já, ég ætla allavega að reyna það,“
sagði Sandra Þorsteinsdóttir þegar hún var spurð
að því hvort hún ætlaði að verða söngkona.
Sandra sigraði í Hljóðnemanum, söngkeppni Fjöl-
brautaskóla Suðurnesja.
Keppnin fór fram í félagsheimilinu Stapa í
fyrrakvöld og var fullt úr úr dyrum. Um fimmtán
nemendur tóku þátt og var samkeppnin mikil, að
sögn Söndru. Hún söng til sigurs lagið Komdu við
mig úr söngleiknum Rocky Horror. Hún lagði
áherslu á að ná upp stemmningunni úr söng-
leiknum og voru leikarar með henni á sviðinu. Í
öðru sæti varð Gígja Eyjólfsdóttir og Ásta Björk
Eiríksdóttir í því þriðja.
Sandra hefur aðeins lagt fyrir sig söngnám en
var hætt því. En áhuginn er mikill. Hún tók þátt í
Idol stjörnuleitinni en datt út á öðru stigi. Og hún
segir að það sé hvatning fyrir sig að sigra í söng-
keppninni.
Ætla að reyna að verða söngkona
Ljósmynd/Jóhannes Kr. Kristjánsson
Garður | „Það eru allir feimnir fyrst
en svo jafnast það,“ segir Vigdís
Eygló Einarsdóttir, nemandi í Heið-
arskóla í Keflavík, en hún tók þátt í
ungmennanámskeiði SamSuð í
Samkomuhúsinu í Garði í gær. Um
45 ungmenni, stjórnir nemendaráða
grunnskólanna og unglingaráðanna
á Suðurnesjum, tóku þátt.
Markmið námskeiðanna er að
sögn Ólafs Þórs Ólafssonar, íþrótta-
og tómstundafulltrúa Sandgerð-
isbæjar, að gera krakkana betur í
stakk búna til að starfa í nem-
endaráðunum og einnig að auka fé-
lagsfærni þeirra sem einstaklinga.
Getur Ólafur Þór þess að þau vinni
saman í hópum þar sem blandað er
saman ungmennum frá öllum stöð-
unum og þannig hristist hópurinn
vel saman. Þetta er annað árið í röð
sem Samtök félagsmiðstöðvanna
halda námskeið af þessu tagi.
Þegar blaðamaður leit við í Sam-
komuhúsinu í Garði beið einn hóp-
urinn framan við „skrifstofu sýslu-
manns“, eins og þau orðuðu það.
Nilsína Larsen Einarsdóttir tóm-
stundaleiðbeindandi var í hlutverki
sýslumannsins sem þau höfðu pant-
að viðtal hjá, og fóru krakkarnir á
hennar fund, einn og einn í einu. Til-
gangurinn var að tala fyrir því að fá
útivistartíma lengdan og þurftu
krakkarnir að vanda sig við að flytja
erindi sitt. Einn líkti því við að fara í
atvinnuviðtal. Kom í ljós að ým-
islegt hafði farið úrskeiðis í viðtöl-
unum. „Ég talaði einum of hratt,“
sagði einn úr hópnum, annar við-
urkenndi að hann hefði ekki sagt
fullt nafn, sá þriðji sagðist hafa
gleymst að heilsa sýslumanni með
handabandi og einhverjir bættu því
við að þeir hefðu gleymt að horfast í
augu við sýslumann.
Greinilegt var að þau höfðu gam-
an af þessu og ekki ótrúlegt að þessi
tækni verði notuð síðar, til dæmis
við að fá einhverju framgengt við
stjórnendur skólans eða sveitarfé-
lagsins. „Það er mjög gott að fá að
gera þetta,“ sagði Jóhann Ingimar
Hannesson úr Holtaskóla í Keflavík.
Auk Vigdísar og Jóhanns voru á
biðstofu sýslumanns þau Lejon Þór
Patterson úr Grunnskóla Grindavík-
ur, Ragnar Veigar Helgason úr
Grunnskóla Sandgerðis og Helgi
Sigurjón Ólafsson úr Gerðaskóla í
Garði.
„Ég talaði einum of hratt“
Morgunblaðið/Helgi Bjarnason
Hrist saman á ungmennanámskeiði: Flaggað var fánum allra sveitarfélaganna þegar Jóhann Ingimar, Helgi Sig-
urjón, Lejon Þór, Vigdís Eygló, Nilsína og Ragnar Veigar tóku þátt í námskeiði SamSuð í Samkomuhúsinu í Garði.
Garður | Hreppsnefnd Gerðahrepps
hefur ákveðið að endurskoða leigu-
gjald vegna íbúða í eigu hreppsins.
Markmið endurskoðunarinnar er
að gjaldið verði í samræmi við
raunkostnað sveitarfélagsins vegna
íbúðanna, þannig að það standi
undir rekstrarkostnaði og viðhaldi.
Fulltrúar I-listans í hreppsnefnd
fluttu þessa tillögu á síðasta fundi
nefndarinnar og var hún samþykkt
samhljóða. Fram kemur sú skoðun
flutningsmanna að ef niðurgreiða
þurfi húsaleigu sé eðlilegt að það sé
gert í gegnum félagsþjónustu
hreppsins með félagslegri aðstoð.




Samþykkt að endur-
skoða leiguna
Illa merkt hola| Umferðaróhapp
varð á Hringbraut í Keflavík sl. mið-
vikudagskvöld. Búið var að skera
holu í malbikið vegna viðgerða. Öku-
maður bifreiðar sem þarna var á
ferð sá ekki stikur sem settar höfðu
verið ofan í holuna og skemmdist bíll
hans lítilsháttar þegar hann lenti á
einni stikunni og ofan í holunni. Lög-
reglan hafði samband við vakt Þjón-
ustumiðstövar Reykjanesbæjar og
voru merkingarnar lagaðar.




Stanz | Lögreglan í Keflavík tekur
þátt í umferðarátaki lögregluliðanna
á Suðvesturlandi þar sem sér-
staklega er fylgst með að stöðv-
unarskylda sé virt. Einnig er fylgst
með umferð um ljósastýrð gatnamót
og hvort ökumenn noti stefnumerki.