Morgunblaðið - 03.12.2003, Blaðsíða 11
FRÉTTIR
MORGUNBLAÐIÐ MIÐVIKUDAGUR 3. DESEMBER 2003 11
BORIST hefur eftirfarandi athuga-
semd frá Bjarna Guðmundssyni,
framkvæmdastjóra Sjónvarpsins:
„Í tilefni af frumvarpi sem Sigurlín
Margrét Sigurðardóttir, varaþing-
maður Frjálslynda flokksins, hefur
ásamt öðrum lagt fram og kveður á
um að ákveðnum aðilum, þ. á m. sjón-
varpsstöðvum, sé skylt að texta allt
efni sem þeir í atvinnuskyni senda út,
framleiða eða dreifa vil ég koma eft-
irfarandi á framfæri.
Í greinargerð segir meðal annars
að á tímabilinu apríl–nóvember 2003
hafi aðeins tveir þættir (hálftími hvor)
verið textaðir á viku. Þessar upplýs-
ingar eru villandi. Það sem af er árinu
2003 hafa verið textaðir alls 59 þættir
eða 2.145 mínútur af efni, en nær allir
þættirnir hafa einnig verið endur-
sýndir með texta. Áætlað er að í lok
ársins verði búið að texta alls 3.400
mínútur. Ef litið er til ársins 2002 hef-
ur textun á þáttum Sjónvarps þre-
faldast á milli ára. Áætlanir fyrir árið
2004 gera ráð fyrir að a.m.k. tvöfalda
textun á milli ára þannig að árið 2004
verða a.m.k. 7.000 mínútur af efni
textaðar. Ennfremur kemur fram í
greinargerðinni að efni líðandi stund-
ar sé ekki textað og að það sé mjög
bagalegt. Margir virðast telja að unnt
sé að texta nánast hvað sem er, jafn-
vel beinar útsendingar. Í því sam-
bandi er vert að benda á að til þess að
það geti orðið að veruleika skortir
Sjónvarpið bæði tækjabúnað og þjálf-
að starfsfólk. Bent skal á að þetta er
gert að miklu leyti hjá sjónvarps-
stöðvum eins og sænsku og bresku
ríkissjónvarpsstöðvunum, SVT og
BBC. Hjá BBC sinna fleiri fastir
starfsmenn þessu verkefni en sem
nemur öllum starfsmannafjölda Sjón-
varpsins. Núverandi staða textunar
hjá Sjónvarpinu gerir okkur aðeins
kleift að sinna þeim verkefnum sem
eru tilbúin með nægum fyrirvara svo
að þýðendur geti unnið textann fyr-
irfram. Vegna ófullkomins útsending-
arbúnaðar er ekki hægt að texta fyrir
heyrnarskerta í þáttum ef þýðing úr
erlendum málum er einnig í þáttun-
um án þess að það komi niður á gæð-
um útsendingarinnar. Í upphafi
næsta árs er fyrirhugað að endurnýja
tækjabúnað til textunar og kaupa
nýja textunarvél sem mun leiða til
áframhaldandi aukningar á textun í
framtíðinni.“
Athugasemd frá framkvæmdastjóra Sjónvarpsins
Textun hefur þrefald-
ast frá síðasta ári ÁTTATÍU og fimm ár eru í dag liðinfrá því að skólastarfið hófst sem nú
er að Bifröst í Borgarfirði en hann
byrjaði sem Samvinnuskólinn og var
til húsa í Reykjavík. Skólinn heitir í
dag Viðskiptaháskólinn á Bifröst og
er alhliða viðskiptaháskóli.
Sumarið 1955 var skólinn fluttur
að Bifröst og síðar var tekið upp
nafnið Samvinnuháskólinn. Á föstu-
dag verður afmælishátíð að Bifröst
og verður þar m.a. undirritaður
samningur milli skólans og Vátrygg-
ingafélags Íslands um kostun fyr-
irtækisins á stöðu lektors í vátrygg-
ingarétti, kynnt verður
uppbyggingin á staðnum og skrifað
undir yfirlýsingu um stofnun hluta-
félags um rekstur rannsóknar- og
þekkingarhúss. Þá verða afhjúpaðar
brjóstmyndir af fyrstu tveimur
skólastjórunum, Jónasi Jónssyni og
sr. Guðmundi Sveinssyni.
Afmælis-
hátíð að
Bifröst
SEXTÁN ára piltur var flutt-
ur meðvitundarlaus á Land-
spítalann eftir að hann hneig
skyndilega niður á knatt-
spyrnuæfingu í Breiðholti í
fyrrakvöld.
Svo vel vildi til að slökkvi-
liðsmaður var staddur í húsinu
og hóf hann þegar í stað lífg-
unartilraunir.
Að sögn læknis á bráðamót-
töku hafði drengurinn óreglu-
legan hjartslátt en eftir lífg-
unartilraunir slökkviliðs-
mannsins var hjartslátturinn
orðinn reglulegur á ný. Telur
læknirinn líklegt að með þessu
hafi lífi drengsins verið bjarg-
að.
Drengurinn gekkst undir
hjartaþræðingu á sjúkrahús-
inu og var haldið sofandi.
Að sögn læknis á gjörgæslu-
deild Landspítalans er piltur-
inn í öndunarvél og er líðan
hans stöðug
Piltur
hneig
niður á
æfingu
HEILDARFJÖLDI útgefinna
bókartitla hérlendis á þessu ári er
539 eða rúmlega 12,5% fleiri en ár-
ið 2002, þegar 479 titlar komu út.
Þetta kemur fram í könnun á
prentstað íslenskra bóka sem birt-
ist í Bókatíðindum Félags ís-
lenskra bókaútgefenda.
Könnunin sýnir að hlutfall
prentunar innanlands hefur dreg-
ist saman milli ára um 5% þó fjöld-
inn sem prentaður er sé meiri í ár.
333 bækur eru prentaðar hér á
landi á þessu ári en 320 í fyrra.
Af bókum sem prentaðar eru er-
lendis eru flestar prentaðar í Dan-
mörku, 15%, næstflestar í Kína
4,8% og 3,2% eru prentuð á Ítalíu.
Alls eru íslenskar bækur prent-
aðar í átján löndum sem er fjórum
löndum fleira en á síðasta ári.
Barnabækur, íslenskar og þýdd-
ar, eru alls 142, þar af 44 eða 31%
prentað á Íslandi.
Skáldverk, íslensk og þýdd ljóð,
eru 92, þar af 54 eða 58,7% prentuð
hér heima.
Fræðibækur, bækur almenns
efnis og listir eru alls 189, þar af
152 eða 80,4% prentaðar hérlend-
is.
Saga, ættfræði, ævisögur, hand-
bækur, matur og drykkur eru alls
116, þar af 82 eða 70,7% prentaðar
innanlands.
!
"
!
#
$"
%
& '#(
'!(
%)
*
%
+)
,
-.
/ *
!' (
0' '!(
"' (
1 .
Útgáfutitl-
um fjölgar
um 12,5%
milli ára
SKÁKFÉLAGIÐ Hrókurinn býður krökkum í
1.–7. bekk grunnskólanna á opnar æfingar í
húsnæði félagsins í Skúlatúni 4 seinnipart dags
alla virka daga fram að jólum. Krakkarnir voru
í óða önn að reyna að máta Reginu Pokornu,
hina 21 árs gömlu skákkonu frá Slóvakíu, í æf-
ingarleik þegar Morgunblaðið bar að garði.
Selma Ramdani, sem er átta ára, segir að það
sé mjög erfitt að máta Reginu, en maður verði
að reyna samt. Selma segir að það sé mjög
gaman að tefla, en hún byrjaði að tefla fyrir
tveimur árum og segist tefla oft í viku.
„Það er svolítið erfitt að vera góður að tefla,
og sérstaklega erfitt að tefla við Reginu, hún er
rosalega góð. Ég tefli aðallega við mömmu
mína og stelpur á skáknámskeiðum og svo tefli
ég líka við fólk sem kemur í heimsókn og vinn
þá oft.“
Selma segist læra mikið af því að fara á nám-
skeið og finnst gaman að læra af Reginu og
öðrum leiðbeinendum.
Stundum setja þau upp einhverjar erfiðar að-
stæður og reyni að leysa þær, en stundum tefli
þau bara.
„Það er svolítið erfitt að vera góður að tefla“
Morgunblaðið/Ómar
LYFIÐ NovoSeven eða „krafta-
verkalyfið“ eins og það hefur verið
nefnt eftir að það var notað með
góðum árangri til að stöðva blæð-
ingu frá lungum í 14 ára pilti, sem
var nærri drukknaður í Breiðholts-
laug fyrir skömmu, er lítið dýrara
hér á landi en á hinum Norðurlönd-
unum.
Samkvæmt samkomulagi við
Landspítala – háskólasjúkrahús
sér PharmaNor hf. um að lág-
marksbirgðir séu til hverju sinni
og útvegar það með nokkurra
klukkustunda fyrirvara ef þörf er
á.
Hreggviður Jónsson, forstjóri
PharmaNor, segir að lyfið Novo-
Seven hafi verið tekið sem dæmi
um rándýr lyf á Íslandi en tilfellið
sé að það sé aðeins 6% dýrara en
meðalverð þess á Norðurlöndun-
um. Hér kosti skammturinn 71.621
krónu, 68.526 kr. í Svíþjóð, 67.305
kr. í Noregi og 66.777 kr. í Dan-
mörku.
„Við höfum gert samkomulag við
Landspítala – háskólasjúkrahús
þess efnis að við eigum lágmarks-
öryggisbirgðir af þessu lyfi,“ segir
hann og bætir við að fyrirtækið
hafi þurft að útvega lyfið með hraði
frá Kaupmannahöfn og gert það
með nokkurra klukkutíma fyrir-
vara. „Notkun þessa lyfs gerir ekki
boð á undan sér, en krafan er að
það sé til á réttum stað á réttum
tíma og því eigum við birgðir inni á
spítalanum sem geta nýst einum
eða fleiri sjúklingum í 24 tíma.“
Bjargaði 14 ára pilti
Eins og greint hefur verið frá
var þetta lyf notað til að stöðva
blæðingu frá lungum í 14 ára
dreng. Í viðtali við Felix Valsson,
sérfræðing í svæfinga- og gjör-
gæslulækningum, kom meðal ann-
ars fram að þetta lyf hefði ekki
verið notað áður á meðan sjúkling-
ur væri tengdur hjarta- og lungna-
vél, en blæðingin hefði stöðvast
strax eftir lyfjagjöfina án þess að
það hefði leitt til þess að blóð
storknaði í vélinni. Meðferðin hefði
gengið ótrúlega vel og útlit sé fyrir
að pilturinn komi algerlega heill út
úr slysinu.
Notagildið ótvírætt
Í nýjasta tölublaði Læknablaðs-
ins skrifar Páll Torfi Önundarson
læknir um þetta nýja blóðstorku-
myndandi lyf. Hann segir meðal
annars að á Landspítalanum gildi
strangar reglur um notkun þess
vegna mikils kostnaðar og þeirrar
staðreyndar að ábendingar séu enn
óljósar. Samt hafi NovoSeven verið
notað í völdum tilfellum þótt ekki
hafi verið um dreyrasýki að ræða
en áunnin storkumein séu alltaf
leiðrétt samhliða samkvæmt mæl-
ingum. „Dæmi um árangursríka
viðbótarmeðferð með NovoSeven á
Landspítala eru meðal annars hjá
sjúklingi með blóðflagnafækkun í
bráðahvítblæði og þar af leiðandi
blæðingar inn á heilahimnur og í
lungu, hjá sjúklingum með af-
brigðilegar blæðingar við opnar
hjartaaðgerðir, hjá sjúklingi með
óstöðvandi blæðingu eftir umferð-
arslys og hjá sjúklingi með svæsna
lungnablæðingu í tengslum við
blóðstorkusótt eftir nærdrukknun
og kólnun.“
Hann kemst að þeirri niðurstöðu
að „í dreyrasýki og í ákveðnum
storkumeinum er enginn vafi um
notagildi NovoSeven. Að auki ætti
ætíð að íhuga notkun lyfsins ef tal-
ið er að sjúklingi sé að blæða út
þrátt fyrir fulla meðferð en skilyrði
er að batamöguleikar séu að öðru
leyti taldir vera sæmilegir“.
„Kraftaverkalyfið“ á svipuðu
verði hér og á Norðurlöndunum