Morgunblaðið - 03.12.2003, Blaðsíða 18
HÖFUÐBORGARSVÆÐIÐ
18 MIÐVIKUDAGUR 3. DESEMBER 2003 MORGUNBLAÐIÐ
Hefur þú kynnt
þér tilboðin í
Sparimagazíni
fyrir desember?
Stefnir í aðsóknarmet | Fræðslu-
deild Árbæjarsafns hefur árum
saman boðið nemendum í leik-
skólum og grunnskólum Reykjavík-
ur og nágrennis upp á skemmtilega
og fræðandi safnaheimsókn síðustu
vikurnar fyrir jól. Í ár lítur út fyrir
að slegið verði nýtt aðsóknarmet en
alls eru nú bókaðir um 100 hópar
inn á safnið fram að jólum og því
áætlað að rúmlega 2.200 börn muni
heimsækja Árbæjarsafn fyrir jólin
með kennurum sínum. Þetta kemur
fram á vef Reykjavíkurborgar.
Farið er með börnin í gamla býlið
Árbæ og torfkirkju safnsins og fá
börnin að kynnast jólaundirbúningi
og jólahaldi fyrrum. Fjallað er um
jólabaðið, kertagerð og lýsislampa
og lífið í baðstofunni á aðventunni.
Einnig er fjallað um gömlu jóla-
sveinana sem börðu á glugga,
skelltu hurðum og stálu keti. Grýla
mamma þeirra kemur einnig við
sögu, vöndurinn er skoðaður og
rætt um hlutverk hans. Heimsóknin
endar í gömlu torfkirkjunni en þar
er hlustað á jólasögu og sungið.
Styrkur til leikskólastarfs |
Verkefni leikskólaskrifstofu Kópa-
vogs vegna þróunarvinnu við að
byggja upp heildstæða þjónustu við
leikskólanemendur með einhverfu
og fjölskyldur þeirra hlaut styrk-
veitingu úr styrkjasjóði Evrópuárs
fatlaðra að upphæð 300.000 krónur.
Félagsmálaráðherra veitir styrkinn.
Þróunarverkefnið er samstarfs-
verkefni Fræðslusviðs Kópavogs-
bæjar og Greiningar- og ráðgjafar-
stöðvar ríkisins. Verkefnið lýtur að
þróun líkans eða umgjarðar um
vinnubrögð sem að mati samstarfs-
aðila er það sem hafa ætti að leið-
arljósi við þjónustu og íhlutun
vegna leikskólanemenda sem
greinst hafa með einhverfu og fjöl-
skyldna þeirra. Verkefninu er
þannig ætlað að verða nokkurs kon-
ar fyrirmynd að því hvernig unnt
er að skipuleggja og framkvæma
þjónustu sem er heildstæð og mæt-
ir þörfum þeirra sem hennar njóta.
Í því felst skoðun á núverandi úr-
ræðum sem veitt eru af þeim stofn-
unum sem að málum koma auk
þess sem settar verða fram tillögur
um hvernig bæta megi þjónustuna
og gera íhlutun markvissari í fram-
tíðinni.
Miðborg | Ólafur F. Magnússon,
borgarfulltrúi F-listans, sagði á
borgarstjórnarfundi nýverið til-
efni til að spyrja borgarfulltrúana
Alfreð Þorsteinsson og Steinunni
Valdísi Óskarsdóttur hvort ÁHÁ
verktökum hafi verið gefið fyrir-
heit um niðurrif Austurbæjarbíós.
Vísaði hann í því samhengi til
áréttingar Steinunnar Birnu
Ragnarsdóttur, fyrrverandi vara-
borgarfulltrúa R-listans, sem
birtist í Morgunblaðinu. Þar hef-
ur hún eftir Alfreð Þorsteinssyni
að það sé ekki spurning hvort
heldur hvenær Austurbæjarbíó
verði rifið. Það væri búið að
ákveða það.
Ingibjörg Sólrún Gísladóttir,
borgarfulltrúi R-listans, sagði að
hún hefði ekki gefið nein fyrirheit
þegar hún hitti verktaka á einum
kynningarfundi snemma á þessu
ári er hún var enn borgarstjóri.
Það sama sagði Árni Þór Sigurðs-
son og sér hafi fundist hugmyndir
verktakanna of „stórkarlalegar“.
Steinunn Valdís sagði búið að
svara þessum spurningum og þó
fyrirspyrjanda líki ekki svörin þá
breytist þau ekki þó oft sé spurt.
Hún hafi ekkert við svar Ingi-
bjargar Sólrúnar að bæta. Alfreð
Þorsteinsson tók ekki til máls og
þurfti síðar að víkja af fundi.
Ólafur F. Magnússon sagðist
líta svo á að Steinunn Valdís neiti
að svara spurningunni.
Hugmyndir
verktaka
stórkarla-
legar
Niðurrif
Austurbæjarbíós
Gjald lækkar | Leikskólaráð sam-
þykkti á fundi sínum nýverið að
lækka aðgangsgjald á gæsluleikvelli
Reykjavíkurborgar. Samþykkt var að
frá 1. desember yrði gjald fyrir
hverja heimsókn á vellina 100 krónur.
Ekki verður lengur boðið upp á af-
sláttarkort, en þeir sem eiga miða eft-
ir geta nýtt þá og gildir hálfur miði
fyrir hverja heimsókn.
Í vetur eru vellirnir opnir alla virka
daga frá kl. 10.00–12.00 á morgnana
og frá 13.00 til 15.30 síðdegis. Gæslu-
leikvöllurinn við Frostaskjól er opinn
frá kl. 9.00 til 13.30.
Mosfellsbær | Sigga Mæja í Mos-
fellsbænum er hér með tíkina sína,
hana Eldingu, og hvolpana hennar.
Þeir eiga eftir að vera hjá móður
sinni í eina viku áður en þeir fara á
ný heimili, en hvolpar geta farið inn
á ný heimili átta vikna gamlir. Eins
og labradorum sæmir eru hvolp-
arnir harðir af sér og leika sér og
slást úti í hörkufrosti þrátt fyrir
ungan aldur. Þeir eru allan daginn
úti í stórri girðingu þar sem þeir
hafa aðgang að litlu upphituðu húsi
og geta lagt sig og náð hita í
skrokkinn ef á þarf að halda. Á
næturnar eru þeir inni í íbúðarhúsi
en fara í einni halarófu út í girð-
inguna sína kl. sjö á morgnana.
Morgunblaðið/Ingó
Bestu vinirnir í bænum
Kópavogur | Sigurður
Geirdal, bæjarstjóri í
Kópavogi, segir að Atl-
antsolía hafi sent bæn-
um almenna fyrirspurn
varðandi lóð undir
bensínstöð í bænum og
fyrirspurnin hafi verið
send bæjarskipulagi
sem hugaði að málinu.
„Svarið sem við gáfum
þeim var ekki beint það
að ekki væri til lóð en
það er erfitt að taka á
þessu þar sem ekki var
sótt um ákveðna lóð á
ákveðnum stað.“
Forsvarsmaður Atl-
antsolíu gagnrýndi í Morgunblaðinu
á dögunum að bæjarfélögin á höfuð-
borgarsvæðinu hefðu hafnað beiðni
fyrirtækisins um lóð undir bensín-
stöð, nema Hafnarfjörður.
Sigurður segir að Atlantsolía sé
með bensíndælu á Kópavogsbraut
115. Vegna þeirrar lóð-
ar sendi fyrirtækið
bænum bréf þar sem
spurt var hvort lóðar-
leigusamningur yrði
endurnýjaður er hann
rynni út árið 2008 og
hvort áfram yrði leyft
að hafa bensínstöð á
lóðinni. Sigurður segir
að í svari bæjarins hafi
komið fram að lengi
hafi verið gert ráð fyrir
því að bensínstöðin
myndi fara. Hann segir
að í svarinu hafi verið
sagt að yrði enn vilji af
hálfu fyrirtækisins til
að hafa bensínstöð á lóðinni eftir að
samningur rynni út þyrfti að sækja
um breytingu á aðalskipulagi. „Ég lít
ekki á þetta svar sem neitun,“ segir
Sigurður. Hann segir ekki lausa lóð í
augnablikinu undir bensínstöð í
Kópavogi en að hugsanlega sé lóð
fyrir bensínstöð í nýja Vatnsenda-
hverfinu. Það séu hins vegar yfirleitt
verktakar eða fyrirtæki sem byggja
upp þjónustukjarnana í nýjum
hverfum sem semji við aðila um t.d.
uppsetningu á bensínstöðvum. „En
það hefur ekki komið neitt hingað
inn á borð sem er hægt að flokka sem
beina umsókn frá Atlantsolíu um
lóð,“ segir Sigurður.
Atlantsolía leitar að lóð fyrir bensínstöð
Hugsanlega lóð í nýju hverfi
Sigurður Geirdal
Á Háskólasvæðinu er fjöldi fyrirlestrarsala sem nýtast vel fyrir ráð-
stefnuhald þegar ekki er verið að nota þá til kennslu.
RADISSON SAS Hótel Saga og Há-
skóli Íslands hafa tekið upp sam-
starf sem felst í því að hótelið tekur
að sér alla sölu- og markaðssetningu
á funda- og ráðstefnusölum Háskóla
Íslands þann tíma sem húsnæðið er
ekki nýtt undir kennslu, kvikmynda-
sýningar eða starfsemi Sinfóníu-
hljómsveitar Íslands. Um er að
ræða sex sali í Háskólabíói sem
bjóða upp á sæti fyrir 100–900
manns, kennslustofur í Lögbergi og
Odda auk funda- og fyrirlestrarsala
í hinu nýja Náttúrufræðahúsi sem
tekið verður í notkun í lok ársins.
Allt kynningarefni verður endurnýj-
að og sameinað í bæklingum Rad-
isson SAS-hótelanna auk þess sem
salirnir verða settir inn í sölukerfi
þeirra.
„Við teljum að samstarfið sé báð-
um aðilum til góðs. Hótelið getur nú
boðið upp á mun stærri funda- og
ráðstefnuaðstöðu en áður.
Háskólinn fær líka betri nýtingu á
húsakosti sínum auk þess sem fag-
aðili sér um markaðs- og sölustarf
jafnt innanlands sem utan.
Viðskiptavinir okkar munu njóta
þess að hafa þarna alla þætti á sama
stað og nýir möguleikar sem þetta
býður upp á verða kynntir fljótlega,“
segir Hrönn Greipsdóttir, hótel-
stjóri Radisson SAS Hótels Sögu.
Háskóli Íslands og
Radisson SAS í samstarf
Morgunblaðið/Golli