Morgunblaðið - 05.12.2003, Page 4

FRÉTTIR
4 FÖSTUDAGUR 5. DESEMBER 2003 MORGUNBLAÐIÐ
M
Á
T
T
U
R
IN
N
&
D
Ý
R
Ð
IN
1
2
0
3
DANSKA lögreglan rannsakar til-
drög banaslyssins á Nordhavns-
lestarstöðinni í austurhluta Kaup-
mannahafnar aðfaranótt laugardags
þegar 19 ára íslenskur piltur, Atli
Thor Birgisson, varð fyrir lest. Að
sögn lögreglunnar er ekki uppi
grunur um saknæmt athæfi í
tengslum við atburðinn.
Atli Thor hafði búið í Danmörku
frá árinu 1990 ásamt móður sinni,
Maríönnu Friðjónsdóttur. Lík hins
látna verður flutt til Íslands og fer
útför hans fram frá Bústaðakirkju
12. desember. Minningarathöfn um
Atla Thor verður í Kaupmannahöfn
laugardaginn 6. desember. Hægt
verður að minnast hins látna á
heimasíðu hans sem opnuð verður á
næstu dögum. Slóðin er www.-
atli.dk.
Vinir og vandamenn móður Atla
Thors hafa stofnað styrktarsjóð
vegna flutnings jarðneskra leifa
hans til Íslands. Stofnaðir hafa ver-
ið bankareikningar í Danmörku og
á Íslandi í því skyni.
Í Danmörku: Støttefond for Atli.
Forstædernes bank Hellerupvej
8, 2900 Hellerup, reg. 5478, konto:
8009545. Ábyrgðarmaður er Niels
Kjølbæk þjónustustjóri.
Á Íslandi: Styrktarsjóður fyrir
Atla. Landsbanki Íslands. Múla-
útibú, reikningur: 0139-05-063552.
Kt.: 240754-4289. Ábyrgðarmaður
er Hrafnhildur Sigurðardóttir úti-
bússtjóri.
Andlát Atla Thors
í rannsókn dönsku
lögreglunnar
ÓLAFUR Hergill Oddsson læknir telur að ein-
staka rothögg í hnefaleikum þurfi ekki að vera
það alvarlegasta sem menn lenda í, heldur geti sí-
endurtekin „létt“ högg jafnvel valdið meiri skaða.
Gagnsemi höfuðhlífa sé ennfremur takmörkuð
þegar kemur að verndun heilans.
„Það eru engar hlífar sem geta varið heilann
fyrir höggum, því heilinn hristist alltaf til,“ segir
Ólafur. „Það getur komið mar á heilann þar sem
höggið lendir, en einnig getur komið svokallaður
gagnhöggsáverki. Heilinn hreyfist nefnilega ekki
eins hratt og höfuðkúpan. Við högg geta æðar
slitnað og orsakað heilablæðingu. Erfiðastar eru
líklega hinar örlitlu blæðingar sem uppgötvast
e.t.v. ekki fyrr en löngu síðar. Einnig getur tauga-
vefur skaddast við höfuðhögg. Ég held að það
þurfi ekki mikla snilligáfu til að sjá að við ítrekuð
höfuðhögg árum saman geti það orsakað skerta
heilastarfsemi, enda hefur það sýnt sig í rann-
sóknum.“
Afbrigðilegt blóðflæði í heila boxaranna
Í breskri rannsókn frá árinu 1995 þar sem
fylgst var með ungum íþróttamönnum í breska
hernum, annars vegar áhugamannaboxurum og
hins vegar mönnum í öðrum íþróttagreinum kom í
ljós að afbrigðilegt blóðflæði í heila boxaranna var
mun algengara en í hinum íþróttamönnunum.
„Þessi rannsókn er athyglisverð fyrir þær sakir
að hún sýnir glöggt að það gerist eitthvað í heila
fólks við síendurtekin högg,“ segir Ólafur „Þess
ber að geta að boxararnir notuðu höfuðhlífar. Í
þessari rannsókn komu boxararnir marktækt
verr út í fjórum af fimm taugasálfræðiprófum og
því verr því oftar sem þeir höfðu keppt.“
Hollensk rannsókn frá árinu 2000 sýnir þá fram
á skerta tauga- og vitsmunalega starfsemi hjá
boxurum sem komu verr út á taugasálfræði-
prófum en samanburðarhópur. „Í þessari rann-
sókn voru prófaðir þættir eins og skipulags- og at-
hyglisgáfa auk fínhreyfinga og minnis. Allir þessir
þættir komu verr út hjá boxurunum og versnuðu
eftir því sem þeir kepptu meira. Hér var um að
ræða tvo hópa annars vegar boxara sem kepptu
og hins vegar boxara sem einugins hæfðu púðabox
og fengu aldrei á sig högg. Báðir hópar voru próf-
aðir strax að loknu púli, og notaði fyrrnefndi hóp-
urinn höfuðhlífar, en engu að síður staðfestir
rannsóknin að hlífarnar vernduðu þá ekki fyrir
bráðum heilaáverka.“
Erfitt að tala um box sem íþróttagrein
„Í mínum huga er erfitt að tala um box sem
íþróttagrein vegna þess að markmiðið er að koma
höggi á höfuð andstæðingsins auk fleiri staða á
líkamanum. Hérlendis var af hálfu fylgjenda box-
ins ekki tekið vel í þá tillögu að banna höfuðhögg,
sem a.m.k. einn boxklúbbur í Hollandi hefur þó
samþykkt með góðum árangri.
Það ber einnig að athuga hvaða afleiðingar
„léttu“ höggin hafa á fólk, því enn ein rannsókn, í
þetta skiptið á dýrum, sýndi fram á að létt högg í
langan tíma eru skaðlegri en einstaka rothögg.
Vissulega eru rothögg alvarleg, en þessi tiltekna
rannsókn sýndi að mörg létt högg á höfuðið valda
meiri skaða á taugavef og heilaæðum en fá rot-
högg.“
Ólafur telur í ljósi alls þessa hróplega mótsögn
fólgna í því að börnum allt niður í 11 ára aldur sé
kennt að boxa og veita hvert öðru höfuðhögg á
meðan rekinn sé áróður fyrir því í samfélaginu að
vernda börn fyrir ýmiss konar höfuðmeiðslum,
s.s. með því að skylda þau til að nota hjálma á
reiðhjólum sínum.
Væg höfuðhögg í hnefaleikum
jafnvel hættulegri en rothöggin
Morgunblaðið/Sverrir
„ÞESSIR einstaklingar eru
ÍSÍ óviðkomandi og eru að mis-
nota íþróttaklæði, sem ég hef
mestu fyrirlitningu á,“ segir
Ellert B. Schram, forseti ÍSÍ,
um kókaínsmyglarana tvo sem
teknir voru í Leifsstöð á þriðju-
dag, klæddir sem íþróttamenn
með hnefaleikabúnað.
„Það mun væntanlega verða
lagt fyrir framkvæmdastjórn
ÍSÍ að taka á þessu máli, en
reglur ÍSÍ gera ráð fyrir því að
hægt sé að lýsa þá sem sýna af
sér ótilhlýðilegt hátterni, „per-
sona non grata“.“ Mennirnir
voru eitt sinn innan hnefaleika-
hreyfingarinnar en var vísað
frá henni vegna samnings-
brota.
Eru ÍSÍ
óvið-
komandi
HNEFALEIKANEFND ÍSÍ mun
funda á morgun, föstudag, þar sem
tildrög heilablæðingar Ara Ársæls-
sonar hnefaleikara verða m.a. rædd.
Einnig verður hið stórfellda kók-
aínsmygl í Leifsstöð tekið til um-
ræðu þar sem smyglararnir tveir
tengjast íslenskum hnefaleikum.
„Það að menn séu að skýla sér á
bak við íþróttaföt og merki Íslands
við fíkniefnasmygl er náttúrlega svo
óforskammað að það tekur engu
tali,“ segir Engilbert. „Ég ítreka að
þessir menn eru ekki í ÍSÍ og get
ekki séð að menn sem fara ekki að
lögum hreyfingarinnar séu velkomn-
ir í hana.“
Varðandi slysið í Eyjum segir
Engilbert að fundurinn muni fara yf-
ir skýrslu mótshaldara í Eyjum, eft-
irlitsaðila og keppnislæknis sem var
á staðnum þegar slysið varð.
„Við gerum mjög strangar kröfur
til keppenda og hvernig staðið skuli
að hnefaleikakeppni,“ segir Engil-
bert. „Ég harma að slysið skuli hafa
orðið, en tel að hárrétt hafi verið
brugðist við atburðinum.“
Konstantín Mikaelsson, dómari í
viðureign Ara og Heiðars Sverris-
sonar í umrætt sinn, sem endaði með
því að sá fyrrnefndi hlaut mikla
heilablæðingu eftir högg frá Heiðari,
hefur staðfest að Ari hafi gert at-
hugasemd við framgöngu Heiðars í
hringnum með því að Heiðar kýldi
hann í hnakkann. Konstantín segir
þetta hafa verið í eitt skipti í þriðju
lotu og hafi Heiðar hlotið dómaraað-
vörun fyrir vikið. Alls óvíst erum
samhengi þessa atriðis og heilablæð-
ingar Ara. Hann liggur nú á heila- og
taugaskurðdeild Landspítalans eftir
stutta legu á gjörgæsludeild. Verður
hann þar næstu daga undir áfram-
haldandi eftirliti lækna.
Ræða um
boxslys og
smyglmál
HNEFALEIKAFÉLAG Reykja-
víkur leggur áherslu á að mennirnir
tveir sem voru teknir með 400
grömm af kókaíni í Leifsstöð á
þriðjudag eru ekki meðlimir í HR. Í
ágúst sl. hafi nýir aðilar tekið við
rekstri HR og var gerður samningur
við fyrrverandi rekstraraðila þess
efnis að að þeir létu íþróttina og allt
henni tengt óafskipt næstu 5 árin.
Það séu umræddir fyrrverandi
rekstraraðilar HR sem voru teknir í
Leifsstöð.
„Því kemur það eins og köld vatns-
gusa þegar fregnir þess eðlis að að-
ilar tengdir hnefaleikaíþróttinni hafi
verið handteknir vegna fíkniefna-
smygls, ofan á allt annað sem á und-
an hefur gengið þessa vikuna,“ segir
í yfirlýsingu HR.
HR segir málið áfall fyrir þá sem
unnið hafa að uppbyggingu íþrótt-
arinnar um árabil. Ennfremur for-
dæmir HR að íþróttin sé notuð sem
skjól til að smygla eiturlyfjum til
landsins og segir að varsla mann-
anna á hnefaleikabúnaði brjóti í bága
við samning sem þeir undirrituðu við
Boxing ehf. í ágúst sl.
Ekki í Hnefa-
leikafélagi
Reykjavíkur
KRAKKARNIR í leikskólanum Seljaborg skruppu upp í
Heiðmörk í gær til að finna sér jólatré við hæfi. Þeim til
aðstoðar við að finna rétta tréð voru foreldrar og jóla-
sveinarnir Hurðaskellir og Stekkjastaur, sem sennilega
hafa verið að villast í bænum svona snemma, enda ekki
væntanlegir alveg strax til byggða.
Morgunblaðið/Einar Falur
Sóttu sér jólatré í Heiðmörk
DESEMBERUPPBÓT skjólstæð-
inga Tryggingastofnunar ríkisins
felst í 30% uppbót á tekjutryggingu,
heimilisuppbót og tekjutryggingar-
auka og getur hæst orðið um 22.000
krónur.
Ellilífeyrisþegi sem býr einn og
hefur engar aðrar tekjur fær 20.630
krónur í ellilífeyri eða grunnlífeyri,
38.500 kr. í tekjutryggingu, 16.960
kr. í heimilisuppbót og 18.000 kr. í
tekjutryggingarauka (hærri). Des-
emberuppbót hans er 30% af þremur
síðustu greiðslunum eða 22.038 kr.
Desemberuppbót TR
30% ofan
á aðrar
greiðslur