Morgunblaðið - 06.02.2004, Side 15

ERLENT
MORGUNBLAÐIÐ FÖSTUDAGUR 6. FEBRÚAR 2004 15
VIÐSKIPTI/ATHAFNALÍF
PHARMACO hlaut í gær Íslensku
þekkingarverðlaunin sem Félag við-
skiptafræðinga og hagfræðinga,
FVH, veitti í fjórða sinn.
Jafnframt hlaut Róbert Wess-
mann, forstjóri Pharmaco, viður-
kenningu félagsins sem viðskipta-
fræðingur ársins 2003. Er það í
annað skiptið sem FVH afhendir þá
viðurkenningu.
Á þekkingardegi FVH í gær var
yfirskriftin Stjórnun breytinga og
var við val á þekkingarfyrirtæki árs-
ins horft til þess að velja fyrirtæki
sem skarað hefur fram úr þegar
kemur að stjórnun breytinga.
Fjögur fyrirtæki voru tilnefnd til
Íslensku þekkingarverðlaunanna,
Baugur Group, KB banki, Medcare-
Flaga og Pharmaco.
Að sögn Gylfa Dalmanns, for-
manns dómnefndar í vali á þekking-
arfyrirtæki ársins, einkennir
Pharmaco að sams konar stjórnar-
uppbygging sé fyrir allar einingar
sem hafi m.a. átt þátt í að auðvelda
þann mikla ytri vöxt sem átt hefur
sér stað á undanförnum misserum.
„Fyrirtækið hefur markvisst virkjað
lykilstarfsmenn og stjórnendur við
val á verkefnum og gengið vel að
nýta og virkja krafta starfsmanna
þeirra fyrirtækja sem fyrirtækið
hefur yfirtekið. Vinna við þróun
æskilegrar fyrirtækjamenningar og
innleiðingu sameiginlegra gilda hef-
ur einkennt breytingarsýnina,“ að
því er fram kom í vali dómnefndar á
Pharmaco.
Viðskiptafræðingur ársins
Margrét Sigurðardóttir, formaður
dómnefndar við val á viðskiptafræð-
ingi/hagfræðingi ársins, sagði í ræðu
sinni að það hefði verið einróma mat
dómnefndar að Róbert Wessmann,
forstjóri Pharmaco, hefði sýnt það
og sannað að hann væri hæfileikarík-
ur stjórnandi sem hefði tekist á
skömmum tíma að byggja upp stórt
alþjóðlegt félag sem keppti við
helstu fyrirtæki heims í framleiðslu
samheitalyfja og stefndi nú að skrán-
ingu í London.
Róbert er fæddur árið 1969 og
lauk prófi frá Viðskiptadeild Há-
skóla Íslands árið 1993. Á árunum
1993–1999 gegndi hann ýmsum
stjórnunarstöðum hjá Samskipum,
var meðal annars forstjóri Samskipa
í Þýskalandi. Um mitt ár 1999 tók
hann við starfi forstjóra Delta þar til
félagið sameinaðist Pharmaco þar
sem hann hefur verið forstjóri síðan.
Róbert sagði þegar hann tók við
viðurkenningunum að vinnan við að
byggja upp alþjóðlegt félag á fáum
árum væri ekki verk eins manns
heldur margra. Starfsmenn hefð-
ukomið að af fullum krafti og mjög
margir starfsmenn lagt meira á sig
heldur en hægt væri að krefjast af
þeim. Sagði hann að viðurkenning-
arnar myndu hvetja sig og sam-
starfsfólk sitt til dáða og það væri
mikill heiður bæði fyrir hann sjálfan
og Pharmaco að hljóta þessar við-
urkenningar.
Morgunblaðið/Árni Sæberg
Valgerður Sverrisdóttir,viðskiptaráðherra afhenti Róberti Wessmann, for-
stjóra Pharmaco, tvær viðurkenningar í gær. FVH valdi Róbert viðskipta-
fræðing ársins og Pharmaco hlaut Íslensku þekkingarverðlaunin.
Róbert Wessmann viðskiptafræð-
ingur ársins hjá FVH
Pharmaco hlýtur
Íslensku þekk-
ingarverðlaunin
STJÓRNARANDSTAÐAN í Bret-
landi sótti fast að stjórninni í gær eft-
ir að Tony Blair forsætisráðherra við-
urkenndi að hann hefði ekki haft
vitneskju um mikilvægar upplýsingar
frá leyniþjónustunni um meinta ger-
eyðingarvopnaeign Íraka fyrir inn-
rásina í Írak.
Blair hélt því fram fyrir stríðið að
samkvæmt gögnum leyniþjónustunn-
ar gætu Írakar beitt efna- eða sýkla-
vopnum með 45 mínútna fyrirvara en
forsætisráðherrann kvaðst í fyrradag
ekki hafa vitað á þeim tíma hvort þar
var átt við eldflaugar eða skamm-
drægari „vígvallarvopn“.
Þingmenn stjórnarandstöðunnar
kröfðust í gær svara við því hvernig á
því stæði að forsætisráðherrann hefði
ekki gengið úr skugga um þetta áður
en hann fyrirskipaði breskum her-
mönnum að ráðast inn í Írak. „Ef ég
væri forsætisráðherrann og hefði lát-
ið hjá líða að spyrja þessarar grund-
vallarspurningar áður en ég sendi
hermenn okkar í stríð myndi ég taka
stöðu mína til alvarlegrar athugun-
ar,“ sagði Michael Howard, leiðtogi
Íhaldsflokksins.
Leiðrétti ekki fjölmiðlana
Geoff Hoon varnarmálaráðherra
hefur viðurkennt að hann hafi vitað
fyrir stríðið að fullyrðingin um 45
mínútna fyrirvarann ætti aðeins við
um sprengikúlur. „Þetta var ekki
mikið deilumál opinberlega á þessum
tíma,“ sagði Hoon í útvarpsviðtali í
gær og kvaðst telja að of mikið væri
gert úr málinu.
Fullyrðingin um að Írakar hefðu
getað beitt efna- eða sýklavopnum
með 45 mínútna fyrirvara kom fram í
skýrslu sem breska stjórnin notaði til
að réttlæta innrásina. Blair fjallaði
um þetta í formála að skýrslunni en
ekki kom fram hvers konar vopn
þetta væru nákvæmlega.
Daginn eftir birtu breskir fjöl-
miðlar fréttir – sem ekki voru leið-
réttar – um að Írakar gætu gert efna-
eða sýklavopnaárásir á nálæg ríki.
Söluhæsta dagblað Bretlands, The
Sun, birti forsíðufrétt með fyrirsögn-
inni: „Bretar 45 mínútum frá dóms-
degi“.
Þegar Hoon kom fyrir varnarmála-
nefnd þingsins í gær var hann spurð-
ur hvers vegna hann hefði ekki leið-
rétt þetta. Hann kvaðst þá ekki hafa
verið í landinu á þessum tíma og ekki
lesið blöðin.
George W. Bush Bandaríkjaforseti
varði í gær innrásina í Írak og kvaðst
ekki iðrast hennar þótt engin gereyð-
ingarvopn hefðu fundist í landinu.
„Frelsun Íraks var réttlætisaðgerð,
kúguð þjóð var frelsuð undan valdi
illrar stjórnar,“ sagði hann.
Fast sótt að Blair forsætisráðherra á breska þinginu
London. AFP.
Geoff HoonTony Blair
Vissi ekki hvort Írakar
gátu beitt eldflaugum
STARFSFÓLK BBC, breska ríkisútvarpsins, mótmælti í gær við höfuðstöðvarnar í London og við mörg útibú
stofnunarinnar því, sem það kallar árás stjórnvalda á stofnunina og óháða fréttamennsku. Mótmælti það nið-
urstöðu Hutton-rannsóknarinnar á dauða vísindamannsins Davids Kellys en hún hvítþó ríkisstjórnina af allri sök
en fordæmdi fréttaflutning BBC. „Látið BBC í friði“ var helsta slagorðið í mótmælunum.
Reuters
Starfsmenn BBC mótmæla
KÓLUMBÍA stendur frammi fyrir
meiri hörmungum en nokkurt annað
ríki utan Afríku, að því er fram kom
á fréttavef breska ríkisútvarpsins,
BBC, í gær.
Þar er haft eftir Kamel Morjane,
aðstoðarflóttamannafulltrúa Sam-
einuðu þjóðanna, að ástandið sé að-
eins verra í Lýðveldinu Kongó og
Súdan.
Tvær til þrjár milljónir manna
hafa flúið heimkynni sín vegna borg-
arastyrjaldar sem geisað hefur í Kól-
umbíu í 39 ár.
Morjane skoraði á þjóðir heims að
leiða ekki vandann hjá sér og kvaðst
ætla að beita sér fyrir því að þær
legðu meira af mörkum til hjálpar-
starfsins í Kólumbíu.
„Mér fannst ég vera í einu af al-
snauðustu löndum Afríku, það var
átakanlegt að sjá aðstæður fólksins,“
sagði embættismaðurinn.
Þúsundir Kólumbíumanna hafa
flúið til grannríkjanna eða leitað
hælis í Bandaríkjunum og Evrópu
vegna átakanna.
Flóttamannafulltrúi Sameinuðu
þjóðanna vonast til þess að finna
leiðir til að beina athygli heimsins að
þjáningum flóttafólksins í Kólumbíu.
Lítið hefur verið fjallað um þetta
vandamál á alþjóðavettvangi og at-
hyglin hefur einkum beinst að eitur-
lyfjasmygli og átökum milli kólumb-
íska stjórnarhersins og
uppreisnarhreyfinga, að því er BBC
hefur eftir Morjane.
Hörmungarástand
ríkir í Kólumbíu
FJÖLDI nýskráðra hlutafélaga og
einkahlutafélaga hjá fyrirtækjaskrá
var 2.389 á síðasta ári. Nýskrán-
ingum fækkaði því um rúm 23% frá
árinu 2002, þegar 3.120 ný félög
voru skráð.
Flestar nýskráningar á síðasta
ári, eða um 35%, voru í greinum
sem tilheyra yfirflokknum fast-
eignaviðskipti, leigustarfsemi og
ýmis sérhæfð þjónusta. Undir
þennan flokk falla meðal annars
rekstur eignarhaldsfélaga, leiga at-
vinnuhúsnæðis, hugbúnaðargerð og
rekstrarráðgjöf. Þeir yfirflokkar
sem á eftir komu voru verslun og
ýmis viðgerðarþjónusta, með 16%,
og byggingarstarfsemi og mann-
virkjagerð, með 12%. Af einstökum
atvinnugreinum voru flestar ný-
skráningar í flokknum leiga at-
vinnuhúsnæðis. Þá voru mörg hinna
nýskráðu félaga með starfsemi á
sviði húsbygginga og mannvirkja-
gerðar, reksturs eignarhaldsfélaga
og smábátaútgerðar.
Langflest ný hlutafélög voru
skráð á höfuðborgarsvæðinu, eða
69% allra skráninga. Vestfirðir voru
hins vegar með flestar nýskrán-
ingar miðað við íbúafjölda, eða 9,2 á
hverja þúsund íbúa. Höfuðborgar-
svæðið fylgdi fast á eftir með 9,1
nýskráningu á hverja þúsund íbúa.
Nýskráningum
hlutafélaga fækkar
HÆTTA er á, að lifrarbólga C
verði að faraldri í Evrópu og
valdi gríðarlegu álagi á heil-
brigðiskerfið og framlög til
þess. Kemur það fram í nýrri
skýrslu frá stofnun, sem fylgist
með lyfjanotkun og lyfjafíkn.
Í skýrslunni segir, að hugs-
anlega þjáist „nokkrar milljón-
ir“ manna í ríkjum Evrópusam-
bandsins af sjúkdómnum en
lifrarbólguveiran smitast eink-
um við kynmök og með smituðu
blóði, til dæmis með óhreinum
sprautunálum. 60 til 90% af ný-
smituninni eiga sér stað meðal
fíkniefnaneytenda.
Varað við
lifrarbólgu-
faraldri
Lissabon. AFP.