Morgunblaðið - 22.04.2004, Page 4

FRÉTTIR
4 FIMMTUDAGUR 22. APRÍL 2004 MORGUNBLAÐIÐ
Reyndi að svíkja fé úr
dánarbúi hins myrta
HÉRAÐSDÓMUR Reykjavíkur hef-
ur dæmt Þórhall Ölver Gunnlaugsson
í tveggja og hálfs árs fangelsi fyrir
skjalafals. Þórhallur dvelur í refsivist
í fangelsinu að Litla-Hrauni og af-
plánar nú sextán ára fangelsisdóm
fyrir að hafa banað Agnari W. Agn-
arssyni í júlí 1999. Kemur dómurinn
nú til viðbótar þeirri refsingu.
Þórhallur gerði m.a. tilraun til að
svíkja fé úr dánarbúi þess sem hann
var dæmdur fyrir að hafa myrt og
þótti dómnum sú háttsemi vera sví-
virðileg.
Þórhallur Ölver var sekur fundinn
um öll ákæruatriðin nema eitt en öll
skjölin sem voru tilgreind í ákærunni
sagði dómari að Þórhallur hefði falsað
frá rótum, bæði hvað veð og áritun
ábyrgðarmanna varðaði.
Í ágúst árið 2000 seldi Þórhallur
manni þrjú skuldabréf, samtals að
andvirði um 1,7 milljónir, með veði í
húseign og fyrirtæki. Í febrúar 2001
afhenti hann síðan konu þrjú fölsuð
skuldabréf að andvirði 2,5 milljónir
króna til notkunar í viðskiptum en
þau og ofangreind skuldabréf falsaði
hann á eyðublöð frá Íslandsbanka.
Voru bréfin m.a. með veði í íbúð sem
Agnar W. átti í Reykjavík.
Dómari sagði að af þessu mætti
ráða að refsivist hefði takmörkuð
áhrif haft á hegðun Þórhalls og þótti
dómara tilraun Þórhalls til að svíkja
fé úr dánarbúi Agnars gefa til kynna
óvenjulega styrkan og einbeittan
brotavilja, svo og það að hann framdi
brot sín í refsivist á Litla-Hrauni. Var
það virt honum til refsiþyngingar og
brotin talin stórfelld. Þórhallur Ölver
var sýknaður af einum lið ákærunnar
en þar var hann sakaður um að hafa
sent Tryggingastofnun ríkisins þrjá
falsaða reikninga fyrir tannlækna-
þjónustu að upphæð tæplega 100.000
krónur. Auk fangelsisrefsingarinnar
var Þórhalli Ölver gert að greiða tvo
þriðju hluta sakarkostnaðar.
Dóminn kvað upp Guðjón St. Mar-
teinsson héraðsdómari.
ÁRNI Þór Vigfússon, sem ákærður
er fyrir að hylma yfir fjárdrátt aðal-
gjaldkera Landssíma Íslands, neitaði
sök í fyrirtöku málsins í Héraðsdómi
Reykjavíkur í gær. Ákæruvaldið lagði
fram frekari gögn í málinu sem afhent
voru verjendum hinna ákærðu, m.a.
úrskurð um gjaldþrotaskipti og vitna-
lista með nöfnum níu vitna sem kölluð
verða af ákæruvaldinu í aðalmeðferð
sem fer fram í byrjun júní, að öllum
líkindum dagana 2. og 3. júní.
Verjendur geta lagt fram gögn í
málinu 30. apríl, þegar málið verður
næst tekið fyrir.
Tilkynnt var að fjölskipaður emb-
ættisdómur mun dæma í málinu, en
hann hefur ekki verið skipaður enn.
Árni Þór
Vigfússon
neitaði sök
VEL á annað hundrað blaðamenn
mættu á pressuball Blaðamanna-
félags Íslands á Hótel Borg og fylgd-
ust með verðlaunaafhendingu fyrir
rannsóknarblaðamennsku ársins,
bestu umfjöllunina og svo blaða-
mennsku ársins. Veitt voru verðlaun
í þremur flokkum fyrir rannsóknar-
blaðamennsku ársins, bestu umfjöll-
unina og svo blaðamannaverðlaun
ársins sem Agnes Bragadóttir hlaut.
Um greinaflokk Agnesar sagði
dómnefndin að hann væri í raun ein-
stakt afrek og þegar til viðbótar hafi
komið að Agnes hafi verið annar
tveggja meginhöfunda annars stórs
blaðamáls, þ.e. umfjöllun Morgun-
blaðsins á skattamálum Jóns Ólafs-
sonar, hafi verið ljóst að verðlaunin
féllu henni í skaut.
Í þakkarræðu Agnesar, sem Sunna
dóttir hennar flutti, sagði hún að sér
væri mikill heiður sýndur með verð-
laununum en að hún ætti hann ekki
ein skilinn þar sem ritstjórar og
starfsmenn á Morgunblaðinu hefðu
sýnt sér mikinn stuðning og hjálpað
til við að gera greinaflokkinn að
veruleika.
Í rökstuðningi dómnefndar vegna
verðlauna fyrir rannsóknarblaða-
mennsku árins, sem féllu Brynhildi
Ólafsdóttur á Stöð 2 í skaut, sagði að
fréttir hennar um herstöðvarmálið
og fyrirhugaðan niðurskurð í varn-
arviðbúnaði á Keflavíkurflugvelli
hefðu varpað nýju ljósi á samskipti
íslenskra og bandarískra stjórn-
valda og dregið fram að málið hefði
verið á borði ríkisstjórnarinnar frá
því viku fyrir kosningarnar í maí.
Í rökstuðningi fyrir verðlaun fyrir
bestu umfjöllun ársins, sem Reynir
Traustason á Fréttablaðinu fékk,
sagði að fréttir Reynis, þar sem
greint hafi verið frá niðurstöðum úr
frumskýrslu Samkeppnisstofnunar
vegna rannsóknar á samráði olíufé-
laganna, hafi sett allt samfélagið á
annan endann. Reynir hafi ekki að-
eins sýnt útsjónarsemi við að komast
yfir upplýsingarnar heldur hafi
hann fylgt henni eftir með umfjöllun
sem undirstrikaði yfirsýn og skiln-
ing á því hversu víðtæk áhrif þetta
samráð hefði haft.
Á pressuballinu var fjórum blaða-
mönnum veitt heiðursmerki Blaða-
mannafélags Íslands, þeim Fríðu
Björnsdóttur, Jónasi Kristjánssyni,
Kára Jónassyni og Oddi Ólafssyni.
Morgunblaðið/Golli
Blaðamannaverðlaunin afhent. Frá vinstri: Reynir Traustason, Brynhildur Ólafsdóttir og Sunna og Sindri Viðars-
börn sem tóku við verðlaunum fyrir hönd móður sinnar, Agnesar Bragadóttur.
Verk blaðamanna verðlaunuð
DAVÍÐ Oddsson forsætisráðherra
kynnti á ríkisstjórnarfundi á þriðju-
dag frumvarp um eignarhald á fjöl-
miðlum. Hann vill ekkert fjalla um
efni frumvarpsins á meðan það er á
borði ríkisstjórnarinnar og finnst
lakara að einhver efnisatriði þess
hafi lekið í fjölmiðla. Það sé óvenju-
legt í þessari ríkisstjórn.
Spurður um meðferð frumvarps-
ins segir Davíð frumvörp oft vikur
eða mánuði í ríkisstjórn áður en þau
eru kynnt í þinginu. Eftir umræður
þar og samþykkt séu þau lögð fram
sem stjórnarfrumvörp.
Skýrslan til grundvallar
Skýrsla starfshóps menntamála-
ráðherra um eignarhald á fjölmiðl-
um liggi til grundvallar umræðunni
nú og sú skýrsla hafi verið lögð fram
á sama ríkisstjórnarfundi. Gagnrýni
á þessa málsmeðferð sé fráleit.
Forsætisráðherra segir að
skýrsla starfshópsins verði birt op-
inberlega þegar ríkisstjórnin sé bú-
in að fjalla um málið. „Við tökum
okkur ekki of langan tíma í það,“
segir hann.
Frumvarp
um fjöl-
miðla í
ríkisstjórn
ÞAÐ var sannkölluð hátíðar-
stemmning meðal þeirra 660 kepp-
enda sem mættir voru til Andrésar
Andar-leikanna á skíðum, er þeir
gengu fylktu liði frá KA-heimilinu
að Íþróttahöllinni, þar sem setning
leikanna fór fram í gærkvöld.
Greinilegt var að krakkarnir
hlakka mikið til að komast á skíðin
og etja kappi á Andrésar-leikunum
á ný næstu þrjá daga en eins og
fram hefur komið þurfti að aflýsa
leikunum í fyrra vegna snjóleysis.
Að þessu sinni eru aðstæður í
Hlíðarfjalli góðar, þótt vissulega
mætti vera þar meiri snjór, að sögn
Gísla Kristins Lórenzsonar, for-
manns undirbúningsnefndar, „en
það er allt orðið klárt í fjallinu“.
Keppt er í alpagreinum og göngu
og eru keppendur á aldrinum 6-13
ára. Í gær var gott veður á Ak-
ureyri, þar sem hitinn fór í rétt
rúmar 10 gráður yfir miðjan dag-
inn og gert er ráð fyrir svipuðu
veðri í dag. Samkvæmt veðurspánni
er svo útlit fyrir veðrið verði enn
betra á morgun, föstudag og á laug-
ardag og hitastigið þá gæti farið yf-
ir 15 stig. „Það stefnir í að það verði
einhverjir berir að ofan í fjallinu
næstu daga,“ sagði Gísli Kristinn.
Ljósmynd/Pedrómyndir
Fjölmenni við setningu
Andrésar Andar-leikanna
LAUN starfsmanna sem vinna á
Kárahnjúkasvæðinu hækka að með-
altali um 3,25%-5% en síðan fá þeir
sömu áfangahækkanir og Starfs-
greinasambandið samdi um í samn-
ingi sínum. Þetta er megindrætt-
irnir í nýjum virkjunarsamningi
milli Landsvirkjunar og Samtaka
atvinnulífsins vegna aðildarfélaga
og Alþýðusambandsins, Rafiðnaðar-
sambandsins, Starfsgreinasam-
bandsins og Samiðnar sem var und-
irritaður aðfaranótt miðvikudags-
ins.
Samningurinn gildir til áramót-
anna 2007 og 2008 og er með sömu
samningsforsendum og aðrir samn-
ingar sem hafa verið undirritaðir og
breytingar á lífeyrisgreiðslum og al-
mennar launahækkanir eru einnig
þær sömu og í öðrum samningum
sem gerðir hafa verið að undan-
förnu. Samningurinn nú er fram-
lenging á fyrri samningi en samn-
ingsaðilar voru sammála um að
vegna breyttra aðstæðna á raforku-
markaði, þ.e. aukinnar samkeppni í
framleiðslu raforku, væru ekki for-
sendur fyrir framlengingu þessa
samnings eftir að hann fellur úr
gildi.
Mörg atriði gerð skýrari
Í frétt á vef Samiðnar kemur
fram að samið hafi verið um nýja
launaflokka fyrir vélamenn og iðn-
aðarmenn og að þeir fái verulegar
launahækkanir. Á vef Rafiðnaðar-
sambandsins kemur fram að sam-
bandið hafi samið um lágmarkslaun
rafiðnaðarmanna og að nýjar skil-
greiningar séu á flokkum fyrir bíl-
stjóra og vinnuvélamenn og lág-
markslaunum lyft töluvert. Þá hafi
mörg atriði verið gerð mun skýrari
en áður vegna margskonar deilna á
virkjanasvæðum undanfarið. Samn-
ingurinn fer nú í kynningu á Kára-
hnjúkasvæðinu þegar hann hefur
verið þýddur á helstu tungumál sem
töluð eru á svæðinu og síðan í alls-
herjaratkvæðagreiðslu sem skal
vera lokið innan fjögurra vikna frá
undirskrift hans.
Nýr kjara-
samning-
ur á Kára-
hnjúka-
svæðinu