Morgunblaðið - 22.04.2004, Qupperneq 28

LISTIR
28 FIMMTUDAGUR 22. APRÍL 2004 MORGUNBLAÐIÐ
Í tilefni Viku bókarinnar efna Morgunblaðið og Vaka-Helgafell
til getraunaleiks. Frá þriðjudeginum 20. apríl til og með
mánudeginum 26. apríl birtist ein tilvitnun á dag úr verkum
Halldórs Laxness og spurt er úr hvaða verki viðkomandi til-
vitnun er.
Þátttakendur senda inn svörin sín í lok getraunarinnar.
Frestur til að senda inn lausnir er til 30. apríl.
Dregið verður úr öllum innsendum lausnum og munu 10
þátttakendur, sem svara öllu rétt, hljóta í verðlaun bókina
Perlur í skáldskap Laxness.
Þú getur kynnt þér Nóbelsverðlaunaskáldið Halldór Lax-
ness og verk hans á mbl.is undir Fólkinu. Þar er að finna
umfjöllun um skáldið, verk hans, umsagnir og margt fleira.
Sendu svörin til okkar. Utanáskriftin er:
Morgunblaðið
Getraunaleikur
- Halldór Laxness -
Kringlan 1,
103 Reykjavík
„Konan elskar ekki manninn,
heldur dýrið í manninum.“
GETRAUNALEIKUR
- Halldór Laxness
3. tilvitnun:
Allt frá því að SesseljaHreindís Sigmundsdóttir,stofnandi Sólheima, stofn-aði Leikfélag Sólheima ár-
ið 1931 hefur sú hefð haldist að frum-
sýna alltaf nýja leiksýningu á
sumardaginn fyrsta. Í ár varð leikrit
Magnúsar Scheving, Latibær, við
tónlist Mána Svavarssonar fyrir val-
inu og verður það frumsýnt í Íþrótta-
leikhúsinu á Sólheimum í Grímsnesi í
dag kl. 14. Leikstjóri sýningarinnar
er Edda Björgvinsdóttir og er þetta í
annað sinn sem hún setur upp leik-
sýningu í fullri lengd með Leikfélagi
Sólheima, en vorið 2002 leikstýrði
hún Hárinu. Líkt og í Hárinu er leik-
arahópurinn nú afar fjölmennur, en í
Latabæ stíga hátt í fjörutíu manns á
svið. „Þetta er afar fjölbreyttur hóp-
ur, en Leikfélag Sólheima hefur þá
sérstöðu að hér starfa saman á jafn-
réttisgrundvelli fatlaðir og ófatlaðir,
fólk af ýmsu þjóðerni og börn jafnt
sem fullorðnir. Þannig er t.d. yngsti
þátttakandinn okkar ekki nema fjög-
urra ára og sá elsti á sjötugsaldri.“
Aðspurð segist Edda hafa haft það
að leiðarljósi að hver og einn í hópn-
um fengi að glíma við það sem hann
vildi. „Þannig völdu leikararnir sér
hlutverk og því eru fleiri en einn leik-
ari að glíma við hvert hlutverk, en
allir leikararnir í sama hlutverki eru
á sviðinu hverju sinni. Við erum t.d.
með fimm leikkonur í hlutverki Sollu
stirðu og þrjá Magga mjóslegna.
Með þessu móti verður til nokkurs
konar „alter-egó“ leikhús þar sem
persónan getur m.a. talað við sjálfa
sig sem kemur mjög vel út.“
Að sögn Eddu var það mikil fram-
sýni hjá Sesselju að stofna Leikfélag
Sólheima á sínum tíma. „Saga Sess-
elju er alveg einstök, enda var hún
merkiskona. Hún var fyrst Íslend-
inga til að læra umönnun fatlaðra, en
hún starfaði eftir kenningum Rudolfs
Steiners. Grunnurinn í þeirri hug-
myndafræði var að nota listræna
sköpun til að nálgast Guðsneistann í
þeim einstaklingum sem hér búa.
Sesselja veitti því sínum fóst-
urbörnum, eins og hún kallaði þau,
gríðarlega menningarlegt uppeldi.
Lesnar voru fyrir þau klassískar
bókmenntir, þau lærðu öll á hljóð-
færi, auk þess sem þau sungu öll og
léku. Þetta er uppeldið sem ég myndi
vilja sjá í íslenska skólakerfinu, því
þá værum við að skila af okkur betri
einstaklingum en við gerum í dag.“
Fullt út úr dyrum
Á morgun verður jafnframt opnað
kaffihúsið Græna kannan á Sól-
heimum sem verður opið alla daga í
sumar. Síðustu tvö sumur hefur
Edda séð um sumarleikhús Leik-
félags Sólheima sem sýnt hefur á
Grænu könnunni allar helgar yfir
sumartímann. „Fólk getur komið
hingað og eytt deginum hjá okkur.
Það getur þannig farið á kaffihúsið,
labbað um svæðið og skoðað auk þess
að sjá leiksýningu. Síðustu sumur
höfum við sýnt kabarettsýningar á
Grænu könnunni þar sem við sýnd-
um m.a. brot úr Hárinu og nú í sum-
ar munum við auðvitað líka sýna brot
úr Latabæ. Auk þess höfum við sýnt
stuttan leikþátt er nefnist Í meðbyr
og mótbyr og fjallar um ævi og störf
Sesselju, sem ég skrifaði upp úr bók
Jónínu Michaelsdóttur um Sesselju.
Leikþáttur þessi var frumsýndur
sumarið sem Sesselja hefði orðið
hundrað ára, þ.e. 5. júlí 2002, og einn-
ig sýndur síðasta sumar. Í ár verður
þátturinn sýndur helgina 3. og 4.
júlí.“
Að sögn Eddu hafa sýningar Leik-
félags Sólheima notið gífurlegra vin-
sælda á síðustu árum. „Þannig var
t.d. troðuppselt á Hárinu og við urð-
um að bæta við aukasýningum. Að-
sóknin á sýningar sumarleikhússins
á Grænu könnunni hefur líka verið
afskaplega góð og í raun verið fullt út
úr dyrum allar helgar sumarsins.
Sökum þess að sumarleikhúsið fer í
gang fyrstu helgina í júní verður
Latibær aðeins sýndur í apríl og maí.
Við hvetjum auðvitað alla til að koma
með börnin sín og upplifa svona sér-
staka útgáfu af Latabæ sem velflest
börn á landinu þekkja, því það er
hreinlega lífsreynsla að koma hingað
og upplifa leiksýningu.“
Hér vildi ég fá að eiga heima
Þar sem Latibær er annað stóra
verkefni Eddu með Leikfélagi Sól-
heima á þremur árum og hún hefur
auk þess haft umsjón með sumarleik-
húsi leikfélagsins frá upphafi liggur
beint við að spyrja hvað það sé við
Sólheima sem togi hana til sín. „Það
segja allir sem keyra hingað niður í
dalverpið að það er líkt og galdur.
Þetta er eins og að ganga inn í lygi-
lega fallegt póstkort. Þegar ég kom
hingað fyrst fann ég strax að hér
vildi ég fá að eiga heima í einhvern
tíma og fá að vera partur af þessu
sérstaka samfélagi. Mér finnst það
stórkostleg forréttindi að fá að vinna
með íbúum Sólheima, bæði þessum
stóra hóp af fötluðu fólki sem og
starfsfólkinu, skiptinemunum og
sjálfboðaliðunum sem hér starfa.
Hvað leikstjórnarvinnuna varðar þá
finnst mér frábært að verða vitni að
þeim stórstígu framförum sem verða
hjá hverjum og einum. Þær framfar-
ir eru að stórum hluta afrakstur þess
hve fjölbreytt leiklistarstarf þeirra
er, bæði hvað verkefna- og leik-
stjóraval varðar. En á þeim 73 árum
sem Leikfélag Sólheima hefur starf-
að hafa leikstjórar hópsins skipt tug-
um, enda þykir afar eftirsóknarvert
að vinna með þessum einstaka leik-
hóp.“
Þess má geta að búningar og leik-
myndin í Latabæ er samvinnuverk-
efni félaga leikfélagsins, en Gunnar
Sigurðsson og Skúli Gautason sáu
um hönnun lýsingar. Næstu sýn-
ingar á Latabæ eru laugardaginn 24.
apríl, laugardaginn 1. maí og upp-
stigningardag. Allar nánari upplýs-
ingar um sýningar er að finna á vef
Sólheima á slóðinni: solheimar.is.
Hægt er að panta miða í aðalnúmer
Sólheima 480 4400 eða með því að
senda póst á netfangið:
anna@solheimar.is.
Blómlegt leiklistarstarf á Sólheimum
Morgunblaðið/RAXHátt í fjörutíu manns stíga á svið í Íþróttaleikhúsinu á Sólheimum í dag þegar Latibær verður frumsýndur.
Pósturinn (Kristján Már Ólafsson) færir bæjarstjóra Latabæjar mjög af-
drifaríkt bréf (Sveinbjörn Pétursson og Halldór Hartmannsson).
Hákon Fannar Kristjánsson og Ármann Eggertsson fara með hlutverk
Sigga sæta sem veit ekkert betra en að háma í sig sælgæti.
silja@mbl.is
Leikfélag Sólheima
frumsýnir leikritið
Latabæ eftir Magnús
Scheving í Íþróttaleik-
húsinu á Sólheimum í
dag, sumardaginn
fyrsta, kl. 14. Silja
Björk Huldudóttir
ræddi við Eddu
Björgvinsdóttur sem
leikstýrir hópnum.