Pressan - 30.01.1992, Blaðsíða 38
EINKUNNA BÆKU
RÁÐHERRA NNA¥
Þjóðin hefur ekki mikið álit
á ráðherrunum sínum. Sam-
kvæmt niðurstöðum skoð-
anakönnunar sem Skáís
gerði fyrir PRESSUNA um
síðustu helgi fá sex þeirra fall-
einkunn hjá þjóðinni. Aðeins
fjórir ná prófi. Og enginn
þeirra með bestu einkunn.
Jóhanna Sigurðardóttir
þykir hafa staðið sig langbest
ráðherranna. Halldór Blön-
dal og Sighvatur Björgvins-
son fengu hins vegar verstu
útreiðina.
En lítum nánar í einkunna-
bækur ráðherranna.
í könnuninni voru þátttak-
endur beðnir að gefa hverj-
um ráðherra einkunn fyrir
frammistöðu sína í embætti
síðustu átta mánuðina — eða
frá því ríkisstjórn Davíðs
Oddssonar tók við 1. maí á
fyrra ári. I úrtakinu voru 600
manns og náðist í 573. Þeir
voru allir tilbúnir að gefa ráð-
herrunum einkunn. Enginn
neitaði að svara og enginn
var í vafa um hvaða einkunn
hver ráðherra ætti skilið. Það
var eins og fólk hefði beðið
eftir því að fá tækifæri til að
setjast í sæti prófdómara og
meta frammistöðu ráðherr-
anna.
HEILÖG JÓHANNA DÚX
SIGURÐARDÓTTIR
Ef meðaleinkunnir ráð-
herranna eru skoðaðar sést
að þær eru ekki háar, frá 3,9
og upp í 5,9. Enginn kemst
nærri hæstu einkunn. Og að-
eins fjórir ná upp á milli
bekkja. Hinir sex yrðu að
sitja eftir, að mati þátttak-
enda í könnuninni.
Hæstu meðaleinkunn fékk
Jóhanna Sigurðardóttir fé-
lagsmálaráðherra. Hún dúx-
aði með 5,9 í meðaleinkunn
og var nokkru yfir næsta ráð-
herra; Þorsteini Pálssyni,
sjávarútvegsráðherra og fyrr-
um formanni Sjálfstæðis-
flokksins. Næstir komu tveir
jafnir; Friðrik Sophusson fjár-
málaráðherra og Jón Sigurðs-
son viðskipta- og iðnaðarráð-
herra, með 5,1. Þeir rétt
skriðu milli bekkja.
Það voru því aðeins tveir
ráðherrar úr hvorum flokki
sem náðu. Allir hinir féllu.
HALLDÓR OG
SIGHVATUR FÚXUÐU
Hæst var fallið hjá Halldóri
Blöndal samgöngu- og land-
búnaðarráðherra. Hann fékk
aðeins 3,9 í einkunn. Með
slíka einkunn er hæpið að
það borgi sig fyrir Halldór að
reyna aftur við bekkinn.
Sighvatur Björgvinsson
heilbrigðisráðherra ætti
einnig að velta fyrir sér hvort
það taki því að reyna aftur, en
hann fékk 4,0 í einkunn, rétt
aðeins örlitlu hærri einkunn
en fúxinn Halldór.
Þriðji lægstur varð Ólafur
G. Einarsson menntamála-
ráðherra. Hann fékk 4,4 í
meðaleinkunn. Rétt fyrir of-
an hann var Jón Baldvin
Hannibalsson, utanríkisráð-
herra og formaður Alþýðu-
flokks, með 4,5 í meðalein-
kunn.
Næstir fyrir ofan Jón Bald-
vin voru þeir félagarnir Dav-
tð Oddsson, forsætisráðherra
og formaður Sjálfstæðis-
flokks, og Eiður Guðnason
umhverfisráðherra. Þeir
fengu 4,8 í meðaleinkunn.
Þeir féllu en það var naumt
fall.
Samanlögð meðaleinkunn
ráðherrra Sjálfstæðisflokks-
ins var 4,7. Ráðherrar Al-
þýðuflokksins náðu örlitlu
betri árangri eða 4,86 í með-
aleinkunn.
FLESTIR ROSALEGA
ÁNÆGÐIR MEÐ
JÓHÖNNU OG DAVÍÐ
En kannski segir meðalein-
kunnin ekki allt. Kannski hef-
ur einhver ráðherranna náð
góðum árangri með því að
gera ekki neitt; þannig að
fólki finnist hann hvorki eiga
hrós né skammir skilið.
Athugum hverjir fengu oft-
ast hæstu einkunn frá próf-
dómurunum.
Jóhanna Sigurðardóttir
dúxaði þar eins og í meðal-
einkunnunum. 46 prósent
þátttakenda gáfu henni sjö
eða meira í einkunn. Þar af
gáfu 15 prósent henni níu eða
tíu.
Næstur kemur Davíð Odds-
son, sem þurfti eftir sem áður
að þola fall vegna slæmrar
meðaleinkunnar. Af próf-
dómurunum gáfu 38 prósent
honum hærri einkunn en sjö.
15 prósent gáfu Davíð níu
eða tíu eða jafnstór hópur og
veitti Jóhönnu allra hæstu
einkunn. Davíð getur sjálf-
sagt vel við unað. Það er
sama hvernig niðurstöðum
prófanna er snúið og velt;