Morgunblaðið - 28.04.2004, Síða 6
FRÉTTIR
6 MIÐVIKUDAGUR 28. APRÍL 2004 MORGUNBLAÐIÐ
MARKÚS Örn Antonsson útvarps-
stjóri segir að vissulega sé kominn
tími til að stjórnvöld grípi í taumana
vegna þróunar á
fjölmiðlamarkaði,
og þótt fyrr hefði
verið. „En jafn-
framt skal haft í
huga að íslenskur
fjölmiðlamarkað-
ur er lítill og það
þarf fjársterka
aðila til að reka
fjölmiðla af ein-
hverju viti. Þeir
verða heldur aldrei mjög margir.
Reglur um eignarhald þurfa að mót-
ast af raunsæi á þessar aðstæður og
jafnframt vera gegnsæjar með
tryggingu fyrir nægilegri eftir-
fylgni, þannig að auðmenn, sem
hugsanlega ætla að kaupa sér völd
og áhrif í þjóðfélaginu með misnotk-
un fjölmiðla sinna, leiki sér ekki að
því að fara í kringum lagaákvæðin,
einfaldlega með því að skipta um
nafn og númer. Þá er verr af stað
farið en heima setið.“
Útvarpsstjóri segir að hvergi hafi
verið jafnmikill losarabragur á veit-
ingu leyfa til útvarps- og sjónvarps-
rekstrar og einmitt hér á landi.
Reglur um útvarpsrekstur hafi ver-
ið settar á grundvelli evrópskra
reglna en aðhaldið eða eftirlitið með
því að útvarpslögum og reglugerð-
um hér á landi sé fylgt hafi verið
mjög bágborið. Útvarpsleyfi hafi í
raun getað gengið kaupum og sölum
og safnast á hendur fárra aðila, og
þó aðallega Norðurljósa eins og
dæmin sanni. Þar hafi stefnan verið
að kaupa upp alla hugsanlega keppi-
nauta.
„Stjórnvöld hafa haft alla mögu-
leika á því að grípa í taumana á fyrri
stigum og koma í veg fyrir þessa öf-
ugþróun með því að hafa eitthvert
frumkvæði að því að fylgja eftir
reglum um auglýsingar og dag-
skrá,“ segir Markús Örn. „Yfirvöld
fjarskiptamála hafa afgreitt úthlut-
un á tíðnisviðum í ljósvakanum nán-
ast á færibandi, telja sér það skylt
vegna þess að lagaramminn sé svo
víður.“
Ljósvakinn almannaeign
Rekstur útvarps og sjónvarps er
háður úthlutun rekstrarleyfa, ólíkt
blaðaútgáfu, vegna þess að litið er á
ljósvakann sem almannaeign, segir
Markús Örn. Tíðinisvið séu tak-
mörkuð hlunnindi sem stjórnvöld
hafi mismunandi aðferðir við að út-
hluta fyrirtækjum afnotaréttinn af
tímabundið. „Af því að ljósvakinn er
almannaeign er yfirleitt gerð krafa
um óhlutdrægni í fréttum og að
fréttatengt efni sé ekki mengað ein-
hliða áróðri eða beinum auglýsing-
um eða vörukynningum í þáttum.“
Stjórnvöld áttu að grípa í taumana fyrr, segir útvarpsstjóri
Reglur verða að tryggja að
auðmenn kaupi sér ekki völd
Markús Örn
Antonsson
FYRSTI risaborinn af þremur sem notaðir verða til að
bora aðrennslisgöng Kárahnjúkavirkjunar er byrjaður
að vinna sitt verk í svonefndum aðgöngum 3 í Glúms-
staðadal.
Var hann ræstur sl. laugardag og boraði eina færu,
sem svo er kölluð, til reynslu. Ein færa er 1,8 metrar.
Bormenn hófust svo handa á ný á mánudaginn og
héldu áfram að bora. Skv. upplýsingum um gang
verksins, sem birtar eru á vefsíðu Kárahnjúkavirkj-
unar, eru nú þrjár færur að baki eða alls 5,4 metrar.
Alls verða notaðir þrír sams konar risaborar til að heil-
bora um 50 kílómetra af aðrennslisgöngunum og eiga
afköstin að vera a.m.k. 24 metrar á sólarhring.
Bor 3 kom til landsins fyrir jól, verið er að setja sam-
an bor 2 við aðgöng 2 við Axará en bor 1 kemur síðastur
til landsins og verður hann settur saman við aðgöng 1 á
Teigsbjargi. Hér er um mikil og verðmæt tæki að ræða
en hver bor kostar sem svarar 1,2 milljörðum króna.
Morgunblaðið/Sigurður Aðalsteins
Borinn er kominn í gang. Borkrónan er risastór eins og sjá má í samanburði við manninn á myndinni.
Fyrsti risaborinn kominn í gang
DAVÍÐ Þór Björgvinsson, pró-
fessor við lagadeild Háskólans í
Reykjavík og formaður nefnd-
ar menntamála-
ráðherra um
eignarhald á fjöl-
miðlum, lítur svo
á að fjölmiðla-
frumvarp ríkis-
stjórnarinnar
rúmist innan
þeirra tillagna og
hugmynda sem
nefndin setur
fram í skýrslu sinni.
„Við lögðum til að ef menn
vildu finna leið til þess að brjóta
upp aðstæður á markaðinum
eins og þær eru núna, þá væri
leyfisveitingaleiðin besta leiðin,
vegna þess að hún hefði í för
með sér fæst vandamál frá
stjórnskipulegu sjónarmiði.
Með því að láta leyfin bara
renna út yrðu menn smátt og
smátt að laga sig að nýjum að-
stæðum,“ segir hann.
Davíð Þór Björgvinsson
lagaprófessor
Frumvarpið
samræmist
tillögum fjöl-
miðlanefndar
Davíð Þór
Björgvinsson
DAVÍÐ Þór Björgvinsson,
lagaprófessor við Háskólann í
Reykjavík, segir að fullyrðing
Andrésar Magnússonar blaða-
manns í Kastljósi í fyrrakvöld
um að Baugur hafi rift styrkt-
arsamningi við Háskólann í
Reykjavík hafi verið byggðar á
heimildum frá sér.
„Fullyrðingar Andrésar
Magnússonar í Kastljósi voru
byggðar á heimildum frá mér.
Hins vegar erum við sammála
um það í Háskólanum í Reykja-
vík að það þjóni ekki hagsmun-
um skólans að ræða þetta mál
frekar í fjölmiðlum,“ segir Dav-
íð Þór í samtali við Morgun-
blaðið.
„Fullyrðing
Andrésar
byggð á heim-
ild frá mér“
STJÓRN Norðurljósa samþykkti á
fundi í gær að fela lögmönnum sín-
um að undirbúa málsókn á hendur
íslenska ríkinu
strax við gildis-
töku laga sem
byggjast á frum-
varpi um eignar-
hald á fjölmiðl-
um. Frumvarpið
feli í sér brot á
eignarréttar-,
tjáningarfrelsis-
og atvinnufrelsis-
ákvæðum stjórn-
arskrárinnar.
„Það er augljóst að þessu frum-
varpi er beint gegn þessu fyrir-
tæki,“ segir Skarphéðinn Berg
Steinarsson, stjórnarformaður
Norðurljósa, og það snerti engin
önnur félög í fjölmiðlarekstri á Ís-
landi. „Stjórninni ber skylda til að
gæta hagsmuna félagsins í því sam-
bandi. Það eru mjög miklir hags-
munir í húfi. Öll fjármögnun félags-
ins, hvort sem um er að ræða lán
eða eigið fé, er í uppnámi.“
Hann segir starfsöryggi starfs-
manna stefnt í hættu og jafnframt
hafi verið ákveðið á stjórnarfund-
inum að fresta eflingu innlendrar
dagskrárgerðar og fréttastofu, sem
var fyrirhuguð.
„Við ætlum okkur ekkert annað
en að fara að lögum hverju sinni,“
segir Skarphéðinn spurður um
hvort hægt sé að fara í kringum
ákvæði frumvarpsins um eignar-
hald.
Stjórn Norðurljósa sendi frá sér
ályktun í gærmorgun þar sem segir
að með samþykkt frumvarpsins
muni fótunum verða kippt undan
rekstri félagsins að verulegu leyti.
Það eigi sérstaklega við um rekstur
ljósvakamiðla Íslenska útvarps-
félagsins. Stór hluti lánasamninga
verði uppsegjanlegur við þessar
breytingar, sem hafi í för með sér
kostnaðarsamt óhagræði fyrir félag-
ið og lánveitendur.
Gengið á rétt smærri hluthafa
Stjórnin telur að með samþykkt
frumvarpsins gangi ríkisvaldið frek-
lega á réttindi smærri hlutahafa í fé-
laginu. Þeir eigi nú allt sitt undir að-
gerðum stærri hluthafa og farsælum
málalyktum þeirra við brotthvarf
frá þeim rekstri sem lögin munu
meina þeim að taka þátt í. „Allir
hluthafar félagsins tóku þátt í þeim
samruna sem varð og var það á
grundvelli þeirra laga og reglna sem
gilt hafa þar um. Nú eru þessir
smærri hluthafar í þeirri stöðu að
tapa hluta sinna verðmæta vegna
andúðar ríkisvaldsins á stærri hlut-
höfum félagsins.“
Stjórnarmenn Norðurljósa segj-
ast gera sér fulla grein fyrir því
ábyrgðarhlutverki sem felist í því að
reka fjölmiðla í réttarríki. Þeir sem
nýti sér þjónustu þeirra séu skyn-
samir og bregðist við ef reynt sé að
blekkja þá. Forsenda fyrir rekstri
fjölmiðla Norðurljósa sé opin og
fjölbreytt umfjöllun um það sem sé
að gerast í samfélaginu. „Stjórn
Norðurljósa mun leita allra leiða til
að tryggja áfram frjálsa og óháða
fjölmiðlun hér á landi,“ segir í álykt-
uninni.
Stjórnarformaður Norðurljósa segir reksturinn í uppnámi
Lögmönnum falið að undir-
búa málsókn á hendur ríkinu
Skarphéðinn
Berg Steinarsson
39.900kr.
SÓL
Portúgal
Tilbo›i› gildir einungis
ef bóka› er á netinu!
Örfá sæti laus í maí
Bóka›u strax á www.urvalutsyn.is
*
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
RV
2
44
81
04
/2
00
4
*Innifali›: Flug, flugvallarskattar, gisting, fer›ir til og frá
flugvelli erlendis og íslensk fararstjórn.
Club Albufeira í eina viku - 18. og 25. maí
á mann m.v. 2 fullor›na og 2 börn 2-11 ára í íbú› m. 2 svefnh.
44.900kr. *
Paraiso í eina viku - 18. og 25. maí
á mann m.v. 2 fullor›na í stúdíói.
ÓD†R
T